04/08/2012, 02:51 AM
|
زعيــم جديــد | | تاريخ التسجيل: 09/02/2011
مشاركات: 5
| |
بكل عقلانية أتقارنون مستوى الهلال اليوم بمستوى الشباب والأهلي ؟ + تحمسيكم لحضور مباراة الفتح السلام عليكم ورحمة الله وبركاته . الحمدلله على التعادل ، وقدّر الله وماشاء فعل . أعتقد أغلب جمهور الهلال بل كلهم ليسوا راضين على مستوى الهلال اليوم ويقارنونه بمستوى الشباب والأهلي بالأمس وبالنتيجة أيضاً أو نقولها بشكل أفضل خايفين من طنازة باقي الفرق وهذا المتوقع ، بكل عقلانية لاعبي الشباب لم يتغيروا حتى المدرب نفسه وحتى كامتشو عارف للدوري السعودي وتنقل بين أكثر من فريق يعني مايعتبر أجنبي غريب أو أول مرة يجي للسعودية ، نجي للأهلي برضو الأهلي نفس لاعبين الموسم اللي راح باستثناء لاعب واحد وهذا مايضر فاللاعبين عارفين لبعض وفيه تجانس بينهم .. الهلال اليوم لعب بأجنبيين ، 1 مصاب و 1 غير جاهز و 1 يحتاج لأكثر من مبارة للتأقلم ، ذهاب المدافع هوساوي ، مدرب جديد ، ذهاب مدير كرة القدم سامي ، كلها أسباب كانت كفيلة بجعل مستوى الهلال يظهر هكذا ، واللاعبين أيضاً ذكروا أنهم تفاجئوا بالرطوبة والحرارة الزاااااائدة والغبار مع أنه ليس عذر بالنسبة لي كنت متوقع وبشكل كبير هذا الأداء بما أنها أول مباراة وخارج أرضك والمدرب برضو أنصدم باللاعبين اللي شافهم بمستوى غير بالمعسكر وبالمباريات الودية يعني أحرجوه وخيبوا ظنه ، لكن عرف المشكلة وحاول يحلها بالشوط الثاني بتبديلاته .. وبعدين أستغرب من استصغاركم لفريق هجر ؟ ترى هجر يمتلك لاعبين ومدرب وماهم أقل مستوى من باقي الفرق وهذا لازم تعرفونه مافيه شيء أسمه فريق كبير وشيء أسمه فريق صغير ! سالم الدوسري نفسه منصدم من أدائه وقال أنا أعتذر وأدري إني ماقدمت زين وأعدكم إني بطلع بمستوى مغاير تماماً بمباراة الفتح ! المطلوب هنا وقفتكم مع الهلال والله ما ألوم الأهلي لا تغير مستواه وارتفع دام معه هالجمهور شوفوا من أول مباراة لهم كيف فلفلوا الملعب مع أن المباراة مع الشعلة اللي توه صاعد ولو مكانه الهلال كان ماشفنا إلا ألف مشجع حاضر فقط !! يعني لاتطالبون وأنتوا ماتسوون اللي عليكم مجرد قاعدين تحت هالمكيف وليش يافلان سويت كذا والله ياخذك ياعلان ماتعرف تلعب وإدارة خايسة ومدرب سباك ، إذا حضرت الملعب وقعدت 90 دقيقة وساندت اللاعبين وشجعتهم هنا لك حق تتكلم !! هذي مو غيرة على فريقك أو طريقة تظهر بها عتبك إن المستوى مو عاجبك ، يعني مابي أحضر لأن المستوى شين وخلهم يحسون ، الأهلي لهم سنين ومستواهم شييين وجمهورهم ساندهم ووقف معهم وحاولوا يرجعون لمستواهم لعيون جمهورهم لأنهم عارفين إن وراهم أحد يدعمهم واقف معهم . الدرة بالأزرق راح تغرق بمباراتنا مع الفتح قولوا إن شاء الله ؟ وعلى فكرة الفتح الآن موب سهل وتطور مستواه وشفناه كيف أحرج النصر وأنا أول الحاضرين *ضربت مثال بالأهلي وجمهوره لأنهم هم الأقرب تعرفون أحد يغير لي اسم اليوزر ؟ اسم بنت
|