|
|| اسباب الخسارة + ماهو سبب عودة الهلال للمباراة من جديد + تركي الهديب ادخل هنا رجاء + التفاعل الجماهيري لايوجد ابدا || لكل هلالي بسم لله الرحمن الرحيم السلام عليكم ورحمه الله وبركاته ! اخباركم اعضاء شبكه الزعيم !؟ :ba1: ــــــــــــــــــــــــــــــــــــــ بصصراحه مادري وش اقول مبروك او هاردلك او ماذا !؟ لكن بهذا المستوى فسوف اقول مبروووك على هالنتيجه ! للاسف فريق سيء جدا فاز على المان ستي بطريق الصدفه بالمباراة الوديه وكان فريق الستي فاتح الملعب لان جميع الفرق الصغيرة المستوى تغطي الملعب دفاعا اما الكبيرة فما بين الهجوم والدفاع طيب بالدوري السعودي فيه اكثر من 7 فرق صغيرة المستوى وتلعب مثل لعب هجر وهو الطريقه التي لاتنجح مع تكتيك المدرب الفرنسي او مع طريقه الهلال الجديدة وقد يخسر او يتعادل ! اسباب الخسارة بجديه تامه : 1/ المدرب لم يحقق الا بطوله واحده على طول سنينه التدريبه وجميعها خسارة فكيف ينجح مع الهلال وهو مانجح الا ببطوله واحده فقط طوال مشواره التدريبي 2/ الاعب عبد القادر سيء جدا وجاء هالاعب عن طريق الخدعه واقسم بالله كنت متخوف من مستواه وصارت الاخطاء منه جميعا ومايعرف كيف يغطي لو يلعبون لاعب سعودي بيطلع افضل منه 100 الف مرة 3/ الاعب عادل هرماش مو قد مستوى الهلال ابدا هالاعب من العام مايقدم الا مباراة واحده وخمس مباريات مايلعب زين وكانه ليس موجود بالتشكيله مثل اليوم لااحد يجي ويقول لمساته جميله احنا نبي افضل من رادوي وليس ادنى منه بالمستوى 4/ عدم مشاركه الاعب البرازيلي لوبيز قد يكون سبب رئيسي في الهزيمه [ التعادل ] 5/ الاعب ياسر القحطاني ليس هو الطموح الي نبيه في اسيا ياسر من زمان مستواه طايح هو يعرف يلعب بس بطريقه 4ـــــــ 4 ـــــــــ 2 يعني بهاجمين اما مهاجم لحاله ماينفع وشفنا التغير بعد مادخل الحارثي كيف ياسر جات له الفرصه للتمرين او للتسديد او غيره . 6/ اكبر مشكله يعاني منها الهلال مافيه صانع لعب اجنبي او لاعب خط وسط يصنع للمهاجمين طبعا الكوري والبرازيلي هجوم عادل محور عبد القادر دفاع يعني تعتمد على من بصانع العب مع احترامي لكل صانع لعب سعودي بالهلال فلا يساعدهم الا وليهامسون سابقا . وبس تقريبا 6 اسباب هي سبب الهزيمه المستوى وللتذكير : الهلال جلب هدفين باخر الدقائق بسبب ضعف وانعدام اللياقه عند لاعبي هجر واداء الى التعادل الايجابي الي مانطمح اليه ! وبعد كلمه خلوها في راسكم زين ولاتنسونها المدرب الفرنسي بيروح مثل ماراح توماس دول الا بشرط يغير التكيك امام الفرق الصغيرة فقط لانها تلعب بدفاع وهالتكتيك ماينجح لانه يلعب بتكتيك اعطيني واعطيك الكرة ! وانا بعطيكم كلامي بعد مباراة الفتح بالمدرب هل بيكون جيد او لا ! بعيدا عن المباراة واجوائها بروح لجمهور الهلال احبائي جمهور الهلال بهذا الجمهور ورب البيت مانجيب اسيا وبعد نحلم فيها احنا نبي جمهور يملى المدرج اليوم غبار ومشيناها لكن ماسمع صوت الجماهير تشجع وبقول كيف حالك ياتركي الهديب لو ماتقدر تزبط المدرج ففيه اكثر من شخص يتكفل فيه مع احترامي لك من العام الماضي جمهور الهلال ماابدع الا في اخر مبارتين اسيويه فقط وهي مع الغرافه وبني ياس واتوقع سببها يعود للقائد الرابطه ابراهيم حقوي ياستاذ تركي الهديب يرحم والديك نبي رابطه وتشجيع بطريقه اوربيه تكفى طلبتك وابيك تكتب موضوع نشوف وش قصه عدم التفاعل والتشجيع نبي رفع شعارات نبي نشيد نبي اشياء كثيييرة يرحم والديك . اخواني اخواتي جمهور الهلال بالامس كنا نستهزي بالنصر والاتحاد واليوم هاهنا عادت المصيبه بنا وهي اننا نخاف من الفرق الصغيره ونهاب منها ! اخواني جمهور الرياض بكلمه بسيطه نبيها فل يوم الثلاثاء مو للدوري نبيها لكاس اسيا الي نحلم فيه من زمان ! اشكر كل من قراء هالموضوع وكل الشكر لكل من يرد وانا ابي الاخ تركي الهديب يبرر لنا اسباب المدرج الهلالي وانعدامه من التشجيع والحماس وابي كل عضو يرد مايقول انت وانت مثل دول والله كتبت اول مباراة له انه فاشل وانا باقي ماحكمت على هالمدرب وبحكم عليه بعد مباراة الفتح اخواني اخواتي اول مباراة احكم على تكتيك المدرب وليسس بالاعبين يعني مانبي نعطيه 10 مباريات او اكثر مثل توماس دول حتى وصلنا معاه للمبارة 7 تقريبا وفيه ناس يقولون نعطيه فرصه مادري وش يحس فيه الي يقول هالكلام نبي نحكم عليه بعد مباراة الفتح والاهم حضور هالجمهور والتفاعل والسلام خخير ختام . كتب الموضوع : احبك يالهلال [ محمد العتيبي ] ياليت الي ينقل المصدر واسم العضو فقط وبالتوفيق لكم جميعا واتمنى اني ماطولت عليكم بالموضوع وشكرا لكم ! :ba1: :rose: |
ياااااااااااااخي انت وش تففهم وربي مافراااااااااسك كوووووووووووورة مانغان تووه جاي من فررررررررررنسسا يعنننننننني اكييد مو متعود ع الجو تخيل انت تكون عايش في فرنسسا تجي السعودية ويصاادف اول يووووووم غبار وشششششش بتسسسسسسسسسسوي شووف مانغاااااااان المبااااااااراة القاااااااااادمة صدقققني راااااااااااح يببببدع |
انا معك في النقطة رقم 6 فقط ... اما بقية النقاط فانا ضدك تماماااااا |
يا ناس لا تستعجلون وياسر وش تبيه يسوي مهاجم ما جته الا كوووره وحده. ومضايق من ثلاث مدافعين |
ي هووووو ؟.؟ الفريق ماسك المباراه كلها من اول دقيقه لاخر دقيقه وباين ان في لمسات وتفاهم بين اللاعبين بس الفريق الي قدامك كله دفاع استغلو فرصتين جت بوقت سريع .. ان شاء الله الفريق مع كم مباراه راح يتماسك اكثر |
مشككككور والله يعافيكك وان شاء الله يكون مباراة الجايه افضل عن سااابق ... |
استغفر اللهـ العضيمممممممم حطيت المدرب فاشل ومانجججان فاشل والفرييييق فاشل ي حبيبي اول مباراة هالموسسسم وماتسسوى كل هالنقققد غبآر + حراره+ تكتل دفاعي+ تحكيم سيئ اضافة الا غياب محترفين واضافة الآ انه لابد من الصبرر 4الآ5 جولات بالدوري للمعلومييييه ويلهامسسون اول موسسم له مع الهلال فااشلل والكل يذككككككر لاحد يجي من اول مباراة ويسسسب اي لاعب ارحححححححححمونآإإآ |
راح أرد عليك في أكثر من نقطه : 1-مهما كان مستوى المدرب ان تقيمه الآن هذا يعني انك في وادي والكره في وادي 2-مهما كان مستوى مانغان ان تقيمه الآن هذا يعني انك في وادي والكره في وادي 3-انا كنت في الملعب وأشاهد المباراه أفضل منك وأسوء لاعبين الهلال كانوا الزوري (ضيع كور كثير في الشوط الاول) والبيشي اللي ما قدم اي دعم هجومي وتسبب في احد الاهداف والفريدي البارد 4-بالنسبه للجمهور انا كنت جمب الرابطه (تماما) والتفاعل كان غير طبيعي, اتصلت على واحد في البيت وقال ما اسمع الجمهور ابد, واضح جدا عدم وجود اي مكبرات صوت حول الملعب وهذا ما لحظناه والا لو كنت في الدرجه الاولى اقسم بالله انك ترقص مع تفاعل الجمهور وأولهم الأطفال, الصغار كانوا متفاعلين قبل الكبار وشكرا |
يا ناس لا تستعجلون ؟؟؟؟؟؟؟؟؟؟؟؟؟؟؟؟ |
اقول لك يالطيب ... وبحق هذا الشهر الكريم تكرم علينا ولاتعطينا لا تعليق ولا راي ... ولاشي بس شوف ملخص المباراة فقط لاغير. |
حبيبي انا اليوم انا في الملعب الرابطة مادخلت الة في الدقيقة 21 من الشوط الاول الجو ذبحنا كاجمهور وانتظر الهلال في مبارة الفتح |
إقتباس:
كورة انا كنت في شبكه الموج الازرق ووصلت مشاركاتي الى 12000الف مشاركه وماقلت شي ومانافخت بالله اول ماجاء رادوي من اوروبا سوا مثله اول ماجاء وليهامسون سوا مثله حبيبي هالاعب مقلب قوي اوك احنا نشوف مع الوقت ياانا ويانت ! إقتباس:
اوك يعافيك ربي يعجبني في ردك انك ماغلطت علي إقتباس:
الفارق ياخي اقراء الموضوع لاتجي تسوي انك فاهم علي |
إقتباس:
الهلال مع توماس دول كان ماسك المباراة كامله ومع هاسيك كان ماسك المباراة كامله لكن ماشوف هجمات يعني نفس المشكله هجمات الشوط الاول بس ثلاث هجمات هل هذا تسميه ضاغط على الخصم بس لعب الهلال استحواذ على الكرة فقط طيب لاتنسى اغلب الفرق بالدوري تلعب دفاع يعني نخسر مثلا ! إقتباس:
ووقد يكون اقوى من الاتحاد ! إقتباس:
اصبر انت لكن انا ماصبر وانا ماحكمت على المدرب والفريق وقلت الحكم بعد مباراة الفتح بيكون كل شي واضح اما الاعب عبد القادر فاللاسف الجميع كان خايف من مستواه وخرج في مستوى سيء للغايه ! ارحمونا !! ليش معذبكم انا !! |
إقتباس:
حبيبي انا المدرب توماس دول من اول مبارتين قلت فاشل وكتبت موضوع بالمنتدى نفس الشيء لهاسيك قلت فاشل وطلع نفس الشيء يعني هذي كلها صدف مثلا الله اعلم من الي يقول اصبروا على المدرب 10 جولات او 15 جوله وبعدها مافيه لادوري ولا كاس علشان هالانتظار على المدرب او الاعب الاجنبي بخصوص التفاعل الجماهيري وش بشر باقي ياهلال عزك عزنا هههههههههه بجد لنا اربع سنوات وين حقوي بس مع بني ياس اهازيج جديدة حتى ماحد حفظها بعد وين النشيد وبعد وين اللوحات الي يرفعها الجمهور او الشعارات ..!؟ إقتباس:
انت حاط بعد نهايه الكلام استفاهم المفروض نقطه ولا وش لايكون غيروا المناهج والدراسه . إقتباس:
شايف المباراة كامله ممكن انت شايف التعاون والفيصلي ض1 وترا يوم الاربعاء الجاي بنزل موضوع لو صح لاتنقز على موضوعي . إقتباس:
احس بقهر الناس غيرت هالمودم القديم من الاهازيج . الف شكر لتواجدك |
الف شكر على تواجد الجميع حتى لو مارديت فيه زين والاهم نفيد هلالنا واتمنى الردود ماتكون قاسيه جدا . |
| الوقت المعتمد في المنتدى بتوقيت جرينتش +3.
الوقت الان » 03:14 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd