... رسالة فهد الروقي لكم !!.. منتدانا واجهة إعلامية رسمية !! - نادي الهلال السعودي - شبكة الزعيم

y..20 · #1 04/08/2012, 01:50 AM

بسم الله الرحمن الرحيم

قدَّر الله وماشاء فعل " تعادل أفضل من الخسسسارة "

الحكم مبكر يا زعماااء على الفريق "

المطالبة بإستقالة الإدارة " المدافع فاشل " المدرب مو قد الطموح "

يا جماااعة الخير صلو ع النبي كلام ما يدخل العقل "

كنتوا تمجدونهم قبل بداية المباراة والآن أصبحوا فاشلين لا واللي يطالب الإدارة بالإستقالة العاجلة !!

والله مو معقول اللي يصير بالمنتدى إنتم نسيتوا إن هذه الشبكة الرسمية للفريق !!

نسيتم إن الإداريين واللاعبين يتابعون ما يطرح بالمنتدى !!

يا زعماااء الشبكة هذه واجهة هلالية للإعلام الرياضي !!

من هنا يجس نبض الجمهور الهلالي من هنا تناقش أمور البيت الهلالي من هنا تفتعفل القضايا ضد الهلال ولاعبينه من هنا يؤخذ كل ما يخص البيت الهلالي !!

إذا حنا جمهور الهلال ما ساندنا ووقفنا مع الإدارة واللاعبين والمدرب مين اللي بيوقف معهم !!

يا جماعة المدرب والإدارة جلبوا الموسم الماضي الكوري والآن البرازيلي كمهاجمين وذلك بسبب ضعف الهجوم الهلالي في الآونة الأخيره " والآن يغيبون عن أول مباراة وهم مطلب وجودهم وبذلك بدون شك بيتأثر الهجوم والدليل افتقاد الفريق للمسة الأخيره والجميع شاهد ذلك !!

نحن في بداية الطريق وما خسرنا شيء بالعكس التعثر ( بالظروف ) في البداية حتى يتسنا لنا تعديلها في قادم الجولات "

مقالة أخيرة كتبها كاتبنا الكبير فهد الروقي ووجه فيها رسالة كان يقصد بها جمهور الزعيم يتكلم فيها عن الإنتقاد لمجرد النقد لا للبناء ولا للتصحيح !!

صار الواحد فينا مواضيعه أكثر من ردوده إذا إنك بتزود مشاركاتك يآخي ادخل رد على كل المواضيع واكتب ( يعطيگ العافية ع الطرح ) وانتهينا أحسن من الفوضى اللي تسويها بالمنتدى "

لا عبدالرحمن بن مساعد سلم منكم ولا سامي ولا كومبواريه ولا ياسر ولا الكوري ولا عبدالكريم الجاسر ولا الفريدي ولا هرماش ولا العتيبي ولا المرشدي ولا الزوري ولا الامير بندر بن محمد ولا ولا ولا ولا ..مين بقى ؟!

لو حصل وياسر ما سجل هدف التعادل اليوم " وش كان بيصير بالمنتدى وش ردة الفعل ؟!
سخط وسب وتشكيك حتى يظن الجاهل إن ياسر أسوأ من أنجبته الكرة السعودية !!

انتقدوا معكم أنا بس خلوا النقد يكون بنَّاء هادف للتصحيح لتعديل الأغلاط موب كذا كل من هب ودب كتب وانتقد !!

الحل بيد بندر بن ثامر ومشرفين الشبكة للحد من اللي يصير بالشبكة وبالتحديد بمنتدى الجمهور الهلالي !!

أرجوكم يا مشرفين تشوفون لنا حل المنتدى ما عاد ينطاق من المواضيع اللي فيه
أرجوكم جمهور وأعضاء المنتدى تعاونوا مع الفريق ومع مشرفين الشبكة !!

الفريق ببداية الطريق بإنتظار عودة الكوري ومشاركة البرازيلي بإنتظار إكتمال الصفوف أعطوا اللاعبين فرصة حتى يتأقلموا مع جو المباريات مع بعضهم مع تكتيك المدرب "
صدقوني إن بقي الحال على ما هو عليه من قبلكم لن يستطيع الإداري واللاعب والمدرب التركيز في عمله !!

أرجوووووووووكم لأجل الهلال يداً بيد لأجل الكيان !!

محبكم / يزيد بن عبدالعزيز