المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام > صيـد الإنترنــت
   

صيـد الإنترنــت منتدى للمواضيع والمقالات المميزة والمفيدة المنقولة من المواقع الأخرى .

Like Tree6Likes

إضافة رد
   
 
LinkBack أدوات الموضوع طريقة عرض الموضوع
  #1  
قديم 04/08/2012, 12:37 AM
زعيــم متواصــل
تاريخ التسجيل: 03/04/2012
مشاركات: 60
Thumbs up عاجل لكل صاحب شات أو سوبر أو من يجلب ويستدعي الاشخاص الى الشاتات أو الدردشات

الى كل صاحب شات أو سوبر أو من يستدعي ويجلب اشخاص الى الشاتات أو الدردشات


السلام عليكم ورحمه الله وبركاته
أرجوك ركز في رسالتي لثواني فقط
( أسأل الحي القيوم أن يجزيك الفردوس الأعلى من الجنة بغير حساب ولا عقاب إذا سويت الموجود )

أبي أقلك إن الشات = تعارف وغزل وهتك أعراض وسب وشتم وقذف لناس ونكات مفتنة ونكات تسب في عرض الرسول وغيبه ونميمة ووسيله لزنا واللواط والفواحش وتعلُم أشياء تغضب الله عز وجل لم نكن نعرفها من قبل وباب لرذيلة والانحطاط والفجور و بسط الحديث بين الجنسين على شكل يؤجج الغرائز ويسهل الفاحشة لتتطور إلى حديث عبر الماسنجر أو تبادل أرقام الجوال وإنشاء علاقة محرمة(وأنت والسوبر ومن يستدعي الأشخاص تجمعونهم لذلك)وتسببتم في إحداث كل ماذكرت سواء شعرتم بذلك أم لم تشعرون.

قال تعالى (ليحملوا أوزارهم كاملة يوم القيامة ومن أوزار الذين يضلونهم بغير علم)

فكم هُتِكت أعراض وكم فُضِحت بنت وانتشر لها مقطع بسبب الشات وكم تطورت العلاقة إلى ترقيم وإيميل ومواعيد ومقابلات وزنا ولواط وكم عُرفت أغاني وشُهرت صور وعُرفت برامج فاضحه بسبب الشات وكم استدرجت فتاة بسبب الشات إلى الشقق والغرف وتم تصويرها وابتزازها في شرفها ومالها وفضحها بعد ما وثقت بذاك الشاب ثم حاولت الانتحار وكم أوهِمت بنت في الحب والخيال الكاذب وكم تطلقت فتاة بسبب اكتشاف علاقتها في الشات وانحرمت من أولادها وبيتها وزوجها وكم من مطلقة حملت سفاحاً بسبب الشات وكم من آيه قرآنية أو حديث شريف نزلته في شاتك وسط كلام فاحش وبذيء ووسط نكات مخزية وعار تغضب الحي القيوم وكم من محادثه بين الجنسين بدأت بأختي الغالية وأختي العزيزة ثم خُتِمَت بأختي الحبيبة وكم من شخص كسب الذنوب والمعاصي بسبب الشات؟! وكم وكم؟!

قال تعالى (إن الذين يحبون أن تشيع الفاحشة في الذين امنو لهم عذاب أليم في الدنيا والآخرة)

هل تعلم أن أصحاب الشاتات قد يزنون وهم لا يزنون ؟ وقد يخونون وهم لا يخونون ويسبون ويشتمون ويلعنون ويقذفون في أعراض الناس وهم جالسين في بيوتهم لا بهم ولا عليهم فاحذر السيئات الجارية ,احذر أن تستمر على وضعك ، أغلق الشات لوجه الله ، قبل أن يغار الجبار منك،لا تكن من الذين هم سبب في نشر الزنا واللواط والسب والشتم والقذف والفواحش والغزل والتعارف والرذيلة والعنصرية القبلية .

• أنت تعجز عن حمل ذنبك ، فكيف بك يوم القيامة تجر ذنبك وذنب غيرك !!
• عندما يتوفاك الله ويضعونك في قبرك هل ترضى أن تستمر عليك حسنات أم سيئات جارية.

قال تعالى (وليحملن أثقالهم وأثقالا مع أثقالهم وليسألن يوم القيامة عما كانوا يفترون)

أخي الكريم ومع التكرار واستمرارك في معصيتك لتفتح شاتك وتفتح باب دردشتك للهرج والتعارف والتواصل والمعاكسة والفضائح والمواعدة واللقاءات والسب والشتم والقذف وتعلم أمور الجنس والكثير من الأشياء التي تغضب الحي القيوم تصبح الرذيلة أمرا طبيعيا في حياتنا وتصبح الفضيلة والحياء والعفاف والستر تخلفا وعقداً نفسيه .

قال صلى الله عليه وسلم (من دعا إلى ضلالة ، كان عليه من الإثم مثل آثام من تبعه ، لا ينقص ذلك من آثامهم شيئا) صحيح مسلم.

ترى يالغلا ! كثير الي يتحسبوا على أصحاب الشاتات لأنهم تضرروا ضرر كبير من الشات !! ولَسْتَ يا أخي بحاجه إلى مصيبة أو بلوى أو فضيحة حتى تعرف قوة و قدر الله عليك لكي تتوب.

عندما ستغلق الشات !! كم ستنقض فتاه ستُفضح أو يُزنى بها أو تعيش في وهم كاذب أو تتعلق وتدمن على الشات أو تبتعد عن ذكر الله أو تبيع عرضها عبر الكام من اجل أتفه الأمور بطاقة شحن،كم ستنقض أناس سيمشون في الزنا أو اللواط أو الفواحش أو الغزل أوحتى يسبون ويلعنون ويقذفون ويشتمون ويذنبون ويعصون الله ؟! وكم وكم ?!

(قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)

سامحني يالغلا لو ثقلت عليك ، بس ترى ربي عطاك مهلة ، يمكن تقفل شاتك وتتوب من الشي هذا قبل أن يغار الجبار أو يجيك ملك الموت أو تجيك مصيبة أو فضيحة !! وأبي أقلك من ترك شيئاً لله عوضه الله خيراً منه ، وما تدري يمكن يكون العوض باب من أبواب الجنة خالد مخلد فيها.

أخوي الغالي أرجوك :- لا تقول شاتي غير ومافيه شي من إلي أقول والي فيه محترمين لأني سمعتها كثير ولا تقول قصدي شريف ، وما تريد إلا الخير ، فترى القلوب ضعيفة والفتن خطافة !!!! كما أني متأكد وواثق انك ماترضى أي شاب يسولف مع أختك حتى لو باحترام .فكيف ترضاها على بنات الناس الغالين !! ترى البنت يا اخوي كتله من المشاعر والأحاسيس أدنى كلمه وابسط مزحة تهيج مشاعرها وتشعل نار الشهوة فيها.ومثل ما الرجل يتأثر البنت أيضا تتأثر.

ولا تقول هداك الله: أنا مافتحت الشات للأمور هذي وأنا مالي علاقة وتبري نفسك مثل ماهو مكتوب في شاتك<إني ابرىء نفسي من أي تعارف < يعني انت عارف إن فيه تعارف/ يعني عارف إن فيه بنت ولد ياخذوا ويعطوا في الكلام مع بعض سواء باحترام ولا غيره !! طيب وش بعد التعارف ؟؟ ما يحتاج أكمل الباقي انتوا عارفين شنو بصير.

ومع ذلك الكثير يبرر نفسه ويقول أنا ماتحمل ذنبهم وكلن مسئول عن نفسه وأنا ما أسمح في شاتي بالأمور هذي، وبعضهم يقول أنا كل شوي اذكِّر بالتسبيح والاستغفار والصلاة.
يعني انت تنزل في شاتك آيات وأحاديث نبوية شريفه وتذكير بأمور الدين وسط كلام فاحش وفاجر وسيء ووسط نكات اباحية ومخزية وخادشة للحياء تغضب الحي القيوم.
ألي هذه الدرجة وصل قدر و مكانة كلام الله وكلام أطهر البشر؟؟

أي شي يا أخوي الغالي فيه شك مما أقول ، فالقران وكلام اطهر البشر والشيوخ الثقات ، بكون الحكم والفاصل في كلامي.

على فكرة أخوي :- الله لا يقدر لو كانوا إلي طلعوا في مقاطع الفيديو والجوالات والنت إلي انفضحوا وسبب وصولهم لهذا الطريق الفاضح هو الشات والدردشة،لو كانت وحده منهم أمك أو أختك أو بنت عمك أو أنت بنفسك ، شنو موقفك أمام اهلك وأقاربك وجماعتك وكيف راح تكون نفسيتك وقتها؟

ترى بنت الناس مهما فعلت وسوت وقالت ستظل اختنا ، وتاج على روسنا وحق علينا حفظها و الخوف عليها ، فلا تلومني في طرحي لهذا الموضوع.

ومو بعيده تجيك فضيحة في نفسك أو أهلك حتى تعيش العذاب والألم والحسرة إلي عاشه غيرك من الناس إلي انفضحت أعراضهم أو الناس إلي مشت في الكبائر وخلت عرش الرحمن يهتز بسبب الشات والدردشة .فكما تدين تدان.

فيا صاحب الشات والسوبر ويامن تستدعون وتجلبون أشخاصاً الى الشاتات والدردشات
هل ستعلنون توبتكم إلى الله وتتركون هذا الشي الذي جعلتموه بوابه للمعاصي تأتيكم من كل صوب فآثامكم جارية فكم من عضو وزائر أضللتم وفتنتم وانتم تشعرون أو لا تشعرون.
قال تعالى "إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما"

رسالتي واضحه يالغالين : وهي الى كل صاحب شات أو سوبر أو من يستدعي الناس أو أصحابه الى الشاتات أو من يسوي إعلان لشاتات أو الدرشات الكتابية أو الصوتية سواء بمنتداه أو بأي مكان أخر وتذكروا انه سيسألكم الجبار سبحانه ستسألون جميعاً (وقفوهم إنهم مسئولون)

كما أرجو نشر الموضوع في الايميلات والمنتديات الأخرى لأن يهدي الله بك رجلا واحدا خير لك "من حمر النعم"
فقط انسخ ولصق ولا تحرم نفسك الأجر العظيم

اذا لم تكن لك صدقة جاريه بعد مماتك*فاحذر أن يكون لك ذنب جاري بعد مماتك
اضافة رد مع اقتباس
  #2  
قديم 04/08/2012, 12:45 AM
زعيــم فعــال
تاريخ التسجيل: 30/05/2009
مشاركات: 393
صباح الليل بس

ماتوا الي يدخلون الشات الحين
اضافة رد مع اقتباس
  #3  
قديم 04/08/2012, 01:55 AM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة صفحه الماضي
صباح الليل بس

ماتوا الي يدخلون الشات الحين


لو ماتوا كان قضايا الابتزاز في العرض والشرف والمال ( الي سببها الشات والدردشة )ماهي مليانه في هيئة الامر بالمعروف والنهي عن المنكر وهيئة التحقيق والادعاء العام.

بس الواضح انك صادق فيه ناس ماتت وماهي عارفه وش الي قاعد يصير

اشكرك على المرور ، وماقصرت
اضافة رد مع اقتباس
  #4  
قديم 04/08/2012, 03:14 AM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
اخوي ، انا اشوف انك مبالغ بشكل كبير جداً بقضية الشات و لو تعددت مواقعه

من الفيسبوك و التويتر و مواقع الشات الي محد يدخلها

المهم ، هو موقع موفر لك كشخص عنده وقت فراغ ، افعل به ما شئت ليس عليك رقيب سوا نفسك و ربك

مثله مثل الرسيفر ، تقدر تستعمله بشيء كويس و تقدر تستعمله بشيء موب كويس

و الهدف من هالمواقع واضح و صريح و ان كان له اهداف مبطنه فهذه ترجع للمستخدم و تربيته و طريقة فهمه

اقرب مثال بسيط ، انت الحين استعملت الانترنت في شيء مفيد انك جيت هنا و حذرتنا و ذكرتنا بالعواقب و الاحكام الشرعية بخصوص مواقع الانترنت مستخدماً موقعاً في الانترنت

يعني انت الحين استخدمت هالشيء لتوصيل فكره مهمة و جيدة و انا اشكرك على ذلك

نهايةً مواقع الشات و غيرها ترجع للمستدخم نفسه فيمكنه من خلال تلك المواقع انه يقيم جلسات نصح و يقدر يقوم حفلة و هو في غرفته

شكراً لك ،
اضافة رد مع اقتباس
  #5  
قديم 04/08/2012, 03:57 AM
الصورة الرمزية الخاصة بـ FAISAL AL7RBY
زعيــم مميــز
تاريخ التسجيل: 05/04/2010
المكان: عـادة الأيـام تأخـذ ماتعـيـد :: ولابد من وقت يكشـف ماخفـى
مشاركات: 74,181
الشاتات في طريقها للانقراض

ولم تعد كما في السابق عندما كانت الوجهه الاولى لـ المراهقين

حتى المنتديات في طريقها للانقراض و اصبح لا احد يرتاد الا المنتديات الكبرى و المهشورة

الان زمن تـويتر

لازم تجيب نصائح و ارشادات عن تويتر
اضافة رد مع اقتباس
  #6  
قديم 04/08/2012, 02:24 PM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة هلالي معالي
اخوي ، انا اشوف انك مبالغ بشكل كبير جداً بقضية الشات و لو تعددت مواقعه

من الفيسبوك و التويتر و مواقع الشات الي محد يدخلها

المهم ، هو موقع موفر لك كشخص عنده وقت فراغ ، افعل به ما شئت ليس عليك رقيب سوا نفسك و ربك

مثله مثل الرسيفر ، تقدر تستعمله بشيء كويس و تقدر تستعمله بشيء موب كويس

و الهدف من هالمواقع واضح و صريح و ان كان له اهداف مبطنه فهذه ترجع للمستخدم و تربيته و طريقة فهمه

اقرب مثال بسيط ، انت الحين استعملت الانترنت في شيء مفيد انك جيت هنا و حذرتنا و ذكرتنا بالعواقب و الاحكام الشرعية بخصوص مواقع الانترنت مستخدماً موقعاً في الانترنت

يعني انت الحين استخدمت هالشيء لتوصيل فكره مهمة و جيدة و انا اشكرك على ذلك

نهايةً مواقع الشات و غيرها ترجع للمستدخم نفسه فيمكنه من خلال تلك المواقع انه يقيم جلسات نصح و يقدر يقوم حفلة و هو في غرفته

شكراً لك ،

اخوي الغالي، ماجبت انت شي جديد ، فعلا موقع يوفر لي كشخص عندي وقت فراغ ، بس يوفر لي شنو ؟؟انت تعرف شنو يوفر لي مايحتاج اجاوبك .

تقول افعل به ماشئت ، يعني تتوقع شنو بسوي الي بدخل الشات ، بحفظ قران مثلا في الخاص هو والبنت الي بتكلمه مثلاً، ولا شنو تتوقع .ولا يدارسوا مثلا احاديث الرسول في العام او الخاص بين السب والشتم والقذف والخليطي والكلام المعسول والي يهيج ؟؟!


واسمح لي مقارتنك لما تقول مثله مثل الرسيفر مقارنه مو في محلها ، يعني البنت الي عندها رسيفر وتشوف رجال بتقدر تكلمه او تمزح معه او يدخلون في سوالف وضحك واخذ وعطا ، او تدز له الايميل او رقم الجوال في الخاص او العكس من الرجل ، طبعا لا مايقدروا، بس في الشات الي انت تشوف اني مبالغ فيه اكيد وبكل اريحيه يقدروا وبضغطه زر .
لذلك انت مبالغ بشكل كبير جدا جدا في المقارنه !! اقدر اقلك مقارنه مو في محلها .


ممكن اعرف لماتقولي اقدر استخدم الشات بشي مفيد ،شنو الشي المفيد الي اقدر استخدمه في الشات؟
وقبل ماتجاوب ياليت تسال نفسك اجابتك ترضي الله ولا ماترضيه، بحكم انه اقل شي راح يكون فيه كلام بين الجنسين ولو باحترام / وهذا الشي تتوقع يرضي الله ولا مايرضيه
وانا.لو سالت اي احد هنا ممكن اكلم اختك باحترام ؟؟_ راح يقلب الدنيا فوق تحت .

ولما تقول اني انا استخدمت الحين فكره لتوصيل مهمه جيده ـ تتوقع اني لما وصلت المهمه هذي لك يالغالي ولغيرك تتوقع اني شفت نكات مخزيه وفاضحه او شفت بنت وولد يسولفوا او يضحكو اويمزحوا مع بعض او شفت شي يهيج الغريزه و المشاعر عندي او شفت سب وقذف وكلام واطي ( وهذي كلها موجوده في الشات )
وراح اجاوبك واقلك : طبعا لا اخوي ماشفت في هذا المنتدى المحترم اي شي من الي ذكرت ،ومن الشغلات الحقيره الي تصير بالشات.
كمان هذي مقارنه منك غلط .


لذلك اخوي الغالي ان شاء الله انك الحين اقتنعت وما تهون المصيبه عند القراء ، لان اي احد بشوف ردك الي اشوف انك بالغت فيه راح يقول في نفسه ولغيره ان الشات شي عادي وتهون مصيبه الشات عنده وعند غيره.
{ وتحسبونه هينا وهو عند الله عظيم }


على فكره كلامي وموضوعي واضح ، وهو عن الشات ، والي يصير فيه ،
واذا كنت انا مبالغ فالمشاكل والمصايب الي في هيئه الامر بالمعروف والنهي عن المنكر وهيئة الادعاء والتحقيق العام ، ماحد يقدر يقول عليها مبالغه الا واحد ينتظر في نفسه او اخواته مصيبه او بلوى او فضيحه عشان يعرف قدر وعظم المصيبه هذي الي انا تكلمت عنها
،

تقديري وشكري لك اخوي الغالي على مشاركتك ومرورك على الموضوع .
اضافة رد مع اقتباس
  #7  
قديم 04/08/2012, 02:44 PM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة FAISAL AL7RBY
الشاتات في طريقها للانقراض

ولم تعد كما في السابق عندما كانت الوجهه الاولى لـ المراهقين

حتى المنتديات في طريقها للانقراض و اصبح لا احد يرتاد الا المنتديات الكبرى و المهشورة

الان زمن تـويتر

لازم تجيب نصائح و ارشادات عن تويتر

اشكرك اخوي على مشاركتك ومرورك على الموضوع
اخوي راح ننصح الى ان تنقرض تماما ، مو وهيّ في طريقها للانقراض .

نتمنى ونقول يارب انها تنقرض ، مع ان عندي مصادر موثوقه تقول عكس كلامك تماما .

بس نقول يارب انها تنقرض . وابشر ، باذن الله ربي يوفقني وما يصير خاطرك الا طيب
اكرر شكري وتقديري مره اخرى لمرورك على الموضوع

اخر تعديل كان بواسطة » الجنة مطلبي في يوم » 04/08/2012 عند الساعة » 11:49 PM
اضافة رد مع اقتباس
  #8  
قديم 04/08/2012, 07:26 PM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
إقتباس
الرسالة الأصلية كتبت بواسطة الجنة مطلبي
اخوي الغالي، ماجبت انت شي جديد ، فعلا موقع يوفر لي كشخص عندي وقت فراغ ، بس يوفر لي شنو ؟؟انت تعرف شنو يوفر لي مايحتاج اجاوبك .

تقول افعل به ماشئت ، يعني تتوقع شنو بسوي الي بدخل الشات ، بحفظ قران مثلا في الخاص هو والبنت الي بتكلمه مثلاً، ولا شنو تتوقع .ولا يدارسوا مثلا احاديث الرسول في العام او الخاص بين السب والشتم والقذف والخليطي والكلام المعسول والي يهيج ؟؟!


واسمح لي مقارتنك لما تقول مثله مثل الرسيفر مقارنه مو في محلها ، يعني البنت الي عندها رسيفر وتشوف رجال بتقدر تكلمه او تمزح معه او يدخلون في سوالف وضحك واخذ وعطا ، او تدز له الايميل او رقم الجوال في الخاص او العكس من الرجل ، طبعا لا مايقدروا، بس في الشات الي انت تشوف اني مبالغ فيه اكيد وبكل اريحيه يقدروا وبضغطه زر .
لذلك انت مبالغ بشكل كبير جدا جدا في المقارنه !! اقدر اقلك مقارنه مو في محلها .


ممكن اعرف لماتقولي اقدر استخدم الشات بشي مفيد ،شنو الشي المفيد الي اقدر استخدمه في الشات؟
وقبل ماتجاوب ياليت تسال نفسك اجابتك ترضي الله ولا ماترضيه، بحكم انه اقل شي راح يكون فيه كلام بين الجنسين ولو باحترام / وهذا الشي تتوقع يرضي الله ولا مايرضيه
وانا.لو سالت اي احد هنا ممكن اكلم اختك باحترام ؟؟_ راح يقلب الدنيا فوق تحت .

ولما تقول اني انا استخدمت الحين فكره لتوصيل مهمه جيده ـ تتوقع اني لما وصلت المهمه هذي لك يالغالي ولغيرك تتوقع اني شفت نكات مخزيه وفاضحه او شفت بنت وولد يسولفوا او يضحكو اويمزحوا مع بعض او شفت شي يهيج الغريزه و المشاعر عندي او شفت سب وقذف وكلام واطي ( وهذي كلها موجوده في الشات )
وراح اجاوبك واقلك : طبعا لا اخوي ماشفت في هذا المنتدى المحترم اي شي من الي ذكرت ،ومن الشغلات الحقيره الي تصير بالشات.
كمان هذي مقارنه منك غلط .


لذلك اخوي الغالي ان شاء الله انك الحين اقتنعت وما تهون المصيبه عند القراء ، لان اي احد بشوف ردك الي اشوف انك بالغت فيه راح يقول في نفسه ولغيره ان الشات شي عادي وتهون مصيبه الشات عنده وعند غيره.
{ وتحسبونه هينا وهو عند الله عظيم }


على فكره كلامي وموضوعي واضح ، وهو عن الشات ، والي يصير فيه ،
واذا كنت انا مبالغ فالمشاكل والمصايب الي في هيئه الامر بالمعروف والنهي عن المنكر وهيئة الادعاء والتحقيق العام ، ماحد يقدر يقول عليها مبالغه الا واحد ينتظر في نفسه او اخواته مصيبه او بلوى او فضيحه عشان يعرف قدر وعظم المصيبه هذي الي انا تكلمت عنها
،

تقديري وشكري لك اخوي الغالي على مشاركتك ومرورك على الموضوع .

يا اخي العزيز انت بطريقة كلامك المهولة هذي تتهم الكل بأنه على علاقة مشبوهة او في طريقه الى ذلك مع بنت او العكس ، الدنيا موب كذا الله يرضى لي عليك

انت الحين دخلت موقع شات او تويتر او فيس بوك او اي موقع من مواقع التواصل الاجتماعي

من اسمه واضح هدفه ، تواصل اجتماعي ، تبي تكلم مشايخ تبي تكلم ناس مطاوعه و مفسرين احلام و غيره بتلقى

تبي الصنف الثاني برضو موجود ، لكن هنا ترجع للمستخدم نفسه اذا هو يبي يوصل لهالشيء راح يوصله اذا مو من النت فمن الشارع

انت بطريقة كلامك خليت كل الناس تدخل هالمواقع بس علشان يتعرفون على بنت و من هالكلام

إقتباس
ممكن اعرف لماتقولي اقدر استخدم الشات بشي مفيد ،شنو الشي المفيد الي اقدر استخدمه في الشات؟

الشات زي ما قلت لك قبل اي واحد عنده وقت فراغ و حاب يرفه عن نفسه يدخله مع اني اشك ان فيه احد مستمر يدخل بهالمواقع ، و الاشياء الي تتكلم عنها الي تصير في الشات او غيره ، ارجع اقولك هذي على حسب المستخدم


إقتباس
تقول افعل به ماشئت ، يعني تتوقع شنو بسوي الي بدخل الشات ، بحفظ قران مثلا في الخاص هو والبنت الي بتكلمه مثلاً، ولا شنو تتوقع .ولا يدارسوا مثلا احاديث الرسول في العام او الخاص بين السب والشتم والقذف والخليطي والكلام المعسول والي يهيج

ارجع اقولك تسوي فيه الي تبي ، تقدر تسوي جلسات مناصحة و تقدر تسوي حفلات الموضوع نهايةً يرج للمستخدم

ليه لا ما يدارسوا احاديث الرسول ؟ ليه ماخذ فكره ان اي ولد يكلم بنت و كلهم ما يعرفون بعض لازم يكون فيه شيء محرم بينهم ؟؟؟؟؟؟

هذا ليس بمنطق و ليس بحديث عقل ، فيه الي كذا و فيه الي كذا و اصابع يدك ميب سوا

بالتوفيق لك
اضافة رد مع اقتباس
  #9  
قديم 04/08/2012, 08:07 PM
الصورة الرمزية الخاصة بـ بن جبله المطيري
مشرف اللجنة الإعلامية
بالموقع الرسمي لنادي الهلال
تاريخ التسجيل: 25/05/2004
المكان: (( تحت أقدااام أمي ))
مشاركات: 56,324
الله يصلح احوااااال المسلمين...

مشكووور اخوي...
اضافة رد مع اقتباس
  #10  
قديم 04/08/2012, 10:18 PM
زعيــم متواصــل
تاريخ التسجيل: 14/05/2012
المكان: خميس مشيط
مشاركات: 148
مشكور على الموضوع وننتظر ابداعاتك
اضافة رد مع اقتباس
  #11  
قديم 04/08/2012, 11:01 PM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة هلالي معالي
يا اخي العزيز انت بطريقة كلامك المهولة هذي تتهم الكل بأنه على علاقة مشبوهة او في طريقه الى ذلك مع بنت او العكس ، الدنيا موب كذا الله يرضى لي عليك

انت الحين دخلت موقع شات او تويتر او فيس بوك او اي موقع من مواقع التواصل الاجتماعي

من اسمه واضح هدفه ، تواصل اجتماعي ، تبي تكلم مشايخ تبي تكلم ناس مطاوعه و مفسرين احلام و غيره بتلقى

تبي الصنف الثاني برضو موجود ، لكن هنا ترجع للمستخدم نفسه اذا هو يبي يوصل لهالشيء راح يوصله اذا مو من النت فمن الشارع

انت بطريقة كلامك خليت كل الناس تدخل هالمواقع بس علشان يتعرفون على بنت و من هالكلام



الشات زي ما قلت لك قبل اي واحد عنده وقت فراغ و حاب يرفه عن نفسه يدخله مع اني اشك ان فيه احد مستمر يدخل بهالمواقع ، و الاشياء الي تتكلم عنها الي تصير في الشات او غيره ، ارجع اقولك هذي على حسب المستخدم




ارجع اقولك تسوي فيه الي تبي ، تقدر تسوي جلسات مناصحة و تقدر تسوي حفلات الموضوع نهايةً يرج للمستخدم

ليه لا ما يدارسوا احاديث الرسول ؟ ليه ماخذ فكره ان اي ولد يكلم بنت و كلهم ما يعرفون بعض لازم يكون فيه شيء محرم بينهم ؟؟؟؟؟؟

هذا ليس بمنطق و ليس بحديث عقل ، فيه الي كذا و فيه الي كذا و اصابع يدك ميب سوا

بالتوفيق لك

انت الحين دخلت موقع شات او تويتر او فيس بوك او اي موقع من مواقع التواصل الاجتماعي
من اسمه واضح هدفه ، تواصل اجتماعي ، تبي تكلم مشايخ تبي تكلم ناس مطاوعه و مفسرين احلام و غيره بتلقى
تبي الصنف الثاني برضو موجود ، لكن هنا ترجع للمستخدم نفسه اذا هو يبي يوصل لهالشيء راح يوصله اذا مو من النت فمن الشارع
انت بطريقة كلامك خليت كل الناس تدخل هالمواقع بس علشان يتعرفون على بنت و من هالكلام
الشات زي ما قلت لك قبل اي واحد عنده وقت فراغ و حاب يرفه عن نفسه يدخله مع اني اشك ان فيه احد مستمر يدخل بهالمواقع ، و الاشياء الي تتكلم عنها الي تصير في الشات او غيره ، ارجع اقولك هذي على حسب المستخدم
ارجع اقولك تسوي فيه الي تبي ، تقدر تسوي جلسات مناصحة و تقدر تسوي حفلات الموضوع نهايةً يرج للمستخدم
ليه لا ما يدارسوا احاديث الرسول ؟ ليه ماخذ فكره ان اي ولد يكلم بنت و كلهم ما يعرفون بعض لازم يكون فيه شيء محرم بينهم ؟؟؟؟؟؟
هذا ليس بمنطق و ليس بحديث عقل ، فيه الي كذا و فيه الي كذا و اصابع يدك ميب سوا
بالتوفيق لك [/QUOTE]

الله يرضى عليك اخوي واسال الله انه يهديك يارب .

ابي انبهك لكلام المفروض ما ينقال احتراما وتقديرا لمن كرسوا حياتهم ووقتهم وجهدهم لقال الله وقال الرسول ،
بقلك حاشاهم المطاوعه والمشايخ يدخلوا مكان حقير مثل الشات، المطاوعه والمشايخ وكلام قال الله وقال الرسول الي ينقلونه لنا وللمسلمين له مكانته وقدره ، ومكانة وقدر المشايخ والمطاوعه وقال الله وقال وقال الرسول مو في مكان حقير مثل الشات.


ترى مو من المنطق والعقل انك تقول إن الشات يدخله مشايخ أو مطاوعه أو مفسرين أحلام . يااخي الكريم انت تقول كلام مايصدقه عقل ان فيه شيخ يحمل قال الله وقال الرسول يدخل شات ويجلس ويتكلم بقال الله وقال الرسول بين النكات الفاضحه والمخزيه والعار الي ماترضي الله ويجلس بين السب والشتم والقذف والعن ويجلس بين كلام معسول وفاضح ومهيج ، يااخي الكريم لنحترم الفئة هذي من البشر وماتوصل المواصيل انحن نقول عنهم كذا ،

اخي الكريم لا تهون المصيبه ، يااخي قول عن الغلط غلط وعن الصح صح ، بدل من الجدال الي مايخش عقل ، تجادلني في شي لا يرضي الله ولا رسوله . وارجو انك ماتدخل الفيس بوك والتويتر في الموضوع .
محوري وموضوعي الي انا كاتبه يتكلم عن الشات والدرشه الكتابيه والصوتيه .

جادلتني او ناقشتني واقنعتك قبل كذا ، ومع ذلك ماقلت لي صدقت ولو في كلمه ،ولا حتى في الموضوع الي يحمل قال الله وقال الرسول ، ولا شفتك قلت صدقت في كذا او كذا ،

وكمان تقولي بطريقة كلامي اني خليت كل الناس تدخل هالمواقع بس علشان يتعرفون على بنت و من هالكلام

اجل الي يشوف كلامك وانت تقول ان المواقع هذي يدخلها شيوخ ومطاوعه ومفسرين احلام وش تسميه،والي يشوف كلامك وانت تهون المصيبه وتشوفها شي عادي لنصح والحفلات على حد قولك وش تسميه .والي يشوف كلامك وانت تقول ان المكان الحقير الشات مكان لترفيه عن النفس وش تسميه .

يعني صرت انا الي اخليهم يدخلوا مثل المواقع هذي وانا جالس احذر وانبه وكاتب موضوع يحمل قال الله وقال الرسول،وكاتب عن موضوع وعن شي حقير وتافه الي هو الشات الي يعتبر طريق لجلب المصايب والفضايح والابتزاز في الشرف والمال والعرض والمشاكل وخراب البيوت وطريق للمعاصي والذنوب .وهذا مثبت لهيئة الامر بالمعروف والنهي عن المنكر..
ومع ذلك مازلت انت تهون المصيبه عند الناس بمشاركاتك وتقلل من خطوره الشي الحقير هذا، وتشوف موضوعي تضخيم ، راجع نفسك زين .



بكرر كلامي وأقول لك أرجوك لا تكثر من الجدال معي ولا تهون المصيبه عند الناس ، فيكفي كلمتك الشيوخ والمطاوعة ومفسرين أحلام صاروا يدخلون المواقع الحقيره هذي . واخاف ترد علي بمشاركه ثانيه وطامه كبرى.

وتقول إني انا ماخذ فكره إن البنت والولد إذا عرفوا بعض في المواقع الحقيره هذي لازم بكون بينهم حرام ،
طيب بسالك اخوي الغالي، ترضى اكلم اختك باحترام ، وشوف انا اقول باحترام ، لانك تقول الهدف من المواقع هذي التواصل ،يعني بتواصل بكلام واخذ وعطا باحترام .
، وان شاء الله عندك الشجاعه وتجاوب على طول، ياتقول ارضى انك تكلم اختي باحترام ، اوقول لا ما ارضى انك تكلم اختي باحترام .لاني شفت الشي هذا عندك هين وبسيط. فسالتك .
اكرر ترى الجواب ، كلمه وحده ( ايه ولا لا )

على فكره الفئه الي قلت عليها انها اذا ماقدرت توصل للحرام عن طريق النت فعن طريق الشارع ، برضه مازلت وتصر على مقارناتك الغلط ،
لان الي يبي الحرام ويطلعوا لشارع سواءً سوق او غيره مايقدروا ياخذوا ويعطوا مع بعض في الشارع لا سوالف ولا ضحك ولا عرض ولا غرفه تجمعهم لوحدهم مع بعض ، لان فيه هيئة وفيه ناس وفيه عالم قاعده تشوف ، بس الشات الي انت تشوفه هين يقدروا يسووا الي يبون ، لانهم بس في غرفه مقفلين عليهم كل شي ، ماحد يشوفهم الا الله الي صار اهون الناظرين اليهم ، يعني الولد في غرفته والاب توب وبس / والبنت هناك في غرفتها والاب توب وبس /وطبعا الشيطان معهم على فكره / شفت الحين الفرق والي يبي يوصل للحرام .

عالم توصل للحرام بصعوبه وبمشقه وممكن يحالوا ومايقدروا ،، وعالم توصل للحرام بكبسه زر ( ومع ذلك ما زلت انت تهون المصيبه وكمان تجادلني) مع اني نبهتك ترى ردودك بتخلي الشي الحقير هذا الي اتكلم عنه شي عادي وانه مافيه شي ، فحذاري تسن سنة سيئة في الدنيا وأنت ماتدري .

ونهاية كلامي أشكرك اخوي . وأتمنى تجاوب على السؤال إذا بتجاوب / أو تقفل النقاش الي صار جدال منك لأني أشوف مشاركاتك تبسيط للموضوع وخليته شي عادي عند الكل ، أخاف بكرة النهار نلقى العالم كلها في المكان الحقير (الشات) عشان يسالوا عن حكم طلاق أو حكم الصلاة للمسافر أو يسالوا عن تفسير حلم . بحكم وجود المشايخ والمطاوعه والمفسرين على حد قولك في المكان الحقير والتافه الي مايرضي الله ..( الشات )


اضافة رد مع اقتباس
  #12  
قديم 04/08/2012, 11:55 PM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,476
من الأفضل أن ينقل الموضوع لقسم الثقافة الإسلامية
لأن ذلك لا علاقة بموضوع صيد الإنترنت أبدا
اضافة رد مع اقتباس
  #13  
قديم 05/08/2012, 12:19 AM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة احمد\ابو سعد\
مشكور على الموضوع وننتظر ابداعاتك

العفو ، ربي يسعدك دنيا واخره ، ويجعل لك في كل خطوه سلامه ، رد منك محترم وراقي .
استغفر الله لي ولك وللمؤمنين والمؤمنات الاحياء منهم والاموات
اضافة رد مع اقتباس
  #14  
قديم 05/08/2012, 12:21 AM
زعيــم متواصــل
تاريخ التسجيل: 03/04/2012
مشاركات: 60
إقتباس
الرسالة الأصلية كتبت بواسطة بن جبله
الله يصلح احوااااال المسلمين...

مشكووور اخوي...

اللهم امين ، رفع الله قدرك
استغفر الله لي ولك وللمؤمنين والمؤمنات الاحياء منهم والاموات
اضافة رد مع اقتباس
  #15  
قديم 06/08/2012, 06:08 PM
الصورة الرمزية الخاصة بـ ***الزعيمه امولي***
زعيــم مميــز
تاريخ التسجيل: 05/09/2011
مشاركات: 7,388
الله يصلح احوال المسلمين
يعطيك الف عافيه يا اخوي على المجهود
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube