|
بالنسبة للي يقولون ويسلي شايب في أوروبا يعتبرونه ناضج حتى 33سنة |
إقتباس:
وش رايك اصلح مدرب :naughty: |
يعطيك العافية لكن التشكيل شوي هجومي بزيادة وتعرفين إن مشاكلنا في الدفاع يعني نبي محورين بدل واحد من المهاجمين ......... تحياتي لك |
يعطيك العافيه بس التشكيله عفستيها |
يعطيك العافيه مجهود طيب واصلي بالتوفيق للزعيم👐 |
عادي يلعب في اي تشكيلة اهم شي المستواء :ba1::ba: بتوفيق لزعيم في كل مباراة :ba1::ba: |
ملاحظــه حلوه ، ومتابعـه احلـىُ .. بس الله يهديك ويسلي نقلتيـه من الهجوم لوسط جناح مدري صانع لعب ليش كذاا ليش ؟ تقبلي مروري |
اتركو التشكيله للمدرب هو أدرى .. لكن تشكيلتك مايسويها حتى مدرب مبتدي الحراسه لابأس بها خط الدفاع ممتاز خط الوسط (المحور هرماش بجانب الفرج) أفضل والأطراف العابد و سالم الدوسري أو عزوز ويسلي خلف المهاجم المهاجم الصريح الكوري وأنتهينا |
موضوع رائع واتمنى ان الاعبين يكونون على قدر الثقة بالتوفيق للزعيم:s13s |
الاخت دلوعة جده ...... انا اتفق معك في الرأي بالنسبه للجهني بصراحه امكانياته اقل بكثير من فريق درجه اولى ومادري كيف الجمهور مقتنع فيه فما بالك في الهلال ...... اما التشكيله فاختلف قليلا ولكن لن ادخل فيها لان لكل شيخ طريقه والمدرب يضع الاسماء التي تخدم خططه وافكاره وليس بالضروره الافضل عند الجمهور دمت بود |
يعطيك العافية لكن اختلف معك في وجود هالثلاثي مع بعض ياسر والكوري ولوبيز خصوصا نلعب بمحور واحد |
ملاحظه جيده بخصوص الكباتن وهذه نقطه جداً مهمه فالملكي اتضح انه يفتقد للقائد داخل الملعب منذ رحيل رادوي ... نتمنى للكباتن الجدد التوفيق احترامي |
تشكيييييييييييلةة كووووووووويسه بسس اخاالفك الرآآي شوووووي..! يعني اتمنى ان تكون التشكيلةة كذا العتيبي((شراحيلي)) الشهراني _ مسلم _ مانغان _ البيشي هرماش _______ الغنام((القرني)) العابد ________ الشلهوب ((سالم)) ياسر لوبيز هذي التشكيلةة مميزة وفيها اورااق رابحة شراحيلي المرشدي الزوري الغنام سالم زيزو الفريدي الخ |
أحيي فيك فكرة تدعيم التشكيله بلاعبين الخبره والحمد لله إن تشكيلة الهلال لهذة السنه مكتمله والكامل وجه الله سبحانه نحن نختار او نشارك بوضع التشكيلة ولكن القرار بيد المدرب وهو من يختار اللاعب الأجهز لياقياً وذهنياً ونفسياً ليشارك في المباراه لي بعض التحفظات على تشكيلتك ولكن بشكل عام جيده جداً ونا مقدر إهتمامك وسوف اضع تشكيله وأتمنى رأيكم فيها شراحيلي الزوري - يحيى المسلم - مانغان - الشهراني الفرج الفريدي نواف العابد - الشلهوب - سالم الدوسري ويسلي لوبيز أولاً : حسن العتيبي كبير بالعمر وله هفوات قاتله وشراحيلي أصغر منه بالعمر ومقاتل ولو تأمن الدفاع راح يبدع شراحيلي واذكركم ثانياً : لكي يتمتع الوسط بالاستحواذ على الكره لابد من وجود محور سريع ويجيد قطع الكور ( يعني هرماش ماينفع أبد ) وراح يفتح ثغرات وأكبر دليل على كلامي مباراة التعاون الوديه كل الأهداف من العمق لأن هرماش يتقدم الله يهديه ويترك قادر يواجه خط الوسط والهجوم مع بعض ثالثاً : الهلال محتاج لاعب صانع لعب يعني يرمي كور لراس الحربه من بين اللاعبين ولايجيد هذا الا الشلهوب وعزوز الدوسري والفريدي وأحياناً ياسر والحمد لله إننا نملك هذا الكم من صانعي كورة ( أنت وضميرك ) يلعبون بذكاء ويمتازون بالمراوغه والجاهز فيهم يدخل اساسي ويبقى ورقه رابحه بالدكه لأوقات الحسم ولإنهاك محاور الخصم رابعاً : الهلال يملك لاعبين مهاريين بالأجنحه أمثال العابد وسالم الدوسري وبإستطاعتهم التوغل للصندوق وكسر التسللات والتسجيل بأي وقت أو صناعة هدف من نوع ( أنت وضميرك ) مثل اللي كان يسويها طيب الذكر ويلهامسون خامساًً : رأس الحربه موجود فيه لوبيز أو الكوري وكلهم كويسين وصدقوني لو الكوري يلاقي مترجم زي الناس ويرتاح شوي من اهازيج الجمهور راح يبدع لأنه ضارب راس ويجيد التمركز ومشاغب يعني لو ما سجل هدف يقدر يسحب مدافع او يربك خط الدفاع ويترك التسجيل للوبيز أو للعابد او لسالم او للفريدي او للشلهوب في حالة الهجمة يتقدم الجوكر سلمان الفرج للجناح الأيسر ويرفع كوره حلوه ويترك العابد يتوغل في الصندوق أو حتى على القوس لأن العابد يجيد التسديد وشاهدناه كثيراً في الموسم الماضي مع النصر وشاهدناه في مباراة مانشيستر سيتي الوديه ويبقى الفريدي بالمحور أما في حالة الجمهة المرتده على الهلال يرجع الفرج للمحور ويغطي مع الظهير الأيسر * على فكره الفريدي يعاب عليه البطئ ولكنه يجيد قطع الكور والضغط على الخصم وكذلك العابد وهذا ما جعلني اختار الفريدي محور هجومي لأنه يجيد قطع الكور من وسط الخصم وقتل الهجمه من وسط الخصم ومن ثم الاستحواذ على الكره وفتح ثغرات والتمرير أخيراً يفترض أن يكونو لاعبين الدفاع ذو بنيه جسمانيه قوية لأن آسيا تبي جسم قوي وإحتكاكات وإلتحامات وكذلك بعض الأنديه المحليه مايبي لهم إلا كذا :) فلو نستغل طول قادر والمرشدي والزوري ويكون امامهم محور نشيط وسريع التغطيه صدقوني راح يبدع الدفاع وراح يتفرغ الفريدي أو الفرج لتمرير الكرات للأجنحه او للشلهوب صانع اللعب اللي بإستطاعته تمرير كره او كرتين في المباراه ( أنت وضميرك ) لرأس الحربه الصريح أو للمتوغل داخل الصندوق اللي هو العابد وسالم وتنتهي المباراة وتكون التبديلات على حسب نتيجة المباراة او التكيك يعني في حالة تأخر الفريق لا قدر الله يزج بمهاجم ثاني مكان الفريدي ويجدد الدماء بدخول عزوز مكان الشلهوب أو الفريدي ويقدر يزج بمهاجم ثالث يكون خلف المهاجمين مثل ياسر القحطاني إذا إحتاج الوضع أهم شي يا أخوان لاحد يكتب لي ( أسياء ) ترى والله اسمها آسيا ومافيها همزه وكذلك ( مستواء ) غلط اسمها مستوى الله يرضى عليكم لكم ودي وتقديري وسامحوني على كثرة كلامي |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 04:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd