أسعد الله أوقاتك بكل خير ..

إنت هلالي صح ؟
إلا بسألك لوسمحت..
إنت من أيام يوسف الثنيان ويوسف جازع وخالد الدايل
وموسى نداو والتيماوي وابو اثنين وسامي الجابر ووو .. إلخ
تطووول القائمه... آآآه ياااا زمن ..
وآآآه يازمن يااا (مجلة الرياضية) وجريدة الرياضية ..
إلا بسألك كنت تشتري مجلات لجل تلقى بالنُص صورة لاعبك؟
وهو جالس على روس أقدامه ومتكي على يده اليمين ؟
ويااازينها من فرحه لو كانت الصوره للاعبك المفضل...
لو كنت من هذا الزمن (اللي ذكرت حلاوته فوق)
فإنت هلالي لا يهمك ولا عليك وأكييد ماتبغى (إلا البطولات) ..
إنت مثلي تراااااك ...
اللي بقوله بالمختصر وبالمفهوم , هو :
أنا ليومك هذا ماتلعبّي جهات التواصل الجديده , تويتر وغيره ..
ولا الجرايد..(زمنّا الجرايد هي مصدر معلوماتنا)
وحتى لو وصلنا لما وصلنا له ما راح أسلم عقلي و أؤثر على فريقي..
وعذري بعدين لنفسي :
(هذاااك شي شفته بمواقع التواصل وأثر عليّ) !!

الخلاصه من أعلاه بالعاميّه :
يا زعماء نبي دعم للفريق مني ومنك ولاتخلون حد يأثر علينا
تراهم يقولون وشغالين من الحين : نواف بن محمد , دونيس , ناصر , وووو
المهم زعيمنا يحقق مبتغانا .

ودمناا زُعمااااء .

إقتباس الرسالة الأصلية كتبت بواسطة فارس الزمن المر مع احترامي لك توك صغير السن اذا ........... نحن مع الكيان الهلالي ونحن جيل عاشر الهلال وتشرب حبه منذ احمد نيفاوي وحسين البيشي وحسين الحبشي وصالح النعيمة وفهد عبدالواحد ( فهودي ) وفهد المصيبيح وعبادي الهذلول وهذال الدوسري وسعود الحماد وعلي العجمي وريفالينو البرازيلي والتونسي نجيب الامام وطارق العواضي ومحمد التيماط وصفوق التمياط ...الخ ولاعبين كالثنيان وسامي والتمياط نواف والتيماوي والدعيع اخوان والشلهوب وغيرهم الى الجيل الحالي يعني حب الهلال شربناها مع حليب ( الهلال ) سابقا والذي كان له طعم ومذاق خاص ............

هذا لبن المراعي بس بثوب الهلال ...

جيل سامي ووو يوسف الثنيان ؟؟ هو المتعه الكرويه

وجيل صالح ويوسف هو ثمرة البطولات

إقتباس الرسالة الأصلية كتبت بواسطة فارس الزمن المر مع احترامي لك توك صغير السن اذا ...........

ماني صغير بحُب الهلال دام إني حضرت إعتزال صالح النعيمه
كان عمري أممم ,,,, ما أذكر بس يا إني 5 أو 6 ..
الحين عمري 33 إلا تكّات ..

اه والله اني مثلك لكن تهقى زعيمنا يبيض الوجه هالمره ويفرح قلوبنا والله مافيه احد يحب الهلال مثلي لكن اليوم انا متضايقه احس فيني كتمه مادري ليش وخايفه من بكرى بالمره مادري من دونيس مادري من لاعبيننا بس الوكاد اني مانا خايفه من الاهلي

المهم اسفه بس مادري وش اقول ملخبطه


يارب يارب وفق الزعيم يارب توفيقك للهلال ولاعبيه ومدربه ولكل من يحب الزعيم

إقتباس الرسالة الأصلية كتبت بواسطة زعيمهم بطل اه والله اني مثلك لكن تهقى زعيمنا يبيض الوجه هالمره ويفرح قلوبنا والله مافيه احد يحب الهلال مثلي لكن اليوم انا متضايقه احس فيني كتمه مادري ليش وخايفه من بكرى بالمره مادري من دونيس مادري من لاعبيننا بس الوكاد اني مانا خايفه من الاهلي المهم اسفه بس مادري وش اقول ملخبطه يارب يارب وفق الزعيم يارب توفيقك للهلال ولاعبيه ومدربه ولكل من يحب الزعيم

.

إقتباس الرسالة الأصلية كتبت بواسطة wdrago 🙀🙀🙀🙀🙀🙀🙀🙀🙀🙀 زعيمهم ولا زعيمتهم إلى هالدرجة خايفييييييية .

ايوالله يالغالي ان خايفه لكن خلها على ربك

الله على الزمن الجميل على روح التحدي واللعب الرجولي لاعبين مخلصين للشعار اوفياء وضعوا لهم بصمه يشهد لها متحف بطولات الزعيم

على طاري الجرايد اول جريده بحياتي واكثر جريده شريتها الرياضيه من ايام الابتدائي كلها لعيون الزعيم كنت استمتع بالصور وجميع التفاصيل خصوصا لما نفوز ببطوله وياكثر مافزنا ولله الحمد
( طبعا بعد مااختم الجريده اتغدا عليها )

الزبده اقسم بالله ان وضع الفريق الاول مو عاجبني ولاهو عاجب اي هلالي غيور على فريقه ويعرف ايش معنى زعيم
وللاسف شايف هجوم عنيييف وكلام قاسي وجارح يوصل للسب احيانا على النادي وادارته ومدربه ولاعبينه حتى من اقرب المقربين والمحبين ولا كأنهم جايبين لك اخر ثلاث بطولات محليه ومفرحينك !!؟
لدرجة اني اشوف بعض المواضيع والردود اللي مستحيل تصدر من مشجع هلالي وللاسف صارت بيئه خصبه للمندسين والحاقدين يبثون سمومهم فيها ويجيشون بعض الجماهير العاطفيه على ناديها !!
اجل لو الهلال الثامن وماحقق بطولتين هالموسم وش بيقولون ....
الامير نواف اكثر خبره وحرص مني ومنك واكيد شايف الاوضاع وحاسب حساب كل شي مو بالضروره يطلع يقول لنا سويت وفعلت وراح افعل ويرد على الجمهور واحد واحد .. بنهاية الموسم راح يقيم العمل تقييم شامل ويطلع يتكلم ونعرف كل التفاصيل بهدوء وحكمه

* * جمهور الزعيم ادري المدرب عنده قناعات ترفع الظغط وبعض اللاعبين عندهم برود بس ان شاء يتخلى عن قناعاته ويعوضنا هو والاعبين عن اخفاقاتهم من بداية الدورالثاني ويفوزون على الاهلي بالدوري والكاس وعلى تراكتور بمشيئة الله يازعماء والله هانت راح الكثير ومابقى الا القليل خلونا ندعم فريقنا قدامه مباريات مفصليه ونأجل كلامنا لاخر الموسم

تبون الصدق والله اشتقت لفرحة ناصر لما يسجل ويكلم ان شاء الله ينسون خلافهم هو ودونيس لاجل الزعيم ويلعب ويسجل ويساهم مع بقية الاعبين بالفوز بالمباريات الحاسمه المتبقه

اسف على الاطاله وتقبلوا تحياتي

اللاعبين متي شعور بحجم المسؤليه وركزوا بالمباراه فازوا بالراحه الاهلي فريق عادي
عنده السوما والمقهوي والمؤشر فقط انتبه لهم كثيراً وألعب لعبك

لا تفرط بالفرص

المشكلة ليست في مباراة الأهلي أو أي مباراة أخرى
المشكلة ان الزعيم يعاني من عدم وجود ظهير ايمن مع البريك ومحور مع عطيف وصانع لعب ومهاجمين عليهم الكلام ويقوم دونيس والمفرج بتصعيد متعب المفرج قلب دفاع ويعيرون الدعيع والحافظ بينما عبدالكريم أفضل صانع لعب ببطولة الخليج الأولمبية له شهرين لم يلعب بالمركز الشاغر بل إنه في الشوط الأول من مباراة الفيصلي والشعلة الوديه تم تكليفه باللعب ظهير ايمن وبعدها ابعد !
محاور المنتخب الأولمبي حسين القحطاني وعبدالعزيز الشريد وسلطان الفرحان ومهند فلاته ونواف الزعاقي لم يتم منح أحدهم فرصة اللعب ويتم تكليف الفرج بالمحور الدفاعي حتى أنه أصبح شبه يتعمد الف والدوران بالكره حتى تقطع منه أمام الجميع ولا يتم تصحيح هذا اللاعب بل بعد مباراة أخرى يعاد لهذا المركز حتى أن معلق مباراتنا مع ذوبهان انفقعت مرارته وجلس يتسائل عما يفعله الفرج !
مهاجمي الأولمبي مجاهد المنيع وخلف البقعاوي وعبدالعزيز الجمعان يحترقون والمفرج وطقته يقومون بتصعيد فهد غازي ظهير ايسر لينافس اظهرة المنتخب الزوري والشهراني !
مايحدث من المدير الفني والإداري للهلال عبث يقابله صمت الرئيس وهذا يؤثر على جميع لاعبي الهلال بجميع درجاته إذا كنا نلاحظ ذلك من خلال المتابعه البعيده فما بالك القريبين واللاعبين كيف تطلب مني الاجتهاد ثم تقوم بتصعيد فاضح لإخونا المفرج الصغير علشان اخوه الكبير مدير الكره !
إذا كان من شروط تسليم ابن مساعد الرئاسة هو الإبقاء على المفرج فهو لم ينفع ابن مساعد ليفيد الهلال وإدارة نواف بن سعد

حب الهلال لايرتبط بجيل معين، فهناك من هو بعمر التسع سنوات ، وتجده يبكي حبا للهلال ، ومعه اينما كان ، مثل المشجع الهلالي اللي كان يبكي بقطر اخر مباراه ، وهناك من سقطت اسنانه واصبح لا يتحرك الا بعربيه امده الله بالصحه ، ولا يفوت مباراه لمحبوبه الهلال،
لكن الخلاصه من ذلك علينا ان نجعل حبنا لصالح الهلال، من خلال دعمه تشجيعه الحضور للملعب ، الانتقاد بدون تجريح ، وتاجيل الحديث عن امور لا يمكن ان تغيرها الاداره بمراحل الحسم ، وتاجيلها لاخر الموسم ، ايضا الدعم المادي للفريق لمن يستطيع بشراء منتجات النادي او الاشتراك بباقات الزعيم ، واهم شي الدعاء للفريق ، وان يكون فيه نصرا وخيرا للمسلمين باذن الله ، فاسلام لاعب اجنبي ،او المساهمه بافطار صائم اوكفاله ايتام او التبرع بدخل لاسره لاعب او جمعيه. ، وغيرها من الامور التي تخدم اخوانا المسلمين ، نسال الله ان يسخرنا ويسخركم لخير الامور ويصلحنا ويصلحكم ، ويبارك في الهلال ويجعله مباراةا وموفقا اينما كان ، ويارب يكون دائما وابدا سباق لفعل الخير ودعم المحتاجين .

انا هلالي من 1998 من هدف سامي بالشباب عشت احلى ايام حياتي التشجيعيه مع الهلال من 2000 إلى 2012 كنا مسيطرين على البطولات بشكل كبير اخر ثلاث سنين جتنا المصاريف والديون وارتفاع العقود وأثرت على الاداره والفريق والله استحي الــوم الهلال إذ خسر مباراة او بطولة صحيح اتضايق من المستوى بس اتذكر انهم اوادم ماهم ألات كهربائيه انا اتذكر الهلال يوم كان المعلقين يتغنون ببطولاته 27 او 28 والحين عندنا 57 بطولة لاكن للأسف طلع لنا جمهور التواصل الاجتماعي مع كل طقة عصا طلعو يصايحون اطردو المدرب اطردو الاداره ماعندهم صبر مثل ماشجعت الفريق وهو يفوز شجعه وهو يخسر الهلال بيرجع لمستواه المعهود باذن الله بس تنتهي الديون ونتعاقد مع لاعبين جدد وبيرجع الهلال المرعب

إقتباس الرسالة الأصلية كتبت بواسطة هلالي.شقردي انا هلالي من 1998 من هدف سامي بالشباب

هدف سامي مستحيل يروح من الذاكره ..
فيه جحفله ذاك الزمان هههه

من 1407 بداية اداركي للهلال وتعلقي بالهلال
ومن 1410 بداية المتابعة الحقيقية للزعيم
بكل اسف احس بشعور راح يكون قاسي الليلة علي
تخبيصات المدرب ضعيت الفريق والادارة لم تتدخل
اليوم لازم لاعبين الفريق يشعرون بالمسؤولية
الليلة ساعيش على اعصابي اذا الله اعطاني عمر
بالتوفيق واتمنى ان اشوف مفاجاة سارة للهلاليين كافة