بسم الله الرحمن الرحيم

كل عام انتم بخير والله يتقبل صيامكم وطاعتكم ,,
في كل حاره ومكان ولله الحمد فَ السعوديه نشوف اي مسجد فيه افطار صائم يجتمع فيه مجموعه من الجاليات
للافطار فيه وهيك ,, جزى الله خير الجزاء جميع القائمين عليه ..
المشاكل اللي تواجهه المصلين اللي ساكنين حول هالمنطقه وانا بتكلم عن نفسي ,, الواحد لا افطر وراح يصلي للمغرب
ويمشي ويحس انه وحده في شهرها السابع من الانتفاخ اللي صاير في بطنه بعد الجرايم اللي ارتكبها في السفره
ولا وصل المسجد ,, يعني الله يكرم النعمه ريحه مفاطيح مب فطور في مسجدنا
و [ قد قامت الصلاه ] واغلبيه هالعمال لازال جالس ياكل تحس انها اخر وجبه في حياتهليه كذا ياخي
ومره وانا داخل المسجد لقيت هندي جنب السماط [ السفره ] منسدح احسبه بيولد انا
سلامات يَ الطيب في ناس جايه تصلي يابو الشباب جاي فَ البيت ,, وبعضهم الله يصلحهم
يفطر ولاخلص رجع لبيته ولا محله طيب وين الصلاه كآنه جاي لعزيمه ويمشي وهوي يقشر بردقانه [ برتقاله ]
وياكلها.. وبعض الناس يحسسك انه هو الوحيد اللي يصلي في المسجد يجلس ينظف اسنانه وهو يصلي جنبك
ولا يتاغر او يتاعر او اللي هو ياكثر لهجاتنا سلامات يابو الشباب في بشر الله يجزاك خير تصلي معك
,, المساجد جزاها الله خير هالسنه لو تلاحظون اغلبيتها حاطين ثلاجه للمسجد فيها علب مويه
او اللي نشوفها في كل مسجد في رمضان علب مويه قدام كل مصلي
بعض الناس يحسسك ان ماعنده مويه فَ البيت ولا يعطش الا في المسجد يدخل ياخذ علبه ويشرب مويه
يطلع ياخذ علبه له ولوده الصغير كآن ماعنده مويه في البيت ترى غيرك احوج لها
ولا ياخذ العلبه ويجلس يناظرها من الفضوه وش مكوناتها وين جايه منه ترى مويه مب عصير ربيع
وبشطح على ساهر حاطينه يخفف سرعه وصار يسبب حوادث الواحد يمشي في الدائري وماله عالشيطان طاري
الا اللي قدامه ضارب فرامل بشكل فظيع لدرجه رجله طالعه برى كل هذا عشان يعلم الناس انه في ساهر طيب
انا ماسرعت العالم مهديه الا ابي اعلم الناس آن فيه ساهر
ولا المشكله اذا كنت تسوق و وراك واحد من اخواننا المصريين راكب البيجو اللي فيها مراوح ولا كرسيدا بوكس وضاف اللي فيته وبيت جيرانه ياشيخ البيجو
متحسف انه صاير سياره ,, تمشي وتهدي وتضرب فرامل بشكل عادي اللي وراك هذا مجرد مايشوف لمبه الفرامل حقتك ماتسمع الا [ فعوووووو ] شوي ويحب شنطه سيارتك
يعني يروعك وانت تحتري الصدمه ومرتاع كل هذا عشانك هديت بس ,,
اخيرا انتبه تجلس جنب الفيمتو ولا العصيرات تراك منتب مفطر ,
وشكرا

كل عام و انت بـ صحة و سلامه

اول شي المفروض انگ ما تأكل غير تمره و مويا و تروح تصلي ثم اذا رجعت عين من الله خير و سو جرايم الانسانيه كلها في معدتك ،، لكن انگ تصلي و بطنك مليان شعور متعب ، تحس انگ سعن و جالس تخض اللي جوىآ بطنك مع الرگوع و السجود و حتى تعب و انت رايح للمسجد تقل حامل فـ الـ ٧ على قولك

اما لو احـد يترع قدامي كان ارجع كل اللي أكلته في خشته ، عاد تخيل الـ ريحه شوربه على سمبوسه > ي تسبدي تسبداه

و عن ساهر ، قلنا لكم ي اخي ارتاحوا و حنا نسوق ، بس ما تفهمون الله يهداگم

و ما فهمت اخر جملة قلتها ممكن توضح ،؟

و أنت بخير و صحة و سلامة...

الأمور اللي تكلمت عنها تحدث في معضم المساجد..

خصوصاً اللي يتسدح بعد الفطور...

حتى اني مرة من المرات تفاجأت حيث أن أحد العمالة ناام و هو منسدح..
حتى مع الأذان ما صحى...الظاهر بعد ما امتلأ راح في سابع نومه.. هع
لكن صحاه أحد الأخوة..

أما عن ساهر الحمدلله الى الآن لم أعيش تجربته...ههههههه

مشكور ع الطرح.

حجز لـــــــي عـــــــــــــودةة

...........................................

عـــــدت

علينــــــآ وعليك آن ششآء الله ,,

إقتباس بعض الناس يحسسك ان ماعنده مويه فَ البيت ولا يعطش الا في المسجد يدخل ياخذ علبه ويشرب مويه يطلع ياخذ علبه له ولوده الصغير كآن ماعنده مويه في البيت

والله آنك صـــآدق ,, آجل آمس وآنـآ بالمسجد آصلي الي جنبي معهآ مويه شربتهآ يوم قضت جدعت العلبه بالمجسد
ورآحت تقل مآ صصآر شي

إقتباس اخيرا انتبه تجلس جنب الفيمتو ولا العصيرات تراك منتب مفطر

لا حنـآ الحمد لله كل وآحد يمسك شي ويصب,, والله لو وآحد مسكهن كلهن مآ فطرنــآ

إقتباس اول شي المفروض انگ ما تأكل غير تمره و مويا و تروح تصلي ثم اذا رجعت عين من الله خير و سو جرايم الانسانيه كلها في معدتك

معليش الواحد وقت الفطور وقدامه كل مالذ وطاب مستحيل ياكل تمر ومويه وخلاص
يعني ضنك اذا حطيتي احد بالسجن وجيتي تطلقين سراحه تقولين اطلع خطوتين <~
والله علي امثله زي وجهيي ..

إقتباس و ما فهمت اخر جملة قلتها ممكن توضح ،؟

قصدك لاحد يجلس جنب العصيرات وفيمتو .. اقصد اللي يجلس عندها ماعاد يفطر
كلن بيشغله صب لاتصب صب لاتصب .

إقتباس حتى اني مرة من المرات تفاجأت حيث أن أحد العمالة ناام و هو منسدح.. حتى مع الأذان ما صحى...الظاهر بعد ما امتلأ راح في سابع نومه.. هع

لو انا منك اتصلت عَ الجوازات ولا مكافحه المتسولين خله المره الجايه اذا آكل يروح يهرول عشان ماتكرر هالحاله معه

إقتباس ارجع افرس بالنعمه

والله ياخوك انها مشروع زين .. بس الواحد لاصار قدام الوجبه يرتكب جرائم ضد انسانيه اللقيمات .

-





مشعل المفروض توقف عضويتك بعد موضوع ابو مقبل
بس الي يشوف اللي تحت نكگ يدري ان معك واسطه حكوميـه

جرب تأجل الجرائم الانسانيه فمعدتك بعد الصلاه..حتى صلاة الجماعه ماتتأخر عليها

يقولون تبي السلامه لاتصلي ويمينك واحد من شياب الحآره>مدري شالسبب

_گل يوم اگتب موضوع..وشگراً
لك لايك وسكسرايب