لقد شاهدت المباراة الودية للهلال امام التعاون ووجدت اشياء خطرة في التكتيك المتبع من قبل مدرب الهلال,اولا هناك تغرة كبرى بين متوسطي الدفاع وعدم وجود تفاهم بينهما وبين المحور , والدليل اهداف التعاون نفس الطريقة ,مشكلة اخرى وهي اعتماد المدرب على وسط الفريق بشكل كبير هجوما ودفاعا ,والغاء دور المهاجمين فلماذا تم جلب هداف الدوري الروماني اذا كانت خطة المدرب 90 في الميه قائمه على الوسط ؟؟!!!!هناك امر اخر هل الوسط الهلالي يستطيع ان يقوم بكل هذا المجهود طوال الدوري ؟! وهل قام المدرب بتجهيز وسط اخر كامل لان الضغط سيكون بكامله على الوسط !!!كيف سيتعامل المدرب مع الهجمات المرتدة مع فرق شرسه مثل :الاتحاد والشباب والاهلي--يا سعادة المدرب هل الوسط الهلالي لديه القدرة للقيام بالمهام الدفاعية ؟!!! لااظن فالبنية الجسمانيه للشهلوب --العابد -الدوسري -الفريدي وغيرهم لا تساعدهم --و لهم نزعة هجومية بحته وليس لديهم قوة الالتحام والدفع وغيره !دفاع الهلال وهجومه ملغي حسب خطة المدرب !!!والدليل ان اهداف الهلال من اخطاء التعاون وضربات جزاء ليس هناك خطة واضحة او تكتيك واضح ,اذا لم تتدخل الادارة لتوضيح اخطاء المدرب الكارثية ستكون هناك طامة كبرى للهلال , حيث ستعمد الاندية الاخرى الى خطة ارهاق الوسط الهلالي ومن ثم منين اكل يا بطه في الشوط الثاني ----خطة المدرب غير مناسبه للهلال فهذه الخطة للدوري الاروبي حيت اللياقة القوية والاجسام ذات البنية القوية ايضا --اي اقرب شي لخطة المدرب المدرسة الالمانية ----ارجو ان يكون ظني في غير محله ---ولكن بهذا التكتيك سوف يجلب المدرب لنا الطامة الكبرى --والايام شواهد, الهلال فريق يعشق الهجوم و ان تكون هناك مجانسة كبرى بين افراد الفريق تنظيم في الدفاع استقرار في الوسط وليس الحاصل الان -فالوسط الهلالي ضائع بين المهام الدفاعية والهجومية--والهجوم الهلالي لم يكن يوما من الايام همه فتح الثغرات للوسط --عموما ---عليكم تدارك الامر--- قبل ان نقول ارحل ارحل يا رئيس الهلال --قصدت النقد البناء ليس الا وشكرا لكم.

الله يكتب الي فيه الخير
و إن شاء الله يكون كل شئ مثل ما نتمنى

المباريات الرسميه بتكون الفيصل

وصحيح ان وجود هرماش وحيداً في المحور خطاء كبير

ولازم يكون معه محور ثابت مثل الغنام أو القرني

الله المستعاااااااااااااان طيب المطلوب نطرد المدرب والا نتدخل في عمله يااخي الصبر زين وتاجيج الجماهير مو في صالح الفريق فلنلتزم الصمت ونتابع

ياخي الحمد لله والشكر
الرجال لعب بتشكيلتين وكلها جابت 4 اهداف
يا رجال حنا اكثر فريق فيه لالعبين وسط متميزين
الهلال من ايام جيرتس وهو يعتمد على الوسط مو عيب تعتمد على نقطة القوة عندك
والدليل سامي يوم مسك تدريب الهلال كاس ولي العهد
كل شغله كان على الوسط

"تفائلوا بالخير تجدوه " ;)
بالعكس احس ان شاء الله ان تكتيك المدرب وطريقة لعبه حلوه <3

لاتنسون اهل سوريا من الدعاء

آإبك آنت علآمكك !!
المدرب توه قآل بسم الله هجت عليه
وبعدين إذآ كنت من جمهور الوآفي للهـلآل مآقلت هآلكلآم وآحنآ تونآإ
الحمدلله والششكر بس
والله يعيننآ ع المندسسسين !

بصراحه احنا ماشفنا المباراه بس اعتقد بدري تحكم يالشوالي على تكتيك المدرب كويس ولالا واتمنى نشوف بعد اول مباراه تحليل يكون الكل شافه لانه في غيرك مدح المباراه والتكتيك

:مع احترامي الشديد لطرحك ستكون الطامة الكبرى إذا تابعت طرحك بتلك الصورة
اولا من انت عشان تكون عندك ذيك النظرة الفنية الثاقبة
ثانيا المباراة ودية ويلعب بأكثر من تشكيلة
ثالثا هل تحكم على المدرب من مباراة ودية ام تحكم عليه من مباريات رسمية
رابعا لك ودي

المباراه كانت وديه وكان منها ان يشاهد بعض مستويات اللاعبين

لاكن السوال الي ميحيرني ياسر الشهراني من متى يلعب وسط ياخوفي نقتل هالموهبة ويرجع لناديه الموسم المقبل بلا طموح !!!!؟

لاكن ننتظر بداية الدوري وبحول الله نشوف مستويات المدرب الحقيقه مع اللاعبين

كلامك سليم

لكن اعتقد بعد اضافة 3 عناصر جديدة بمنطقة الدفاع سنفتقد للانسجام نوعا ما وارجو من المدرب الانتباه لهذه النقطه والوصول لمرحلة الانسجام التام بين الاعبين

اما بالنسبة لمنطقة الوسط .. اعتقد ستتغير كثيرا بحضور البرازيلي وعودة الكوري للاقوى ان شاء الله

تحياتي لك

لو نلعب بدون مدرب طول الموسم الزعيم ماراح ينزل للخامس

انت وموضوعك اللي مدري وش يبي

كلام أخي فيه جانب من الصحة فالعام الماضي خير شاهد على ذلك فالأهداف التي كانت على الهلال كانت بسبب الغفلة عن المحور الخلفي وهرماش لا ولن يستطيع أن يغطي هذه الخانة بكل اقتدار بل بحاجة إلى مساند وبالفعل لما شارك معه الغنام وأبدع استقر وضع الدفاع الهلالي لكن هل الغنام سيستطيع ملء الخانة بكل اقتدار في ظل الاصابات المتكررة التي يعاني منها؟
وهل القرني صاحب الفختات سيسد الخانة؟
الجواب هو ما سنشاهده في المباريات القادمة.
مع العلم أن طريقة 4-1-4-1 طريقة عقيمة جدا في ظل أن الوسط الهجومي لا يستطيع التغطية السليمة. وأيضا سيضطر المدرب ليجعل واحد منهم يساعد هرماش والاقرب الشلهوب لقلة حركته وهذا سيسبب خلل في تركيبة الفريق.

اخي الاجنبي اول مره يلعب مع المسلم واول مباراه لهم مع بعض كيف تبي النسجام يكون موجود !!
وراك طاير بالعجه الانسجام ماراح يجي الا مع المبريات بين اللعيبه ولسى الدوري مابد وانت ع طول تهاجم ..

اجل لو تعثر الفريق في البدايه بشوفك تطالب بـ إلغاء عقد المدرب ويطردونه !!

وبعدين قوة الهلال في الوسط من اكثر من 4 مواسم وعارفين هالشي من زمان يعني مافيه جديد ..

اصبرا اخوي ولا تطلق الاحكام المستعجله حتى لو تثر الفريق في البدايه مايهم دامه بالبدايه المهم لما نتقدم في ماريا لدوري ونبدا الاسيويه هالاخطاء تختفي والانسجام يكون وصل لمرحله جده جدا بين اللعيبه ..

بالتوفيق للزعيم ،،

إقتباس الرسالة الأصلية كتبت بواسطة دلوني عليه 15 الله المستعاااااااااااااان طيب المطلوب نطرد المدرب والا نتدخل في عمله يااخي الصبر زين وتاجيج الجماهير مو في صالح الفريق فلنلتزم الصمت ونتابع

لم اطلب طرد المدرب المحترم بل معالجة اخطاؤه التي تدل على خلل كبير ومن حق المشجع الهلالي نقد طريقة الخطة اذا كان يملك القدرة ---كلامي واضح ---هناك خلل والشاهد مباراة الهلال مع الاهلي العام الماضي --كاس الابطال-اما تاجيج الجمهور ---فهذا ليس هدف المقال --بل حب الهلال دفعني لهذه السطور