|
الهلال يوزع لاعبيه بالمجان للاندية ويفرط بشافي والموسى كما فرط بعمر الغامدي ككل عام يفرط الهلال بلاعبيه ويعطيهم مخالصة حتى يتم تسجيلهم بالاندية المنافسة للهلال بكل سهولة وخصوصا اللامعين منهم والمهمين فقد فرط في الكابتن/ عمر الغامدي رغم أنه من أفضل اللاعبين خلقا ولعبا وانضباطا وذهب للشباب بالمجان ثم تحسفنا عليه بعد أن شاهدناه يقدم مستويات ممتازة مع الشباب ويلعب أساسي في جميع المباريات ؟ وهذا العام تم الاستغناء عن بعض اللاعبين في الفريق الاول والاولمبي رغم أنهم أفضل بكثيرمن بعض الموجودين وهؤلاء هما شافي الدوسري الذي يلعب بالظهير الأيسر وكان يقدم مستويات ممتازة عندما يلعب أساسي مع الفريق الاول والاولمبي ؟ فتم تنسيقه وعمل معه مخالصة فخطفه الاتحاد على الفور لمعرفته المسبقة بامكانياته العالية وسترونه في قادم الايام مع الاتحاد كيف يقدم مستويات رائعة وكذلك رضوان الموسى هو الآخر ظفر به الشباب وتم تسجيله على الفور لأنهم يعرفون امكانياته عن قرب وكلا الاثنان صغار في السن ولهما مستقبل مع فرقهما الجديدة بالتوفيق لهما فكل واحد يبحث عن مستقبله حتى من طرد من بين أهله ذهب الي أرض الله الواسعة وهذ ما يحصل مع لاعبي الهلال؟ والموسى كان أمل الدفاع في المستقبل ؟ فتصوروا أيها الهلاليون نحن ندفع الملايين في لا عبي الاندية والهلال يهديهم لاعبيه ببلاش ؟ إنها الطيبة الزائدة التي يتمتع بها الهلاليون دون غيرهم ؟ فإلي متى والهلال يفرط في لاعبيه المعروفين بامكاناتهم وخلقهم وطموحهم الاستمرار مع الهلال حتى الاعتزال رغم انهم لم يساوموا النادي في يوما ما ؟ أما الذين يلوون ذراع الادارة الي حد الكسر فهم من يتمتعون بالبقاء والحصانة ؟ فهل سنرى المزيد من التفريط باللاعبين لصالح الاندية في الاعوام القادمة ؟ ام أن الهلال سيتوقف عن هذه الظاهرة وخصوصا أن تلك الاندية التي ظفرت بتسجيل اللاعبين بالمجان إعتادت على مماطلة الهلال عند طلبه أحد لاعبيهم وتتلاعب بأعصاب مسئولي الهلال وجماهيره وأن وافقت فهي تغالي ؟ ونحن نهديهم لاعبينا بالمجان ؟ لكن المثل يقول ( ما حك جلدك مثل ظفرك) فالادارة هي ادرى بمصلحتها ومصلحة النادي ولكن يجب ان نقول للمخطئ أخطأت وللمحسن أحسنت فكلنا بشر وليس منا المعصوم من الخطأ والخطأ هو الاستمرار عليه كل مرة وكل سنة ؟ فاحترام وجهة نظر المدرب مطلوبة لكن أن نماديه بالخطأ ونتركه يسرح لاعبينا الذين نعرفهم منذو نعومة اظافرهم هو بحد ذاته خطأ أيضا ؟ فالشغلة اصبحت من خطأ في خطأ الله يعين الهلال وجماهيره على تلك الاخطاء فالهلال سيظل الهلال بالموجودين الذين يعتبرون صفوة لاعبي الاندية حاليا ------ والله من وراء القصد ------------------------------------ |
الهلال ملزم بعدد معين من اللاعبين يعني كان لازم يسرح لاعبين واختيارهم حسب حاجه المدرب من عدمها فاكان افضل خيار انهم يعارون وللعلم شافي رفض الاعارة وطلب المخالصه بعد قرار اعارته وبعدين شافي كم مدرب مر عليه ولا لعبه اساسي!! |
ياحبيبي لاتتكلم بشي ماتدري فيه الهلال مافرط فيهم عبث فيه فيه امور وراء ماتطلع هالاعبين مو كفو يلبسون شعار الزعيم ولايشرفونه وكفوهم الاتحاد والنصر |
اللي مقهوووووووووور من شافي الدوسري توه صغير وبيعطي ولكن .................... |
شافي افضل من الزوري بالف مره بس عندك الفرج والشهراني مبدعين بالخانه اليسري |
شافي قرار ابعاده مو فني ابدا .. الاعب مايناسب الهلال سوا مشاكل وامور كبيره جدا هو مع بدر الدعيع . ومايشرفنا وجودهم بالزعيم الهلال اكبر من اي لاعب بششوه سمعتته |
يا اخي الكريم . من زين شافي الدوسري الحين :d ههه معليش يعني لاعب مو من مستوى الهلال . حتى بنيته الجسمانية ضعيفة جدا و قصير قامة وما يخدم خانته . والفريق الحين مكتظ بالنجوم الشباب والله يعين المدرب على وضع التشكيلة المناسبة . واللاعبين اللي تم تسريحهم عاله عالفريق ومالهم داعي . وشي طبيعي جداا اللي قاعد يصير . مدري ليش انت زعلان :D |
حبايبي لازم في الوقت الحالي نقف مع الادارة في كل ماتعمله اذا كنا نريد محاسبتها نحاسب نهايىة الموسم شافي لاعب كبير وخسره الزعيم لكن صدقني ادارتنا احترافية ومستحيل انها تستغني عنه الا وفي شيء يعني من الاخر اللاعب مومكتوبله يجلس معنا نقف مع الادارة اذا كنا نريد اسيا2012 |
القرار فني من المدرب فهو الاقرب ويعرف احتياجات الفريق... والباقين فيهم الخير والبركه مشكوووور |
- بالنسبة لشافي قريت بتويتره قبل مده طويله شوي ، انه لو مالعب اساسي يبي مخالصة ، بس ع الاقل كان احترم النادي ، ولا كتب مثل هالكلام ، والخانه اللي يلعب فيها ماهي ملك له ، لما يلعب خله يثبت نفسه فيها .. مو يثبت مباراه وعشره لا ! انا وانت و الجماهير كلهم يبون لاعب مايلعب مباراه وحده وعشر مباريات طافي مايسوي شي هذا الاداره تصلح اخطاء ب التشكيله وتجيب مدافعين و اظهره و توقع مع الاولمبي عشان تستفيد منهم ب البطولات المستحقه لها ، الموسم هذا لاتستعجل ب الحكم وانتظر : ) |
احب اوضحلك نقطتين شافي افضل من الزوري من ناحية الدفاع ولاكن من ناحيه الهجوم الزوري اسرع واقوه بنيه جسمانيه وخبرته في الملاعب افضل بس لويعدل عرضياته والزوري تقدر تستفيد منه بمركز قلب دفاع بحال اصابة احد لاعبين القلوب المكان الذي لايجيده بتاتا شافي والشي الثاني في مكان شافي والزوري عندم الفرج والشهراني لايعلا عليهم بالمركز الظهير السوال اللي يطرح نفسه مافكرت بان الهلال مرو عليه مدربين وهم جريتس ودول وهاسيك وكومبواريه بعني معقوله مايفهمون كلهم ويكونون ظالمين اللاعب اعتقد ان لاعب جدا عادي واقل من عادي بعد |
ما تبيه بعد .. يكد عليهم وعلى قرايبهم ويعمر لهم بيوت ويسكنهم بعد :: :naughty: |
يجونك مطفين النور أنت مندس والله أغلب الأعضاء جالس يبطل على عماه يا ناس والله قهر قهر قهر أعوذبالله من قهر الرجال يفرطون بلاعبين الهلال ويتعاقدون مع الحارثي والعازمي والجيزاني وفلاته والجمعان ويتركون الغنام والزوري ونامي والمرشدي والعتيبي وخيرات وراسي ما عاد اتحمل |
إقتباس:
اتق الله فما تقول ان كان عند دليل جيبه او لاترمي الناس جزافا شافي أفضل من الزوري بمراحل لكن الزوري جايبة خالد بن الوليد ومعروف انه يلعب في فريقه في حواري الرياض أما المشاكل من احتوى القحطاني وخيرات والقرني ليش ما أحتوى شافي بلاش تطبيل |
استغرب صراحه من البعض يتكلم عن لاعبين الفريق الاول ويعملون اللي يسوى والا مايسوى اذا راح لاعب حتى لو به عيبوب الدنيا وحتى وان كان فيه نجوم افضل منه اولا الموسى اعاره ثانيا شافي له كم سنه مالعب اساسي لا اول ولا اولمبي ولاحتى المنتخب والاهم من هذا انه فيه ظهير اسمه سليمان الله صعد الحين للفريق الاول وهو افضل منه والسنه اللي راحت اساسي في جميع مباريات الاولمبي واخير فيه ظهير يلقب بولي الاسمر وهو الكعبي اساسي في الاولمبي هما الاثنين افضل واصغر وامهر من شافي مع كامل احترامي له بالتوفيق لزعيمنا الملكي |
| الوقت المعتمد في المنتدى بتوقيت جرينتش +3.
الوقت الان » 01:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd