السلام عليكم ورحمه الله وبركاته ..

حصلت بعض الاحتجاجات بخصوص مركز اللاعب ويسلي وهو مهاجم والهلال عنده الان 4 مهاجمين او 5

اللاعب ويسلي لوبيز يلعب في مركزين اللي هي صانع لعب ويجيدها بشكل مميز ومهاجم رأس حربه

اتوقع لو تكون التشكيله بهالطريقه

شراحيلي
الشهراني مسلم مانجان البيشي
هرماش
العابد ويسلي عزوز
ياسر الكوري

اعتقد تشكيله مناسبه وولو اني لخبطت شوي في مناطق الاجنحه

وفي الشوط الثاني .. يخرج الاقل مستوى من ياسر والكوري ويدخل الشلهوب ويكون مكان ويسلي وينتقل ويسلي لمركز رأس الحربه وبكذا صناعه اللعب راح تكون مستمره لان بعض اللاعبين يتعبون وما يأدون بشكل ممتاز وصناعه اللعب اهم ركائز المباراة والتركيز عليها مهم ..

الاوراق الرابحه تحتار من تدخل بسبب قوة الاحتياط الهلالي!

عندك الفرج بالاحتياط ولاعب يتمناه اي نادي خليجي

واعتقد لو تقدم الهلال بالشوط الثاني يططلع الكوري ويدخل الفرج ويدافع اذا كان المنافس قوي

الختام .. اختلاف الرأي لا يفسد للود قضيه

والسلام عليكم ورحمه الله وبركاته

والله التششكيله
ماتقدر تحكم عليها
لأن الهلال يفاجئكك
بتشكيله
جميله وقتاليه

وبخصوص ويسلي
اعتقد انه يلعب ثلاثه مراكز
هي رآس حربه ومهـآجم ثاني (اللي يفتقده الهلال من زمن)
وصانع لعبُ
اتمنى لك التوفيق اخويُ

إقتباس الرسالة الأصلية كتبت بواسطة يحيى الحاج والله التششكيله ماتقدر تحكم عليها لأن الهلال يفاجئكك بتشكيله جميله وقتاليه وبخصوص ويسلي اعتقد انه يلعب ثلاثه مراكز هي رآس حربه ومهـآجم ثاني (اللي يفتقده الهلال من زمن) وصانع لعبُ اتمنى لك التوفيق اخويُ

صصدقت يلعب مهاجم ثاني برضو .. ولو ان الهلال يدربه مدرب صاحي الموسم الماضي والله لتقولون افضل اجانب مرو علينا ..

الاداره ماقصرت بالاجانب بس المدرب جابت العيد فيه الموسم الماضي .. هالموسم الاجانب والمدرب على مستوى ممتاز وان شاءالله نحصد البطولات وبالاخص المستعصيه

وين ناسيت بعد سالم الدوسري و الفريدي اوراق رابحه و انشاالله سعد يكون رجع مستواه

إقتباس الرسالة الأصلية كتبت بواسطة abo_turki وين ناسيت بعد سالم الدوسري و الفريدي اوراق رابحه و انشاالله سعد يكون رجع مستواه

الفريدي اعتقد راح ينتقل من الهلال بشكل كبير عشان كذا قلت اشيله من التشكيله مره وحده ..


صراحه واجهت صعوبه في اختيار اللاعبين من ناحيه التشكيله

يعطيكم العافيه

الله يوفقه في خدمة الزعيم
متفائل فيه

ان شاء الله يكون عند حسن الظن

المشاهد الذي لا يقرأ تحركات سلمان الفرج في الجمل الفنية الهلالية مشاهد أعمى لا يحسن تشكيل المفردات في سياق متناسق

إقتباس الرسالة الأصلية كتبت بواسطة ((أبوميحد)) المشاهد الذي لا يقرأ تحركات سلمان الفرج في الجمل الفنية الهلالية مشاهد أعمى لا يحسن تشكيل المفردات في سياق متناسق

اعلم ان الفرج لاعب متميز واعتقد انه من افضل لاعبي الهلال .. بس مانقدر نحطه ظهير ايسر لان الشهراني تمركز فيها .. ومنطقه الظهير الايمن البيشي

الا اذا جعلنا البيشي احتياط والشهراني ظهير ايمن والفرج ايسر ..

شي جميل انه يلعب في الهجوم وصناعة اللعب

يبقى كلامي راي ونظره الاولى والاخيره للجهاز الفني

ويعطيك الف عافيه على الموضوع الجميل

الهلال مدجج بالنجوم ومن الصعب الحكم على التشكيله صراحه أنا ودي يكون سالم الدوسري مكان العابد وهذا التغيير بس وإلا باقي العناصر جدا ممتازه

شكرا لك ويعطيك العافيه

تقبل مروري أخوي نايف

ياسؤ اساسي هههههه و الشلهوب احتياط !!!

وش تحس فيه ؟. ترا ياسرك هذا ماسوا شيء قدام الانديه الايرانيه

الشلهوب بدال ويسلي و ويسلي بدال ياسرباذن الله

وبالدقايق الثمانين يدخل ياسر حقك علشان تستعرضون فيه بتصاميمك