السـلااام عليكم ورحمة الله وبركاته

هاردلك الخسارة القاسية ، ومبروك للبايرن ومشجعيه
البايرن كان في افضل حالاته ولاعبيه وصلوا لـ نضج كروي عالي جداً
اللي يخسر نهائيين في 3 سنوات ، بالتأكيد بيلعب بالروح والانضباط اللي شفناها اليوم
لكن خروج برشلونة السنة هذي ماكان إلا بضعف كبير من فريقنا
تيتـو يعبث في اللي سواه بيب بكل ماتحمله الكلمة من معنى
بكل أمانة بعد مباراة اليوم ، تمنيت لو تيتو كمل علاجه لآخر الموسم وخلى الأمور على رورا ابرك له
اللي يسويه تيتو الآن سواه ريكارد بآخر ايامه ، تغييرات متأخره ، تشكيلة غلط ، استقبال عدد مهوب طبيعي من الاهداف
هل بيصير بـتيتو مثل ماصار بـ ريكارد؟ اشبه بالمستحيل
لأن تيتو كان جزء من فريق تاريخي، وإقالته شبه مستحيله نظير لعطائه وظروفه اللي صارت له وهو مع برشلونه ، وهذا اللي بيصير من وجهة نظري وهذي اعذار الإدارة الي ماتحتاج تجهيز

كـ مشجع برشلوني متأكد ان تيتو ماراح يتغير، لكن أقل تقدير نحتاج ميركاتو جبّار
ولازم يكون فيه كم جلسه مع تيتو تنبهه بأخطاءه من المستشارين الفنيين
وأكبر اخطاء تيتو، اعتماده على المهاجم الوهمي بوجود ميسي او بدونه ، ولنا في الإياب ضد ميلان احسن مثال
يعني لما ترجع رجعه تاريخيه ضد فريق عريق مثل ميلان وتقدم افضل مبارايات موسمك؟ ماراح تكون المباراة هذي مرجع لك؟ معقوله ما استفدنا شي من مباراتنا ضد ميلان غير التأهل؟ علامة إستفهام

توقعي أن فالديز، أدريانو، ماسكيرانو، سانشيز، فيا بيطلعون هالموسم والبدائل متوفره بس لازم تدفع !!

في الحراسة كورتوا (البلجيكي حارس اتلتيكو)، مارك تير شتيغن (الالماني حارس بروسيا مونشنغلادباخ)

في الدفاع هوميلس (دورتموند)، دانتي (بايرن)، تياغو سيلفا (البي إس جي)

في الظهير الأيسر أي لاعب بديل لألبا عشان مسئلة التنافس ، وفي الظهير الأيمن نحتاج لاعب بديل لألفيس اللي مستواه صاير اقل بكثير من الجيد !!

في المحور والله قمة القهر لما تشوف بوسكيتس اساسي على حساب سونغ ! والله قهر

في الجناح الأيسر نيمار اتوقع حسمت صفقته وإنضمامه مسئلة وقت ، في الجناح الأيمن يكون ميسي ،، وبديل الجناحين بيدرو

المهاجم يكون فيه ، ليفاندوفسكي ، قوميز ، روني ، وحتى بقاء فيا ماراح يفرق


مبروك لعشاق البايرن هالفريق بصراحه وانتظر بيب مع هالفريق الخالع
هاردلك مره ثانية، وعلى الحلوة والمرة

إقتباس الرسالة الأصلية كتبت بواسطة هــلاالـي هارد لكم يا ابطال خرجنا امام فريق بطل ..

ماجبت شيء جديد اكيد البرشا خرج من فريق بطل
بس 7-0

!!

إقتباس الرسالة الأصلية كتبت بواسطة اسطورة الملاعب9 ماجبت شيء جديد اكيد البرشا خرج من فريق بطل بس 7-0 !!

اول شيء النتيجه 3 - 0
ثانيا المدرب مسلم المباراه نظرا للظروف الي يمر فيها الفريق

عندك اصابات بالجمله يكفيك خط الدفاع الي مافيه الا اثنين اساسيين

وترانا مقابلين افضل فريق في اوروبا وش تبي اللاعبين يسوون

شوف البايرن مع قوته هذي ومتعاقدين مع ماريو قوتزه ؟؟

وش يعني ذا يعني فريق يبي بطولات تبي بطولات ادفع مثل العالم والناس

من جبنا هالموسم جوردي البا وسونغ ؟ جوردي البا نحتاجه لكن سونغ متى لاعبه المدرب ؟ متعاقدين مع لاعب ورامينه احتياط ياخي على الاقل بجيب لاعب موهبه وصغير بقيمته ويكون يلعب في مركز الدفاع وياكثرهم المميزين بس الاداره تتحمل جزء كبير من الي صاير للفريق حتى لو جابو نيمار ماتوقع يسوي شيء بيجيبونه بمبلغ كبير وماتوقع راح ينفعنا الله يعينا لين يرجع لابورتااا

إقتباس الرسالة الأصلية كتبت بواسطة فآ‘إْلديفيآ‘إْ هآردلك من آلآعمآق يآكــــــــــــتلآن " آشوف آن فريقكم يبغى له 1 - حآرس 2- قلب دفآع متميز 3- مهآجم كلآسيكي

خيبة امل...

مو للخروج . ولا للخساره . ولا حتى للنتيجه ...

لكن طريقة تسيير الفريق . ادارة اللاعبين . الافكار او اشبا الافكار الا ظهرت هالموسم ...

ما اقدر افهمها بأي طريقه ، كيف لاعب مصاب اصابة تحتاج وقت عشان يتم التعافي منها . يتم استخدامه في مباريات دوري مااستفدنا منها (امام بلباو تعادل . وامام سوسييداد اظن تعادل) وكل هالمباريات كانت قبل مباريات الابطال المهمه!

ماقدر افهمها . كيف لاعب حالته البدنيه سيئه ، يتم اشراكه في الذهاب وهالشي أثر على كل شي في الفريق . بينما في الاياب يتم وضعه بالاحتياط.

لو كانت العكس . عذرت الفريق والمدرب لين بكره.

لكن الا صار مع ميسي مابين الذهاب والاياب . ما يبين ليي الا وضع اللخبطه وقلة الحيله.

ما افهم كيف لاعب مثل تييو ، اكثر لاعب ممكن يوجد حل مابين كل مهاجمي الفريق (بعد ميسي) يتم ركنه احتياط . بينما اللي لم يظهرو اي شئ هالموسم . يضلو يلعبو .

ارى تحامل كبير على لاعب مثل بوسكيتس . اللي هو ولاعبي الوسط كانوا يتحملو مستوى خط الهجوم المعاق . بوسكيتس اللي بحسب الاخبار صار له فتره يلعب وهو مصاب...

كيف لاعب صار له فتره يلعب مصاب ، وبديله سونغ مركون احتياط !

اذا كان بوسي مهم في الابطال ، ليه في الليقا ما لعب سونغ؟

ونجي في النهايه الى سئ الحظ بارترا ، اللي تم ظلمه بشكل كبير هالموسم . وتم رميه في النهايه مع سمك القرش في الوقت الا ماكان فيه احد يحميه .

بدل لا يتم تجهيزه واعطاءه الثقه . بدل لا يخلوه ياخد رتم اللعب . بدل لا يخلوه يتعود على لياقة المباريات . مخليينه ينظف الكراسي ! على ايش ؟ طلعنا بايش ؟

مع ذلك كان مستواه افضل من الناقه العرجه الا جنبه!

مستوى بدني ضعيف جدا . في المباراتين ضد البايرن كان الفريق يوصل للشوط الثاني منهار. في المباراتين كان بارترا وبيكي مع نهاية الشوط يكونو منهكين. خصوصا الناقه العرجه.

خلاصة الموسم . سوء ادارة كبير للموارد البشريه المتوفره.

والاغرب ، انه هذا السوء ازداد بشكل كبييير بعد مرض وغياب تيتو.

في اول شهور تيتو كان يريح ميسي بعد جولات الفيفا.

اما لاحقا ، مادري ايش تغير؟!

على الرغم من ان الفارق النقطي كان يزيد و يزيد.

لا حارس ، ولا قلب دفاع واحد . ولا راس حربا هو الحل . ولا واحد منهم الحل .

الفريق مستنزف . والطاقه كانت تقل مع الوقت . وهالشي بين قبل.

لكن لما تكون طريقة استخدام هاللاعبين معطوبه . والافكار غير واضحه . تزيد الشروخ.

قد يكون للمدرب افكار . قد يكون مؤهل . لكن لا اعتقد بان لديه الطاقه الكافيه بعد كل اللي مر فيه.

لاعبين امثال انييستا وتشافي . لما اشوفهم مرهقين . راح اتفهم هالشي بسبب الحمل الزائد عليهم مابين واجبات دوليه ومحليه.

لاعب مثل جوردي البا اللي لعب اولمبياد وكاس اوروبا في الصيف . وكانت اجازته عباره عن اسبوع زمان . راح اتفهم لما اشوف متسواه يقل.

لكن لاعبين امثال سيسك!

لا تعليق على المستوى البدني الا يعيشه الفريق.

و لاتعليق على طريقة تسيير الفريق طوال الموسم.

موسم من المفترض ان يفوز فيه الفريق بلقب الليقا من بدري بفضل مجهودات وفيره من بعض اللاعبين فقط يتقدمهم ميسي ، مع مستويات باهته لمعضم باقي اللاعبين.

الحل ماراح يكون مثل مايقول البعض . رقم 9 . وهوميلز . و بوسي احتياط .

المرحله الا وصلنا ليها ماكان بيكون من وراها اي تغيير مفيد . فريق اصابه الشلل تماما لا يمكن تعديله بقلب دفاع وقلب هجوم فقط!

ختاما . ولا تبديل خلال مباراتي الذهاب والاياب فعليا كان بيغير شكل الفريق . مافيه شي في دكة الاحتياط كان ممكن يغير شكل البارسا .

إقتباس الرسالة الأصلية كتبت بواسطة اسطورة الملاعب9 ماجبت شيء جديد اكيد البرشا خرج من فريق بطل بس 7-0 !!

اولا النـتيـجه 3 - 0 ومـو 7 - 0 على قولتـك

ولا تـنسى ان فـريقك اكـل اكثـر من نـص النتـيجه الي ذكرتـها انت فـي مباراة وحده والشـي هذا صار اكثـر من مره

إقتباس الرسالة الأصلية كتبت بواسطة PUYOL Carles الفريق مستنزف . والطاقه كانت تقل مع الوقت . وهالشي بين قبل. لكن لما تكون طريقة استخدام هاللاعبين معطوبه . والافكار غير واضحه . تزيد الشروخ.

يعطيك العافيه حسين ، وين هالغيبة يارجل لك وحشة ، اشتقنا لمثل هذي الردود ..

أتفق معك في كل ما قلت لكن اركز على هذه النقطة بالذات وهي الحالة البدنية السيئة اللي عليها اللاعبين ، ولما يكون فيه انهيار بدني للاعب بالتالي يلحقه انهيار نفسي وذهني في أداءه داخل الملعب ..

تيتو كان يقود الفريق بشكل جيد منذ بداية الموسم ، ولكن منذ غيابه وبعد عودته التي جاءت في مرحلة حاسمة من الموسم كان فيها تداخل وضغط في المباريات في مختلف المنافسات وجدنا فريق منهار من الناحية اللياقية ولا نعرف ماهو السبب .. أهداف كثيرة خسرنا بسببها نقاط عديدة كلها تأتي في الدقائق الأخيرة من المباراة يكون فيها الفريق متوقف وعاطل عن العمل ..

للأسف هذه الحالة واللي رافقتها الاصابات والغيابات واضح انه تعطل معها تفكير المدرب ولا عدنا نعرف القناعات اللي عنده بالنسبة لمستويات اللاعبين ... يصاب بويول وماسكيرانو نشوف بارترا يبدأ يشارك وفجأة يستبعد ويكون مكانه ادريانو ... في الهجوم مرة نشوف تيلو وبعدها يغيب ونرجع لفيا وسانشيز ثم يدخل بيدرو على الخط ويستمر الوضع على هذه التغييرات المتواصلة في التشكيلة ... صحيح مقتنعين ونؤيد فيلانوفا في عملية التدوير بين اللاعبين لكن اختيار من يشارك من المجموعة الموجودة وعلى أي أساس هو السؤال ..

بالنسبة لمشاركة ميسي خذها مني تيتو عرف لها ان المهمة صعبة في الشامبيونز ليغ وخاف انه يضيع معها الليغا علشان كذا كان يشارك خوف من انه الفريق يهدر نقاط ويقل الفارق مع الوصيف ... شارك في الذهاب ضد البايرن وهو غير جاهز محاولة انه يكون له تأثير نفسي اكثر من فني على اللاعبين مثل ماحصل في مباراة البي اس جي لكنها ما نفعت امام قوة الفريق البافاري ... في مباراة البارحة وبحكم انها في ملعب الكامب نو وميسي غير جاهز بالكامل ابقاه على دكة الاحتياط على امل انه الفريق يسجل في الشوط الاول ويستفيد منه في الثاني ... انتهى الشوط بالتعادل صعبت المهمة أكثر وجاء هدف روبن اللي قتل كل الآمال وألغى كل الحسابات ..

فالديز لعب البارحة ضد البايرن مباراته رقم 100 مع برشلونه في الشامبيونز ليغ ..

يعني رقم مميز انها تكون مباراته الاخيرة اللي نشوفه فيها مع الفريق على المستوى الاوروبي ..

تشتاق لك العافيه ابو سلطان . احنا موجودين - متابعين بتستر

إقتباس بالنسبة لمشاركة ميسي خذها مني تيتو عرف لها ان المهمة صعبة في الشامبيونز ليغ وخاف انه يضيع معها الليغا علشان كذا كان يشارك خوف من انه الفريق يهدر نقاط ويقل الفارق مع الوصيف ... شارك في الذهاب ضد البايرن وهو غير جاهز محاولة انه يكون له تأثير نفسي اكثر من فني على اللاعبين مثل ماحصل في مباراة البي اس جي لكنها ما نفعت امام قوة الفريق البافاري ... في مباراة البارحة وبحكم انها في ملعب الكامب نو وميسي غير جاهز بالكامل ابقاه على دكة الاحتياط على امل انه الفريق يسجل في الشوط الاول ويستفيد منه في الثاني ... انتهى الشوط بالتعادل صعبت المهمة أكثر وجاء هدف روبن اللي قتل كل الآمال وألغى كل الحسابات ..

اوافقك ، انه كان ادخاله معنوي في الذهاب . وفي الاياب كان فيه تعويل على وضع الكامب نو.

لكن بما انه المدرب ، وفيه تقييم مستمر للاعبين و بحسب مباريات عديده هالموسم ضد انديه اضعف من بايرن . شفنا انه

1) غياب ميسي مؤثر . وهالشي طبيعي جدا.

2) الثلاثي الهجومي الا دخل به تيتو معاق جدا جدا جدا.

فيا - فابري - بيدرو

ما ادري من وين اخدها والا اخدها .

اسوأ ثلاثي هجومي ممكن نطلع به بحسب اداء هالموسم ، قام دخله في اهم مباراه .

لو دخل اليكسيس وفابري واي لوح معاهم . راح اتفهم انه يبغا يعول على الثنائيات الجيده الا اظهرها الكسيس وسيسك الفتره الاخيره

لكن بيدرو سيسك فييا . اسوأ ثلاثي للبارسا بالفتره الحاليه

خواص هالثلاثي التحرك بدون كره وازعاج الخصم المستمر . لكن هالشي يعتمد على مدى تكتلا لخصم والطريقه الا نلعب بها.

ماكان فيه بوادر امل بالتأهل او النجاح من شفت هالثلاثي.

لو اختار اي ثلاثي غير كان بعذره.

لكن هالثلاثي يفتقد للسرعه ويفتقد للقدره على تغيير رتم اللعب. والنتيجه مافيه طريقه نبني بها اي هجمه . مدافعينا ولاعبي وسطنا شافوا نفسهم ناقصين العدد دايما