إقتباس الرسالة الأصلية كتبت بواسطة أجمل الذكريات";21222202][CENTER][SIZE="4 مع دفاعنا شوربة العدس حظوظنا في الفوز ضعيفه بل اني اخاف اننا مو بس نخسر .. نخسر بنتيجه ثقيله برضه اتوقع روبن وريبري بيفتحون انواع الشوارع تصدقون تمنيت اننا ما فزنا على باريس .. نطلع وبنتيجه مشرفه افضل من اننا نتأهل و حظوظنا ظعيفه ونعطي الريال ولا غيره فرصه يطق طق علينا لكن لاخوف على البوغرانا مادام حامي العرين هو راقص الباليه [/SIZE][/CENTER]

هذا كان كلامي قبل المباراة وللأسف تحقق
والمصيبه الأكبر ردة فعل الادارة من جد ما تحس عندهم نيه يقتنعون ان الفريق يبي له تعاقدات قويه بدال شغل الترقيع واشراك اللاعبين في غير مراكزهم

ستكون مباراة اليوم هي المباراة رقم 100 التي تجمع بين فريقي برشلونه واتلتيك بلباو في ملعب السان ماميس في مختلف المسابقات ، وهي المباراة الأخيرة التي سيخوضها برشلونه على هذا الملعب قبل انتقال الفريق الباسكي إلى ملعبه الجديد .

برشلونه واجه بلباو في 99 مباراة سابقة على هذا الملعب فاز في 28 مباراة وتعادل في 22 مباراة وخسر 49 مباراة وسجل لاعبو برشلونه 139 هدف مقابل 186 هدف دخلت مرماه .

يذكر أن الهداف السابق لبرشلونه سيزار رودريغيز هو أكثر من سجل في هذا الملعب للفريق برصيد 8 أهداف .

صورة : هينيكيس مدرب البايرن وضع جوميز بدور الرقابة اللصيقة على بوسكيتس لتعطيل بناء الهجمات اتمنى ان هالمدرب يدرب برشلونه داهيه بمعنى الكلمة

وش سالفة برشلونة وحظها هالموسم مع التحكيم ..
هدف تسلل وآضح ..!!


الفريق مايطمن ..
لازم يدخل ميسي

السلام عليكم ،، اخباركم يا شباب ،، ادري مدريدي ومالي دخل بس فيه كم نقطة في بالي ودي اتكلم فيها قبل مباراتكم مع البايرن

البرسا مهمته تعتبر اصعب من الريال ،، بس البرسا اذا كان بيومه واذا كان كل لاعب يقدم اللي عليه ف صدقوني البرسا ما راح تصعب عليه العودة "باذن الله"

ميسي انا ما ادري عن اخر اخبار اصابته ،، بس ميسي اذا بدع ف سلمو لي على البايرن

فيه خطة وتشكيلة معينه في بالي ،، مدري اذا توافقوني فيها او لا ،، بس التشكيلة هذي احس انها بتسوي بلاوي في البايرن

فالديز

البا - بيكي - الفيس

سونق - بوسكيتس

فابري - تشافي

انيستا - فيا - ميسي


تكثيف خط الوسط بيصعب المباراة على البايرن ،، خصوصا وان لاعبي البرسا عندهم ميزه ما فيه اي خط وسط يملكها ،، واللي هي المهاره - السرعه - دقة التمرير ،، بوجود تشافي وفابري كصانعي لعب و وجود بوسكيتش للمساندة ،، وبوجود سونق للادوار الدفاعيه << سونق كان مسوي بلاوي مع الارسنال ،، قطع الكرات والقوة الجسمانيه بتساعد البرسا في مثل هذي الضروف

هذا كله بالاضافه الى وجود ميسي وانيستا على الاطراف ،، وفيا بالعمق ،، والله البايرن بيجيب العيد

البايرن فريق كبير ما ننكر هذا الشي ،، بس الضغط العالي على لعيبتهم بتصعب عليهم المهمه

ما ودي اطول عليكم بس كانت على بالي وقلت اشوف رايكم

ليونيل ميسي سجل الهدف رقم 100 لبرشلونه هذا الموسم في الليغا ، وهو الهدف رقم 44 مع 12 اسيست .

ميسي يسجل هدفه رقم 24 خارج الأرض وهو رقم قياسي في تاريخ الليغا كاول لاعب يسجل هذا العدد من الأهداف في موسم واحد ، وحطم رقم البرتغالي رونالدو الذي سجل 23 هدف في الموسم الماضي .

الرقم الثاني الذي سجله ميسي في المباراة انه سجل في 15 ملعب مختلف في موسم واحد ، وبذلك يتجاوز رقم اللاعب الأسباني دانيال غويزا مع مايوركا موسم 2007/2008 الذي سجل في 14 ملعب .

إقتباس الرسالة الأصلية كتبت بواسطة Abdullah-88 فالديز البا - بيكي - الفيس سونق - بوسكيتس فابري - تشافي انيستا - فيا - ميسي

في البداية حياك اخوي عبدالله معنا وياهلا فيك وبمشاركتك ،،

صراحة قعدت أحلل في هذي التشكيلة شوي تقنعني وبعدها أغير رأيي ، لكن النتيجة النهائية انها ما دخلت رأسي ..

يعني انت ركزت على عملية تكثيف الوسط من أجل السيطرة والاستحواذ مع انه برشلونه بطريقته المعتادة بثلاث لاعبين دائما عنده نسبة الاستحواذ الأعلى يعني ماحنا ناقصين زيادة لاعبين في الوسط ،،

القضية هنا انه بهذي التشكيلة صحيح ركزت على موضوع وسط الملعب لكن تسبب مشاكل اولا انه راح يتسبب بازدواجية في الأدوار بين لاعبي الوسط بوجود 4 لاعبين وعادة انيستا يضم معهم يعني زحمة في خط الوسط يكون نتيجتها استحواذ سلبي بدون فائدة ..

النقطة الثانية انك خليت ثلاث مدافعين اثنين منهم لاعبي الأظهرة ( ألبا موقوف ما راح يلعب لكن ماهي مشكلة امشي معك ) ، يعني بكذا راح تصعب من عملية تقدمهم وترك مراكزهم خوف من المساحات وبكذا تخسر قوة انك تفتح اللعب على الأطراف ويكون التركيز في الهجوم من العمق خاصة وانه مثل ما قلت لك انيستا وميسي كثير دخولهم لوسط الملعب ..

البايرن فريق قوي من الأطراف ومجرد تقدم الظهيرين لو حصل تترك مدافع واحد اللي هو بيكيه وحتى مع وجود لاعبين اثنين في المحور اللي هم بوسكيتز وسونغ لكن عندهم نوع من البطء وصعب انهم ينتقلون بالسرعة لتغطية الاطراف ، يعني مجرد كورة من الحارس نوير يلعبها طويلة لروبن او ريبري في حالة الهجمة لبرشلونه خلاص دفاعك يبقى مكشوف ..

وحياك معنا من جديد ..