نادي الهلال السعودي - شبكة الزعيم - الموقع الرسمي - || رابطة زعيم إسبانيا وأوروبا "البلوغــرانا" لـ موسم 2012

بصررراحة مستغرررررررب الدوري يبدآ بكرا والرابطة في سابع نومة وغير كذا للحين مانزلتوا نقاش لمباراة ليفانتي ...

وش السالفة ليش ماترجع الرابـطة زي ماكانت:cry::cry:

برشلونة Vs ليفانتي ( نقاش المباراة )

اول مباراة رسمية للمدرب الجديد ، كيف تراها ؟

نتيجة المباراة ومسجلي الاهداف ؟

نجم المباراة

التشكيلة المتوقعة ؟

^^^
يارجل .. لو تتقفل الرابطة أبرك

الرابطة جداً نايمة ومامنها فايدة بوضعها الحالي

إقتباس:

الرسالة الأصلية كتبت بواسطة الزعيم الخرجاوي (مشاركة 21438802)

^^^
يارجل .. لو تتقفل الرابطة أبرك

الرابطة جداً نايمة ومامنها فايدة بوضعها الحالي

بصراحه الوضع راكد لكن ممكن اللي كانو متواجدين عندهم ظروف سفر او شغل ..

لك ثلاث ردود تتذمر أخوي .. شرايك تشارك معنا بالرابطه وتخليها تتحرك شوي

برشلونة Vs ليفانتي ( نقاش المباراة )
اول مباراة رسمية للمدرب الجديد ، كيف تراها ؟

المدرب في الفتره الماضيه ..كان واضح عليه التنويع في التكتيك داخل الملعب .. ما أظن أنو راح نشوف نفس طريقة لعب المدرب السابق .. وممكن نشوف الكثير من التمريرات الطويله ..

نتيجة المباراة ومسجلي الاهداف ؟

اتوقعها 2-0 ...إذا لعب ميسي بيكون له هدف ،،والهدف الثاني فابريقاس

نجم المباراة

انييستا

التشكيلة المتوقعة ؟

فالديز

البا ماسيكرانو بيكيه الفيس

بوسكيتس

انيستا فابريقاس (تشافي)

بيدرو(نيمار) ميسي سانشيز

نآيمين وبس :d

خلنا نطرح هذره بسيطه عما يحدث بسوق الانتقالات هذا الصيف ووش يحتاج الفريق ووش مايحتاجه .. وش سوى روسيل ووش ماسوى وما الى اخره :d

هيكلة كل فريق كبير تحتاج قائد بكل خطوط من الفريق .. كل الفرق الكبيرة في عز مستوياتها كانت غالبا تمتلك النوعيه هذي من اللاعبين اللي قادرة تأمن وضع فريقك في في كل خط من خطوطها .. على سبيل المثال في كل فترات الابداع للبرشا كان بويول شايل الدفاع على كتفه .. وبنفس الوقت الوسط يعج باللعيبه اللي قادرين يشيلون النص .. والهجوم في الثلاثيه الاولى كان بقيادة ميسي وايتو وهنري .. والسنوات الاخيره كان ميسي شايله بشكل كبير لوحده والدليل معدله التهديفي الخيالي ..

هجوميا لاحظنا في غياب ميسي كيف تغيب الفعاليه .. مهوب ع الفريق ككل .. بس كنهاية للهجمه والشئ اللي كان يسويه ميسي .. لنا دليل في مباراتنا مع الباريس .. خصوصا الاياب .. الباريس كان افضل وبكل النواحي .. خلق فرص وهدد وتقدم ! .. ماكان لدى فريقنا اي حلول .. نزل ميسي .. صنع الهدف وخلصنا من المباراة ..

لما قابلنا فريق كبير وقدر يحد من خطورة ميسي هنا وضح اننا صعب نأدي نفس أدائنا الخيالي اللي نقدمه .. وبنفس الوقت وضح غياب القائد في خط الظهر واللي اسفر عن نتيجه تاريخيه ..

طيب وين الحلول هنا .. بدى الحل الاول والمتمثل في نيمار .. حل بالنسبة لي رائع جدا .. وبيتمثل بعدة حلول في الخط الامامي لنا .. ماراح الكل يلتفت لميسي .. صار فيه اكثر من لاعب عنده القدرة على بناء شئ مختلف .. شئ يهدد الخصم وبشكل واضح وهذي نقطة تصب لإدارة روسيل وانهاء الصفقة من بداية الصيف ..

الخط الأهم واللي وضحت المعاناه فيه العام اللي فات .. خط الدفاع .. واللي كان اغلب الوقت ترقيع .. سواء بأدريانو كقلب دفاع .. ولا سونغ قلب الدفاع .. ومنها من التأليف اللي له أول ولا له تالي .. هذا غير غياب القائد اغلب فترات الموسم بداعي الإصابه ..

الفريق بحاجه للآعب نفس طينة بويول .. اللاعب اللي يوجه كل الخط معاه .. اللاعب اللي عنده الشجاعه في حال المرتدة بالتقدم وقطع الكرة بكل ثقه .. اللاعب اللي كل الفريق يحس بأمان بوجوده بخط الظهر .. والحل الأول كان تياقو سيلفا ..

حل رائع لكن صعب .. الباريس رفض يستغني عنه بل وجدد له وكسر الطريق على البرشا وبشكل كبير .. وترك لنا خيارات اقل جودة بكثير من خيار السيلفا اللي كان بيكون حل لكل المشاكل ..

الخيار الثاني كان بمدافع روما الشاب .. خيار جيد لكن هل هو الخيار اللي انت تحتاج له ؟ .. هل هو المدافع اللي يشيل دفاعك ويوجههم كقائد ؟ .. ماظن .. لاعب شاب وجيد دفاعيا لكن ماهو قائد حقيقي لخط الظهر .. والحمدلله زرفه الباريس ولا قربنا له ..

الحل الحالي واللي قايم البقس عليه .. لويز .. لاعب بطل دفاعيا .. ومن افضل لاعبي الدفاع بالوقت الحالي .. جسمانيا دفش وسريع ويمتلك كل المهارات اللي يحتاجها افضل المدافعين .. لكن الكلام فيما لو جى ومسك الدفاع مع بيكيه .. من وجهة نظري بناكل هوا :d

الاثنين نزعتهم هجوميه .. والاثنين من طينة المدافعين اللي يكشتون .. وفيما لو حصل وجا .. حزكركم بكمية الكشتات اللي بتصير واللي بيسفر عنها اهداف وبالهبل ..

لازم نشوف وش عندنا ووش لازم نجيب .. لازم نعرف اللي نحتاج بالظبط وبعدين ندرس خياراتنا .. مهوب مدافع كويس ويالله رح جبه .. حنا بحاجة مدافع قائد وثابت دفاعيا .. يعني عكس طينة مهند :d ..

من وجهة نظري فريقنا يحتاج لطينة بويول وتيري وفيديتش .. وان ماحصل واحد من طينة المذكورين فعز الله اننا بناكلها ملح السنة الجايه :d ..

قليلا من الهذره .. وفيما لو تمت مناقشة ماهذرناه لنا عودة :d .. واذا مافيه انا اقول قفلوا الرابطة :s2: ..

سلآميشن

لقطات من تمرين الفريق يوم الخميس الماضي ...

FC Barcelona - Entrenament 15/08/2013 - YouTube

كارلوس بويول يبدو أنه تعافى من الإصابه ويقوم ببعض التمارين الفرديه

http://www.youtube.com/watch?v=nHjFV...D0A410133B01FE

تمارين متنوعه للفريق

http://www.youtube.com/watch?v=heR9D...NiQCBe9Eookf_A

برشلونه vs ليفانتي الشوط الأول الان

النتيجه ٢-٠ لبرشلونه ... سانشيز الهدف الأول في الدقيقه الثالثه ، واضاف ميسي الهدف الثاني الدقيقه ١٢

تم إحراز الهدف الثالث عن طريق دانيل الفيس في الدقيقه ٢٣

الهدف الرابع عن طريق بدرو ردريقز الدقيقه ٢٦

البرشا متحكم برتم المباراه وسيطره شبه كامله لمنتصف الملعب ...غالبية الخطوره تكون من الجهه اليمنى عن طريق ميسي

ضربة جزاء في الدقيقه ٤٠ ارتكبت بحق أدريانو .. ونفذها ميسي في يسار المرمى بشكل ممتاز

برشلونه vs ليفانتي

٥-٠

الهدف السادس عن طريق ون تو بين تشافي وفابريقاس ... احرز عن طريقها تشافي هدفه الأول في الدوري

دانيل الفيس ..الهدف الثالث لبرشلونه

Dani Alves Goal - Messi Amazing Assist - Barcelona 3-0 Levante HD - YouTube

الهدف الرابع ..عن طريق بدرو

Pedro Goal - Barcelona vs Levante 4-0 08/18/2013 HD - YouTube

الهدف الخامس ضربة جزاء عن طريق ميسي

http://www.youtube.com/watch?v=zJZFFjPZOAw

الهدف السادس عن طريق تشافي

http://www.youtube.com/watch?v=phx-0B_QbHc