|
الاسطوره الهلاليه الخالده على مر الاجيال بسم الله الرحمن الرحيم السلام عليكم ورحمة الله وبركاته سأكتب موضوعا ربما لايروق لبعض اعضاء المنتدى ولكنه يحكي حقيقة اسطوره يجب ان يكون الاسم ملازم له كما اسم الزعيم ملازم للهلال اخواني الهلال نعرف ان بداياته في خمسينات القرن الفائت الميلادي ايام مبارك عبدالكريم ثم جيل محسن بخيت ولكن الهلال ظهر بقوه على الساحه وازدادت جماهيريته في نهاية السبعينات الميلاديه بعدما بزغ نجم الاسطوره صالح النعيمه وهذا اللاعب والمدافع الفذ ..أحدث نقله كبيره في لعب المدافعين فكان يلعب للكره وليس كما كان المدافعين قبله يعتمدون على القوه والخشونه ...من عاصره يعرف ويعي ماأقوله جيلنا اغلبه احب الهلال من محبته لهذا اللاعب فقد كان حماسيا مخلصا لايرضى بالهزيمه اطلاقا قاد الهلال والمنتخب منذ عام 1401حتى اعتزاله عام 1410 وتقلد شارة قيادة منتخب العرب بوجود نخبة لاعبي الوطن العربي الجميع يعرف ان يوسف الثنيان أفضل لاعب مر على الهلال وحتى لوسألت النعيمه سيقول ذلك ولا يوجد ادنى شك ان الثنيان الافضل على الاطلاق لكن النعيمه يعتبر من ابناء النادي الاوائل الاوفياء والمخلصين ...الجماهير الان من الشباب هم ابناء جماهير هلال النعيمه .....فلا ينافس النعيمه احد في لقب الاسطوره فهو اسطورة الهلال الاوحد مع احترامي لجيل مبارك عبدالكريم ومحسن بخيت فلاينافس احد ابوفهد على اللقب (حتى لانقول فلان اسطوره وفلان غير اسطوره ليظل اللقب حكرا على ابوفهد فقط) |
طيب وبعدين ؟؟ الحين منزل موضوع كامل عشان نعرف مين الثنيان ... انت الظاهر من جماهير الاعبين ... مو الثنيان اقصد جماهير ياسر عشان سامي مايكون اسطورة يعني !! ياعمي انت الحق على كبتن ماجد .. مع احترامي لك سامي اسطورة يوسف اسطورة النعيمة اسطورة وكفى ى .... |
لاعب كبير يستحق الأحترآم والثقه له ذكريآت ذهبيهه ، يعطيگ العافيةة :rose: ، ودي:rose: |
اوافقك الرأي ( النعيمه الاسطوره فقط) الثنيان افضل لاعب في تاريخ الهلال |
جماهير ياسر مقهورين من سامي عشان كذا تشوفون هالمقارنات السقيمه اللي مالها اي فائده !! صايرين مثل الفقراويه لللاسف .. الهلال يملك اساطير ولا ليس اسطوره واحده محمد الدعيع + عبدالله الدعيع + صالح النعيمه + يوسف الثنيان + سامي الجابر + خالد التيماوي + نواف التمياط ... القائمة تطول الخ بالتوفيق لهم في حياتهم ويااما افرحونا كجماهير هلاليه |
آسآطير في ذآكرة آلهلال : خالد التيماوي - يوسف الثنيان - سامي الجابر - صالح النعيمة واتركونا من سوالف جماهير ياسر وكذا ترا كلنا هلاليين ،، |
على اي اساس تقول يظل اللقب حكرا على ابو فهد ؟؟ مع احترامي لك موضوعك جميل لكن اخر نقطة ليتك خليتها على جنب ..!! تحياتي لك |
موضوع ما راح يسبب الا حزازيات و مشاكل ,, نادي الهلال نادي عظيم نادي عريق نادي له تاريخ حافل و مثلتة اجيال و اساطير و نجوم كبار ,, لقب الاسطورة ما تقدر تحصرة على لاعب واحد في الهلال عندك عدة اساطير و كل مشجع له اسطورتة المفضلة لكن برضة نظام حصر الاسطورية فيه انقاص من النجوم الباقين ,, بختصار شديد الهلال له اساطير و ليس هو نادي الاسطورة الواحدة |
نتعب ونحن نذكر اساااااااطير الهلال.... فهم كثر ولله على الحمد..... وكل جيل نحصل على ثلاث اسااااااطير على الاقل...... |
هالحين نطيتوا وجبتوا طاري ياسر ولم اتطرق له النعيمه الاسطوره الحقيقيه والاوحد وهناك مبررات كثيره 1/ قائد الهلال والمنتخب في عزه وكابتن لاساطير الانديه الاخرى 2/ النعيمه نعرفه معرفه تامه انه مخلص وعاشق للهلال حقيقي 3/ هو من ساهم في نجومية الثنيان وسامي واخذ بايديهم وهم صغار وهو قائدهم ارجع لمن قال الاساطير هم سامي والثنيان والتمياط والتيماوي ...اخواني فيه لاعبين لعبوا للهلال وخدموا الهلال مثلهم بل واكثر منهم ولا تطرقتوا لهم ان بغيت تعدد الانجازات للاعبين فياسر حقق انجازات لم يحققها اي لاعب هلالي وسعودي ولكن ليرضى الجميع ونتفق ان الاسطوره الاخ الاكبر وقائد هؤلاء جميعا هو صالح النعيمه فقط |
يعطيك العافيةة على الموضوع |
الهلال منبع الأساطير وكفى وان كان سامي بالارقام هو الابرز في تاريخ الكرة السعودية والاسيوية والثنيان الامهر في تاريخ الكرة السعودية والاسيوية وابوفهد قائد لن يتكرر فهنيئا لنا بهذا النادي فهو منبع النجوم |
افضل من حمل شارة الكبتنيه في تاريخ الزعيم |
إقتباس:
يوسف الثنيان الامهر ولعبة كرة القدم تعتمد على المهاره والا اللي ماعنده مهاره يصير الابرز معقوله الثنيان هو صانع امجاد الهلال واللاعب الذي لن يعوضه الهلال ومكانه شاغر والا البقيه جاء من هوافضل منهم |
إقتباس:
آخي الغالي بـ آي حــق تحتكر لقب الاسطوره على القائد الكبير ابو فهد ؟؟ فــ يوســف الثنيان له منجزاته واسلوبه الذي يجعلنا نطلقه عليه لقب الاسطوره ،، وسامي الجابر له من الصولات والجولات والإنجازات ما تجعلنا نطلق عليه لقب الاسطورة وبكل استحقاق ومحمد الدعيع كذلك والقائمة تطوووول .. لذلك انا اقول آني احب الهلال والهلال فقط ،، لآنــه هو من انجب الاساطير ( صالح النعيمه وســامي الجابر ويوســــف الثنيان و محمد الشلهوب و ......... ) |
| الوقت المعتمد في المنتدى بتوقيت جرينتش +3.
الوقت الان » 06:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd