"الاتحاد" و"النصر" يخطفان الدوسري والدعيع
 

شهدت الساعات الأخيرة من مساء أمس الأربعاء وهي اللحظات النهائية لإغلاق باب التسجيل للاعبين المحترفين في فترة الانتقالات الصيفية تواجد العديد من الأندية لقيد لاعبيها في كشوفات فرقها قبل انطلاقة الموسم الرياضي الجديد، وحملت هذه الصفقات العديد من المفارقات، حيث أن فريق الهلال كان قد أعلن وفي ساعة مبكرة استغناءه عن خدمات حارس مرماه بدر الدعيع ولاعب الظهير الأيسر شافي الدوسري، لتسارع إدارتي النصر والاتحاد في ضمهما.

ووقعت إدارة نادي النصرعقداً احترافياً مع الحارس بدر الدعيع لمدة سنة واحدة، فيما تعاقدت إدارة نادي الاتحاد مع لاعب الظهير الأيسر شافي الدوسري.

المصدر صحيفة سبق

ياجماعة الخير الكلام هذا نقلته نقل من صحيفة سبق يعني انا ما اخترعته ولاهو انا اللي كتبته
كل المقصد من نقله هو بيان بعض عقليات المحررين او الصحفيين وكيف يتم تنقية الموضوع ليعمل بلبله ومشاكل من بعض جماهير الزعيم
وهو اصلا غير صحيح ومغلوط لانه اصلا الاداره والمدرب نسقتهم وعملت لهم مخالصات قبل زعمهم خطفهم من ناديهم ...
دمتم بحفظ الله

شافي والدعيع احتياط الاحتياط عندنا
لكن ب النسبه لهم نجم !

شافي الدوسري لاعب لم ياخذ فرصته والله يوفقه

بالنسبه لبدرالدعيع الحارس غير منضبط والدليل معسكر دبي وعشان كذا استبعد من الفريق

وتم مخالصته

حسااااااااااافه تم التفريط فيهم وخصوصا شافي الدوسري لكن الله يوووووووووفقهم

ظلم × ظلم × ظلم

يرحل الشاب بدر و يجلس ع قلوبنا الشايب حسن !!

يرحل الشاب شافي و يجلس ع قلوبنا المنتهي الزوري !!

الدعيع ما منه فايده اما شافي كنت اتمنى ان يبقى بالزعيم او يحترف خارجيآ

لكن صدمنا انه وقع مع الاتحاد ، شافي لعيب وراح نندم لو شارك وابدع مع الاتحاد

يعطيك العافيه اخوي .. والله يكتب اللي فيه الخير للزعيم : )

شافي لاعب ممتاز وعنده موهبه جدا مميزه لكن مثل ماتفضلتم ما اخذ فرصته كفايه
اما بدر الدعيع اسم العائله هي اللي صبرتهم عليه كثير وبالاخير ماشفع له شي ابد

وبالاخير الاداره ومدربنا هم ابخص بالمواضيع الفنيه المتعلقه بالاعبين وعساها خيره لزعيمنا
دمتم بحفظ الله

بالتوفيق لهم
يعطيك الف عافيه

شافي له اربع سنين في الفريق الاول ولم يثبت وجوده رغم اختلاف المدربين
شافي كان احتياط للزوري وكان اذا انصاب الزوري يلعب الكوري لي يونق
بعده اخذ الفرج الخانه ولم يثبت وجوده شافي

وكذالك بدر الدعيع ما اثبت نفسه شاهدنا كيف عبدالله السديري على طول مسك الحراسه

اللاعبين لم يفيدو الهلال و الاستغنا عنهم متوقع

الله يوفقهم ان شاء الله ,, وبعتقادي انه بدر الدعيع لم يقدم ما يشفع له ان يبقى في الفريق بس انا استغرب من ان يتم بيع شافي الدوسري لاعب له مستقبل كبير .

اللي مايبدع مع نجوم الموج الازرج نجاحه شبه مستحيل
في ...............................................................
هاذى رايي

اعتقد كل اللوم على الاداره في الاستغناء عن اللاعبين
ويحق لهم التسجيل في اي فريق يختارونه
تحيتي لك