|
اسيا بعيده مره قويه اعتراف من عاشق لزعيم بعدالسلام واقول مبارك عليكم الشهر موضوعي عن الاداره والاجنبي الرابع اللي شاغل الزعماء اول شي الاداره في مهزله كبيررررره لان اول خطاء هو البقاء على الكوري وثاني خطاء التعاقد مع المدرب الفرنسي اللي له اكثر من وجهت نظر وثالث خطاء المخالصه مع الاعب صالح الريس وبعدين اقولكم من الان ان ابن مساعد يبحث عن مصلحت نفسه يعني ماخذ الاداره تجاره لنفسه هو والامير عبدالله بن مساعد والدليل اعارة ياسر الموسم الماضي ولم ينهي امر ياسر بشكل سريع لانه كان ينتظر مبلغ يفيد نفسه من نادي العين الاماراتي انا من وجهت نظري ان ادارة بن مساعد لابد من الرحيل ـــــــــــــــــــــــــــــــــــــــــــــــــــــــــــــــــــ الاجنبي الرابع هو ولي ولا فيه غيره لان ولي يوفر على بن مساعد اموال كثير زي ماتعرفون ان ولي تخلا عن نصف راتبه وانه عرض خدماته على الهلال اما فالديفيا مستحيل راح تشوفونه في الزعيم ــــــــــــــــــــــــــــــــــــــــــــــــــــــــــــــــــ واسياء بعيده مره قويه مدام ابن مساعد رئيس الهلال ــــــــــــــــــــــــــــــــــــــــــــــــــــــــــــــــــ وفي الختام احب اذكركم انها وجهت نظري المتواضع وانا حاب اسمع ردودكم |
الحقـــيقه مــرهـ وانا اخــوك أنـا بعـد اشــوف اســيا بعيــده عن الهـلال ولكـن ليــس للأسبــاب اللي ذكرتهـا لي اسبـاب اخرى أول هـذه الاسبـــاب واهمها ابتعـاد الأميـر عبدالرحمن عن التصــاريح الأعلاميه من المـوسم اللي فات ومسـتمر الـى الأن وسيسـتمر الـى الموسم القادم الصمـت لانه غيـر راضي عن المســتوى في الموسم اللي فات والدلـيل انه في موسم جيــرتس في كـل شـارده ووارده يصـرح بمعنـى ان السبب في مستوى الهلال والاعبين واللاعبين فــاهمين هالشـئ لذا سيؤثـر على معنوياتهم وتهتـز الثقه في أنفســهم السبــب الثــاني هجــوم الهـلال محبــط للغايه بوجود الربـاعي ابرزهم يـاسر وسعد والكوري وفهد الجهني يــاسر نجم كبيـر ولكن بمستـوى الموسم قبل المـاضي او بمستـواه مع العين اعتقد اننا نجامل يـاسر على حسـاب الكيــان سعـد الحـارثي ؟؟؟ بصــراحه لاادري هل يتغيـر بعد المعسكر ؟؟؟ الكـوري لانضحك على بعـض لاعب غيـر مفيـد الجهنـي من خلال مشـاهدتي للأولمبي اعتقـد أنه حسيـن العلـي اخر فــلســفه هــلالـــي |
من ناحية صعوبة اسيا انا معاك بس ابن مساعد يبحث عن مصلحه من ورى الزعيم هذا الي مادخل راسي |
لاتجحد الجهد اللي بذله بن مساعد في الهلال .. يكفي أنه عمل نقله في الفريق وصار نموذج يحتذى به عمل عمل كبير وجبار ودفع اللي مادفعه غيره لكن التوفيق بيد رب العالمين .. مدريد كم كلف خزينته من 2009 للأن عشان يجدد الفريق بأفضل نجوم (العالم)؟ وللحين ماقدر يروض التشامبينز الأوروبية .. المسألة توفيق والهلال ينقصه الشي هذا ولا كل المقومات يملكها الهلال وأفضل من غيره .. ولاتنسون الفريق من الدعاء الكوري اللي تشوف أنه خطأ الابقاء عليه بتشوف الفارق اللي بيصنعه الموسم الجاي بإذن الله .. بعدين اللي يسممعك يقول عندنا مهاجمين صح !! تبي تقنعني ياسر بيروض لك آسيا ؟! والله بعيده عليه أبو عبدالعزيز بالمستوى الأقل من العادي هذا لاانك بتلعب قدام دفاعات كورية وإيرانية ويحتاج مهاجم يلعب بروح وحماس وحرث الملعب طول المباراة ماتبي تسحيب رجلين واستعراض !! كلنا متلهفين على آسيا .. الشي الثاني المدرب احمد ربك أنه جاء ووافق على العرض !! من زين الدوري ألحين لا من ملاعب ولا منشئآت ولا أندية محترفة زي الأوادم !! يعني الواحد يشوف مباريات يقول ذا في الدوري السوداني ولا الصومالي !! وتبي أسماء كبار تجي تلعب هذا قيريتس ماكمل مدة نصف العقد ولحق على عمره وهج .. أما الريس ماعندي أي تعليق عليه لكن تبقى وجهة نظر مدرب افهم مني ومنكك في كرة القدم .. أما الأجنبي الرابع ابي أقولك أنه ماهو ويليهامسون .. الأجنبي الرابع مهاجم سنغالي يلعب مع مونبيليه الفرنسي ماراح اذكر اسمه .. وتذكر ككلامي : ) |
ياخي حرام عليك كل اللي سواه ومو عاجبك ، أنا اشك بهلاليتك |
ياخوي( Bison~1 ) بن مساعد كان معتمد على سامي وانا لم اجحد حقه اما عن ريال مدريد ياخي اسياء غير والتشامبينز الأوروبية غير فرق بين السماء والارض واكبر دليل ان الان شاهد مين اللي من الفرق في دور الثمانيه يستحق ان يكون في نفس الدور الهلال ما يستحق كلام واقعي الاتحاد مايستحق كلام واقعي الاهلي في اسياء غير وفي الدوري غير واكبر دليل حاطين امالهم على الدوري وفجه شاهدو انفسهم في الدور الثمانيه الفريق الصيني غريبه ياسر ليسى مقنع انا من وجهة نظري ان الهلال يقدر بيروض اسيا بدون مهاجم صريح مثل برشلونه اما الاجنبي الرابع كلامك خطاء الا اذا كنت تعرف عبدالكريم الجاسر |
إقتباس:
|
غريبه لم اعرف وجهة نظر الكثير من مشاهدين الموضوع |
طيب مو مشكله ... حط معاملتك في ملف علاقي اخضر وراجعنا بكرا !! يابوي على اي اساس حكمت انه خطأ والا صح ؟ معليش انت الاخضر بالريش والا الشتالي والا مجرد سوالف اخوياك نقلتها لنا هنا ؟ جد ابي اعرف كيف يتم تقييم شي قبل يبدأ !! |
ويلي على قولتهم رخيص وحلو وافضل السيئين هذا التصريح بيقوله بن مساعد في نصف الموسم القادم ويلي ماعاد عنده شي يقدمه انا ماراح اقول طريقة لعبه معروفه لان كل الاعبين طريقة لعبهم معروفه اول شي عمره كبير وترا الموسم الماضي يوم رجع مستواه سيء والله يوفق الزععععععيم |
انا رجل اتعامل بالارقام من ناحية الارقام ابن مساعد لم يقدم شي خلال الاربع السنوات الماضية اما من ناحية الثقافة الكروية فقدم الكثير بصراحه وانا اتعامل بالارقام ,,, اذن ادارة بن مساعد فاشلة |
دامك ماعرفت وجهة نظرهم اكيد انهم ضدك كلهم ولا ودهم يدخلون في جدااال لان موضوعك مررره يخلي الواحد يدخل ويزبد لك بكلمتين ويطلع بس انا ضدك في كل شي ماعدا صالح الريس الله يوفقه |
إقتباس:
اذا انت تتعامل بالارقام فالهلال اكثر نادي حقق القاب من يوم من مسك ابو فيصل الاداره :naughty: واذا تقصد الاسيويه السنه ذي بتجي ان شاء الله بالطيب و لا غصب :d والله يوفق الزعيم |
إقتباس:
دامك مسوي فيلسوف وتتعامل بالارقام يالله نمشي معاك بالارقام يالي تقول اداره فاشله اولا البطولات الدوري مرتين وكاس ولي العهد مرتين بمعني كل سنه بطوله هذا شي الشي الثاني تحطيم لجميع الارقام القياسيه ولاحظ معاي الارقام ( القياسيه ) في الدوري وفي النقاط وفي صداره الهدافين ٣ من الهلال لاول مره - حسم الدوري قبل ما ينتهي بشهر - وصل اسيا وصل كاس الملك وصل وصل وجالس تقول بالارقام ما سوا شي .. بالارقام امتع فريق مر على الهلال كان في عهد اداره عبدالرحمن بن مساعد على يد المدرب قيريتس في عهد ادارته جابلك افضل محترفين مرو على تاريخ الهلال بعد ريفالينهو وانت جالس تقول بالارقام ما سوا شي مع احترامي لك ( ما عندك سالفه ) كلام مجالس |
اقووووووووووووول سقها بس ومن باب الطوارئ سر يا ابن مساااااااعد واحنا معاك بالتووووفيق للزعيم الملكي |
| الوقت المعتمد في المنتدى بتوقيت جرينتش +3.
الوقت الان » 12:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd