.
هاردلك الخساره والخروج من البطوله و8 سنوات بدون أي لقب ..
شيء يحزين صراحه لما تقرأ هالاشياء ..
خروج متوقع دام فينغر جالس يعبث بالنادي حالياً ..
فينغر بـ إختصار بـ مباراه أمس .. ودايم مايكرر هالحركه :-
[ يريحه لاعبينه المهمين علشان مباراه ماضمنها، واخر شيء ينزلهم ويخسر بطولته الوحيده! ]
قلته قبل المباراه، هذه البطوله الوحيده والأقرب، يوم انك تريحهم يقالك ضامن التأهل للابطال.. على الأقل لاعبهم اساسيين واضمن الفوز وطلعهم
ماضر بايرن ميونخ لاعب بـ اغلب لاعبينه امس ،ماضر مانشستر قبل مباراه الريال! .. شيء يقهر والله، فينغر يخطط لشيء ويسخر الحالي ويسخر اللي خطط له
سنه اخرى بدون بطوله .. ولازالت بطوله فينغر الوحيده والتي لايزال يبحث عنها
هي التأهل للأبطال ومركز فوق توتنهام ..!
اهميه تأهل للابطال افضل بالنسبه له من جلب بطوله جديده للفريق بدون سنوات جفاف
بكل امانه مااتمنى نتأهل للأبطال الموسم القادم، وش استفدنا من كل هالسنين اللي نتأهل فيها
ماغير نتمسخر ونطلع، بالنسبه لي افضل عدم التأهل للابطال ،، لعل وعسى يتغير شيء بالفريق
الواحد لو يتكلم لـ الفجر صدقون ماراح يخلص من العيوب اللي جالسه تحصل بالنادي ، عيب والله عيب
انا احب فينغر واحترم كل تاريخه اللي قدمه منذ ان اتى لارسنال .. لكن ابي تفسير منطقي منه باللي جالس يصير بالفريق
تغيير المدرب مااشوفه حل مُناسب، بقدر تغيير سياسه النادي والعبث اللي جالس يصير ..
المدرب القادم ماراح يغير شيء دام الأداره موجوده، انا ابي اعرف بس ليه مايطلع فينغر ويقول ان الأداره ماتدعمني بفلوس
بكذا خلاص نقتنع انه فينغر ماله دخل باللي يصير والسبب يكون من الأداره ..
شيء يغبن بكل أمانه ..
الله يعين بعد بكرا امام البايرن، فوز وتأهل بينسينا غيبه الامل هذه من خُروج مُر
(ب)رادفورد بـ كاس الكابيتال ون كب
(ب)لاكبيرن بـ كاس أنجلترا
(ب)يرن ميونخ بـ الابطال .. والله يستر شر الثالثه
اعذتر على الإطاله فضفه وغبنه بمستوى الفريق الحالي حسره ورى حسره .. بإنتضار اخر الحُزن والحسرات 2,829 يوم من الجفاف.......