بسم الله الرحمن الرحيم

أولا : أبارك لإخواني وأخواتي عشاق الزعيم بمناسبة حلول شهر رمضان المبارك , اللهم أعنا جميعا على صيامه وقيامة , كما لايفوتني أن أنصح الجميع بإستغلال هذا الشهرالفضيل بالإكثار من الطاعات .


ثانيا :بعد التأكد الرسمي من إستبعاد اللاعب (رضوان الموسى ) من قائمة لاعبي الهلال لهذا الموسم !! فإنني هنا أوجه عتب شديد جدا إلى إدارة النادي , فكيف تسمح للمدرب وهي التي تعلم من هو رضوان الموسى بأن لايكون لاعبا هلاليا الموسم المقبل ؟! فإذا كان المدرب لايعلم فهذي مشكلته هو لأنه لم يأتي إلا متأخرا وكان يجب على الإداره بحكم معرفتها للاعب وأهميته ودوره الكبير في الفريق الأولمبي أن تبقي عليه حتى لو كان مع الفريق الأولمبي على أقل تقدير فهو لاعب مميز ويملك بنية جسمانية قوية ولديه مواصفات المدافع الناجح , حتى وإن كان ذهاب رضوان على سبيل لإعاره إلا أنني أرى أن ذلك ( خساره !!) .


ثالثا : إنضم مساء البارحة الشخصية الهلالية المحبوبة وهو عبدالرحمن النمر "نائب رئيس نادي الهلال سابقا وهذا هو حسابه في تويتر @ARahmanAlNemer ولقد غرد مساء البارحة بتغريدات جميلة تحكي تفائل كبير عن مستقبل الهلال وتحقيقة بطولة دوري أبطال آسيا ,,,


وبما أن المجال عن خدمة التواصل الإجتماعي "تويتر " فإنني أود أن أشير إلى أن هناك حساب هلالي مميز جدا بتويتر هذا الحساب أقل مايقال عنه أن يكفيك عناء تصفح جميع الصحف لتتبع أخبار الزعيم وليس هنا وفقط بل جميع مايتعلق بالهلال في وسائل الإعلام من مقاطع فديو ومداخلات هلالية وأهداف وتصاريح وغيرها الكثير "تابعوه وأنتم الحكم " الحساب هذا يحظى بمتابعة صاحب السمو الملكي الأمير / عبدالرحمن بن مساعد وإعلاميين هلاليين كثر ومنهم الإعلامي / سامي اليوسف وسلمان العنقري و فياض الشمري وبندر الشهري والكثير , وهذا هو الحساب (alhilal_53)

رضوان اعاره افضل عشان ماينظلم بالأحتياط ننتظر المبدع الداهيه خيرات و ع الدوسري الله يكون بالعون بسس

الله يعين

اجل يخلي خيرات ويستبعد رضوان! قرار غريب!!

الله يعين بسسس

إقتباس الرسالة الأصلية كتبت بواسطة مستر مهسترر الله يعين اجل يخلي الفاغر البقره خيرات ويستغني عن رضوان الله يعين بسسس

والله عيب الله يهديك وش هالكلام المشكله انك هلالي
الاداره ادرى ياخووووي

إقتباس الرسالة الأصلية كتبت بواسطة anamgnonk والله عيب الله يهديك وش هالكلام المشكله انك هلالي الاداره ادرى ياخووووي

كانت رده فعل

والحين غيرتها والله يعين

فعلاً اعارة رضوان اكبر خطأ

لكن الاداره ادرى بالي تسويه

بالتوفيق للهلال

ياجماعة الخير
صدقوني الأعارة من مصلحة رضوان الموسى

يعني موجود عندنا بالدفاع

مانقان
المرشدي
المسلم
خيرات
الدوسري

وفي الضرورة فيه
الغنام
الزوري
البيشي

بالله وين مكان رضوان في هالتشكيلة؟؟

حتى صالح الريس غريبة يوقعون معه مخالصه !!

ترآه آعآآره ون شاء الله نشوفه الموسم الجاي اساسي

بالله عليك المرشدي وخيرات ونامي
افضل من رضوان وفواز فلاته
اتمنى ادارتنا تبعد عن مجاملة بعض الاعبين
ويقولو ليه ما ننافس على الاسيويه
طبيعي دام هالعينات تلعب اساسي

إقتباس الرسالة الأصلية كتبت بواسطة سوما الخالدي بالله عليك المرشدي وخيرات ونامي افضل من رضوان وفواز فلاته اتمنى ادارتنا تبعد عن مجاملة بعض الاعبين ويقولو ليه ما ننافس على الاسيويه طبيعي دام هالعينات تلعب اساسي

حط تحت فواز فلاته هذا عشرة خطوط

هذا اللاعب من مجلوبات إدارتنا الموقرة التي تجلب لاعبين

رخاص (يعني إني أفهم بالمواهب) وهم ماعندهم سالفه , يقزرها تمارين

وبعدين تنسيق مثله مثل كثير جلبتهم هذه الادارة ونسقتهم قبل لا تعطيهم فرصة

نجي لرضوان الموسى , هذا اللاعب تابعته مع المنتخب الأولمبي

ماشاء الله جسم رياضي بس تركيز وثقه معدومه , لكن إن نظرنا للفريق

الأول ونكبات المرشدي وخيرات ونامي ومازالوا مشرفين أساسيين

أقول لماذا لا يتم التركيز ومنح الفرصة لرضوان كما منحت العديد من الفرص

للثالوث المذكور أعلاه

وبالنهاية في الهلال شيء غلط يتركز في كيفية فرز المواهب وإنتقائهم وتسجيلهم

بالهلال وهذي مصيبة كبيرة لفريق بحجم الهلال يفتقد للفنين القادرين

على فرز المواهب من المقالب

اشوى انهـ اعااااااااره بسسس...

الله يكتب الخير للزعيم....

رضوان الموسى يعيبه البرود والسرحان ....

انا مع الحل والاحلال ...انا مع التغيير المستمر والكثير ..حتى نصل الى المواهب الواضحة ...
اصحاب المواهب المتوسطه يجب ان تتفق الجماهير الهلالية على ابعادهم والبحث عن مواهب اكثر وضوح واقناع ...من المفترض حقيقه اول لاعب يسبعد خيرات ..لاعب واااااضح انه لايملك صفات المدافع ...ابدا ابدا واااضح ؟؟؟؟

شباب رضوان اعاره الى اي نادي تكفون هاتو الاجابه

إقتباس الرسالة الأصلية كتبت بواسطة يوسف الشخص الهاشم شباب رضوان اعاره الى اي نادي تكفون هاتو الاجابه

اتوقع بيعطونة اقرب نادي ببلاش

بعدين اذا طلبت من النادي بتشتري لاعب منهم يشوتونك