٤ لاعبين ! مساله جماهيريه - نادي الهلال السعودي - شبكة الزعيم

amf · #1 25/07/2012, 05:22 AM

السلام عليكم ورحمه الله وبركاته

بدخل في الموضوع على طول لانها بصراحه ( قفلت ) من بعض العينات الجماهيريه الي تبي كل شي حقها

اببدا بالريس .. من يومين والعالم مسوين صجه ولجه ليه تنسقه وليه وتوه صغير وحنا محتاجين مهاجمين اولا اللاعب ما قدم شي ولا هو في ( مستوى الهلال ) كفريق اول ولا احنا محتاجينه احنا طموحنا اكبر من الريس واللاعبين الي من نمونته

ثانيا فيه حمله غريبه المراد بها اسقاط اداره الهلال - الناجحه حتى الان - وكل الكلام على ان ليه تسوون مخالصه مع القاسم ورضوان الموسى وهم رايحين اعاره وطريقه كلامهم كانهم معطينهم مخالصه وان الهلال اكل حقوقهم .. اولا مالهم مكان في التشكيليه الاساسيه ولا لهم مكان في الاحتياط اخليه شكل بس ؟ اللا الاعاره افضل لهم ولنادي الهلال اذا بيكون احتياطي في الفريق الاخر فما بالك لو يلعب اساسي .. بعدين معليش تراكم حسستوني ان نادي الهلال نادي توه صاعد اللي يبي رضوان الموسى اساسي في الهلال والي يبي القاسم بدل الغنام لا والمصيبه يقولون انه افضل من الغنام . يا حبايبي يا هلاليين خلو الاداره تشتغل بالله عليكم في مواضيع اهم من هذي المواضيع بمراحل تكلمو عن مستقبل الهلال خلال الـ ٥ سنوات الجايه اطرحو افكار في كيفيه زياده دخل النادي واشياء من هذا القبيل ، موب كل واحد جالس في بيته ويشب على الاداره ليه سويت مخالصه ليه حطيته اعاره .. لان اللي طموحه الريس وطقته ما عمره بيجيب بطوله

عبدالرحمن الدوسري · #2 25/07/2012, 05:25 AM

كلامك سليم

ويعطيك العافيه

المدرب قال ابي كذا

هو المدير الفني

والكلمه له

اتركوه يعمل ربما لديه مايريد ان يعمله

khaild20 · #3 25/07/2012, 05:51 AM

كلام سليم بالتوفيق لي الملكي في البطولات القادمة

ابوليالي · #4 25/07/2012, 05:56 AM

هلا فيك اخوي

جالسين في بيوتنا ونتكلم بالعقل

ونستفسر عن لاعبين الفريق والا مو من حقنا نسأل عنهم .

وبعدين صالح الريس افضل من الحارثي بمليووون مررهـ .

لا في العمر ولا في السرعه ولا في المهارهـ .

انت اللي تقول تكلموا وفكروا في مستقبل الزعيم

ياليت تبدا انت لا تدخل تدافع عن الاداره وتشرح لنا الاسباب

هذا المنتدى لنا كلنا يا زعماء
واذا عندك افكار اطرحه هنا

ولا تدخل في دور المدافع عن الاداره
السؤال اللي اغلب الجمهور يسأل عنه ..

ليش صالح الريس ينسق. وانت موقع معه قبل موسم ؟؟؟؟؟

اذا مو مقتنع في ليش توقع من الاساس ؟؟؟

ليت تكوووون وصلت لك الصورررهـ يالغااالي ..

لك ودي 

amf · #5 25/07/2012, 11:08 AM

إقتباس

الرسالة الأصلية كتبت بواسطة ابوليالي


	هلا فيك اخوي جالسين في بيوتنا ونتكلم بالعقل ونستفسر عن لاعبين الفريق والا مو من حقنا نسأل عنهم . وبعدين صالح الريس افضل من الحارثي بمليووون مررهـ . لا في العمر ولا في السرعه ولا في المهارهـ . انت اللي تقول تكلموا وفكروا في مستقبل الزعيم ياليت تبدا انت لا تدخل تدافع عن الاداره وتشرح لنا الاسباب هذا المنتدى لنا كلنا يا زعماء واذا عندك افكار اطرحه هنا ولا تدخل في دور المدافع عن الاداره السؤال اللي اغلب الجمهور يسأل عنه .. ليش صالح الريس ينسق. وانت موقع معه قبل موسم ؟؟؟؟؟ اذا مو مقتنع في ليش توقع من الاساس ؟؟؟ ليت تكوووون وصلت لك الصورررهـ يالغااالي .. لك ودي 

اولا حياك الله في منتداك ومنتدى كل هلالي

ثانيا في فرق بين الاستفسار و ( مهاجمه الاداره )

ثالثا اخي الكريم مين قالك اصلا ان سعد الحارثي صفقه ناجحه او انه مهاجم ممتاز ؟ تجيبلي اسوأ لاعب وتقارنه فيه ومع احترامي لك مقارنتك ظالمه على سوء سعد الحارثي الا انه احسن من الريس .

رابعا الكل جالس يقول انت شفته انت شفته .. ايه نعم انا تابعته لاعب متواضع مع احترامي لا ينفع يكون في صفوف الفريق الاول ابدا

خامسا اخي الكريم انا لم اقل لك لا تقل رأيك وتابع بصمت انا ضد مهاجمه الادارهـ

سادسا واهمها .. مع احترامي لك ولشخصك الكريم انت لست بافضل من المدرب والجهاز الفني ورأيك ( الفني ) ليس افضل من رأيهم

دمت بود

الطالبB · #6 25/07/2012, 06:09 AM

بالتوفيق للهلال ............. والله لا يوفق باقي الفرق

عذه منهم .........

wle-707 · #7 25/07/2012, 07:43 AM

من حقني يااخوي نعرف السبب وبعدين انت كيف حكمت عليه وانت مشفته بالاساس
بس كذا على طول قالوو مو كويس انت زيهم
لا يااخوي احناا قااعدين بالبيوت نحترق على كل صغيره وكبيره
اذا انت الوضع معك عاايدي انااا وبعض الاعضاء موو زيك عشقناااا للكيان غير
ولازم الاداره تطلع وتوضح الاسبااب لاعب لوو اعير كان استفدناا منه يعني سعد الى الحين كويس مع احترامي قرار مره مو سليم المفرض يوعير وبعدها يتم الحكم عليه

amf · #8 25/07/2012, 11:17 AM

إقتباس

الرسالة الأصلية كتبت بواسطة wle-707


	من حقني يااخوي نعرف السبب وبعدين انت كيف حكمت عليه وانت مشفته بالاساس بس كذا على طول قالوو مو كويس انت زيهم لا يااخوي احناا قااعدين بالبيوت نحترق على كل صغيره وكبيره اذا انت الوضع معك عاايدي انااا وبعض الاعضاء موو زيك عشقناااا للكيان غير ولازم الاداره تطلع وتوضح الاسبااب لاعب لوو اعير كان استفدناا منه يعني سعد الى الحين كويس مع احترامي قرار مره مو سليم المفرض يوعير وبعدها يتم الحكم عليه

اهلا بك عزيزي العاشق للكيان الهلالي

اولا مين قالك اني ما شفته ؟؟ يعني ناس غريبه تطالبون بلاعب متواضع وتقولون العربي مهاجم سيئ وهو ثاني هداف الدوري الفرنسي

ثانيا ما قلنالك لا تحترق تبي تحترق احترق لين ما تدخن محد قالك لا وموضوع الريس في الاصل ما يسوى الواحد ( يحترق ) على شانه ما جبناه ب ٨ مليون يورو اولا واخيرا وبعناه بخساره يا ابو حريقه انت

ثالثا انت وش دراك ان الهلال ما حاول يعيره لكن محد يبيه ! هذا شافي الدوسري طلبه التعاون لكن طلب مبلغ هائل وبطريقه دفعات كانه بيليه زمانه !! هذا من اللاعبين اللي انتم محترقين عليهم بعد ؟

اخيرا اذا انت تبي بطوله يبيلك مهاجم هداااااااف وحطلي كلمه هدااااف بين قوسين .. هداف يعني ياسر ٢٠٠٧ .. سيرجيو البرازيلي .. سامي .. من هالنمونه الطيبه مو واحد يوطي كور !

لك ودي واحترامي

يا عاشق للكيان

زعيم نص الأرض · #9 25/07/2012, 11:30 AM

انا معك ان مهاجمة الإداره في كل صغيره وكبيره خطا وليس في مصلحة الكيان حتى وان اختلفنا مع الإداره .

ولكن يا اخي العزيز ليس مطلوب مني التقيد بأفكارك ووجهة نظرك الي احترمها تماماً كما احترمك شخصيا واحترم غيرتك على الزعيم . واحب اذكرك بأنا احترمنا وجهة نظر الإداره عندما باعو عقد سلمان المؤشر !

لكل انسان نظرته وكلن بعقله راضي حفظك الله . فيجب ان نحترم وجهات نظر بعضنا البعض حتى لو اختلفنا .

كل عام وانت بخير .

amf · #10 25/07/2012, 12:09 PM

إقتباس

الرسالة الأصلية كتبت بواسطة زعيم نص الأرض


	انا معك ان مهاجمة الإداره في كل صغيره وكبيره خطا وليس في مصلحة الكيان حتى وان اختلفنا مع الإداره . ولكن يا اخي العزيز ليس مطلوب مني التقيد بأفكارك ووجهة نظرك الي احترمها تماماً كما احترمك شخصيا واحترم غيرتك على الزعيم . واحب اذكرك بأنا احترمنا وجهة نظر الإداره عندما باعو عقد سلمان المؤشر ! لكل انسان نظرته وكلن بعقله راضي حفظك الله . فيجب ان نحترم وجهات نظر بعضنا البعض حتى لو اختلفنا . كل عام وانت بخير .

وانت بخير وصحه وسلامه

انا لم اطلب من احد ان يتقيد بافكاري ولم افرض وجههّ نظري على اي شخص كان لكن التصيد في الماء العكر هو الذي جعلني اكتب هذا الموضوع بانفعال ..

( لو كل واحد بيتصيد الاخطاء بلقى غلط علي كل شخص على وجه الكره الارضيه )

وفعلا معاك حق في كلامك انه لا يجب ان نوافق الاداره في كل شيئ لان مافي اداره لا تخطئ واذا فرضنا ان هناك اداره ادارت فريق في العالم لمده ٤ سنوات بلا اخطاء فمستحيل كل اداره لها اخطائها وسلبياتها وايجابياتها لكن التصيد في هذا الوقت بالذات
له تبعات كثيره خاصه واننا مقبلين على آسيا .. فالتشكيك في قدره الاداره على اداره الفريق وان قراراتها خاطئه ليس وقتها الآن انما بعد ان يعود كأس آسيا الى مروضه .

اشكرك على ردك الذي يدل على عقليه واعيه ومثقفه واختلاف الآراء لا يفسد للود قضيه

لك ودي واحترامي

اناقتي في كلامي · #11 25/07/2012, 06:24 PM

بالتوفيق يارب لفريقنا ؟؟؟؟؟؟؟؟؟؟