22/10/2012, 06:19 PM
|
| مشرف منتدى الرياضة العربية والعالمية رئيس رابطة تشيلسي | | تاريخ التسجيل: 23/02/2009
مشاركات: 2,075
| |
×
بعد شد وجذب ، أطلقت الزول الي بداخلي وقررت أبثر شوي ع الكيبورد عن مباراتنا مع توتنهام
قبل كل شي مبروك الثلاث نقاط من ملعب الخصم ، ولازال تشلسي متصدر بلا خساره (تشلسي ماتيو لا يخسر)
ماتغير شي عن أيامه مع تشلسي ، اللهم توفرت له العناصر الي هو يبيها (عناصر دفاعيه شابه تطبق له الدفاع المتقدم + أجنحه مركبين تيربو) وغير كذا ماتغير شي ، كنك تشوف تيشيرت تشلسي على توتنهام الموسم الماضي .. تشكيلته مايغيرها لو يتوفون قدامه نص الفريق 4-3-3 .. حتى مع غياب بيل وديمبيلي المفاجئ ماتشوف فيه تغير ف التكتيك .. ماعنده عنصر المفاجئه أبداً ، لعبه مكشوف للخصوم فما بالك ب مساعده الي كان جنبه ويعرف كل شي من ال أ إلى ي !
دخلنا بالتشكيله المعتاده ، اللهم غاب الليدر تيري ولعب مكانه ليدر أخر والي هو كاهيل .. شراكه رامي وميكيل مع إستمرارها عشان نخلق إنسجام أكثر بين الاعبين .. المازكار قدامهم والنينو ف المقدمه .. سيطرنا على أغلب مجريات الشوط الأول وطلعنا بهدف مباغت من كاهيل (أقرب وصف توصف فيه هدفه " بنص الجبهه ") علق فريدل وإنتهينا ب أفضليه بالنتيجه والأداء .. دخلنا الشوط الثاني ب تخاذل .. عدم تركيز .. أعطى توتنهام أريحيه وفرضو لعبهم ل 10 دقايق طلعو فيها بهدفين وقلبو الطاوله .. أحملها الدفاع بالمقام الأول .. بس كلها دقايق ورجع تشلسي ل فرض أسلوبه ولعبه ومع تبديل بواش الي كشف لنا الملعب أكثر من ماهو مكشوف وطلعنا بهدفين من أقدام الساحر ماتا ، الي يعيش أفضل أفضل مراحله مع تشلسي .. ولاعزاء ل منتخبه الي ما إستدعاه .. دايم فرق الهدف يسبب لك قلق وخطر أكبر ويعطي الخصم دافع وحماس أكبر للتعديل وكنا محتاجين هدف ل قتل الأمال .. بس مع توريس ح تغمض عينيك .. الرجل عافه الخاطر خلاص ولا عاد ينرجى منه شي .. إذا مافادنا الحين وقت الرخا ووقت الوسط الي يدلعك ب كور ماتحلم فيها متى ب تفيدنا ؟ الدكه أنسب حل له .. حتى قتاليه على الكوره مافيه ! .. أشوف ستوريدج ب 5 دقايق برد قلبي أكثر من الدقايق الي لعب فيها توريس .. يكفيك تحركه بالهدف الرابع الي يخليك تفكر ل ثواني (من فيهم راس الحربه الصريح) ؟ .. أتمنى من ماتيو مايعطيه أكبر من حقه ، جا الوقت الي يدفي فيه الدكه ، وينزل ستوريدج مكانه .. لعل وعسى !
خلص الكلام ق1 |