أقدر أقول إن التعادل طيب ,, بسبب إنه بأرض اليونايتد + مستوى بعض اللاعبين اللي ما كانوا بالفورمه ( رامي - هازارد - أوسكار ) لم يقدموا المستوى اللي عودونا عليه ..
ولي عتب على المو .. إنه ما دخل ماتا على الأقل آخر الشوط الثاني ,, لأن ماتا يقدر يعطيك صناعة من أرباع الفرص + عدم إشراك لوكاكو بدل العاهة المستديمة
تصريح جوزيه مورينيو بعد المباراة : أعتقد أنه لا أحد يستحق الفوز ولا حتى الخسارة ، نريد الفوز ولكن كلا الفريقين دافعا بشكل مبالغ للغاية والجميع شاهد ذالك
لو كان هناك ولو هدف واحد لكان ذالك أفضل ، ولكن من الناحية التكتيكية كانت مباراة جيدة ، ولن يبكي أحد على نتيجة مباراة اليوم
أشعر أن هذه النقطة هي مسألة هامة بالنسبة لنا ، واشعر بالاحباط قليلا لفقدنا الكرة كثيراً
كنا نرغب ببناء هجمات لنواجة مرماهم أكثر ، إلا اننا فقدنا الكثير من التمريرات ولم تكن بطلاقة
المباراة لم تكن سهله بالنسبة لمانشستر وكانوا محبطين بسبب الطريقة التي لعبنا بها، فقد كنا جيدين .
مباراة تكتيكيه على اعلى مستوى .. تعادل كان عادل .. مافيه ذيك الخطوره
مورينهو دخل للتعادل وان جاء الفوز اهلاً وسهلاً .. عندنا مباراة فاينل بعد
4 ايام والفريق لعب خلال 10 ايام 3 مباريات ..
بعكس المانيو اللي مريح .. مباراة استفدنا منها كثير خصوصا لمباراة السوبر
القادمه باذن الله .. التكتيك اذا فقدنا الكورة والعودة السريعه مهمه جدا وهالشيء
يبين لك مدى الانضباط اللي سواه موري مع الفريق ..
اجل من متى نشوف هازارد يرجع للخلف من عند منطقة الخصم لين تشيك ويقطع
كورة ويخلصها ؟! مباراة تكتيكه على اعلى مستوى واحلى بروفه قبل مباراة السوبر
المصيريه ..
نجم المباراة بلامنازززززززززززع .. كتم بيرسي كتم .. الا هو لاعب والا ؟!
هذا كيف كان احتياطي ؟! .. بوجودة تحس بامان .. ينضم الخلف بشكل كويس
اقدر اقول مكان الجي تي محجوز ولويز وكاهيل بيتصافقون على المركز ..
احصائيه مباراة القمه.. على المرمى تشلسي افضل ..حقيقه محد يستحق الفوز
اذا معنا الكوره نشوف روني صاف جنب ايفرا .. بس الناس مخدوعين بخطه
مورينهو .. زي ماقال السبشل ون التعادل عادل والفريقين لم يعملوا مايكفي
لتحقيق الفوز ..
مشكلة الحين المهاجم .. روني ان تعاقدنا معه فيه احتمال بالسوبر يلعب لكن
عقب المباراة اليوم صعبه يطلع .. ايتو او اي مهاجم ثاني صعبه يلحق على
مطش السوبر خصوصاً انه فاينل .. ما أقول الا اعانا الله وان شاء الله نحقق
السوبر رغم اني اشوفها صعبه لجاهزية البايرن وتقريبا هو الفريق الاكمل
بالعالم ..
انتهت المباراة كما يريدها مورينهو تشلسي كان يبحث عن عدم الخسارة أكثر من بحثه عن الفوز في المباراة , اتضح ذلك بمشاركته بمهاجم غير صريح ( شورليه ) وبعدم مجازفته بالتشكيلة الاساسية والتبديلات , بالنهاية مورينهو حصل على ما كان يبحث عنه وهو عدم الخسارة وخصوصا ان المباراة بـ أرض المانيو, والتعادل في أرضهم في ظل عدم امتلاك تشلسي لمهاجم بقيمة تشلسي يعتبر مكسب .
اتضحت حاجة البلوز لـ واين روني
رأينا ما فعله روني في المباراة , كان وراء كل هجمة خطيره على البلوز , كان يسدد ويراوغ وأيضا يدافع ! كان يفتك الكورة من راميريز بطريقة رائعة بالقرب من خط مرمى مانشستر ,كان يلعب واضعا الضغوط خلف ظهره , كما قال مورينهو انه يحتاج مهاجمين من نوعية روني, شخصيا اتمنى قدومه لكني لا اتوقع أن يتخلى المانيو عنه في ظل المستوى الكبير الذي قدمه في مباراة اليوم , الا اذا كانت رغبة روني بالانتقال أكبر من رغبة ادارة مانشستر ببقائه , عموما ان لم يأتي روني فبالتأكيد هناك بديل جاهز له
تيري الاسطورة
اتفق مع اخي Lewandowski على نجومية تيري المطلقة في المباراة مستوى كبير من الاسطورة تيري , في أكثر من لقطة انقذ مرمى تشلسي من كرات خطيرة واهداف محققة , رغم تقدم سنّه يثبت انه اسم ثابت في دفاعات البلوز
راميريز !
صراحة اكثر من علامة استفهام على تمريرات البرازيلي راميريز لاعب لا يختلف عليه اثنان انه من افضل اللاعبين افتكاك للكورة ولا يختلف عليه اثنان انه من اسوأ المحاور في تسليم واستلام الكورة ! لو عملنا احصائية لتمريراته لرأينا أن اكثر من نصف تمريراته خاطئة , هذه الجزئية يجب ان يركز عليها مورينهو في تدريبات الفريق و من وجهة نظري تشلسي بحاجة لـ دي روسي في المحور لكن حاجته لمهاجم أكبر .
نقاط ع السريع
* هازارد لم يكن هازارد الذي نعرفه , و اوسكار أيضا لم يكن بمستواه , وننتظر الأفضل من دي بروين .
* افتقدنا لـ لمسات الساحر ماتا , كان هو من يصنع الفارق في مثل هذه المباريات .
* لا نستطيع الحكم على شورليه لأنه لم يلعب في مركزه , في الشوط الأول لعب كمهاجم صريح , اجتهد ولكن اعتقد انه اتضح لمورينهو انه لا يصلح لهذا المركز
* بيتر تشك وخط الدفاع كانوا من نجوم المباراة .
*متفائل كثيرا بصفقة ويليان (الغير متوقعه) لاعب مهاري وذكي وسريع وأظن انه سيحجز له مكان أساسي مع البلوز في قادم المباريات .
انت تلعب مباراة مهمه خارج ارضك و خصمك تحت الضغط بسبب المدرب الجديد و تجي تسلم لهم الملعب
مورينهو يمتلك جميع العناصر التي يمكن من خلالها تحقيق نتائج ايجابية
الكل يتمنى ( هازراد - اوسكار - ماتا ) و للأسف قتلهم بأجبارهم باقيام بأدوار دفاعية اكثر من الادوار الهجومية
فأنا لا ألوم اي لاعب فطبيعي ان يكون نجم المباراة مدافع مع مورينهو لأنه مدرب لا يجيد سوى الدفاع و اللعب على المرتدات وهذا اسلوب ممكن ان يلعب فيه فرق مثل استون فيلا و ساوثهامتون ليس فريق بحجم تشلسي يلعب بهذه الطريقة وهو يمتلك عناصر فتاكة صراحة لا تعليق
مشرف منتدى الرياضة العربية والعالمية رئيس رابطة تشيلسي
تاريخ التسجيل: 23/02/2009
مشاركات: 2,075
مباراة فخمة تكتيكياً ، الاغلبية زعلانين ليش المو نزل هذه المباراة بذا التكتيك والتكتل الدفاعي البحت ؟ لو بنحسبها منطقياً بنشوف ان المو لعب بتشكيلة وطلع فيها بأقل الاضرار ، وقدر يتحكم فمعظم مجريات المباراة .. والاعتماد الكلي على المرتدة او خطأ من الخصم ممكن يخطف له هدف ويطلع فيها بالنقاط الثلاث .. وان م حصل ها الشي قالنقطة من ارض مانشستر تعتبر جيدة .. كان يمديه يفتح اللعب ويعطي المباراة حقها من الاهداف لكن هذا الشي ممكن يضره كنتيجة ، الجميع كان يتحرك منظومة وححدة ، واضحة جداً تعليمات مورينهو .. شفنا انضباط تكتيكي كبير من ال 11 لاعب داخل الملعب .. هازارد ، بروين ، شورله ، كلهم اتقنو ادوارهم على اتم وجه ، اوسكار كان نجم الشوط الاول ، حاول فكذا هجمة لكن م توفق فيها ، ولو بنجي نحسب كم هجمة خطيرة للمانيو ف تنعد ع الاصابع ، 3 ل اربع هجمات .. نفس الشي ل تشلسي ، المباراة كانت تمشي بنسق عالي وكانت حرب في وسط الملعب ، الفريقين قدمو مباراة كبيرة على المستوى التكتيكي مع افضلية للمانيو .. نزول توريس كان حل اضافي هجومي لكنه افتقد للصانع اللي يحطله كورة قدام المرمى ( ماتا ) ، وعلى طاري الاخير ، وصولاً للدقيقة 80 المو اقتنع ان التعادل جيد كنتيجة وماحب يغامر اكثر ، فعشان كذا شفنا نزول ميكيل على حساب شورليه وازبي بأخر الدقايق .. لو بنفكر شوي محد يقدر يلوم المو .. تلعب ثالث مباراتك بظرف 6 او 7 ايام ، وخارج ارضك وعندك بعدها نهائي سوبر! ابداً محد يلومه ليه مانزل ولعب بشكل هجومي .. هو حاول يلعب ويخرج بشي مرضي .. ان قدرنا نجيب الفوز وفي حالة صار ذا الشي ممكن نشوف تطبيل للمو يوصله للسما .. لكن التعادل كان خطة بديلة وكافية انك تقول نتيجة مرضية ، الشي اللي م كنت حرضى فيه هو الهزيمة لأن تقفيلك الدفاعي طوال ال 90 دقيقة م حيفيدك بشي .. وهذا اللي ممكن يقهرك وتلوم مورينهو عليه ، لكن طالما ان النتيجة صبت في مصلحة تشلسي ولو بنقطة فيعتبر شي جيد ،
وليدوه رردك يمثلني ، اتفق معك بكل كلمة كتبتها
ومبروك النقطة ، عقبال نفرح بالسوبر الاوروبي يوم الجمعة
الحين تطمنت على الفريق كله و على هالدفاع ما نخشى بايرن ولا برشلونة في الابطال و لا السيتي و اليوناتيد بالدوري
المشكلة إني قلت الأمور تبشر بالخير بعد مباراة هال سيتي و من بعدها و الفريق مدحدر كل مباراة أسوأ من اللي بعدها
و مدحت توريس و يا ليته ما دخل أمس
و مدحت دي بروين و شكله ما حولك أحد
خلاص من اليوم معاد فيه مدح !
مباراة الأمس كان واضح من التشكيلة إن المو يبغى يطلع متعادل و صار اللي يبيه و إلا ما فيه مدرب بالعالم يدافع من ثاني جوله
أتمنى من مباراة البايرن يثبت أوبي ميكيل بالمحور لإنكم شفتوا الفرق لما دخل بعد البلاوي اللي سواها رامريز
لامبارد صاير عاله و موب من عادته و البلى ما له بديل إلا قليل الخبره فان جينكل أو إيسيان
اللي ما تظمنه ! أو أوسكار اللي معطينه أكبر من حجمه و شكل المو مـُعجب فيه بشكل مبالغ فيه
مباراة السوبر الأوربي إن شاء الله يكون ماتا جاهز و يكون الفريق خلص من موضوع المهاجم
يا روني يجي أو يجدد ثقته باللي عنده و يالله صبرنا !
مستوى روني أمس يفتن الواحد و يخليه يتفل(و إنتم بكرامه) على الخشاش اللي عندنا
مباراه تكتيكيه من النوع الخرافي , المو قدم تكتيك دفااعي خرافي و انتشار رائع في حالة الإرتداد , بس اوسكار للأسف كان يقتل هالهجمات المرتدة ببروده و بطئه حتى تفكيره بطيء ذا الأدمي مايدري يركض او يمرر و يركض , بس اوسكار سبب إشراكه المو هو انه كان يبي لاعب يضغط ع حامل الكورة و الادوار ذي ما يقدر عليها خوانيتو فلذلك اشرك اوسكار
و مورينهو صحيح عنده دكه حلوه بس الرجال واضح انه كان يبي التعادل حتى قالها بتصريحه قال انا قلت للعيال : اننا بنلعب من اجل الفوز ان مافزنا ماراح نخسر , و انت تلعب مع المانيو اللي ذي ثاني مباراه لهم و 3 مباراة لنا بظرف الظاهر 8 ايام و وراك سوبر اوروبي مع اجهز و افضل فريق بالعالم ف طبيعي بيريح اوراقه الرابحة بذيك المباراه مورينهو و ماتا اكيد واحد من هالاوراق و مدري ليه اتةقع ان جينكل واحد من هالاوراق ياخي مدري احسه بيعتمد عليه و جينكل و الله لاعب بطل واثق من نفسه و إستلامه و تسليمه رائع جدا و إفتكاكه للكور جميل بإختصار جينكل لاعب أنيق لدرجة أنك تتوقعه يلعب بكرفته و المو كتم المانيو مالهم الا فرص تنعد ع الأصابع مع انهم كانو ماسكين الملعب و هذا يدل ع انضباط تكتيكي رائع من دي بروين و هازارد اللي تمغطو مع الاظهره و أيضا يدل ع مدى روعة دفاعنا و خصوصا الكابيتانو , رجل المباراه بلا منازع الى الآن مدري وشلون انتبه لهجمة ويلباك انا و غيري كمشاهدين ما انتبهنا لها كيف هو ك مدافع بينه و بينه مسافة قليلة انتبه لها , ما اقول غير ماشاء الله عليه و واضح ان تيري و كاهيل بيتصافقون غ مركز مع الكابيتانو لأن تيري ان استمر ع هالمستوى ي تيري ي كاهيل واحد منهم بيكون ضحية لليدر
ع العموم الحين امنياتنا بتعثر المانيو و السيتي مع اني أراها صعبه جد جدا ضد هال سيتي و بأرض السيتي بعد ما اتوقع بيتعثرون , بس دقيقه وش رايكم بتوتنهام و الليفر المحظوظين ؟ و الله جد مباراتين و يفوزون ب 1-0 و ماشيه أمورهم بس توقعي هالحال ماراح يستمر خصوصا ان توتنهام بيلعب مع الأرسنال بالإمارات و الليفر بيقابل المانيو ع العموم اهم شي بهالجولة الليفر يسويها و يصقع المانيو و خلهم يتصدرون لفترة المساكين بعدين نلقاهم يتصافقون مع ارسنال و توتنهام ع المركز الرابع
اللي يشوف ان اللقطة حقت فرانك لامبارد موب بلنتي يقول لي ليش !!!
تشيلسي امس ما كان بالفورمة نعم بس وش سبب بداية مورينهو بشوله من وجهة نظركم
اتمنى استمتع بردود ما فيها الا الحياد
لمسة اليد حقت فرانكي بلنتي ,, ولكن لو ترجع لمباريات تشيلسي ومانشستر تلقى بلاوي تحكيمية لمانشستر ,, وهذي ما تجي قطرة بـ بحر من الغش اللي لهم ,, والدوري السنة اللي راحت . ياما وياما ساعدهم التحكيم ,, وحنا أشغلونا بلمسة يد
اللي يشوف ان اللقطة حقت فرانك لامبارد موب بلنتي يقول لي ليش !!!
تشيلسي امس ما كان بالفورمة نعم بس وش سبب بداية مورينهو بشوله من وجهة نظركم
اتمنى استمتع بردود ما فيها الا الحياد
قرار الحكم بعدم احتساب ركلة الجزاء سليم 100% , لأنه لم يكن هنالك لمس متعمد من لامبارد , وأيضا الكورة هي من اتجهت لـ يد لامبارد وليس العكس .
مثل ماهو واضح في الصورة أن المسافة بين اللاعبين قريبه والتسديدة كانت قوية و باتجاه يد لامبارد , ولامبارد قال بتصريحه انه " لم يستطع ان يفعل أي شيء لأنها غير مقصودة تماما " .
وهذا ما قاله الخبير التحكيمي جمال الشريف والكباتن نواف التمياط و ميدو .
وبالنسبة لبداية مورينهو بـ شورليه , لا أعلم ماذا كان يفكر به مورينهو بـ اشراكه أساسي لكن من وجهة نظري أرى انه أخطأ باشراكه اساسي واستغربت من ذلك بصراحة , كان من المفترض أن يلعب بمهاجم صريح من بداية المباراة
كشفت تقارير صحيفة انجليزية صادرة اليوم أن أدارة نادي توتنهام تسعى لبدء المفاوضات مع البلوز من أجل التعاقد مع الساحر الاسباني خوان ماتا
والذي تحوم الشكوك حول مستقبله مع الأسود , بعدما أرتبط اسمه بالانتقال للعديد من الاندية الاوروبية الكبرى ."
" وحسبما اشارت اليه صحيفة الدايلي تيلغراف فإن توتنهام يسعى للتعاقد مع لاعب من طراز عالي وذلك لتعويض الرحيل المحتمل للنجم الويلزي
غاريث بيل االذي اقترب كثيرا من الانتقال لريـال مدريد , وايضا لتعويض صفقة اللاعب البرازيلي ويليلن والمنتقل لتشلسي ,
ولكن الصحيفة أكدت أن توتنهام قد يواجه صعوبة كبيرة في التعاقد مع صاحب ال25 عاما وذلك لاهتمام عدة اندية اخرى بضمة وعلى رأسها مانشستر يونايد وارسنال ."