سبب المستوى المخيب للأمل هو مورينهو

انت تلعب مباراة مهمه خارج ارضك و خصمك تحت الضغط بسبب المدرب الجديد و تجي تسلم لهم الملعب

مورينهو يمتلك جميع العناصر التي يمكن من خلالها تحقيق نتائج ايجابية

الكل يتمنى ( هازراد - اوسكار - ماتا ) و للأسف قتلهم بأجبارهم باقيام بأدوار دفاعية اكثر من الادوار الهجومية

فأنا لا ألوم اي لاعب فطبيعي ان يكون نجم المباراة مدافع مع مورينهو لأنه مدرب لا يجيد سوى الدفاع و اللعب على المرتدات وهذا اسلوب ممكن ان يلعب فيه فرق مثل استون فيلا و ساوثهامتون ليس فريق بحجم تشلسي يلعب بهذه الطريقة وهو يمتلك عناصر فتاكة صراحة لا تعليق

مباراة فخمة تكتيكياً ، الاغلبية زعلانين ليش المو نزل هذه المباراة بذا التكتيك والتكتل الدفاعي البحت ؟ لو بنحسبها منطقياً بنشوف ان المو لعب بتشكيلة وطلع فيها بأقل الاضرار ، وقدر يتحكم فمعظم مجريات المباراة .. والاعتماد الكلي على المرتدة او خطأ من الخصم ممكن يخطف له هدف ويطلع فيها بالنقاط الثلاث .. وان م حصل ها الشي قالنقطة من ارض مانشستر تعتبر جيدة .. كان يمديه يفتح اللعب ويعطي المباراة حقها من الاهداف لكن هذا الشي ممكن يضره كنتيجة ، الجميع كان يتحرك منظومة وححدة ، واضحة جداً تعليمات مورينهو .. شفنا انضباط تكتيكي كبير من ال 11 لاعب داخل الملعب .. هازارد ، بروين ، شورله ، كلهم اتقنو ادوارهم على اتم وجه ، اوسكار كان نجم الشوط الاول ، حاول فكذا هجمة لكن م توفق فيها ، ولو بنجي نحسب كم هجمة خطيرة للمانيو ف تنعد ع الاصابع ، 3 ل اربع هجمات .. نفس الشي ل تشلسي ، المباراة كانت تمشي بنسق عالي وكانت حرب في وسط الملعب ، الفريقين قدمو مباراة كبيرة على المستوى التكتيكي مع افضلية للمانيو .. نزول توريس كان حل اضافي هجومي لكنه افتقد للصانع اللي يحطله كورة قدام المرمى ( ماتا ) ، وعلى طاري الاخير ، وصولاً للدقيقة 80 المو اقتنع ان التعادل جيد كنتيجة وماحب يغامر اكثر ، فعشان كذا شفنا نزول ميكيل على حساب شورليه وازبي بأخر الدقايق .. لو بنفكر شوي محد يقدر يلوم المو .. تلعب ثالث مباراتك بظرف 6 او 7 ايام ، وخارج ارضك وعندك بعدها نهائي سوبر! ابداً محد يلومه ليه مانزل ولعب بشكل هجومي .. هو حاول يلعب ويخرج بشي مرضي .. ان قدرنا نجيب الفوز وفي حالة صار ذا الشي ممكن نشوف تطبيل للمو يوصله للسما .. لكن التعادل كان خطة بديلة وكافية انك تقول نتيجة مرضية ، الشي اللي م كنت حرضى فيه هو الهزيمة لأن تقفيلك الدفاعي طوال ال 90 دقيقة م حيفيدك بشي .. وهذا اللي ممكن يقهرك وتلوم مورينهو عليه ، لكن طالما ان النتيجة صبت في مصلحة تشلسي ولو بنقطة فيعتبر شي جيد ،

وليدوه رردك يمثلني ، اتفق معك بكل كلمة كتبتها
ومبروك النقطة ، عقبال نفرح بالسوبر الاوروبي يوم الجمعة

خلص الكلام ي بو اديلا ق1

الحارس اللي فوقه رقمه 208 الظاهر! قادر على كسرر رقمه بالراحة
اللي متأكد من المعلومة يعطينا اياها

ملخص لمباراة تشلسي ومانشستر امس

الحمد لله التعادل ليس سيء خصوصاً أنك تلعب أمام المانيو ،،



بالتوفيق لنا أمام البايرن ..

مباراه تكتيكيه من النوع الخرافي , المو قدم تكتيك دفااعي خرافي و انتشار رائع في حالة الإرتداد , بس اوسكار للأسف كان يقتل هالهجمات المرتدة ببروده و بطئه حتى تفكيره بطيء ذا الأدمي مايدري يركض او يمرر و يركض , بس اوسكار سبب إشراكه المو هو انه كان يبي لاعب يضغط ع حامل الكورة و الادوار ذي ما يقدر عليها خوانيتو فلذلك اشرك اوسكار

و مورينهو صحيح عنده دكه حلوه بس الرجال واضح انه كان يبي التعادل حتى قالها بتصريحه قال انا قلت للعيال : اننا بنلعب من اجل الفوز ان مافزنا ماراح نخسر , و انت تلعب مع المانيو اللي ذي ثاني مباراه لهم و 3 مباراة لنا بظرف الظاهر 8 ايام و وراك سوبر اوروبي مع اجهز و افضل فريق بالعالم ف طبيعي بيريح اوراقه الرابحة بذيك المباراه مورينهو و ماتا اكيد واحد من هالاوراق و مدري ليه اتةقع ان جينكل واحد من هالاوراق ياخي مدري احسه بيعتمد عليه و جينكل و الله لاعب بطل واثق من نفسه و إستلامه و تسليمه رائع جدا و إفتكاكه للكور جميل بإختصار جينكل لاعب أنيق لدرجة أنك تتوقعه يلعب بكرفته و المو كتم المانيو مالهم الا فرص تنعد ع الأصابع مع انهم كانو ماسكين الملعب و هذا يدل ع انضباط تكتيكي رائع من دي بروين و هازارد اللي تمغطو مع الاظهره و أيضا يدل ع مدى روعة دفاعنا و خصوصا الكابيتانو , رجل المباراه بلا منازع الى الآن مدري وشلون انتبه لهجمة ويلباك انا و غيري كمشاهدين ما انتبهنا لها كيف هو ك مدافع بينه و بينه مسافة قليلة انتبه لها , ما اقول غير ماشاء الله عليه و واضح ان تيري و كاهيل بيتصافقون غ مركز مع الكابيتانو لأن تيري ان استمر ع هالمستوى ي تيري ي كاهيل واحد منهم بيكون ضحية لليدر

ع العموم الحين امنياتنا بتعثر المانيو و السيتي مع اني أراها صعبه جد جدا ضد هال سيتي و بأرض السيتي بعد ما اتوقع بيتعثرون , بس دقيقه وش رايكم بتوتنهام و الليفر المحظوظين ؟ و الله جد مباراتين و يفوزون ب 1-0 و ماشيه أمورهم بس توقعي هالحال ماراح يستمر خصوصا ان توتنهام بيلعب مع الأرسنال بالإمارات و الليفر بيقابل المانيو ع العموم اهم شي بهالجولة الليفر يسويها و يصقع المانيو و خلهم يتصدرون لفترة المساكين بعدين نلقاهم يتصافقون مع ارسنال و توتنهام ع المركز الرابع

اخواني التشلساوية
اتركوا عنكم التعصب وجاوبوا بصراحة

اللي يشوف ان اللقطة حقت فرانك لامبارد موب بلنتي يقول لي ليش !!!

تشيلسي امس ما كان بالفورمة نعم بس وش سبب بداية مورينهو بشوله من وجهة نظركم


اتمنى استمتع بردود ما فيها الا الحياد

إقتباس الرسالة الأصلية كتبت بواسطة azizbn7md اخواني التشلساوية اتركوا عنكم التعصب وجاوبوا بصراحة اللي يشوف ان اللقطة حقت فرانك لامبارد موب بلنتي يقول لي ليش !!! تشيلسي امس ما كان بالفورمة نعم بس وش سبب بداية مورينهو بشوله من وجهة نظركم اتمنى استمتع بردود ما فيها الا الحياد

لمسة اليد حقت فرانكي بلنتي ,, ولكن لو ترجع لمباريات تشيلسي ومانشستر تلقى بلاوي تحكيمية لمانشستر ,, وهذي ما تجي قطرة بـ بحر من الغش اللي لهم ,, والدوري السنة اللي راحت . ياما وياما ساعدهم التحكيم ,, وحنا أشغلونا بلمسة يد

..

أتوقع شارك بشورليه عشان يريح ماتا لمباراة البايرن

إقتباس الرسالة الأصلية كتبت بواسطة azizbn7md اخواني التشلساوية اتركوا عنكم التعصب وجاوبوا بصراحة اللي يشوف ان اللقطة حقت فرانك لامبارد موب بلنتي يقول لي ليش !!! تشيلسي امس ما كان بالفورمة نعم بس وش سبب بداية مورينهو بشوله من وجهة نظركم اتمنى استمتع بردود ما فيها الا الحياد