كلاام كبييير +10000
اختصرت علي واجد والله ،، لاني كنت ناوي ارد بخصوص هذا الموضوع
بس ابزيد على كلامك كلمتين زياده
بيلقريني او حتى غيره من المدربين ما اخذو ربع الاهتمام او الصلاحيات اللي ياخذها مورينيو ،، بيلقريني اول ما وصل للنادي لقى فريق جدييييد كليااا ،، صعععبه انك تدمج اللاعبين اللي بالاساس موجودين مع الجدد ،، يبيلها وقت ،، مو من اول موسم ،، وفوق هذا كله ،، الادارة ما لبت احتياجاته ،، هو بالاساس ما كان يبي شنايدر وروبن يطلعون من النادي ،، بس الادارة باعتهم ولا طقت له خبر
وبخصوص انه خسر من الكوكورن 4-0 ،، نتيجة قاسية من نادي صغير ،، بس اللاعبين كانو مستهترين ،، وحتى اذكر اذا ماكنت غلطان كنا نلعب بالاحتياط ،، وفوق هذا كله مباراة في " الكاس "
طيب الحين تذكرتو 4 الكوكورن ،، ليه ما تذكرتو ال 5 اللعينه
5 البرسا كانت على نفس التشكيلة تقريبا ،، وتشكيلة مورينيو اقوى كانت ،، كان عندك اوزيل - دي ماريا
انا ما اقلل من حجم مورينيو ،، مورينيو مدرب كبير رضينا ولا ما رضينا ،، ما فيه 2 عاقلين يختلفون على ان مورينيو مدرب كبير ،، بس كل اللي ابي اوصله ان الى الان كل اللي قدمه مورينيو ما اعتبره انجاز ابدااا ،، كان يقدر على اكثر من كذا بصراحة ،، خصوصا على الامكانيات اللي متوفره له
==========
ونقطة ثانيه مالها دخل في بيلقريني ،، ترا تعتبر صععععبه انك تجيب كافاني وبيل وكم لاعب معهم في موسم واحد ،، بكذا انت اقل شييييي راح تدفعه على بيل وكافاني 150 مليون ،، في وقت انت تقدر تدفع مبلغ اقل على 4 لاعبين ومن ضمنهم كافاني ،، مافيه اي مقارنه بين مونيان وبيل ،، بس سعر الاول ارخص بكثيييير و راح يخدم الفريق كثييير ،، عمره صغير + يلعب في الدوري الاسباني ف هو عارف الاجواء كويس ،، تقدر تسفيد منه اكثر اذا تبي تريح كريس او دي ماريا ،، وبنفس الوقت راح يرضا بالاحتياط على عكس بيل
اما بخصوص والكر فانا عارف انها اشبه بالمستحيل يجي للريال ،، حطيت اللاعب ك رغبة
امنيتي اشوفه بالريال ،، لان والله اربيلوا ملوع كبدي
صبرنا عليه وخلاص كذا يكفي
يعني سحبان الله الريال مركز الضهير الايمن تحس فيه عللة ،، قبل كان سلقادو
وبعدين جا راموس ويوم بدع تغير مركزه ،، والحين اربيلوا !!! يعني العن من كذا ما فييه ،، وانا خوفي يجي كارفخال ويصير مستواه اقل من المتوقع