مباراتنا يوم الثلاثاء الجاي هي واضحة مثل ما ذكر وهب في كلامه ،، كلوب المنطق يفرض عليه الدفاع ،، بس عندي احساس انه بيهاجم ،، او على الاقل بيسحب الريال لمناطقه على اساس يفتح المساحات في ملعب الريال ويحاول قتلهم بمرتده.
اما بالنسبة لمورينيو فانا مدري ايش هو يفكر ،، المفروض عليه يدخل بخطة هجوميه بحححته ،، بس بصراحة الانسان هذا ما يندراا وش اللي في مخه !! مرات يشطح باشيا الكل يستغرب منها
هو عنده اكثر من حل ،، واكثر من طريقه ممكنه اذا يبي نزعه هجوميه ،، ممكن يلعب 4-1-2-3 او 3-4-3 ،، ممكن نلعب بالخطتين ،، شوط الاول خطة والثاني خطة ثانيه وكلهم هجوميه ،، بس الثانيه بالنسبة لي هي الاقوى والمفضلة لي (3-4-3) لان انت تحتاج اكبر عدد ممكن في ملعب خصمك ،، وبنفس الوقت عندك بالخلف 3 مدافعين ومحور (خضيرة) ،، يعني 4 لاعبين في الخلف ممكن يوقفون هجماتهم. لو بيلعب بالطريق هذي ،، يكون فاران رجله على رجل لوفاندوسكي ورامرس مع رويس و كوانتيراو مع بواشتيكوفسكي ،، خضيرة والونسو على قوندوقان ،، واذا قدرت توقف قوندوقان انت كذا بتوقف 50٪ من خطورة دروتموند ،، هو يعتبر الونسو دورتموند ،، هو اللي تبدا من عنده هجماتهم
مورينيو لازم يركز على نقطتين ،، الاولى هي عدم الاعتماد الكلي على رونالدو ،، والثانيه هي يدرب اللاعبين على التسديد من خارج المنطقه ،، عندك 4 لاعبين ممتازين بالتسديد خارج منطقة الجزاء ،، رونالدو - مودريتش - دي ماريا - الونسو ،، كل واحد رجله اقوى من الثاني ،، وهذي نقطه مهممممه ،، لان دورتموند ب يتقوقع في مناطقه ،، وهذي وحده من المشاكل اللي دايم الريال يعاني منها ،، فلازم ينوع من اللعب ،، مره تلعب على الاطراف ومره بالعمق ومره تسديد وعلى هذا الحال ،، بالطريقه هذي صعععععب جدا على دورتموند انه يحافظ على نظافة شباكه << اشبه بالمستحيل
الريال لو قدر يسجل اول 10 دقايق ،، بيهز ثقة لاعبي دورتموند بشكل عجيب ،، بتبدا اللخبطة والربكة
بس كل ما تاخر الريال بالتسجيل ،، كل ما زادت ثقة الالمان اكثر واكثر
هم يقولون مافيه مستحيل عند الالمان ،، وهو شي صحيح ،، بس مافيه غرور كثر غرور الالمان ،، بعد النتيجة الكبيره اتوقع الغرور وصل عندهم 200 ٪ ،، مدري اذا فيه احد شاف مباراة المانيا والسويد لتصفيات كاس العالم ،، المانيا كانت متقدمه 4 - 0
هم على النتيجة هذي كانو شبه واثقين ان المباراة انتهت ،، ولكن ،، اخر نص ساعه السويد قلبت الوضع فوق تحت ،، وسجلت 4 اهداف وانتهت المباراة 4 - 4
انا ما اقول ان الكلام هذا ينطبق على دورتموند ،، بس كثر ما انها شبه مستحيله في اعتقاد الكثيرين ،، الا انها والله مقدوووور عليها ،، متى ما كانو اللاعبين حاطين في راسهم ان المباراة هذي مباراة العممممر ومباراة الموسم وكانو مركزين فانا اتوقع الريال بيتاهل وبدون اي مشاكل
اخر شي ابقوله ،، الريال لو سجل اول 10 دقايق ،، اذكركم ان شالله ،، ما يخلص الشوط الاول الا وهي 3-0
باذن الله ،، وقولو ما قالها ابو عابد
13199Likes
في مكائنهم
الوضع العادي
