مبروك ياشباب الفوز والاداء ، كنت متوقعها اكثر من كذا وكان مفروض اكثر ، بس ما الله اراد.
انا دايم اقولها الريال يبدع في حالتين ، اذا لعب في ملعبه ، واذا لعب مع الفرق الصعبه او القويه. الفرق الضعيفه يكون يمكن استهتار او عدم جدية اللاعبين هي اللي تجيب فينا العيد .
ممكن يكون بدري الكلام على مباراة المانيو ، بس ياخي الحماس زايد
مباراة العمر بتصير
Real Madrid vs. Manchester United [PROMO] Champions League 2013 - YouTube
بغض النظر مين بيفوز ، المباراة بتكون ممتعه بدون شك ، الفريقين يلعبون بطريقة مختلفه ، وهذا اللي بيحلي المباراة ، المانيو يعتمد على 4-4-2 في اغلب مباراياته ،، والريال 4-2-3-1 ، كلهم خطط هجوميه مع تحفظ بالخطوط الخلفيه. بس اللي بيحلي المباراة هي خطوط الدفاع الداجة للفريقين
بتصير نكبات خراااافيه ، شبه مستحيل تنتهي بدون اهداف ،، بس المشكله هي ان المانيو عندهم اثنين مايرحمون ، اثنين يسجلون من انصاف الفرص
روني وفان بيرسي ،، انا من وجهة نظري فان بيرسي تقدر توقف خطورته في انك تحط راموس معه ، على عكس روني ، روني تحركاته كثيره وسريع وذكي ، يعني مهما حطيت رقابه عليه ماراح تقدر توقفه.
واما الريال فعندنا كريس اللي مايختلف عليه اثنين ، اذا روني وفان بيرسي من انصاف الفرص يسجلون ، فعندنا اللي يسجل من اربااااع الفرص ، بس انا خوفي انه يتاثر بالمباراة , ولا نشوف كريس اللي عودنا على الاهداف والمتعه.
المباراة صعب تنبؤ نتيجتها او اسلوب احد الفريقين ، هل فيرقسون بيكون متخوف ويلعب ب 3 محاور ؟ اشك انه يسويها ، بس ممكن ، هل المو بيلعب ب 3 محاور مثل مباراة السيتي ؟ صععععب جداا تنبوء او توقع اي شي في مثل هذي المبارايات.
اوزيل - دي ماريا ، اذا كانو بيومهم فانا اضمن "والعلم عند الله" ان الريال بيخلص الوضع من بدري ، انا حددت الاثنين هذولي لان مستواهم مو ثابت هذا الموسم ، فلو ابدعو ممكن نشوفها تاريخيه ، 4 على اقل تقدير ، اتمنى من كل قلبي اشوف اوزيل اللي نشوفه في مبارايات البرسا. ونشوف دي ماريا اللي كان في بداية الموسم
من وجهة نظري ، الريال المفروض يلعب بالتشكيلة هذي
لوبيز
كوانتيراو - بيبي - راموس - ايسيان
الونسو - خضيرة
كريس - مودريتش - اوزيل
بنزيما
ايسيان بدينا نشوف مستوياته اللي كنا نشوفها ايام تشيلسي ، هو صحيح يبدع بالمحور ، بس ما ننسى كيف بدع مباراة البرسا فمركز الظهير ، كان مقفل المنطقه عدل ، على عكس اربيلوا اللي الكل عارف قد ايش هو نكبة ، مع انه الحق ينقال ، هو طلع بمستويات كويسه في بعض المبارايات ، بس مبارايات مثل هذي ما ودك تجازف وتخاطر ، لان غلطات اربيلوا داااااايم يجي معها هدف.
اما بالنسبة لمودريتش فانا اشوف انه انسب مركز له ، دايم يبدع في هذا المركز ، واوزيل يعجبني اذا لعب على الاطراف ، بالحاله هذي بيكون عندك 2 صانعين العاب ، وبتصعب الامور على خط وسط المانيو ، وتضيف عليها تقدم خضيرة ويكون متواجد على الجهه اليمنى لدعم اوزيل ، ووجود كريس على الطرف الايسر ، ويكون عندك الونسو وايسيان بخط الوسط ، بيحجرون للمانيو تحجير ، وبيضطر فيرقسون للعب على المرتدات ، وبهالحاله بتقل خطورة روني وفان بيرسي لتراجعهم لخط الوسط.
اما بالنسبة ل دي ماريا ، انسسسسب حل هو دخوله بالشوط الثاني ، بيكون في كامل نشااطه ، على عكس دفاع المانيو اللي بيكون ارهق.
ماودي اطول عليكم
ابثرتكم ، بس انا من وجهة نظري هذي وحدة من الطرق اللي تقدر توقف فيها فريق مثل المانيو ، وتقلل خطورة هجومه البثر
والله ما انسى مباراتنا معهم في 2003 بالنسبة لي تعتبر افضل مباراة شفتها بحياتي The Legend Ronaldo vs Man Utd - Season 02/03 - YouTube REAL MADRID - MAN UNITED, partidazo en el Bernabeu - Vidéo Dailymotion Manchester United 4 - 3 Real Madrid - 2002-2003 - Champion's league - Vidéo Dailymotion