السلام عليكم ورحمة الله وبركاته
انا ماحضرت المباراة لظروف معينة ولاني ماني من الرياض
المهم اني شفتها على القناة الرياضية وتابعت التحليل اللي كان يقدمه بتال القوس
بداية التحليل وقبل المبارة كان الاخ بتال القوس متفائل وفرحان
وبعد مانتهى الشوط الاول نفس الطريقة
لكن عندما انتهت المباراة ( خوينا راح فيها وماله نفس يكمل التحليل ) لونه تغير مادري ليش
بس انا سمعت انه نصراوي وكمل بقيت التحليل بضحك المجاملة اللي تعرفونه والا هو من داخل يغلي
ما اقول الا الله يكون بعون النصراويين

الله يهديك وش خلاك تشوف هالقناة وتخلي الاوربيت

نعم هو وماجد . . بس هو باين عليه مره

واحد نصراوي حااااقد .......... والهلال خذ الكاس وش تبي يكون وضعه ..... اكيييد بيكون:sad: :sad:

هـــــو غـبي .... وألأ فـهــو عــارف أنـه
با الاخــــير . مـا يصـح الا الصحــيح..

إقتباس إقتباس من مشاركة قصيمي هلالي الله يهديك وش خلاك تشوف هالقناة وتخلي الاوربيت

و الله انك صاادق .... احد يترك الابداع و يروووح للفشل .....

و الله من زماان عن هالقناة ...

و الله يا زييين اوربت ....




و شكرا

الله يعينه وتحمدوا ربكم على النعمه الي انتم فيها انكم هلاليين.
وعقبال الدوري ان شاءالله.

إقتباس إقتباس من مشاركة قصيمي هلالي الله يهديك وش خلاك تشوف هالقناة وتخلي الاوربيت

الله يهديكم ياشباب هو هلالي ولانصراوي المهم الرجال محترم ومشروع مقدم ناجح
عاد حنا نتطنز على النصراوين وهم المتعصبين ونصير زيهم حنا يا شباب نشجع الزعيم ولا بد أن نكون زعماء في كل شيء وبسلامتهم حنا نجيب البطولات وهم حش في الحكام

أحمدوا بكم إنكم هلاليين وأنا أقول الحمد لله ، بصراحة ماأدري وشلون بيكون حالي لو كنت أنا

نصراوي ( لا سمح الله ) أو اتحادي 00

ارحموا عزيز قوم ذل

إقتباس إقتباس من مشاركة عثمان العقيل الله يهديكم ياشباب هو هلالي ولانصراوي المهم الرجال محترم ومشروع مقدم ناجح عاد حنا نتطنز على النصراوين وهم المتعصبين ونصير زيهم حنا يا شباب نشجع الزعيم ولا بد أن نكون زعماء في كل شيء وبسلامتهم حنا نجيب البطولات وهم حش في الحكام

وأنا أقول إن بتال القوس هلالي .....


لأنه شاب على (( طلال الرشيد )) في برنامج المواجهة ,,

إقتباس إقتباس من مشاركة قصيمي هلالي الله يهديك وش خلاك تشوف هالقناة وتخلي الاوربيت

إقتباس إقتباس من مشاركة غاوي بطولات ارحموا عزيز قوم ذل

النمر الصغير:

بتال القوس نصراوي وبقوه, وكان بالأحساء ونقل للرياض بعد افتتاح غصب 3, وصحيح ليه تطالع الناس ذولا انت عندك محللين كويسين في "اوربيت" انا والله مأذكر اني شفت هالقناه بس اسمع الشباب يقولون.

سلام