||● رابطة عشاق زعيم انجلترا 2012 - 2013 ●||● Glory Glory Man United ●|| - صفحة رقم 58 - نادي الهلال السعودي - شبكة الزعيم

wele-star · #856 03/09/2012, 02:04 PM

ساوثامبتون 2 اليوناتيد 3

تقرير كآمل لــ مباراة ساوثامبتون 2 مانشستر يوناتيد 3

هنا

wele-star · #857 03/09/2012, 02:39 PM

مانشستر يونايتد خسر بسبب خطأ دي خيا

كشف مدرب مانشستر يونايتد السير اليكس فـيرغسون أن حارس المرمى
ديفيد دي خيا خسر مركز الحراسة للفريق الأول يوم الأحد ضد ساوثامبتون
يرجع لسبب خطأه ضد فولهام في المباراة السابقة.

الوافي001 · #858 03/09/2012, 04:26 PM

يا ذا السير اللي بيذبحني .. الحين سلكنالك حبك للمخيس ايفرا اخر ثلاث سنوات .. وتحملنا ايفانز لما صار رجل .. بالاخير عاجز تتحمل لدي خيا خطأ واحد .. الحين العام يوم يصاب المخيس ليندجارد ابو كلين شيت ارتاح دي خيا ولعب مباريات وسوا صدات الموسم .. والحين يرجع هالمخيس وتحطه اساسي علشان صدتين ورا بعض في مباراة رديف ومتأكد انها لو تنعاد مية مرة بتدخل قول .. صحيح دي خيا عنده مشكلة في العرضيات .. فقط فقط فقط .. لكن ما افضل عليه حارس ما يلقطها اساسي في ساوثهامبتون كيف في اليونايتد .. ما احمله الخسارة طبعا .. لكن انا في فريق كاليوناتيد ما ابغى حارس ما يخطي .. لا .. ابغى حارس يصدلي الكور المستحيلة مثل هدفينهم امس او على الاقل واحد منهم ..

طبعا لا تخلوني اجيب طاري ايفرا .. يوه يالحموضة اللي مسببها امس .. هو المفروض يكون خبرة وحتى لو اخطا بهدف ما يفقد ثقته وتركيزه .. وبعدها بدقيقة يسحب فيه لاعب وهو مفهي .. ربك ستر والله .. فان بيرسي على الهاتريك الي جابه لكن ما راح يكررها كاننا لعبنا زي امس .. اجل ما سوا الا عشر باصات طول المباراة .. تيتشاريتو ما يسويها .. لازم مساندة من الخلف .. والاجنحة .. السير يتحمل هالجزئية .. اجل ويلباك ملعبه جناح ويقوله ادخل عىل العمق .. وخذلك يا زحمة في النص وبالاخير يوصلونها لفالنسيا وتكفى حاول ترفعها .. بمجرد دخول ناني وسكولز جانا اللاعب اللي يلعب في المساحات الضيقة .. واللاعب اللي يفتح باصات وسجلنا قولين وبلنتي ..

السير لازم يقتنع مهما كان ناني مخيس انه بالتكتيك اللي راسمه في راسه ان ناني اهم من فالنسيا .. كاقاوا حتى الان ما يصلح في مباريات مثل هذي .. يحتاج يدخل الاجواء شوي .. تشوف لعبه في الاولد ترافورد يختلف عن مباراتنا ضد ايفرتون وساوثهامبتون .. في الاولد كان ماخذ راحته وفان بيرسي برضو كان يباصي ويحاول اكثر .. حتى الان متفائل بموسم ومستوى افض من العام .. لكن لو السير يختار الاوراق المناسبة .. من الافضل انه يلعب بكاريك وكليفرلي وكاقاوا بالنص .. وناني كجناح يضم للعمق .. وفالنسيا كجناح تقليدي .. ما اعتقد نطلب شي مستحيل من السير .. بيجي الوقت اللي يلعب فيه ويلباك اساسي .. وبيجي الوقت اللي يلعب فيه هرنانديز .. بس لا يستعجل ويجيب في الفريق العيد .. الاعتماد الكلي على فان بيرسي في التهديف ما اشوفها مشكلة عويصة حاليا .. المشكلة في طريقة ايصال الكورة للثلث الاخير .. تدوير الكورة واللعب البطيء ما عمره نفع ولا راح ينفع مانشستر .. لازم تسريع اللعب والمغامرة في الدخول في زحمة الفريق الخصم .. وهالشي يطبقه كليفرلي وناني وكاقاوا بشكل ممتاز .. لكن لازم ياخذون الجرأة .. أو على الأقل السير يعطيهم السماح ..

نجي للنقطة الأهم .. الضغط على حامل الكورة لحظة فقدانها .. اشوفها ميزة موجودة في فرق كبيرة وما قاعدين نستغلها ابدا .. كليفرلي جيد في الضغط على حامل الكرة .. وكاريك اكثر من ممتاز بقراءة التمريرة .. حلول كثيرة ممكن تطبيقها ونستخلص الكورة بشكل اسرع اكثر من انتظارها حتى تاصل لفيديتش او الريو او الحارس ..

قدامنا 14 يوم .. اسبوعين طويلة جدا .. الفريق ما دخل اجواء الدوري حتى الان .. وهالشي غير مستغرب وهذي عادة مانشستر باستثناء الموسم الماضي الله لا يعيده من موسم .. المطلوب الحين .. عندنا لاعب زي كاقاوا .. لازم نستفيد منه اكثر .. ما اقول حط الحمل كله عليه .. لكن ادخله في الهجمة واطلب من اللاعبين يثقون فيه .. زي ما هو صرح وقال اتمنى من لاعبين الفريق التمرير لي في المساحات الضيقة ويثقون في قدرتي على التعامل في مثل هالمساحات ..

مبروك الفوز الحامض بالنسبة لي .. كنا بنكون في وضع سيء جدا من دون هالفوز ..

MR-IBRAHEM · #859 03/09/2012, 04:52 PM

::

آلف مبرووووووكك ي معشر آليونآيتد ..

شيء كبير ي ( روبين هود , روبن فآنتاستك

.. آلخ ) آححلآ شيئ لمآ يجيكك
آرسنآلي ومسوي يطقطق عليكك عشآن بيرسي ضيع آلبلنتي وآخر شيء يحسمها
لآ وهآتريك وبعدين تعطيه رد بآلجبهه ي حبيبي

..

آلسير آليكس :-
وربي م عرفت وش يفكر فيه آوكك كلنا نعرف آنه آدرى بآلاعبين ومصلحةة آلفريق
بس هآلشيء م يمنع آن يكون عنده آخطآء وننتقده وفي آلنهآيه هذآ يعبر عن حبنا
للفريق , بصرآحه فيرغسون له سنتين آحس آنه مو مثل قبل فلسفته مو منطقيه آبداً
وبعد مبآرآة آمس بكل آمانه بديت آخآف يتكرر نفس سينآريو آلموسمم آلمآضي
يعني آقنعني عندكك نآني وقيقز كلهم آجنحه وغير ككذآ حآسمين وعندهم خبره وتخليهم
بآلدكةة وتشركك آلعقيمم ولبآكك

مدري ودي يجآوبني آلسير آنا تكلمت عن آلنقطه
في آلمبآرآة آلاولى لما آشركك فآلنسيا ورآفا موجود , في آلنهآيةة آلحمدلله عدت آلمبآرآة
على خير لآكن مو كل مره تعدي على خير ..

- تصميمم بسيط للسير و آلـ روبن هود :-

وبس

U N ! T E D · #860 03/09/2012, 06:10 PM

إقتباس

الرسالة الأصلية كتبت بواسطة الوافي001


	يا ذا السير اللي بيذبحني .. الحين سلكنالك حبك للمخيس ايفرا اخر ثلاث سنوات .. وتحملنا ايفانز لما صار رجل .. بالاخير عاجز تتحمل لدي خيا خطأ واحد .. الحين العام يوم يصاب المخيس ليندجارد ابو كلين شيت ارتاح دي خيا ولعب مباريات وسوا صدات الموسم .. والحين يرجع هالمخيس وتحطه اساسي علشان صدتين ورا بعض في مباراة رديف ومتأكد انها لو تنعاد مية مرة بتدخل قول .. صحيح دي خيا عنده مشكلة في العرضيات .. فقط فقط فقط .. لكن ما افضل عليه حارس ما يلقطها اساسي في ساوثهامبتون كيف في اليونايتد .. ما احمله الخسارة طبعا .. لكن انا في فريق كاليوناتيد ما ابغى حارس ما يخطي .. لا .. ابغى حارس يصدلي الكور المستحيلة مثل هدفينهم امس او على الاقل واحد منهم ..

انا اشوف انه السير ما اخطأ يوم حطاه احتياط وانا ابصم بالعشره انه السير
يعرف انه دي خيا افضل من لنديجارد لكن بفوارق بسيطة السير يبي يقول
لدي خيا انه مكانك مو مضمون وممكن تخسرة بسهولة اذا ما ركزت على
اخطائك خصوصا انه صغير جدا على حراسة فريق زي اليونايتد يبي يفهمه
قيمه وجودة اساسي بهذا الفريق اما من ناحية ايفرا اللاعب كبير بالعمر
وهو عارف انه مستواه منخفض بس ما فيه بديل واتوقع انه بوتنر غير
جاهز بالوقت الحالي وهذا الواضح هو الكلام ليش السير توه يفكر ببديل له
ما ايفانز فهو لاعب احتياط كان للسير خيارين يا انه يكرشه زي الي قبله
او يصبر عليه وشكله اخذ درس من بيكيه وصبر عليه وشف شلون صار
رجال على قولتك

إقتباس


	في آلمبآرآة آلاولى لما آشركك فآلنسيا ورآفا موجود , في آلنهآيةة آلحمدلله عدت آلمبآرآة على خير لآكن مو كل مره تعدي على خير ..

ع الفكرة الموضوع هذا تكلم فيه السير
وقال انه رافا راجع من الالومبياد ويحتاج راحهه

wele-star · #861 03/09/2012, 06:13 PM

روبن يعوض ضربة الجزاء

فآن بيرسي بعد المباراة : "إنها ثلاث نقاط أضفناها إلى رصيدنا وشيء من
الإحباط بالنسبة لي و لا أدري فيما كنت أفكر عند تسديد ضربة الجزاء،
فقد كنت أرغب في تسديدها بقوة مثلما أفعل دائماً، وفي الثانية الأخيرة
غيرت وجهة نظري. وهذا لم يكن جيداً، ولذا ذهبت الكرة في متناول
الحارس.وهو ما جعلني أشعر بشيء من خيبة الأمل. إذ إن علي تقديم
مستوى متميز مع الفريق، وعندما يحدث شيء مثل هذا، عندما تكون
متأخراً 2 - 1، فلا يمكن أن تسدد ضربة جزاء بمثل هذه الطريقة."
ولا أستطيع أن ألوم أحد سوى نفسي. ولا أدري ما الخطأ الذي أرتكبته،
ولكن التسديدة كانت خاطئة تماماً، ولذا علي تجنب هذا في المستقبل. وبعد
هذا شعرت براحة تامة بعد الحصول على النقاط الثلاث."

’ĦάṂάďỲ‘ · #862 03/09/2012, 06:50 PM

-

مسّاكم الله بالخير !

صراحةً مدري وش اقول عن مباراة امس ..
مدري اسب السير ولا امدحه على اللي سواه بالمباراة ..

يعني فريق عنيد مثل ساوثهامبتون وعلى ارضه وتلعب مثل مباراة ايفرتون بتشكيلة غلط ..
يعني ما شاف العك اللي صار بذيك المباراة ..

مثلاً .. بمباراة ايفرتون شفناهم يلعبون جهة النكبة ايفرا .. وانا ما الومه
لان ما فيه مساند له بجهة الجناح .. يجي ويكررها بهالمباراة ليه ؟
ما عنده ناني احتياط ؟ ما يصلح بوتنر يلعب جناح يسار ؟ اللي سمعنا ان مركزه الاساسي جناح ..

طيب نفترض ان بوتنر خايف يجربه بمباراة صعبة مثل كذا ..
ناني عندك جاهز .. ليه احتياط ؟ وليه هالفلسفة كلها ..
ويلباك من موسم ونص والسير يجربه بمركز الجناح ولا شفناه بدّع .. بالعكس تصير جهة اليسار معطلة بالنسبة لنا .. ومركز عبور للفريق الخصم ..

الشيء الثاني سكولز .. انا ما ادري ليه ما دخل من البداية ..
عشان يريحه ؟ طيب بمباراة فولهام ريّحه ورا ما لعبه امس ؟
يعني ما يعرف دور سكولز بالملعب ؟ المشكلة لا كليفز ولا كاريك يقدر يوزع كورة ويمرر من اليمين لليسار مثل سكولز ..

بإختصار لولا الله ثم المجهود الفردي لبعض اللاعبين كان رحنا فيها واكلنا تبن
واخص بالذكر المجنون فالنسيا والروبن اللي بغى ينكبنا والكبير سكولز !

على فكرة الفترة الجاية راح يتوقف فيها الدوري ..
وراح يرجعون اللاعبين المصابين بإذن الله .. امثال جونز وسمولينق وايفانز وبقية العيال ..
كلي امل وثقة بإن حالنا الدفاعي يتحسن برجعة هالمطانيخ ..

’,

برايفت للمطانيخ عيال رابطتنا ..
اخبر ابو بيست يبي واحد يساعده بحساب رابطتنا بتويتر ..
اللي عنده وقت ويقدر يخدمه يتراسل معه عالخاص !

’ĦάṂάďỲ‘ · #863 03/09/2012, 06:52 PM

-

للتذكير ..
تم تحديد موعد لمباراتنا ضد المكبايس في كاس الرابطة ( كابيتال ون كب ) !
راح تكون يوم الاربعاء 26 ديسمبر .. الساعة 9:45 بتوقيتنا بإذن الله !

GalaXy_1 · #864 03/09/2012, 07:31 PM

بسم الله الرحمن الرحيم
السلام عليكم .. الحمد لله .. الف مبروك الثلاث نقاط
صحيح كانت المباراه تجيب الصداع وفعلا صدّعت فيني
لكن اهم شي الثلاث نقاط .. ايفرا صاير لايطاق !
بيرسي بعد ما ضيّع البلنتي منيت نفسي بهاترك منه
وفعلا ما بخل وسواها الكبييير .. ما نختلف انه استهتر بالبلنتي
لكن لو تلاحظون مع استهتاره ظف الارض معه وقت التنفيذ !

عموما هفوات بسيطه ان شالله في المباريات الجايه تتعدل ونرجع لمكاننا الطبيعي بالصداره !

GalaXy_1 · #865 03/09/2012, 07:34 PM

إقتباس


	برايفت للمطانيخ عيال رابطتنا .. اخبر ابو بيست يبي واحد يساعده بحساب رابطتنا بتويتر .. اللي عنده وقت ويقدر يخدمه يتراسل معه عالخاص !

وش نوع المساعده ؟!
وعطنا يوزره عشان نتراسل معه
تخبر منب من المعمرين هنا ولا اعرف من تقصد :$

wele-star · #866 03/09/2012, 08:09 PM

توشيبا مع مانشستر يونايتد لمدة خمس سنوات

وقـع مانشستر يونايتد على إتفاق مع شركة توشيبآ لـتفتح آفاق جديدة
للأنـظمة الطبية لتصبح توشيبا الشريك الرسمي للـنادي لـهذا الشيء.
الشـراكة ستمدد لمدة خمس سنوات، وهو التطوير الأول من نوعه لنادي
لكرة القدم في بريطآنيآ.

مجنون الجني الازرق · #867 03/09/2012, 09:39 PM

-
-

كشف مهاجم فولهام ديميتار برباتوف انه فقد بعض الاحترام لناديه السابق ولـ السير اليكس فيرجسون .

برباتوف كان مميز جدآ في الموسم الماضي على ملعب اولد ترافورد قبل أن ينتقل الى فولهام ، لكنه كشف انه لم يكن راضيا كيف كان يعامل من قبل فيرغسون.

وقال برباتوف: "لا أعتقد أنني أستحق هذه المعاملة في مآنشستر يوناتد ".

وأضاف"ذهبت أكثر من 10 وربما 15 مرة لـ المدرب لـ اسئله إذا كانت هناك حاجة لي، وفي كل مرة قيل لي أنني لاعب مهم ويجب أن لا تترك النادي، ولكن بعد ذلك تفاجئت انه ليس لي مكان في الفريق".

أختمم" لقد ذهبت عند فيرغسون عندما أستبعدني من تشكيلة الفريق لنهائي دوري أبطال أوروبا في عام 2011. أعرف أنه مدرب عظيم لكنه قد فقد إلى حد ما احترامي بسبب الطريقة التي عاملوني بها".

قدم برباتوف أول ظهور له لفولهام وخسر فريقه 3-0 امام وست هام يونايتد في مطلع الاسبوع.

wele-star · #868 03/09/2012, 10:29 PM

المدير الفني: فوز لا مثيل له

السير اليكس فيرجسون يعترف أن شخصية اليوناتيد التي لا مثيل لها فد حسمت
الـفوز في المباراة الرائعة أمام ساوثامبتون، في حين أشاد بعدد من نجوم الفريق
وعلى رأسهم بطل الهاتريك روبن فان بيرسي. كما نال أيضا كل من بول سكولز،
خافيير هيرنانديز وريو فيرديناند إشادة المدير الفني في المساهمة في تحويل الهزيمة
2 - 1 على إستاد سانت ماري إلى فوز في الدقائق الأخيرة من المباراة في المباراة
رقم 1،000 للمدير الفني في الدوري. وصرح المدير الفني لتليفزيون مانشيستريوناتيد
قائلاً : "إننا لا نستسلم أبداً. وبالطبع سوف تـُدون هذه المباراة في كتب التاريخ. فقد
أحسن اللاعبون في العودة في المباراة. ولقد نجحنا في القيام بذلك طوال تاريخ النادي،
وأتوقع حدوث هذا الأمر 10 مرات على الأقل في الموسم ولذا هذه هي المباراة الأولى!
إلا أنه كان فوزًا لا مثيل له بالفعل."

ريدفيلزي · #869 04/09/2012, 01:53 AM

صبآح الخير ..
مبروك فوز القيصره ..
بعد المباراة طبيعي نعيش بفرحة هستيرية نتيجة السيناريو الخورافي وبرضو مان بيرسي مهترك وملجم اللي ناوين يتشمتون

لكن بعد المباراة نحس بالغبنة والقهر .. عندنا كل هالاسماء اللي نقدر نلعب بها حتى نهائي كبير باستثناء روني
وننحرج كل هالحرج ! شيء يقهر
لكن ممكن تكون بعض الحسنات اللي اخذناها من هاللقاء هو الثقة بالنفس وعدم الاستسلام بالذات البيرسي
وبرضو بأن السير يقتنع بأن ويلباك م ينفع بالطررررف
صراحة شيء غريب من السير بتوظيفه لـ لاعب بغير مكانه اللي هو ويلباك بالطرف وعنده ناني اللي هو صاحب هالمركز
المشكله ان ويلباك مَ قدم الشيء الكبير بالمباريتين اللي راحت عشان يستمر عليه فيرغي ! ممكن يكون تساهل بالخصم .؟!
الوسط كان فيه ثقل وبطئ في بناء الهجمة .. كل ما يبدأ الفريق بالانتشار واتاحة الفرصه للوسط بتنظيم الهجمة
نتوهق على طول ! كنا ننتظر فالنسيا يفتح يمين عشان نوصل له الكورة وهذا حلنا الوحيد وانكتم فالنسيا وضاقت عليه المساحات
يبقى لنا الطرف الثاني فيه ويلباك & ايفرا وكلهم سيئين م فيه مجال ابدا بمساهمتهم بالهجمة
بدخول ناني وسكولز لقينا الحل بأن الطرفين تشتغل بشكل افضل وفيه من يوزّع الكور ويختصر علينا الوقت في البناء
في الشوط الأول كان فيه حل لـ صعوبة بناء الهجمة وهي تمريرات كاريك لـ بيرسي خلف المدافعين "يبي يقلد سونغ خخخخخخ"
كان حل ممتاز لو استمرينا عليه بمساعدة الاجنحة بالتحرك السليم اللي يفتح لـ بيرسي المساحة بشكل اكبر
ما ودي اتكلم عن مستوى كل لاعب او عن ايجابياته وسلبياته واوصل لـ ايفرا ويجيني ايقاف ..

ودي السير يستمر بهالرسم التشكيلي .. بشرط يستمر كاغاوا بنفس مكانه وما يجنّح به وما يلفق لاعب بالطرف اذا كان الاطراف جاهزين
بيكون توزيع ممتاز وفي حال فشلنا او صعب الاختراق يكون عندنا خطة بديله وهي التمريرات الطويلة "سكولز , كاريك"
والاعتماد على الاطراف .. حلولنا ممتازه
ينقصنا انظباط الدفاع .. فيدا للحين م استعاد مستوياته لكم كويس اللي بدأ الموسم اساسي .. مَ راح يطول ض1

دي خيا وركنه بالدكه .. والله مَ ادري اذا السير مخطي اوصائب
ورى مَ يركزون على تعليم الدلخ دي خيا على العرضيات ويخلون عننا الامور النفسيه خخخخخخخخخخخخخ
والله حارس امكانياته عالييييية .. ويعيبه شيء واحد وواضح وما يتعالج ! غبنه

’،

يالله قدامنا اسبوعين اتوقع بعدها نقابل الليفر بالانفيلد بالجولة بعد القادمة ..
نروح لهم والاخطاء متصححه بـ اذن الله .. ونبدأ بالتحسّن من ارضهم

5willd · #870 04/09/2012, 05:48 AM

صصبحكم آلله بـ آلخير ومسآكم آلله بآلخير كلنَ ووقته

آلحمد لله فوزَ جآء لـ رفع المعنويآت ولـكسب آلرهآن على آلمآن بيرسي
آربع آهدآف في مبآرآتين آسآسي يعتبر شششي خوؤرآفي بـدوري مثل آلبريمر
يعنيَ يخليك تتنبآ بـ ابدآع ومستويآت مألها مثيلَ , خصوصآ آذآ رجع الوازا
بـيكون خير مسآند لـ آلبيرسيً , مع اني آشوف ان المستوى حلو وآلروح آيضآ
موجوده , الا ان وجود آيفرآ وويلبآك بجهه وحده يعطل ويشل آلجهه آليسرى كآمله
وانا اعتقد ان السير كآن نآوي يرسل لـ نآني رسآله لكن آلزلأبه ويلبأك ماقدر يوصلها
يعني السير كان يبي يعلم نآني انه حنا مو بحآجتك , والفريق آكبر منك ومن مطآلبك
بس ويلباك ومستوآه اجبر فيرغسون انه يرجع لـناني ويرضخ له , آمآ بخصوص آيفرآ
صرآحه بعد الهدف الثاني حقهم انا رحمته :=( وشف ان الاعب نازل مستوآه وتركيزه
رآيح بقوه , والسبب أول شي آلأرهآق , وثأني شي آلضغوط الي عليه : = (

يعني الاعب يحتاج رآحه , اخر مره اخذ رآحه فيها , كانت قبل اعتزال سآمي
الجآبر , لذآلك لا تتوقعونه مركب مآكينة آلمآنيه

التوقف جاء من صآلحنا , نقدر ندمج بوتنر مع المجموعه , ونقدر نخلي روني
يسترجع ليآقته , فآلنسيآ ورفآئيل قآعدين يشتغلون شغل 100 % وفيدا وألريو
ما اشوف عليهم اخطاء كبيره , بألذآت الريو , كان رآكد ولعبه متوازن , بعكس
فيدآ , الي كان مربوش شويَ , يمكن من الضغوط الي عليه , او من الاصابه ومن
قلة المباريآت , لذآلك بقولها لكم , انتظرو مبآرآه ويجآن , وانا ابصم لكم بـ 10
ان المستوى الحقيقي رآح يطلع , وخصوصآ بعد ركن آيفرآ ودخول بوتنر !
وبتشوف فآلنسيآ يمين , وناني يسآر , وبينهم كاجاو , لكن فيه حاجه
ما اعجبتني في كاجاو :=( , الانسان بآرد ومايقآتل على الكوره , يعني أما انك
تعطيه كوره مفصله على رجله , ولا انسى انه يجيبها لك او يقآتل عليها بنفسه
بـ انا اشوف ان وجود كاريك وكليفرلي شي حلو , منها تستغل سرعه كليفرلي
ورؤيته للملعب , ومنها تستفيد من سكولز بألدكة كـ ورقه رآبحه , لانه مايعطي
90 دقيقه كامله , والموسم الجاي رآح يعتزل ورآح تتوهق فـ الافضل وجود كليفرلي
لـ تغطية أخطاء كاجاو , والضغط على لاعبين الخصصم ,

بآلنهاية , التوقف الحمد لله انه جاء بـهألوقت , لذآلك انتظرو مبأرأة ويجان
وصدقوني بـتكون اكبر محفز للفريق قدأم ليفربول الزلايييب