|
لا يوجد مدير فني إلاّ ( جيريتس ) ولا أجانب إّلا ( ويلي ) ولا دوري محترفين إلاّ ( الفرنسي ) فقط لا غير السلام عليكم ورحمة الله وبركاته كل عام وأنتم بخير ورمضان كريم ***************** الحقيقة أني كنت متفائلاً جداً بعد نهاية الموسم الماضي كنتُ متفائلاً للغاية بأن الإدارة سوف تتعاقد مع مدير فني وأجانب على مستوى عالي أما الآن فأنا متضايق جداً من خيارات هذه الإدارة الحالية في المدرب ومن ثم في الأجانب ويبدو بأننا سوف نرى الثلاثي ( الكوري والهرماش وأخيراً ويلي ) يلعبون أساسيين في فريق الهلال في الموسم القادم ***************** كتبت موضوع بعنوان : إذا ضاقت خيارات الإدارة في المدربين فأتمنى أن تتوسع في اللاعبين الأجانب وكنتُ............ أنتظر خبر التعاقد مع أجانب بمستويات أوليفيرا الجزيرة و ممادو نيانق السد وأسامواه جيان العين ومثلهم ولكن يبدو بأن خيارات الإدارة ضيقة في كل شيء : مدربين وأجانب الغريبة بأن هذه الإدارة لا تبحث عن مدربين أو لاعبين أجانب إلا من الدوري الفرنسي وكأن الدوري الفرنسي هو الوحيد الذي يحمل صفة ( دوري محترفين ) وأغلبية المدربين المطروحة أسمائهم هم من الدوري الفرنسي والهرماش والعربي تم استقطابهم من الدوري الفرنسي وربما يتعاقد الهلال مع قلب دفاع من الدوري الفرنسي وجيريتس وكمبواريه أيضاً من الدوري الفرنسي وأكثرية اللاعبين الأجانب المطروحة أسمائهم على الهلال من الدوري الفرنسي ***************** والغريب أيضاً بأن الشائعات التي سرت بأن الإدارة كانت تنتظر فسخ عقد جيريتس ليتم التعاقد معه , وعندما لم يحدث ذلك تعاقدت مع مدرب والسلام كأن العالم ليس فيه مدرب مميز إلا جيريتس دوريات العالم مليئة بالمدربين المميزين وما أكثرهم لكن إداراتنا يبدو بأنها لا تعرف إلا جيريتس من باب : اللي تعرفه أحسن من اللي ما تعرفه ***************** والشيء الذي يكاد يفلق رأسي كل ما ضاقت عليهم الدنيا في أجنبي جابوا السويدي ويلهامسون كأن الدنيا ليس بها إلا أجنبي واحد هو ويلي لا يوجد لديهم خيارات أفضل من ويلي ليس في أجندتهم لاعبين أطراف إلا ويلي لا يعرفون صانع لعب ما عدا ويلي أيضاً من باب اللي تعرفه أحسن من اللي ما تعرفه أعتقد بأن ويلي ربما يختم حياته في الهلال وتقام له مباراة اعتزل كبرى ويلي الذي لم يتفاوض معه أي فريق خليجي ولو بالإعارة ولم يجد إلا الأهلي القطري ولمدة 6 شهور فقط ويلي وجد كنزاً أسمه إدارة الهلال تحاول أن تبقيه للسنة الخامسة على التوالي وربما أكثر حسب خيارات الموسم بعد القادم إدارتنا ليس لديها خيارات مميزة لا مدربين ولا أجانب ,,, ولا حتى لاعبين محليين لماذا لا تتعاقدون مع مستشاريين فنيين ؟ أو لجنة فنية مكونة من مدربين وطنيين ؟ ***************** تفائلت أكثر من اللازم كنتُ أنتظر هدّاف برازيلي كنتُ أنتظر صانع لعب لاتيني كنتُ أنتظر محور دفاعي مميز أفريقي ويبدو بأني تفائلت أكثر من اللازم تفائلت أكثر من اللازم ***************** أبو سعد |
إقتباس:
ابن مساعد 4 سنوات في رئاسه النادي والاخطاء نفس الاخطاء.. بالله فيه تصحيح من اخطاء الموسم الماضي ؟ بلعكس اشوف الاخطاء كثرت .. مباراتنا في الاسيويه مع اقوى فرق اسيا ! ماشفنا ذاك الاستعداد اللي يشفع للاداره نقول انهم ماقصرو اذا خرجنا من اولسان لا قدر الله .. كنا نتظر تعاقدات تفرح ! لكن للاسف ابن مساعد ماسواا ولا شي كنا متوقعين الكثير .. كلنا كنا متفائلين " وضع الهلال الموسم القادم سئي .. الموسم الماضي كان عذرهم جميع الاجانب جدد والفريق متغير ! نشوف الموسم هذا وش العذر .. انتظرو خروج الهلال من الاسيويه ! الكل راح ينقلب ضد بن مساعد > توقع نحو العالميه " لآهنت يعطيك العافيه |
الله يصلح الحال ... اهم شيء اسيا |
الله يوفق الزعيم الملكي ,’,’,’,’,’,’,’,’,’,’,’,’ |
الله يكتب فيه الخير للزعيم بالتوفيق للزعيم باذن الله تعالى يعطيك العافية |
شف وأنا اخوك: رغم أن الاوضاع ما هي مشجعة بس ماتدري وش يصير . ياما في مواسم كنت تحس أن الهلال بيكسر الدنيا . واذا بدا الموسم قلنا يالله السلامه . وياما في مواسم . مثل هالموسم . تحس أن الاوضاع راح تكون احباط . وتتفاجاء بمستوى مبهر . ...... تذكر الموسم الماضي لما راح دول وراحوا الاجانب . كم كنا خايفين في بطولة ولي العهد. وتذكر كيف فاجئنا الفريق بمستوى مبهر . تذكر كيف طلع لنا سالم الدوسري مدري منين طلع . ولا جابه الا الحظ والصدفه . لا تخطيط ولا (دياولو). ............. صّدق أخوك . هالموسم راي يكون كويس . . وهالقلق والضيقة الى نحس فيها . راح تكون بسط وأنس بعد ما يبدأ الجـــــــــد . ... . |
بصراحه انا من الموسم الماضي .. وانا انتظر نهاية فتره الامير عبدالرحمن بن مساعد اتمنى الامير بندر بن محمد يقود الهلال .. لانه الان هو اللي مسير الهلال بلاعبين الهلال المحلين اللي يقدمهم كل سنه .. انا ابغا اعرف الموسم الماضي لولا عدم تألق الفريدي والعابد و سالم وعزوز وسلمان والبيشي .. وش يبي يسوي الهلال ؟ اللاعبين هذولا كلهم الامير بندر هو اللي قدمهم للهلال .. اجانب فاشلين وبقوه .. حتى الكوري وهرماش المفروض ماشين .. ويلي لاعب جيد .. لكن اللاعبين المحلين افضل منه يعني بيكون احتياط الهلال محتاج قلب دفاع صخره + محور دفاعي + صانع لعب يلعب خلف المهاجم مثل نفيز + مهاجم هداف مثل فيكتور او ياسر 2007 او الحوسني او بدر المطوع لكن |
تدري وش المشكلة . أن عبدالرحمن بن مساعد لايفهم بكرة القدم اي شي ... كل أنسان له شي يتمبز فيه .. وأذا قلت انه مافيهم كوره مو تقليل منه كشخص . للأسف عبدالرحمن بن مساعد بعد اي اخفاق يقول لي كلمة نهاية الموسم اوضح كل شي وبالأخريطلع في لقاء لمدح نفسه وتمجيد الأعمال الي يقوم بها رغم انها اقل من عادية ولايعترف انه يخطي في بعض القرارات ... والطامة الكبر انه يملك اعلام خاص لجعل اي عمل يقوم به انه معجزه وهو يصدق انه مسوي اشياء لم يسبقه احد بها .. أما ولهامسون فالأدارة لها سر في هالاعب لاتريد تركه أبداً رغم انه لم يقدم للهلال خلال هالمده الانصف موسم وخذل الهلال في الاسيوية وتسبب بخروجنا منها .. أتمنى من شخص محب وعاشق للهلال ... ان لايكابر عبدالرحمن بن مساعد ويقدم استقالته لأنه يبدو انه متورط كثير بعد ابتعاد سامي لن سامي كان يرقع لها كثير .. الله يكون في عون الهلاليين على التخبطات .. وللأسف الأدارة عندها مشكلةمن النقد وتحارب اي شخص ينتقد عملها .. |
كلامك عين العقل والصواب فعلاً نستغرب التركيز على جريتس وويلي والدوري الفرنسي والادارة للأسف متخبطة |
الاسيوه السنه هذي اسهل شي وراح تطير علينا بسبب برود الاداره وتاخيرهم في التعاقد مع المحترفين كل الدوريات الاوربيه مليانه محترفين معقوله مالقوو واحد يلبي الطموح معقوله كل ما توهقوو جابو رجعو ولهمسوون الله يعين ويوفق الزعيم |
. كتبت فأبدعت .. كلامك سليم الأدارة كل ما تقدم بها الوقت كل ما كانت أسوأ من السنة اللي قبلها .. المفروض تتطور وتستفيد من أخطائها .. الله يعطيك ألف عافية على هالموضوع المميز .. . http://vb.alhilal.com/images/2011/fasel.jpg :rose: " قـروب زعـــيم آسيـــا " .. آخر أخبار زعيمنا .. ونقاشات بين الزعماء .. .. مسابقات ترفيهية .. جوائز .. [email protected] .. للأنضمام قم بأضافته في المآسنجر .. :rose: |
بعد الفشل في ايجاد البديل لهرماش ابقاءه وبعد الفشل في ايجاد صانع العاب التجديد لولي قريباً ... بعد الفشل في ايجاد مدافع مفاوضة تفاريس لاأتمنى ذلك ولكن لاحــيــاة لــمــن تــنــادي |
وأغلبية المدربين المطروحة أسمائهم هم من الدوري الفرنسي</B> والهرماش والعربي تم استقطابهم من الدوري الفرنسي</B> وربما يتعاقد الهلال مع قلب دفاع من الدوري الفرنسي</B> وجيريتس وكمبواريه أيضاً من الدوري الفرنسي</B> وأكثرية اللاعبين الأجانب المطروحة أسمائهم على الهلال من الدوري الفرنسي</B> ياولدي مايبي لها نشدت مطوع ,,,, الربع يصيفون في فرنساء !!!!!!!! فا حج وحاجه منها يصيفون على حساب النادي ومنها يلقطون كم واحد وهم جايين يسكتون به الجمهور . |
صدقت ياخوي في كل كلمة ذكرتها .. المشكلة ان موضوعك راح يحذفونه المشرفين لآن فيه انتقاد !!!!!!!! |
إقتباس:
لا ازيد على هذا الرد الوافي والمنطقي |
| الوقت المعتمد في المنتدى بتوقيت جرينتش +3.
الوقت الان » 11:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd