-

السلام عليكم ورحمة الله وبركاته

صباح الخير لـ كل ( عشاق الازرق )
اللهم بلغنا رمضان لا فاقدين ولا مفقودين يارب !

قرأت قبل ( عدة ) ايام , عن أخبار الهلال من الصحف اليومية
وقد ( تفاجئت ) موضوع بخصوص الكابتن ( أحمد الفريدي )
عن تجديد عقده مع الهلال ) , أو الرحيل لاي نادي يرغب به
أن يٌقدم ( له ) العرض الاقوى ( الاعلى ) ويذهب له أحمد !

وقرأت ايضا إن ( أحمد الفريدي ) قد طلب من الادارة التي
يرأسها صاحب السمو الملكي الامير : ( عبدالرحمن بن مساعد )
التجديد لـ مدة ( موسمين ) بمبلغ يصل الى ( 14 ) مليون ريال !
اي بالموسم الواحد ( 7 ) مليون ريال ، قيمة عالية جداً

و يأتي موضوع أخر عن الكابتن الاتفاقي اللاعب ( يحي الشهري )
اذا رحل الفريدي الى اي نادي ( فيجلب الهلال ) اللاعب يحي الشهري !
وقد يكون بديلا عن ( أحمد الفريدي ) ولكن كما سمعت إن رئيس النادي
الاتفاق الذي يرأسه الاستاذ / عبدالعزيز الدوسري !
أنه رفض التفريط بـ اي ( لاعب ) وبالتحديد ( الشهري ) و ( الحمد )

فـ ( هل نقول أن المبلغ ) التي تحدثت عنه الصحف
بـ إن ( الفريدي ) طلب الـ ( 14 ) مليون ؟! صحيح !
وعلما بأن المدرب الفرنسي ( أنطوان كومبوارية ) أعجبه
اللاعب ( أحمد الفريدي ) وقد تحدث مع الامير
عن تجديد عقده بـ ( اسرع وقت ) ، قبل دخوله فترة السته ( الحرة )

هل يستحق المبلغ .. ؟!

وعلى دروب الخير نلتقي !

حررت / الاثنين 6:44ص ( 26/8/1433هـ )

والله يا اخي العزيز

الفريدي طمع ويبي فلوس واستغل المديح من المدرب له وما نقدر نقوله شي هذا حقه يطلب اللي يبي لكن بصراحه الفريدي لا يستحق اكثر من مبلغ 5 مليون في السنه الواحده

اتمنى الاداره ما يلوي ذراعها الفريدي وياخذ اللي يبي وهو مايعطينا ما يستحق مقابل هالمبلغ

بما انه خلاص اصلا ماراح نستفيد من عقده لانه بقيت فقط ايام قليله ويدخل السته شهور

يجلس طوال هالفتره وبنشوف يافريدي من قادر ان يدفع مبلغ اكثر من 5 مليون فالسنه

عندها سيعود الى صوابه ويجدد ويعرف ان لايوجد فريق سعودي قادر على دفع هالمبالغ

من عافنا عفناه ولو كان غالي والزعيم مو موقف على الفريدي ولا على غيره

مدآم الإداره الهلاليه تبغاه وخاصتاً الامير عبد الرحمن بن مساعد والمدرب طلب التجديد معه إذن من حق الإداره ان تتفق معه على التجديد بأي مبلغ كان ،


ودي

شوف ..

اناا بقول كلام .. وممكن يزعل بعض

المشكله مو في الفريدي المشكله بادارة الهلال

الهلال فشل في التعاقد مع اكثر من 24 مدرب !!

فشل من التعاقد مع لاعبين اجانب كثار ..

موسمين متتاليه .. يفشل الهلال في التعاقد مع اجانب ..

ادارة عبدالرحمن بن مساعد عندها بخل في التفريط بالمال ..

ممكن يجيني واحد ويقول الهلال جاب العربي .. الهلال جاب العربي لانه صغير .. ومثل ما انتم شايفين ما خسر بالعربي

ادارة الامير عبدالرحمن ما تحب تدفع فلوس خصوصا اذا كان اللاعب ما راح يفيد الهلال ماديا ..

7 مليون ريال مبلغ مو كبير .. يعني خلال 4 مواسم .. 28 مليون

الهلال وقع مع العربي لمدة اربع مواسم بمبلغ 7 مليون يورو اي مايقارب 40 مليون ريال .. وبوجهة نظري الفريدي احسن من العربي كثير

امما عن تصاريحه .. شيء عادي جدا .. احنا في زمن الاحتراف

واي واحد يستغرب تصريح الفريدي .. هذا اعتبره مشجع متخلف وغير مثقف كرويا

لو اطلعتم عن تصاريح اللاعبين العالمين .. لسمعتم اشد من تصاريح احمد الفريدي بكثير.. لكن بعض المشجعين يحسبون اللاعب يلعب لسواد عيونهم

جميع لاعبين الهلال يلعبون عشان الفلوس .. واي واحد يتوقع غير الشيء هذا فهو غبي

على العموم اذا ادارة الامير عبدالرحمن لم تستطيع ان تجدد لأحمد الفريدي اتوقع انها اداره غير كفو لقيادة الهلال

بوجهة نظري ادارة الامير عبدالرحمن ادارة التفريط بالنجوم ..

امما كلامهم انهم راح يجيبون يحيى الشهرى .. لما قريت الخبر ضحكت والله .. لانه اشبه ما يقال لعب بعواطف الجمهور لانه مستحيل يجيبون الشهري مو قادرين يجددون مع الفريدي وشلون يبي يجيبون الشهري ؟! وللمعلوميه ادارة الاتفاق طالبه بحيى الشهري 30 مليون .. يعني المبلغ اللي طالبه الفريدي اقل من المبلغ المطلوب ليحيى !! وبالنسبه لحمد الحمد لاعب جيد لكن الهلال ما يحتاجه لانه لاعب طرف والهلال محتاج لاعب عمق ..

وعلى فكره لو ادارة الهلال يقودها بندر بن محمد كان سمعتوا خبر تجديد الفريدي من منتصف الموسم الماضي .. لانه رئيس يدفع فلوس .. وهمه الاول مصلحة الهلال .. والدليل العمل اللي يعمله في اولمبي الهلال .. والامير بندر هو اللي طلع الفريدي و عزوز وسلمان الفرج ونواف العابد و القرني و سالم الدوسري وسلطان البيشي .. وجميع نجوم الهلال الشبان

اعذروني على الاخطاء الاملائيه ..

تحيتي لكل جمهور الهلال واتمنى ما تأخذكم العواطف

اللي يتفق معي لايك

. الفريدي جدد وخذها مني

الفريدي من حقه ذهب إلى اي نادي هذا عصر الاحتراف

نسمع خبر في هذا اليوم انشاءالله عن تجديده

صحيح ان الفريدي لاعب موهوب ويجب التجديد معه لكن الادارة يجب ان تعطيه فقط ما يستحقه

إقتباس الرسالة الأصلية كتبت بواسطة خالد ، الدعجااًَني من عافنا عفناه ولو كان غالي والزعيم مو موقف على الفريدي ولا على غيره

وشو عافنا من عافنا .. بلا سواليف حريم

احنا في زمن الاحتراف زمن الفلوس .. ادفع يجلس .. واذا ما تدفع يمشي

امما عافنا ما عافنا .. ذكرتني بسواليف العجز