|
أريد مقابلة الملك عبدالله بن عبدالعزيز آل سعود السلام عليكم ورحمة الله وبركاته اخواني واحبائي انا عندي مشكله خاصه جداً وحلها بعد توفيق الله وتسهيله من عنده هو عند وزير الداخليه الامير احمد بن عبدالعزيز حفظه الله او الملك حفظه الله وانا حاول مع وزاره الداخليه وتم رفض المعامله واماره الرياض ونفس القضيه انا محروم من اهلي وقد تموت بنتي بسبب تأجيل توقيع فقط من وزير الداخليه ولاكن لامجيب زبده الموضوع اللي يعرف كيف اقابل الملك واعطيه الشكوى او اقدر اقابل وزير الداخليه ويقدر يساعدني يسوي خير وابغى توصيف للديوان الملكي بالرياض لاني مادله انا خارج الرياض ولاتنسونا من دعائكم انا في هم وكربة لايعلمها الا الله سبحانه وتعالى |
الملك حاليا في جدة .. اما يوم كان في الرياض كان كل اسبوع يروح للديوان الملكي والناس تقدر تقابله اما الآن .. مالك الا تروح الى أمير الرياض [ اذا انت من سكان الرياض ] |
أوكي إنتظر نص سآعة وَ أكلمه :s2: - الله يفرج عنك كل هم :smilie47::rose: |
الله يسهل امرك لكن العبيكان مستشار بالديوان الملكي يقول ماقدرت اقابل الملك ولو بيدي شي كان خدمتك لكن اطلب من الله يسهل امرك ويسخر عباده لك |
الله يسهل امورك ياخوي والله البلا في اللي تحت الملك لو تسلم منهم راح توصل لبو متعب وتاخذ حقك بسرعه الله يوفقك وان شاالله تلقى من يساعدك |
جزاكم الله اخير ابغى توصيف الديوان للي يعرفه وين ؟ في اي شارع او معلم قريب منه؟ |
طريق مكة (خريص) , اتجه غرب , وتعد التخصصي , ثم تعد مخرج تركي الأول , ادخل المخرج اللي بعد تركي الأول , الظاهر أن عليه لوحة أم الحمام , إذا خرجت من السريع للخدمة تجيك إشارة رح يسار من فوق الجسر , وطريق خريص تحت , يجيك على اليسار مسجد ملاصق لقصر الأمير سلمان (القديم) , وعلى اليمين ساحة مواقف , استمر إلين يجيك دوار أخضر كبير مرة , رح يمين مع الدوار , ويجيك تفتيش جنب الدوار , قل لهم أبغى الديوان الملكي , إذا تعديت التفتيش يجيك مبنى صغير على اليمين , هذا المبنى تابع للديوان الملكي , وفيه استقبال طلبات ومعاريض المواطنين , وفيه الاستفسار عن أي طلبات سابقة . على اليسار في نفس الشارع توجد بوابة مجلس الشورى , ويوجد أيضاً مكان لاستقبال الخطابات الرسمية من الجهات الحكومية الموجهة للديوان الملكي . التوصيف من النت وموفق ان شاء الله :yes: |
الله يكون بـ عونك ويفرج همك ,, وأن شاء الله تحصل على اللي تبغاهـ ... |
جزاكم الله خير ماقصرتو مستر بدر مشكور على بحثك للمكان وان شاء الله السبت انا عندهم دعواتكم |
اسهل لك وانا اخوك ترسل برقية لمقام وزير الداخلية ،، أو المقام السامي عشان تكون في يدك معاملة قبل لاتدخل عليهم وجهه نظر اما اذا دخلت الديوان راسلني وبوصيك على شخص لعل الله ينفع به اعرفه بس ماعمري قد طلبته باحاول قد مقدر اساعدك |
جزاك الله خير اخوي رسلت لك رساله خاصه بس ماتوصل مدري وش سبب على العموم ماقصرت انا اخشى اني ارسل برقيه ويتم تجاهلها او ماتوصل عشان كذا قلت اروح بنفسي لعل وعسى توصل |
نتمنى لك التوفيق .. واعتقد انك حصلت على الاجابة التي تنشدها واذا ما لديك اي استفسارات أخرى فيمكن وضعها في موضوع ( أسأل والمجلس يجيب ) بالتوفيق ،،، |
| الوقت المعتمد في المنتدى بتوقيت جرينتش +3.
الوقت الان » 01:00 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd