|| La Liga BBVA Cafe || - نادي الهلال السعودي - شبكة الزعيم

جوزيه مورينيو · #23 16/07/2012, 01:26 PM

بعض الأشياء الإيجابيه للفريق الملكي في حالة قدوم مودريتش حبيت أطرحها لكم

مسألة وين بيلعب ومكان مين .!!
مودريتش شعله مجنونه في وسط التوتنهام وفي دوري أقوى مليون مره من الإسباني
مودريتش كانت حاجه فظيعه حصلت في مشوار توتنهام في السنوات الأخيره
وكان هو النجم الأبرز وهو نواة الفريق . .
مودريتش مع توتنهام يأدي دور الإرتكاز الهجومي بامتياز غير طبيعي وجيد جداً دفاعياً
وكذلك يقدر يلعب كـ( صانع ألعاب ) و ( جوكر ) . .
الريآآل بحاجة للاعب مثل مودريتش ليكون شريك ألونسو الأول . .
وهذا مايعني أبداً الإستغناء عن خضيره بالعكس .!! خضيره بيكون داخل مجموعة ومنظومة الفريق اللي يدور بينهم مورينيو بكل إنسيابيه . .

(( ألونســـو . . مودريـتــش . . أوزيـــل ))

هالثلاثي بالنسبه لي مثل الحلم
لأنها تمتلك السرعه والليونه الحركيه ( أوزيل _ مودريتش )
ولها قدره كبيره على البناء الهجومي ( ألونسو _ مودريتش )
ولها قدره رهيبه على التحكم في النسق والسيطره ( مودريتش _ ألونسو )
ولها القدره أيضاً على التوغل وخلخلة دفاعات الخصوم وفتح وفك الثغرات ( مودريتش _ أوزيل )
ثنائية ( ألونسو _ مودريتش )
في وسط الملعب بتخلي أوزيل ينفجر أكثر ويققدم أكثر وسيسجل اكثر وبيظهر بشكل أكبر . . لأنه بيلقى لاعب يساعده ويتداور معه بالأدوار الهجوميه وبالتالي الفريق الخصم بيضيع بين مراقبة اللاعبين ( أوزيل _ مودريتش )
في ريآآل مدريد هناك لاعب واحد يستطيع التحكم في النسق وهو ( ألونسو ) وهناك لاعب واحد يقدر يخرج الكره بشكل سلس وجميل ورائع وهو ( ألونسو )
وأيضاً ( راموس يقدر يقوم بهالدور بشكل معين ومحدد فقط )
لذلك بعض الفرق يوم تقوم بمراقبة ( ألونسو ) بشكل لصيق ومكثف نعاني
ويضطر اوزيل للعوده للخلف لأخذ الكره والإنطلاق بها للأمام بنفسه . . وهالشيئ يقلل كثير من خطورة اوزيل . . لأنه يبعد صانع الالعاب عن منطقة جزاء الخصم
وكذا الريآآل يعاني . . لكن مع وجود لاعب بحجم ( مودريتش ) وبحنكة ( مودريتش )
لاعب يمتلك إمكانيات مهاريه وفرديه عاليه تسمحله بالتحكم في النسق وباستلام الكره من الخلف والإنطلاق بها للأمام بكل سلاسه وبكذا ماراح نعاني حتى لو فرضت رقابه على ألونسو لأن عندك خيار ثاني يقدر يقوم بنفس دور ( ألونسو ) وهنا بيت القصيد.
( أوزيل ) ماراح يرجع للخلف لأن ( مودريتش ) هو اللي بيقوم بهالشيئ
أي بيقوم بالإنطلاق بالكره والمراوغه وإخراج الكره للأمام ( وهذا الشيئ مايقدر يسويه خضيره نهائياً ) وبكذا يكون اوزيل أقرب للمرمى وبشكل بديهي بتزيد خطورة الفريق وفاعليته قدام المرمىوبتزيد كمبة الأهداف اللي بيصنعها . .
ومودريتش أيضاً يقدر يتقدم للأمام ويراوغ ويسدد ويفتح الثغرات ويمرر تمريرات خبيثه جداً وموزونه ويقدر يلعب داخل صندوق الخصم أثناء الهجمه ويلعب دور المهاجم الوهمي .
هالأدوار كلها بتحرر رباعي المقدمه كامل وبنشوف تالق أكبر للفريق ولأوزيل

مع مودريتش ودور ألونسو الدفاعي ( تحديداً عند تقدم الظهير الأيسر ) ومع الضغط العالي اللي بيقوم فيه ( مودريتش وديماريا ) بيكون الدفاع أفضل وأفضل من السابق

Luka Modric HD The Maestro - YouTube

شغله بسيطه أبي الجميع يشوفها وتحديداً في الدقيقه 3:1
اللقطه الفنيه اللي قام بها مودريتش لقطه فنيه كبيره جداً وسهله وبسيطه
مودريتش بهالطريقه استطاع تفكيك خط وسط الخصم بكل سلاسه وسهوله . .
لمحه فنيه بسيطه وكبيره جداً
دققوا في التحرك اللي واه مودريتش شيئ رائع بمعنى الكلمه . .
اللي أبي أقوله إن مودريتش يتمتع بمرونه لولبيه في ( السرعه والحركه والخفه )
خاصه ( المرونه والخفه ) وأكررها ( المرونه والخفه ) لأن هالخاصيه كانت معدومه في الرياآل ومعدومه في ( ألونسو و خضيره )
دققوا على السرعه في تبديل الإتجاه والركض والإنطلاق .!!
خضيره وألونسو مايقدروا يقوموا بهالأدوار

لذلك ياحبايبي وسط الريآآل يحتاج لاعب مثل مودريتش
لاعب يعرف متى يسرع الرتم ويخفضه . . لاعب مهاري ويحتفظ بالكره في مناطق حساسه في الشق الدفاعي وهالشيئ معدوم في الريآآل
لاعب قوي دفاعياً وقطعه للكرات يتم بسلاسه ومتعه واللي يقول غير هالشي يرجع لمباريات توتنهام ومنتخب الكروات
لوكا يلعب في أكثر من مركز ويعطيك عدة خيارات ويمتلك مهارات وأسلوب لعب معدومه حالياً في الريآآل
مودريتش من نوعية اللاعبين اللي يفكك خط وسط الفريق المقابل بكل سلاسه وبساطه
يقدم كرة قدم سهله وبسيطه وصعبه بنفس الوقت
مودريتش يتمتع بالمرونه اللي نفتقدها في ( خضيره وألونسو )
والمرونه اللي أقصدها ( الحركه والسرعه والخفه ) اللي نفتقدها في وسط الملكي المتمثل بخضيره وألونسو . .
مودريتش يمتلك سرعه في تبديل الإتجاه والركض والإنطلاق وومميز بهالشيئ .
وسط الريآآل حالياً بحاجة للاعب مرن وخفيف ( قصير القامه )
لأنه بيكون أقرب إلى الأرض . . وبالتالي مرونته في التحرك بتكون أكبر وهالشيئ نفتقده
وشغله ثانيه كمان ماتلاحظون بعد إن وسط الريآل ( ألونسو وخضيره ) بطيئ جداً
في الحركه وتبديل الإتجاه .!!
يعني مثل هاللقطه البسيطه اللي ماتتعدى كم ثانيه مايقدر يسويها ألونسو وخضيره بنفس الفاعليه . .
والفاعليه اللي أقصدها أهم حتى لو استطاعوا القيام بتكنيك الخداع ماراح يكونوا بهالسرعه في تبديل الإتجاه والإنطلاق للأمام . .
لذلك بيكون التكنيك المهاري بدون فائده عمليه على أرض الواقع .!!

هالمرونه والخفه والسرعه والإنطلاق والخداع المهاري في وسط الملعب ماله حل إلا
( مودريـتـــش ولآ غـيــــــره

)

ذكرت بعض الأمور التوضيحيه
اللي أتمنى تكون وضحت لماذا الإصرار على مودريتش من قبل مورينيو
خاصه إنه طلب هاللاعب بالإسم

أعتذر جداً عالإطاله