بسم الله الرحمن الرحيم
شلونكم ياشباب.. بدخل على الموضوع على طول.. طبعا لهينا بكل يوم يطلعلنا لاعب وان الهلال بيتعاقد معاه والله يصبر قلوبنا على هالشي والله اني متنح عند الجهاز انتضر صوره توقيع لاعب وكل يوم طالع اسم.. المهم بالله ركزوا معي ياشباب.. حنا كجماهير هلاليه مالنا حق نطالب بصفقه ناريه تكون ضربه موجعه لكل الجماهير المنافسه .. بتقولون كيف.. ياناس ياعالم والله حرام قسم بالله قاعده جماهيريه مجنونه وبكل بساطه وبرود حضور كثيف وكبير وبلا فادئده تمر المباراه وتنتهي والتشجيع عليه الكلام.. بتقولون العيب فينا حنا اقولكم اوكيه لنا نسبه معينه وكل واحد جاي متكشخ ويبي يتفرج ويشجع ببساطه لكن برضو اذا كان الاساس الجمهوري تعبان وبارد اللي هي الرابطه وش ترجي من بقيه الجماهير .. والله العضيم باامكاننا نهز كل خصم قدامنا هز نخلي الاعبين مرتجفين .. يرحملي والديكم يااداره الهلال تكفون نبي رابطه زي الناس ماراح تكلف مبلغ مالي كبير راح تكلف الشي القليل لكن اثره راح يكون كبير على الفريق داخل المباراه تكفون حسوا فينا والله مانقصر ونجي باذن الله بس حمسونا ورقصونا وشبونا وخلونا نشب المدرج شب.. والله العضيم اتقطع تقطع اذا شفت جماهير الغربيه وكيف تشجيعها وشوفوا كيف الرابطه تشتغل شغلها اذا بنصير مثلهم حلفتكم بالله وش راح يصير ملعب الملك فهد اقسم بالله دمار شامل وياويل من يحط رجله فيه.. بتقولولي حقوي كويس اقولكم اوكيه ممتاز بس لحاله مايأدي المطلوب .. مو معقوله مافيه حل فيه حلول بس جهزولنا الوضع وربي ماراح تشوفون الا الخير.. تكفون والله اني مولع من داخل.. اجل حضور كبير وبكل بساطه لو يصفق بزر تسمع تصفيقه من هدوء المدرج.. اقول اقسم بالله اللي عنده تجربه بالحواري ولعب دوريات وحصل فيه حضور جماهيري والله العضيم انك تلعب لعب بروح قتاليه مجنونه فمابالك بنادي الهلال وفي اهم البطولات .. تكفون تكفون شوفولنا حل ابي هالموسم موسم جماهيري غير عن اي موسم مضى .. واعذروني على الاطاله..
وتقبل موضوعي..

خلي ادارة نادينا تبعد اصحاب المصالح اللي حاربو حقوي وكل اللي بعده قادوا الرابطة وتسلم حقوي الرابطة وهو راح يطلع من الجمهور عدد كبير ليشكل فيهم رابطة وتقريبآ اكثر من 95% من الجمهور الهلالي اللي يحضر للملعب يبون حقوي يمسك الرابطة وخير دليل التفاعل لما كان حقوي ماسك الرابطة ايام محمد بن فيصل ومباراة الغرافة ومباراة بني ياس ونهائي بطولة النخبة شفنا الجمهور بشكل مغاير عن الموسم كامل وتفاعل عجيب واللي بيقول ان التفاعل عشان السبعه اهداف اللي فى مباراة بني ياس اقوله طيب مباراة الغرافة كان التفاعل اقوى والهدفين ماجت الا فى الشوط الثاني

يااخوان خلونا واقعيين مافى احد بيقود الرابطة افضل من حقوي واللي يقول بداله الف واحد نقوله تكلم بالعقل ومانبي الف نبي واحد فقط وللآسف من طلع حقوي والرابطة فى الحضيض لاشفنا واحد ولا ميه ولا الف ولكن البعض يسمع ويتبع ناس مليانه قلوبها حقد وبتمشي اللي تبيه حتى لو غلط او فيه تدمير مدرج عشان مصالحها

اللهم بلغنا رمضان لا فاقدين ولا مفقودين

مايمنع نجيب البطاطي وغندر والعمودي ونخليهم تحت ادارة حقوي فى الرابطة ومساعدين له لتشكيل رابطة قوية وانا متآكد راح ينضم لهم الكثير لتشكيل رابطة تغطي على الجميع


اللهم بلغنا رمضان لا فاقدين ولا مفقودين

والله لو الجماهير تشجع تشجيع جماعي احسن بلا رابطه بلا هم
يعطيك العافيه