بسحب نفسي من النقاشات الي لا تودي ولا تجيب

/


قبل 3 شهور كنت في ايطاليا وحظرت مباراة روما يوفنتوس في الاستدايوم.

طبعاً كانت اجمل ايام حياتي الايام الي قضيتها في تورينو. ويكفي اني شفت دل بييرو يلعب في اخر مباراه له امام توتي

على كل حال بعد صداقات مع عدد من الايطاليين ونقاشات كثيره تبين لي ان الوضع المادي في ايطاليا سئ جداً. مدينة تورينو تعتبر مدينه صناعيه كبيره في اوروبا ولذالك فرص الوظائف عاليه جداً.

في الفتره الماضيه تقريباً اخر سنه ارتفع معدل البطاله في تورينو اضعاف السنوات الماضيه. اكثر الشركة تسرح موظفينها بسبب العجز المادي.

الخلاصه من الحديث ان ايطاليا تدخل دوامه ماديه كبيره وهذا ينعكس على جميع القطاعات ومنها القطاع الرياضي. في ايطاليا الانديه تعتمد على الفاميليا بشكل اساسي مثل عائلة انيلي يوفنتوس - موراتي انتر - زامباريني باليرمو إلخ.

وهذا مثل نظام الفزعات عندنا في الدوري السعودي وفتح المحفظه وضخ الخزينه.

لذالك النادي يبنى على دعم قصير المدى " فترته رئاسه " وبعدها يرجع النادي لنقطة الصفر حتى يجي رئيس ثاني ويشيله على اكتافه


الخطوه الي عملها يوفنتوس في السنوات الماضيه راح تأمنه من هذه الدوامات والدعم المباشر من رؤساء الانديه. ولذالك اتنبئ مستقبل جميل لليوفنتوس خصوصاً ان الفريق لديه الاساسيات والقواعد المتينه الي يبنى عليها فريق يقارع كبار اوروبا ولعل اللاعبيين والقيمه الفنيه والمدرب والملعب الجديد والاستثمار هو خير دليل على استقرار حال يوفنتوس.

يوفنتوس يلحق الركب مع مصاف اندية انجلترا المانيا اسبانيا وباقي الفرق الي تستمثر بالطريقه الحديثه.

بينما باقي الفرق تترنح وهذا راح يزيد المواجع في الدوري الايطالي ويأثر على المنتخب كذالك.


هذي المره ما راح اقول بغض النظر عن الاخطاء التحكيميه.

بقول من يتجرأ يقول ان يوفنتوس لا يستحق اللقب بعد 38 مباراه بدون هزيمه؟!

اتذكر في اصوات بالاستديو كانت تقول يوفنتوس مصيره يخسر وسبحان الله تحولت الموجه إلى الحكام وغش.

على طاري التحكيم والاتحاد الايطالي. لو كان التحكيم نزيه كان فاز اليوفنتوس بالدوري بفارق 20 نقطه


لله درك يا كونتي

إقتباس الرسالة الأصلية كتبت بواسطة ™ ḞǎĩṦằŁ AĹ-ĤĩĹąĻĮ آخر الآخبار : ** ساوباولو يقرر بيع لوكاس للإنتر او المانيو .. واحس اللاعب من تصريحاته يفضّل الانتر خاصه ان كوتينهو وجه له دعوه

والله الي سمعته وقريته ان قريب جداً من اليونايتد ,, والاعلان قريب جداً ,,

تياغو سيلفا طلع بتصريح يقول فيها في السابق كان رونالدو مع ناني يشكلون قوة في الجناحين
واعتقد ان لوكاس مورا سينجح ايضا .

رافائيل لاعبنا والمشارك مع مورا في الاولمبياد سأله المذيع عن مورا وانتقاله لليونايتد قال اني قلت له ..

ومع ذلك ما استبعد انه يكون انتراوي ,,

روبن فان بيرسي لليوفي 100% ..
حسب المصادر أن اليوفي رآح يصرف 5،5 مليون يورو سنوياً لروبن هود ..

^

الصافي هذا و لا مع الضرايب ؟

السلام عليكم ورحمة الله وبركاته

محد ناقش ردي واتوقع لان ماعاد فيه حجه
ان شاء الله فال خير
وخلونا نقفل هالنقاش العقيم اللي ينفرنا من الاستديو

اخوي عـون اعتذر منك ترا كنت امزح معك وراك ديورت لليوفي ثاني مرة
عذرا مرة ثانية


سآهـي

إقتباس الميلن هو أول نادي يمتلك ملعب خاص بـ إيطاليا ..

لا يالغالي
اول ملعب لنادي ريجانا ( موب خوينا ريجينا ) طبعا الملعب سياحي بس هو اول نادي يمتلك ملعب
لا اسمع يوفاوي يهايط بالملعب الجديد واولكم انا


خوذو الخبر الصاعقه





اودنيزي اخذ حقوق ملعب الفريولي من بلدية اودنيزي وبيمتلكه 99 سنة
نفس وضع اليوفنتوس مع بلدية تورينو



ورئيس النادي جيانباولو بوزو بيضبط الملعب وبيخله ملعب حديث

طبعا اهم المواصفات قرب الجمهور للملعب وتغطية الاستاد

بالمناسبة ترا بوزو هذا سفلت فيه قبل 3 سنين بموضوع لكن الحق يقال الشغل اللي يسويه باودنيزي ممتاز
كل سنة يبيع ابرز اللاعبين ويقحش قروشهم ومع ذلك مركز النادي ما يهتز اطلاقا
يعني العام باع سانشيز ومع ذلك وصل لدوري الابطال
الظاهر نادي غرناطه له وكذا نادي بعد
ومغير يجمع مواهب ويعيرهم ويرجعهم لاودنيزي علشان يبرزهم بعدين يبيعهم

وش رايكم نفتح ملف اودنيزي وبوزو

إقتباس الرسالة الأصلية كتبت بواسطة skroo اخوي عـون اعتذر منك ترا كنت امزح معك وراك ديورت لليوفي ثاني مرة عذرا مرة ثانية

على ايه تعتذر اخوي ، ما شفنا منك غير كل شي طيب ، انت واليوفي خليه على جنب ، اليوفي وسماوي روما لهم مكانه في البطين الايمن


سؤال ببالي مع رمضان : هل يوجد لاعبين مسلمين في الدوري الايطالي حالياً ؟!

هو نفسه حق غرناطة الي جاب العربي

^ ^ ^

معليك بنرجع لاودنيزي بس نسيت اقول سالفة



ذكرتني يوم طريت بالديني
هالرجل اشتغل مع كابيلو مليون مرة
بس كنت مستغرب من شي, موجي في 2010 يوم شدت سالفة المحاكمات والدنيا
كان ماله شغلة الا يلزخ بالديني ورئيس الفيراري ويلطش جون الكان
رئيس الفيراري وجون الكان نمشيها لانهم فعلا كانو يبون يشوتونه من الفريق لانه كان الكل بالكل وصارت كذا حركة لين سلمو النادي لانيللي مقابل انه يخلي الفيراري لهم( سوالف طويلة وحوسة ) لكن وش قصة بالديني مع موجي ؟ هل صرح بالديني عن موجي بالسنين اللي راحت ؟

نقاشات جميلة الله يسعدكم ولنا عودة ان شاء الله

^

هو فيك ذيك الفتره بس تلاقطو بس من بعدها وبالتحديد من تم تعيين بالديني من جديد في روما ماسمعته حش فيه ابدا الا اذكره تصريحين مدحه فيهم في واحد قال ان روما قامت بالفعل الصحيح باعاده بالديني والثاني قريب من التصريح الاول برضو ، اكذب عليك ان قلتلك اني سمعت تصريح له عن موجي في ذيك الفتره بس اللي اذكره انه في محاكمات 2010 شهد ضد موجي في اكثر من قضيه وقاله انت رجل بلا اخلاق وتسبب اذا ماخاتني الذاكره في حكم عليه بالسجن 6 شهور الظاهر لتهديده بالديني والقضايا الباقيه في سالفه تهديداته للاعبين هو وولده ومنعه وتهديده لبعض الانديه من بيع لاعبينهم له

إقتباس الرسالة الأصلية كتبت بواسطة الخبراء حتى بالسعودي سامج مافيه جديد .

ههههههههههههه والله يآهي كمية حقد .. ترانا برمضان يا جماعة صفوا قلوبكم ..
إذا أنتم تعتقدون أن كونتي مقروشني .. فأنآ أجزم أني أنآ يا سعد مسبب لأغلب اليوفاية هنآ شيء كذآ مثل المرض المزمن ..
أحس أحياناً تدخلون الأستديو بس إذا كنت موجود عشان تقرون مشاركاتي ههههههههههههههههههه

عموماً .. أتكلم معكم وأنآ صائم .. وبحرقة قلب رجل مسلم .. أتكلم معكم بصفة أخوية بحتة لا أقل ولا أكثر ..
قبل فيه وآحد شبه مكانة النادي اللي يحبه بمكانة أمه عنده .. بغيت أتكلم بسس سكت قلت يمكن عفوية وفي الأخير هي أمه مب أمي ..
لكن اقرا الحين فيه ناس تعلق على وجودها بين أظهر النصارى في دولة الكفر أنها أجمل أيام حياتها !! عجبي ..
بالنسبة لي أجمل أيام حياتي كآنت في الحرم المكي أواخر شهر محرم من عام 1425 مع أمي الله يحفظها ، كآنت أول عمرة لنا مع بعض ..
الطامة الطامة يوم يقول لرجل لا يؤمن بمحمد عليه الصلاة والسلام ( لله درك ) يا أخوان شجعوا كيفما شئتم لكن مب لهالدرجة ..
عفواً أحبتي .. ولكن # لنراقب كلماتنا أكثر ..

* الميلآن هو أول نادي إيطالي يمتلك ملعب خآص .. << المعلومة سخيفة لكن حقيقية .. مآ تهمني بشكل كبير لكن بطبعي مآ أحب التظليل ..

إقتباس الرسالة الأصلية كتبت بواسطة ™ ḞǎĩṦằŁ AĹ-ĤĩĹąĻĮ * الإنتر يرحّب ب بقاء مايكون لموسم آخر اذا مافيه عرض ممتاز .. يعني راح يطلع بلاش الموسم الجاي : (

مآ أستبعد ينتقل للميلان الصيف الجاي إذا السالفة فيها : بلاش + برازيلي + ظهير ..

قبل أنسى .. معقولة الفريق اللي ما خسر ولا مباراة يجي دفاعه باليورو بالطريقة البايخة هذي وينكب منتخب بلاده ..
مونديال ألمانيا ما دخل على الآزوري إلا هدفين .. واحد منها بلنتي .. باليورو 2012 النهائي بس انصكينا فيه أربعة .. بالضبط على عدد لاعبي اليوفي بالآزوري في ذاك المتش ..
معقولة هو نفسه الدفاع الحديدي اللي كانوا يتغنون به بالدوري .. معقولة يصير خنبقة كذآ وأربعة مع الرأفة !!
أكيد في الأمر سر .. وشو السر .. الإتحاد الإيطالي ما يبي اليوفي يخسر .. الإتحاد الإيطالي يحابي اليوفي عبر الحكام ..
ياما شفنا مباريات لليوفي كان فيها قاب قوسين أو أدنى من الخسارة ثم فجأة يطلع لك قرار تحكيمي ينقذه من الخسارة ..
طبيعي جداً اليوفي مع هالتحكيم أنه ما يخسر .. لكن باليورو ما فيه رومانيولي .. وما فيه يا كلليني خذ راحتك بالتكسير ..
يا شيخ عطني هالتحكيم مع الميلان وأنهي لك الدوري بـ 38 انتصار .. فوز ورا فوز مو بس بدون خسارة ..
أجل 11 تعادل مدري 13 تعادل ثم اسكوديتو وتبيني اصدق انها بطولة بريئة .. خخخخخخخخ في تاريخ الكالتشيو ما قد صارت أكثر من 10 تعادلات ثم تتويج ..
إلا مع اليوفي فقط .. لأنه نزيه طبعاً ومستحيل يحقق بطولة بالغش