|
إقتباس:
إقتباس:
إقتباس:
يا عمنا قلنا لك طريقة اليوفي وسخة وملتوية .. رايحين يجيبون لاعبهم الخاين اللي جمهور اليوفي في إيطاليا صارت تكرهه ( كانافارو ) بعد أن أصابه الشيب ويرجعونه من مدريد عشان إذا انضم للمنتخب يقولون ان اليوفي أكثر نادي يدعم المنتخب !! وبالأخير طلعنا من دور المجموعات في مونديال 2010 !! تدعمه بعاهات وشياب ؟! ثم تتفاخر بهالدعم !! من نكبنا في نهائي يورو 2012 الا عاهات اليوفي ؟! كون أن بوفون وبيرلو وتوتي شالوا إيطاليا فوق أكتافهم وحققوا لك المونديال مو معناته أن كامورانيزي كان بطل وان اليوفي هو الترمومتر خخخخخخ إقتباس:
شفتوا كيف تغيرت المفاهيم في لمح البصر خخخخ بعد هدية الإتحاد الإيطالي لمحاولة امتصاص غضب أنيللي حول قضية الكالتشيو بولي صار كونتي بطل !! أنتم في قرارة أنفسكم مو مقتنعين بكونتي أبد . أخونا هذا مجرد مثال .. لكن أغلبكم مثله .. كونتي مجرد وآجهة لمافيا الإتحاد الإيطالي اللي جالسة تدعمه من الخلف .. كنت أرى أي فريق يلعب بشكل دفاعي وبطريقة منظمة اليوفي يتوهق معه ، في هالأثناء يخرج لنا سوبرمان الحكم ويهدي بلنتي أو هدف تسلل !! يبي لنا مجلدات نفند فيها فضايح اليوفي وطرقهم الملتوية في الحصول على اسكوديتو العار في 2012 .. أللغري مع مشاركات خارجية وإصابات قدر يضيق الخناق وينافس على الرمق الأخير .. كونتي مع جمهور متواصل وفريق كامل وتفرغ للدوري ما قدر يحققه بنفس أرقام أللغري 2011 إلا بدعم الحكآم !! أجل فيلاس بواس هههههههههههههههه |
إقتباس:
إقتباس:
بالمناسبة انا ما اقتنعت ان كونتي بيجيب الدوري ولا اعتقد فيه احد مقتنع لان ماله خبرة في التدريب الا في فرق السيريا B وكم جولة في السيريا A مع اتلانتا مع العلم انه في السيريا بي تصدر مرتين مع سيينا وباري وأهلهم للسيريا أ ولا كنت متفائل ان اليوفي بيجيب الدوري لان المدرب شاب وهالحالة ما تتكرر كثير ماكنا متفائلين لان اليوفي كان سابع في اخر موسمين وصفقاته كانت غريبة مثل بيرلو وفوزنتش المزاجي لكن سوا شغل كثير والارقام تنصفه بدون هزيمة وفوز على كل الفرق عدا كييفو وقرارت تحكيمية ظالمه ضده وسلسلة تعادلات متتالية لكن قدر ينافس لين جاب الاول رغم انه ترك كرسي الصدارة كذا جولة لكن مافيا ايطاليا دعمت المدرب الشاب !!! منطق غريب !! مافيا اسبانيا دعمت جوارديولا اللي اول مرة يدرب بحياته بالليقا وحقق الدوري مافيا ايطاليا دعمت كابيللو اللي اول خلف ساكي واول مرة يدرب فريق اول وحقق الدوري منطق غريب واكيد منبعه التعصب الزايد ====== ===== ========= بخصوص المنتخب واليوفي خلاص وصلنا لطريق مسدود بموضوع المنتخب واليوفي الارقام مي معجبتك وتلف على كانافارو 2010 نسيت شيريا وجنتيلي وكابريني وتارديلي وزوف ودل بييرو وكامورانيزي وزامبروتا وكانافارو.... الخ خلاص وصلت الفكرة للجميع ابي توضيح لسالفة ملعب الميلان لاني اعرف انه مملوك للبلدية فعطونا نبذة عنه يا الميلانية والانتراوية |
إقتباس:
اينلر نفس الكلام اصوله تركيه وواضح من شكله :d فيه مونتاري بعد .. واعتقد تايو بس مو متأكد |
إقتباس:
وبعد وفاة جوزيبي مياتزا 79 طلب الإنتر تغيير المسمى بموافقة ميلان .. يعني كان الملعب ملك لهم |
إقتباس:
بالمناسبة يقولون مونتاري رافضي :mad: اليوفي مافيه ولا مسلم , ماكان فيه الا محمد سيسوكو وانتقل لباريس سانجرمان على طاري سان جرمان , ليوناردو شافط 9 من نجوم الدوري الايطالي عنده إقتباس:
والله معلومة جديده علي اذن الميلان اول نادي يمتلك ملعب ورجيانا الثاني واليوفنتوس الثالث من الرابع ؟ الانتر او روما او اودنيزي :wub: ننتظر ونشوف شكرا فيصل :smilie47: http://u.goal.com/176700/176707hp2.jpg زوجة موراتي للحين هي رئيسة بلدية ميلان والا ولت ؟ http://cache.images.soccerway.com/ne...0x150/1247.gif بمناسبة عودة السامب للسيريا a ذكرت عضو مميز كان معنا ليت اللي يعرفه يطمنا عليه diavlooo محمد بيني وبينكم يا انتراوية فاقد هلالي وافتخر!! نص ردودي نقاشات معه اتمنى نشوفه هنا بالاستديو مشتاقين له صراحة |
إقتباس:
S: |
محمد بالديني كان في اليوفي ؟! مستحيل:d اللي اذكره اليوفي طلبه ورفض بعد الكالتشيو بولي ولا عمره اشتغل معهم:d https://p.twimg.com/AymPv6aCEAAVgfb.jpg لايفوتكم جيرارد وتوتي الخميس الساعه 1:30 الظاهر على الجزيره:d:smilie47: http://football-italia.net/sites/def...cci490ai_4.jpg الخورافي بانوتشي:smilie47::smilie47::smilie47: انظم لطاقم كابيلو في روسيا وشغلته هي اعداد تقارير لفابيو عن الفرق المنافسه له < كابيلو وش سالفته؟:dوين ماراح يسحب معه بانوتشي وبالديني <الاخير رفض عرضه وقرر يكمل معنا http://football-italia.net/sites/def...all490ai_8.jpg اعلن اعتزاله رسميا وصار مدرب لشباب الميلن http://football-italia.net/sites/def...es490ai_21.jpg أخيرا انتهت الصفقه اعاره مع الزاميه الشراء ب7مليون والقرار كان للاعب بالذهاب لروما ووكلاءه كانو يفضلون عرض اليوفي http://football-italia.net/sites/def...aka490ai_3.jpg جالياني تعشى اليوم مع وكيله كاكا وطلع من الاجتماع وقال:"الحب لايموت:d يمكن ياخذ رحله طويله ولكنه يعود في النهايه" |
بالديني عمره ما أشتغل في اليوفي ، سواء مع كابيلو أو من دونه ، بالديني بعد رحيل كابيلو عن روما ، كمل مع روما و أخر صفقاته كانت : " بايروتا - تادي - مكسيس - ميدو " لكن كما هو معروف صار عليه تضييق من رزرز الي كانت الكل بـ الكل بـ النادي ، خصوصاً بعد مرض فرانكو آل سينسي . بالديني عمل بعدها في مدريد مع كابيلو و أيضاً عمل معه في إنجلترا .. |
إقتباس:
طبعا من شيمي اني اقدم غيري على نفسي .. اولا: كلامي مهب بالضرورة يعني ان كل الرابطة موافقيني عليه .. حتى اذكر كان فيه من يختلف معي . ثانيا : تقدر تقول لي متى هالكلام واي جولة بالاصح عشان تعرف وش السالفة !!؟ مهب الواحد يقتبس همن يخثرق بما لايعلم ..! كان هالكلام طبعا ايام التعادلات واخطاء كونتي بالتشكيل واصراره على 3-5-2 واصراره بوريللو كان كل جوله يعيد نفس الخطأ وكان برضوا تغييره دائم متأخر . فيحق لي اني انتقده الرجال تعدل عرف وش هو مخطي فيه وبدأ يدعس اول من دعس انتم بالكاس وكمل الدعس بانتر ونابولي ولاتسيو والفيولا قبلهم وروما وهات اشوف من هالصلب .. هنا الكوتش صحح اخطائه واستفاد منها وبدأ يمشي بالسليم تبيني اكابر مثلك واقول لا برضوا الى الحين المدرب كخه ووع !!؟ اذا مبدأ العناد يمشي معك فمايمشي معي ابد لذلك طوّل الله عمرك لاتحط نفسك بموقف بايخ وتقتبس وتجيب سيناريو من راسك وتقول هاه شوفوا كفشتهم :d يارجل انت مليان تناقضات اجل نتوهق مع فريق دفاع ويعطينا الحكم هديه بلنتي !!! ياجماعة الخير بلنتي !!ههههههههه مالنا الا بلنتيين وكلهن بمبارياات منتهيه تشيزينا واتلانتا ايه صح وروما |
إقتباس:
ياشباب اتمنى تتركون النقاشات اللي ماراح تجيب فايده .. الميلاني ماراح يقتنع ان اليوفي اخذ الكالتشيو ب جداره .. واليوفينتي نفس الكلام بس العكس .. تحكيم ماتحكيم ماراح تودي ولا تجيب .. ومافيه فريق ماانظلم الإنتر ظلم قدام جنوى وميلن بالاياب استفاد ب هدف حاسم ضد لاتسيو الميلن استفاد بالديربي وظلم ب هدف مونتاري ومباراة اتلانتا .. يوفينتوس ظلم ب هدف بيبي ونهائي الكأس .. واستفاد ب هدف مونتاري كل واحد له نقطه بس فكونا :d الواحد يكره يدخل الموضوع ع النقاشات اللي ماتفيد .. وشكراً :d :ba: |
يالخبراء ،، انت ما فهمت الرجال ،، هو قصده انك تنتقد شخص يعني هذا كخا وماهو زين بكل شي ولازم يكون معصوم من الخطأ زي أليغري الي الإصابات حاسته ومشاركه خارجيه ومع ذلك نافس الى الجوله قبل الأخيره مو زي كونتي الي فوزه كله هدايا من الحكام وبلنتيات ،، الدليل شف اليغري وش سوا بفريقه.قدر يخلي ميلان أكثر فريق يستحوذ على الكوره وقدر يخلي ميلان أقوى دفاع بالدوري والأهم قدر يخلي ميلان أكثر فريق يسجل من هجمه ملعوبه ،، ماهو كونتي الي كل فوزه بلنتي ويشوته بيرلو ويدبره ---- للمعلوميه انت انتقدت قدوم بيرسي ،، ماهو بعدين اذا جا وسجل تجلس تمدحه وتقول لا والله زين ،، خلاص لا انتقدت لازم تبتل متنح منتقد حتى لو يصير أفضل لاعب بالعالم ،، على طاري أفضل لاعب بالعالم ،، قريت رد من الردود المسليه يقولك الي جاب كأس العالم 2006 بوفون وبيرلو وتوتي ،،، طيب وين أفضل لاعب بالعالم يبو الشباب ؟،، يا راقل؟ هههههههههههههه متختشي بأه ا---- الله يستر يقولون بيرسي شكله هو الي يبي يجينا ،، ماهضمته هاللاعب ،، والله يستر كان ما جابلي واحد هالرد بعد اربع شهور |
سعد انا من الناس الي تابعو الدوري الايطالي في 95 ايام بارما الميدا وكانا وتورما وبوفون ينافسون الدوري بعطيك اياه من الاخير . اليوفنتوس راح يذل جميع فرق الدوري هذي السنه والاستديو بيننا وعلى طاري البربربه بربر على راحتك |
إقتباس:
http://www3.0zz0.com/2012/04/25/18/720744889.jpg في آوآخر شهر أبريل اليوفي واجه تشزينا .. وكالعادة اذا انحشر اليوفي وواجه خصم منظم حتى لو كان تشيزينا متذيل الترتيب راح يلقى الدعم من الحكام .. ركلة جزاء قممممة في المسخرة احتسبها الحكم بمباركة من المساعد مع ان اللمسة كانت واااضحة خارج المنطقة .. صحيح ضيعها بيرلو لكن الموضوع صار واضح .. متى ما عانى اليوفي راح يلقى الدعم زي ماحصل طوال الموسم .. اللي سواه ميلان هذا الموسم معجزة يستحق عليها التحية وهو البطل الغير متوج للأسف .. فريق يلعب بالبدلاء معظم فترات الموسم لكنه يتصدر لعدة اسابيع ومع بقاء 4 جولات على النهاية يبتعد بفارق 3 نقاط عن المتصدر بسبب جرائم تحكيمية افقدته 9 نقاط مستحقة .. حقيقة شي اعجازي مايسويه الا فريق كبير بعكس يوفنتوس اللي مايعرف ينافس ابداً ولا يحقق بطولات إلا بهذه الاساليب .. المضحك من بعض جماهير اليوفي الاستشهاد ببعض الحالات التحكيمية من باب الحشو على اساس حتى احنا تعرضنا للظلم ! لكن في الواقع ان بعض هذه الحالات غير موجودة ابرزها ركلة جزاء بيرلو في مباراة بارما .. كانت عملية تمثيل ومبالغة في السقوط وكان قبلها بدقائق ركلة جزاء اوضح منها لبارما وجيوفينكو تحديداً .. وبعض الحالات غير مؤثرة .. ركلة جزاء في مباراة فاز فيها الفريق 4-0 ! وبعضها حالات صحيحة مثل لمسة اليد على مدافع سيينا اللي حصلت بعدها فوضى من كونتي وادارة اليوفي واعلامهم وتباكوا عليها اسبوع كامل لكن نفس اللمسة حصلت مرتين في مباراة كالياري على بونوتشي ومااحتسبها الحكم ولا احد تكلم ! هذا النوع من الاخطاء عادي جداً وياما حصل للميلان ولو حبينا نذكر بعض الحالات المشابهة .. بلنتيين في مباراة فيورنتينا وحدة من لمسة يد والثانية شد واستمرار في الشد حتى سقط باتو .. وفي مباراة اودينيزي نفس الشد حصل لانزاجي وفي المباراتين تعثر ميلان بالتعادل .. بالإضافة لركلة الجزاء الواضحة لـ كاسانو في مباراة تشيزينا لكن الفريق فاز فيها وماصار لها اهمية لكن مو كل مرة يقاوم الفريق اخطاء الحكام ! كانت فيه اخطاء للحكام لمصلحة ميلان وهذا شي طبيعي .. كل فريق في كل موسم تكون له وعليه اخطاء تحكيمية لكن الفرق كبير بين الاخطاء البشرية و الفضائح المتعمدة .. ميلان حصل على ركلة جزاء غير صحيحة ضد بولونيا لكن في نفس المباراة الحكم مااحتسب ركلة جزاء واضحة 100% لابرا .. وهذا تكرر لما كان لجنوى ركلة جزاء بعد لمسة يد على نيستا لكن أيضاً الحكم كان في موقع ممتاز وشاهد كالادزي يعرقل ابرا ومااحتسب ركلة جزاء واضحة للميلان .. احنا مانتكلم عن اخطاء بشرية تحصل في كل موسم ويستفيد ويتضرر منها كل الاندية الـ 20 زي لمسة اليد داخل المنطقة أو تسلل على جزء من جسم اللاعب او احتكاك داخل المنطقة .. نتكلم عن فضائح وكوارث تحكيمية اقسم بالله انها متعمدة وامتداد للحالات اللي كانت تحصل في موسمي 2004/2005 و 2005/2006 واللي ثبت بعدها وجود تلاعبات هبط بسببها اليوفي .. سكوديتو العار ! يوفنتوس كان مرتاح ومتفرغ للدوري في المقابل ميلان واجه ضغط كبير وجدوله كان مزدحم بالذات في الربع الاخير من الموسم واجه ارسنال - يوفنتوس - روما ومباراتين ضد برشلونه كل هذا خلال شهر وبغياب 13 لاعب وكان يلعب معظم الموسم بغياب اكثر من 13 لاعب ولهذا كانت خيارات اليجري على الدكة معدومة وزاد ارهاق اللاعبين اللي اضطروا للعب مباراة كاملة كل ثلاثة ايام بدون راحة لعدم وجود بدلاء .. كل هذه الظروف تجاوزها ميلان بالعمل الكبير من أللغري واللاعبين وبشخصية الفريق البطل وما كان لها تأثير في حرمان الفريق من اللقب لكن الشي الوحيد اللي عجز الفريق عن مقاومته هو الفضائح والقرارات التحكيمية المتعمدة واشدد على نقطة المتعمدة .. نتكلم عن اهداف يسجلها الفريق وتلغى .. وبلنتيات تحتسب وبعد كذا يتدخل المساعد يلغيها .. اقسم بالله فوضى وفساد زي كذا ماشفت وماراح اشوف الا في دوري المافيا .. تكلمت عن البلنتيين في مباراة فيورنتينا اللي ما احتسبهم الحكم لكن هدف صحيح وواضح يسجله سيدورف يلغيه نفس المساعد اللي الغى بعد كذا هدف مونتاري في مرمى اليوفي وكان نقطة التحول في الموسم وبسببه نافس اليوفي حتى النهاية ولولاه لاستمر حتى الان ينافس نابولي وانتر على مركز مؤهل لدوري الابطال .. ركلة جزاء يحتسبها الحكم في مباراة لاتسيو يتدخل المساعد ويلغيها !! .. هدف في مرمى كاتانيا بعد ماتجاوزت الكرة خط المرمى وما احتسبه الحكم .. في الوقت اللي احتسب فيه هدف لروما وهدف لليتشي من حالات اصعب بكثير من هدفي مونتاري وروبينيو !! وبعد كل هذا وحتى لما تساوى اليوفي مع ميلان في النقاط يصر الحكام على حرمان ميلان من اللقب ويتم الغاء هدف صحيح بالجولة 34 في مرمى بولونيا باحتساب تسلل أي مساعد مبتدئ مستحيل يحسبه ! والله اللي صار الموسم الماضي كآن في قمة المهزلة بأتم معنى الكلمة وفضيحة اسوأ واقـذر من فضيحة 2005 و 2006 وهناك من سعى لحرمان ميلان من اللقب هذا الموسم ونجح .. ! الكالتشيو للأسف مجرد خدعة ولعبة قـذرة جداً تأكدت بعد سلب اللقب من الميلان انه مستحيل ينظف بالذات في ظل وجود نادي زي يوفنتوس نادي المافيا ما كان ودي أنكث المآضي ، وأتكلم بشكل جدي في أشياء دقيقة بالموسم المآضي قد مضت وولت لكن أخوي سكرو أنت ألحيت علي ولك مآ أردت :smilie47: يا جماعة الخير .. الميلان تعرض لأخطاء تحكيمية في الموسم الماضي واللي قبله واللي قبله وفي الشامبيونز ليغ أمام مدريد والبرسا .. انلقمنا اربعة من المانيو ولا قلنا شيء لأنها كانت مستحقة بسبب ضعف الميلان اللي كان متأثر بالغيابات وفي وجود ليوناردو زادت الطينة بلة .. لكن حنا هنا ما نتكلم عن أخطآء تحكيمية .. ما نتكلم عن بلنتي أو ركنية .. نتكلم عن أهداف تسجل ولكن لا تحتسب بل تلغى !! الميلان كان بطل وكان يهجم ويوصل ويسجل .. لكن الأهداف كان تلغى !! وش تبونا نسوي أكثر من كذا عشان نفوز .. ؟! إقتباس:
يا الحبيب بيب وين وكونتي وين !! بيب سحق مدريد قبل موري وبعد موري وبنتائج تاريخية .. بيب طقطق على مانشستر فيرغسون .. بيب له صولات وجولات في الشامبيونز حتى وإن لقي دعم من بلاتيني إلا أن عمله كان واضح .. وكان مقدم برشلونة بشكل جميل .. لذلك ما فيه مجال نقول فيه أن مافيا أسبانيا خلف بيب .. هذا غير أن ما فيه نادي سجل على برشلونة وألغيت أهدافه :razz: كل أهداف مدريد اللي كانوا يسجلونها في برشلونة كانوا الحكام يحتسبونها وكان فالديز له ذمة وضمير :smilie47: إقتباس:
بس معليش تقحم أسماء مثل كامو وديل بييرو وزامب مع منتخب إيطالي كان شايلهم بنجومه هنآ ما يسمى بـ ( التغرير ) تخيل الآزوري 2006 بدون بيرلو وبوفون ؟ بينفعونك كامورانيزي وزامب ؟ أكيد لا .. لكن تخيل الآزوري 2006 بدون زامب وكامورانيزي ؟ بينفعونك بيرلو وبوفون ؟ إيه أكيد بينفعون وبيفرقون .. لذلك لما تقول اليوفي مؤثر بالآزوري كان من المفترض أنك تقول الأسماء اللي كانت مؤثرة مو مجرد سرد هويات وبس .. لأكثر مصداقية فقط ! ديل بيرو لحاله حكاية .. أدري أنه أسطورة إيطالية واليوفاوية يحبونه وكذا لكن تدري كم مرة نكب منتخب بلاده باليورو خصوصاً :razz: وأنتم اعرف مني بهالسالفة ! - كانفارو كان كما قالوا .. جدار برلين .. لكن جائزة أفضل لاعب بالعالم ؟! بوفون وزيدان وبيرلو استحقوها أكثر منه .. لكن بسبب الكابتنية فقط أخذ الجائزة .. إقتباس:
إقتباس:
- ولد أبوظبي ، اعجبتني كلمة والاستديو بيننا :smilie47: لكن هل هالتحدي نابع من ثقتك في كونتي أم في حكام الكالتشيو ؟! تدري متى بأقتنع باليوفي إذا شفته يدعس على أندية أقوى منه في أوروبا ، أبي أشوف ذكاء لاعبي ومدرب اليوفي هل هو ذكاء يقدر يخليه يعرف من أين تؤكل الكتف .. تتوقع اليوفي الدور الثاني لو كان مقابل مدريد أو البرسا كان بيتعادل معه ؟ ما قلت بيفوز لأنها مستحيلة .. إقتباس:
- فيصل .. ليش أنت تبي الاستديو يمشي في محور وآحد بس ؟! ليش ما يكون فيه أكثر من محور ،، وبكل محور فيه أكثر من عضو يتناقشون فيه .. مثلاً الحين فيه محور بالديني والسالفة اللي ما راقت لي .. ما خشيت فيها وبالجانب الآخر العكس أشوف الروماوية وبعض اليوفاوية متحمسين لها وأخذ ورد وعطاء .. والمحور الثاني هو عن فساد اليوفي ونقاشات ودية أخوية وأخذ وعطاء .. أنت شف نفسك وين تحب تكون فيه وخش معهم .. مو شرط يكون الأستديو كله يعجبك :smilie47: - على فكرة اللي بالصورة مع موراتي .. هي أخته مو زوجته .. ما حبيت اقتبس الصورة لسببين : حنا في نهار رمضان وصور النساء حرام ، الأخرى قوانين المنتدى تمنع هالصور .. |
سعد فيه هدف مدريدي على برشلونة ما انحسب هدف هيجوايين في إياب دوري الأبطال الي الغي عشان رونالدو طاح على ماسكيرانو بعد ما كسره بوسكيتس اتوقع |
^ الحين ليش مافيه في الرآبطه ميلاني الا انت ولا انقرضوا الجماعه ! مافيه احد يدعم كلامك او يعزز لك فقط انت تحاول تثبت لناس ان كلامك صحيح والبقيه غلط بطريقه مكرره وممله لبعد الحدود ومحاولتك المكرره لتزيف الحقائق الا ان العناد رآكب راسه والله مع ان زيمان اكثر واحد يكره اليوفي اعترف بأحقه اليوفي للسكوديتو بجدآرهـ ! :s5s: شباب متى اخر مره فاز الميلان على اليوفي !؟ |
| الوقت المعتمد في المنتدى بتوقيت جرينتش +3.
الوقت الان » 05:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd