المعسكر سيكون معسكراً غير مثمر هالسنه .. تدرون ليه ؟ السلام عليكم كيفكم زعماء وزعيمات ؟ :rose: أولاً انا ما اجيد لامقدمات ولا من هالكلام .. انا اجيد اني اتكلم بالي في قلبي وبس :d لذلك افهموا الكلام كني اسولف عليكم :d انا بـ رأيي معسكراتنا الخارجيه مالها سنع في عهد شبيه الريح :to: اللعيبه دايم غير كاملين .. يآ اجانب ماوقعنا معهم لسى .. او اللعيبه مع المنتخب .. او اللعيبه مصابين المعسكر المثمر الممتاز هو الي يكونون جميع طاقم الفريق من مدربين وادريين ولاعبين متواجدين :smilie47: ويعملون مع بعض منذ بداية المعسكر الى نهايته .. وش الي يعيقنا نتعاقد مع مدرب من بدري ؟ وبعدها المدرب يشوف الفيديوهات بدري ويقرر من يبقى من الأجانب ومن يرحل .. واحتياجاته المحليه يقولها برضو . عشان نبدا المعسكر ونكون كاملين وميه وميه .. ويكون مافيه اي عذر لا لجهاز فني ولا للعيبه ولا للإداره ! وتعودنا من الإداره تصريفات :d اللعيبه لم يتدربوا مع بعض :d ياخوي اعمل صح راح تلقى نتيجه صح .. مانبي اعذار واهيه ! ولنا في معسكرنا الحالي عبره :s5s: اجانب لسى ماندري من بيروح ومن بيبقى :s5s: لعيبه محليين تعاقدنا معهم لسى ماشفناهم بالمعسكر :s5s: < هذي نلتمس للإداره العذر بسبب المنتخب :rose: الفريق يتدرب يومين بدون مدرب ! :( وللعلم انا ماني محارب للأمير عبدالرحمن بن مساعد .. وربي اني من اشد محبينه ومعجبينه .. لكن الحماس بدا يقل لديه .. ودي يرجع بحماسه السابق وسنكون بخير بإذن الله . هذا كلامي :rose: وشكراً :rose: |
مشكوور اخوي كلامك صحيح بالتوفيق للزعيم تفائلو بالخير تجدووووووه يسلموشن |
لا المعسكر مثمر وراح تشوف نتائجه بس اصبر ..... |
أتفق معك .. لكن الآن تقريبا اللعيبة شبه مكتملين .. |
الكلام هذا ماينفع . توقيت الموضوع هذا ماله معنا الا ؟؟؟؟؟؟ المعسكر بدا وبالتوفيق للملكي |
معسكر مايطمن بخيير أبداً هالموسم أحب اقول لانأملون على شيء لإن الكتاب ينقرأ من عنوانه للأسف استعداد سيء جداً وانهاء صفقات أسوأ هالموسم هو موسم ( الشباب - الاهلي -النصر ) لإنهم هم من يجتهدون ويعلمون ويحترقون من أجل انديتهم على عكس الهلاليين للأسف , اتمنى يكون كلامي غير صحيح ولاكن الواقع يقول كذا أشكرك |
مع نفسك حبيبييييييييييييي |
إلا المعسكر هذا جميع الاعبين مكتملين ماعدا المسلم والشهراني في المنتخبات ويبقى الاجانب هرماش والكوري موجودين والعربي لن يستمر وهناك مدافع في الطريق |
طيب المطلوب ايش موضوع ماله اي داعي ووقته سيء ياليت تجاوبني على سؤالي ايش الهدف من موضوعك ؟ انت ماغير تشيش الجماهير على الاداره الله يصلحك بس |
ما ينفع هالكلام المعسكر بداء ومالنا الا ندعمهم |
هذآ آللي آنآ خآيف منه و خآصتآ آلآجآنب يبي لهمم فترههه عشآن يتعودون على آلآجوآء و كذآ بس من نآحيهه آلمحليين مآ ينخآف عليهم كثر آلآجآنب من نآحيهه آلآنسجآم و خوفي بعدد مآ ينتهي المعسكر نتعآقد مع لآعب آجنبي و آلآ نستبدل لآعب :s5s::s5s: |
نفتقد إلى لاعبين مؤثرين بالتشكيله سالم الدوسري عبداللطيف الغنام وياسر الشهراني لكن اللي أعرفه أنهم سينضمون إلى المعسكر الأزرق قبل إنتهائه بفترة بس أحب أوضح إنه نجاح إي معسكر من عدمه مرهون بعدة اشياء : أهمها البرنامج المعد من المدرب وتنفيذه بحذافيره المعدل اللياقي , و برنامج المدرب اللياقي تواجد أغلب اللاعبين الرئيسين على الأقل |
ما أوافق الرآي أخوي وموضوعك مو في وقته:to: |
الا انت تعرف كم مدة المعسكر لو جاوبت بعطيك هديه وبقلك ليه كلامك ياشاطر موصح |
يعطيك العافيه بالتووفيق للملكي |
غير مثمر لأن نوعية الجماهير اللي مثل تفكيرك حكمت عليه وهو توه بادي اتمنى الدعم من غير خوض في أمور لاتعنينا وإن تناقشنا فيها لن تزيد بل تنقص شكرياتي |
تدرون وش مشكلتكم ؟ تقرون نص الموضوع وتنطلقون تبون تردون ! امسكوا ارضكم الله يهديكم بس :d انا قلت عدة عوامل ! انت يالي تقرا كلامي .. تعرف من سيبقى من الأجانب ومن سيرحل ؟ :d لو جاوبت بعطيك هديه على قولة واحد من الردود :d وثانياً ماحكمت انا على المعسكر بالفشل ! انا قلت هذي عوامل تأثر بالمعسكر ! وعوامل قويه ! اجانب ماندري من بيبقى ومن بيروح ! لاازم يتواجدون بالمعسكر هذا يا اخوان لأنه المدرب راح يسوي برامج لياقيه وتكتيكيه مكثفه في المعسكر الخارجي ! وراح يتعودون على تكتيك المدرب ! بتقول لي المعسكر طويل ؟ اقولك صح لكن وانا اخوك المعسكر تتقسم التدريبات فيها ! فتره لياقيه مكثفه وفتره تكتيكيه مكثفه ! وفتره تطبيق ومباريات وديه ! يعني ممكن الأجنبي الجديد مايلحق على مرحله من المراحل ومايكون جاهز 100% ارجو قراءة الرد كاااااااااااااامل ولا تطيييير بالعجه :d اقراه كامل :d |
تكسير لمجاديف الفريق + احكام مستعجله + تشاؤم + انهزاميه ....................................... مصطلحات ( تنطبق على موضوعك ). |
بالتوفيق للملكي .................................................................................................... ............ |
يااخوي ابوفيصل ادري بالهلال وحنا مع الادراة قلبا وقلبا |
- كلامك سسليم 100% .. لكن إن شاء الله ينعكس المعسكر ايجابيا على الفريق ! |
اشكرك على الموضوع بس موسمين كانت ممتازه الي هي مع جريتس وكوزمين انت عممت على كل المواسم وانت غلطان اتمنا تعتذر الي ماكتمل فيها الفريق كانت مع دول والسبب المنتخب السعودي لان الدوليين غصب عن رئيس النادي يلتحقون بالمنتخب وبخصوص الاجانب يوم دول كانو كلهم موجودين والمدرب موجود من بداية الموسم والسنه ذي بس المدرب تئخر يومين بس جهازه المساعد موجود من البدايه وباقي اجنبيين اتمنا الاداره تتوفق فيهم الاداره تئخرت بس الموسم ذا مع الاجانب بس اتمنا تعتذر او تجيب ارقام |
إقتباس:
أتمنى من أخواني الهلاليين كتابة ماهو مفيد ويدعم مسيرة النادي في قادم الأيام وتعزيز الأجواء الإيجابية في هذه الأيام من بداية معسكر وحضور مدرب على مستوى عالي وننشد له النجاح مع الملكي والإبتعاد عن كل ما يثبط الروح الهلالية والتي بمشيئة الله لن تعرف سوى لغة الإنتصار دمتم بود |
الحين اللاعبين شبه كاملين باقي الشهراني والسديري وسالم عندهم اجازه تنتهي في اول رمضان والثنائي او الثلاثي الاجنبي الجديد ويكتمل الفريق يعني 5 او 6 لاعبين من اصل 26 لاعب |
عجزنا نقول لذا الدبش بس محد يبي يفهم، الشكوى لله انت من فئة الجمهور الواعي الغيور |
الوقت المعتمد في المنتدى بتوقيت جرينتش +3.
الوقت الان » 08:38 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd