|
ابو فيصل؟ الأن أعد الفريدي للرياض؟ لا نريد صدمة للفريق بعد شهر؟لإفشال مخطط البلوي إخوان؟ بعد تصريح اليوم من سلطان البلوي وكيل الفريدي أن الفريدي سيقرر بعد دخوله الستة أشهر؟ واضح ابو فيصل الطبخه التى يعدها (شقيق منصور البلوي)؟ وهي التأثير على الفريق قبل بدء التصفيات النهائية الاسيوية ؟ وهل ينسى الهلاليون نهائي أسيا عندما قام البلوي بسحب اللاعب عبدالله الجمعان من معسكر الفريق ليلة المبارة والذهاب به الى دبي؟ وبعدها فقد الزعيم البطوله رغم أنه يحتاج فقط التعادل والمباراة بالرياض؟ الدهاء والفراسة أن تقرأ ماذا يخطط له البلوي إخوان ( تتغداء به قبل أن يتعشى بك)؟ الفريدي طلب منك مهلة للرد 3 أسابيع؟ والان يماطل ؟؟ لتفادي الصدمة وإفشال مخطط البلوي إخوان أقترح مايلي : 1- الطلب من الفريدي الرد بالقبول أو الرفض للعرض 2-الاعلان للجماهير عن الواقع الفعلي لرد الفريدي 3- أعد الفريدي للرياض والطلب منه التدريب بالنادي؟ 4- عرضه اعارة أو انتقال للفترة المتبقية 6 شهور 5- شراء عقد لاعب مميز صانع ألعاب مثل يحى الشهرى بتكلفة 10 مليون للاتفاق وعشرون مليون للاعب . ((لانه بقي على عقده مع الاتفاق سنه واحدة فقط )).. 6- ارسال مكانه الى المعسكر أحد نجوم الفئات السنية بدلا منه وأقترح (بدر المرشدي أو خالد القطام أو نواف القحطاني ). أنت بذلك تتفادى مفاجاءتهم وصدمة الفريق بعد شهر؟ |
عوافي على الطرح المميز .. الفريدي مصخها والمطلوب من الأدارة انها تكون حازمة مع هالأشكال .. |
ان شاء الله الفريدي باقي مع زعيم اسيا |
الف شكر لك على الطرح .. اللاعب حالياً في المعسكر يتدرب وقد يكون هناك امور خفيه لا نعلم عنها وتطرأ امور جديده ايجابيه للاعب وللنادي معاً والله يكتب اللي فيه الخير . |
إقتباس:
وأبو فيصل معدنه أصيل ويحاول مع اللاعب ولكن الكتاب واضح من عنوانه(يكفي أنه اختار وكيله البلوي إخوان وهم أكثر من حارب وحقد على الزعيم ) ويجب على الادارة الحزم في مثل هذه الامور .. |
إقتباس:
|
إقتباس:
تخيل أن يتم التوقيع معه للأتحاد قبل تصفيات أسيا بأيام ؟؟ ترا يسويها البلوي؟ كفانا الله وإياكم شر الحقد والحسد الذي لديهم ؟ |
نسيت عبدالوهاب الفريدي اتمنى تصعيده لانه شبيه باحمد لكن بغير برود |
مساء الخير المفروض علي احمد الفريدي يكون واضح في قراره لو اني من الناس ودي انه يطلع الفريق صحيح لاعب فنان لكنه مزاجي وبارد ويموت الهجمه بالرغم انه لاعب وسط مهاري وعنده نزعه هجوميه ويقطع بشكل حلو لكن طريقته جدا موحلوه وبصراحه ماشوف مشاكل الاحتراف الا عندنا في الخارج مافي ابد والي يضحك بعض جماهير الاندية الاخري يعيب علي لعيبة الهلال يوم يجي ينتهي عقده تشوفه يتمني عنده بفريقه وفي بعض الجماهير مايبي اي لاعب يطلع من عنده ويروح فريق ثاني بالرغم يعرف انه ماينفع لفريقه بس كذا واخير الفريدي يبي فريق غير الهلال الله معاه ويوفقه وشكرا لصاحب الموضوع اعجبتني وجهة نظره :alzaeem: |
ثقتنا في نادينا كبيره .. و الزعيم ما وقف على لاعب .. ولا تعطون الموضوع اكبر من حجمة ان وقع خير وبركه وانت رفض ما يشوف شر... |
رحم الله عبدالله بن سعـد وسكنه فسيح جناته لو كان موجود الفريدى ومنهم على شاكلته خارج اسوار النادى يحق ل ميسى الفريدى يطلب المبلغ الى هو عايزه والله لو يرضخ عبدالرحمن بن مساعد لمطالب الفريدى اقسم بالله مايفوم لنادى قامه وكل مستهتر يطلب المبلغ اللى هو عاوزه AL- Fraidi Please out of AL-Hilal Club |
إقتباس:
او أنه اللاعب السوبر الذي يصنع الفارق في المباراة؟(قارنو ماذا عمل خلال 26 مباراة الموسم الماضي ؟ كم مباراة لعبها؟ كم مباراة خلصها)؟ عكس العابد أو سالم او الشلهوب الذين خلصو العديد من المباريات المهمة .. والعكس كم كرة احتفظ بها الفريدي بأنانية وخسرنا بسببها؟ (هل ننسى الدقيقه 7 بدور الثمانية أمام ذوبهان الايراني عندما انفرد بالمرمى ولم يمرر لزميله وضاع الهدف وخرجنا من أسيا2010)؟؟؟ وهناك عيوب في اللاعب لن أذكرها هنا لأني لا أريد أن أقلل منه أو أقطع رزقه .. الله يسهل علية والزعيم لا يحتاجه باع الزعيم من أجل أبناء البلوي؟؟ والله يهنيء سعيد ب....... بمبارك ؟؟ |
إقتباس:
|
لاتزال بعض الامور تدار في نادي الهلال ( بالعاطفه ) وملف الفريدي احدها اقترح : ارسال ملفه للبلطان وستعرفون الحل المناسب والحاسم |
كلام سليم جداً اتفق معك احمد لم يعد له مكان في الكتيبه الزرقاء ولا في قلوبنا مابي اشوفه الموسم القادم والله |
إقتباس:
حسم الموضوع الان أفضل وهو :إما أن يجدد أو يخبر الادارة بأنه سيرحل؟ لأننا لا نريد أن نخسر علية بالمعسكر ويكون جاهز لفريقه الجديد؟؟ وأكبر منها الصدمة للجماهير والادارة والاعبين عند رده بعد شهر ويكون بوقت حساس وهو قبل تصفيات أسيا ؟؟ |
كلام واقعي اذا الفريدي مايبي الهلال يا سمو الامير ليش ماخذينه للمعسكر الي يبايبي الهلال ما نبيه ... |
بطل يا بطل يا بطل شكرا لك |
أبو فيصل انهي الموضوع وكفى مماطله بديت اشك ان ادارة الهلال ترغب بهذا النوع من المفاوضات حتى تظل الاضواء مسلطة عليها اطول فترة ممكنة اتمنى اني اكون خاطئ ولكن اتمنى ان ينهي شبيه الريح هذا الموضوع ويسلمو على الطرح |
إقتباس:
all we hope that is will happen,, we are trusting and suuporting Abo Faisal..... |
إقتباس:
والله لم نكتب الموضوع الا لعشقنا لهذا الكيان وخوفنا على مستقبله حينما تعطى الفرصة لمثل البلوي إخوان للانتقام من الزعيم عن طريق الفريدي؟؟ ولكن اذا بادرت الادارة وحسمت الموضوع تقطع الطريق عليهم حتى لا يشوشو على الزعيم قبل بدء تصفيات أسيا ؟؟؟.. |
ياليت يتم قفل موضوع الفريدي لقد اشبع طرحاً 0 واذا كل شي نبي نمليه على الاداره طلعنا نحن الاداره وهم ينفذون الاوامر فقط0 |
عوافي على الطرح المميز .. الفريدي مصخها والمطلوب من الأدارة انها تكون حازمة مع هالأشكال .. |
ثاني موضوع لك عنك الفريدي ونفس الطريقه ياخي ارتق بفكرك وش الي يرجع من المعسكر الحمد لله مالك سلطه على الهلال ولا كان شفناها بالدرجه الاولى تفكير سلبي عشان ماوقع نحرم انفسنا من خدمات اللاعب هذي ماحد سواها بالعالم وانت تبي تسويها ا |
سأقرأها لاحقا بعد عودتى من الدوام بارك الله فيك على الفكرة |
ياخوي حنا ف زمن الاحتراف والفريدي له حرية قبول عرض الزعيم او رفضه واما حكاية انها مؤامره من البلوي اخوان فهذا كلام المرجفين والناس اللي تسمع وتصغي لوكالة يقولون . الازرق اكبر من ان يؤثر عليه الفريدي او غيره يااخي بسلامته حاب يجدد معنا اهلا وسهلا ماحب الله يستر عليه . انا اعتقد ان مثل هالمواضيع مالها داعي والافضل سحب موضوعك ابرك لك ’,,,,, بارك الله فيك |
إقتباس:
لكن الغير مقبول أن يقوم النادي بالخساره عليه بالمعسكر الألماني, ويقوم المدرب بوضع وتجربة خطط اللعب معه ثم ينتقل لنادي أخر؟ وأن ينتقل ويوقع لفريق أخر بوقت حساس للفريق وهو بعد شهر من الان؟ هذا الغير مقبول ... مثال لا نتمنى تكراره : أخر الموسم الماضي الكابتن الخلوق /عيسى المحياني لماذا وقع مع الاهلي قبل المباراة الحاسمه معهم بأيام؟ وهو أساسي بالفريق؟ الجواب/ أن النادي الاخر يريد عمل بهرجه اعلامية وتأثير نفسي على الفريق؟ وهذا ما نرغب بتفادية... تحياتي للجميع ... |
إقتباس:
|
إقتباس:
ونرفق لكم تأكيد الكاتب الكبير بجريدة الرياض والرياضي الخبير ابو فهد / محمد بن صالح الدويش التغريدة بتويتر: بعد تصريح البلوي"الملغم" بعدم رد الفريدي على عرض الهلال حتى تلقي العروض الأخرى...هل تحسم إدارة الهلال الأمر وتبعد اللاعب عن حسابات المدرب؟: الرابط في تويتر : https://twitter.com/mohd21000/status/220110659239682048ffice:office" /><?xml:namespace prefix = o ns = "urn:schemas-microsoft-com<img src=" /><o:p></o:p> |
برافو عليك ,,, ولكن لا اعتقد ان ادارة الهلال بهذه السذاجه والغباء , لكي يمشيها الفريدي او وكيل اعماله عليهم . المسأله عرض وطلب !!! انت كا اداره قدمت عرضك والاعب اخذ وقت اكثر من الازم . المفروض يحسم بكلمة نعم او لا . يانه يوقع ويبقى اسمه في كشوفات الفريق ,,, او يرفض ويشطب اسمه من كشوفات الفريق ويحل اسم لاعب مكانه ,,, وهو يوضع اسمه في قائمة الانتقالات . هي معااادله سهله ماهو اختراع قنبله ذريه . |
مدري ليش للحين الاداره سأكته بعد تصريح البلوي انه ينتظر دخوله الستة اشهر عشان يختار بعدها الهلال ماراح يأخذ هلله سمو الامير صكه على قائمة الانتقال في كلا الأحوال الهلال هو الكسبان اذا احد تقدم له بعرض نكون كسبنا مبلغ محترم واذا محد قدم له عرض راح يوقع للهلال وبكذا نكسر غروره هالهمغرور ويكون عبره لغيره اما لاعب يماطل فينا وأخرتها يروح ببلاش مصيبه يعطيك العافيه |
اهنيك على الطرح المميز وياليت يرجعونه للرياض |
إقتباس:
كلام جميل ونكون قطعنا على البلوي إخوان مخططهم ويستفيد الزعيم من المبلغ حق الاعاة لمدة ستة أشهر وكذلك نوفر تكاليف المعسكر .. |
والتذكره على حساب الفريدي . الملكي اكبر من الفريدي شخص مادي بحت |
المفروض من الاداره ما تسمح للاعب بالسفر مع الفريق الا بعد الرد على العرض .. وياليت يسرحونه من الحين لان الهلال مو فاضي لمزايدات لاعب لانتماء له ولا ولاء للفريق ... الفريدي ذكرني بالعيبه البرزيليه اهم ما عليه فلوووس والباقي بحريقه .. |
الركادة زيينة يا شباب آحنا عرضنا عرض وافق الله يحيه يماطل مع السلامة الكيان اكبر المششكلة الحيين الكل يطالب بالصرامة معاه وبعدين اذا تسسهل جاك واحد غبي يقول الادارة هي من فرطت في الفرييدي يعمي صراحة شي عجيييييييييييييييييييييب ×_× |
- ملينا من سالفة الفريدي يرحم أمك ي شبيح الريح ارسله على اول طيّاره لاعب يساوم النادي ما يستحق اللعب فيه .. والهلال اكبر من هالاشكال م اقول الا الله يرحم عبد الله بن سعد يعطيك العافيه خوي ع الموضوع .. |
الفريدي قاعد يدلع على نادي الهلال.. بكيفه يروح من ألحين الله يستر عليه |
وااالله انك صاااادق بكل اللي قلته ياليت شبيه االريح يشوف كلامك وييتصرف بنفس طريقتك والله ملينا منه اغلب المواضيع اللي في المنتدى عنه والهلال مايوقف ع لاعب لو كان يوقف كان ماخذذنا بطولات بعد النعيمه والثنيان ونواف التمياط وسامي والدعيع .........الخ وهم كان يلعبون كورة صح مو الفريدي طق طق كورة مرتين قلتو حرام يروح من الهلال روح شوف الاولمبي وش كثرهم افضل من الفريدي وغيره بس مانعطو فرصه ..... |
إقتباس:
ويكون مكانه واحد من الفريق الأولمبي أو الناشئين مثال بدر المرشدي أو خالد القطام أو نواف القحطاني .. |
إقتباس:
إقتباس:
يااخي اي خساره واي كلام اللي انت تتكلم فيه يعني تبي نقول للفريدي رح اجلس ف الرياض لاتروح معنا للمعسكر لانك ماتبغى تجدد معنا ,, ليس هذا من المنطق ولا في روح الاخلاق حتى ولا يتعلق بالاسلوب الاداري الحضاري في التعامل معه او مع اي لاعب ولعلمك كلامك هذا يتنافى مع انظمة ولوائح الفيفا . النظام يقول اذا اراد اللاعب ان يبقى في ناديه بعد انتهاء عقده فله هذا طبعا بعد الاتفاق بينه وبين الاداره واما اذا لم يريد فله حرية اتخاذ القرار بعد دخوله فتره الستة اشهر الاخيره من عقده ويبقى في ناديه حتى يأتيه العرض الذي يريد واذا لم يجد بعد انتهاء الستة اشهر يترك النادي ويذهب لمنزله حتى يجد له فريق . من ناحيتي اقول ان الفريدي أخذ اكبر من حجمه والاداره قدمت له عرض حقيقه لايستحقه والمقدر بمبلغ خمسة ملايين عن كل سنه لمدة خمسة سنوات , انا ارى ان هذا المبلغ مبالغ فيه للغايه ولكنه رفضه . لذلك علينا ان نقوله له وداعا الله يوفقك والزعيم لن يتأثر اطلاقا عند رحيله او رحيل غيره من اللاعبين . |
إقتباس:
أي نظام فيفا ؟ نظام الفيفا يقول لازم يلعب 10 % من مباريات الموسم فقط ويزاول التمارين؟ ويستلم راتبه؟ ولم يقول اذا ذهبت للمعسكر لازم تأخذه معك وتسكنه وتعالجه وتجهزه طبيا ولياقيا للفريق الجديد؟؟ ماذا لوكان مكانه واحد من الفريق الأولمبي أو الناشئين مثال بدر المرشدي أو خالد القطام أو نواف القحطاني .. |
اترك عنك التعميم انا بلوي وهلاي صميم :) وبشرك ادخل منتدى القبيله الرسمي وشوف رابطه مشجعي الهلال رقم واحد بالمنتدي |
يكفي تجريحا ونقد اعضاء ومحبي الزعيم كثر النقد التجريح بالفريدي مؤخرا ويعلم الله انه لايقرب لي ولم يسبق لي مقابلته ... ولكني ارجو من الجميع الانتظار لما سيحدث بعد المعسكر للاسباب الاتية 1 / ثقتنا التامة بحكمة وتصرف غالينا عبد الرحمن بن مساعد 2 / الفريدي منذ انضم للزعيم ويعرف عنه حسن الخلق والاستقامة ومن حقة بحث مستقبلة وعائلته . 3 / الزعيم وعلى مر السنين لم ولن وسيضل باذن الله في زعامته مهما تغير اللاعبين 4 / مطلوب منا جميعا دعم اللاعبين ومؤازتهم لتقديم افضل مالديهم وفق الله الجميع |
إقتباس:
للتوضيح المقصود بالبلوي إخوان فقط (الوكيل/سلطان البلوي وأخوه/ منصور صاحب المواقف الطيبه جدا مع الهلاليين ) .. |
بس حلوة منك احسن مافي الموضوع البلوي اخوان |
| الوقت المعتمد في المنتدى بتوقيت جرينتش +3.
الوقت الان » 02:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd