نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   سمو الامير .. مسموووح لو ما جددت للفريدي !! ولاكن لنرفع راية التحدي!! (http://vb.alhilal.com/t1107401.html)

خبير دلاخه 01/07/2012 01:04 PM

إقتباس:

الرسالة الأصلية كتبت بواسطة الفال الحسن (مشاركة 20336052)
يارجال يقضبونه الباب ويرجع مع اول طيارة ويوقع للي يبي وش شايف نفسه الحين مستواه نازل ويطلب هذا المبلغ الضخم. حقه يطلب لكن بعقل!!

اجل يقولون طالب 7000000 ريال للسنه

ماخذها اللي احسن منه والمخلصين

يالفريدي مع اقرب باب دربك خضر رح لاي فريق تبي

اتمنى يحدد وضعه .. واما يجدد له بعقد مناسب .. أو يقضب الدكه الين ينتهي عقده بعد سبعه شهور !!

اذا بيجدد .. يركز في اللعب .. ويخلي عنه الخمبقه والترزز في الاعلام !!

منور

خبير دلاخه 01/07/2012 01:08 PM

إقتباس:

الرسالة الأصلية كتبت بواسطة سوما الخالدي (مشاركة 20336062)
ان شاء الله الفريدي مججد للزعيم قريبا

تبي الصدق .. ما عاد ودي يجدد !! بجد بجد طفشت من سالفة الفريدي ..

رادوي راح بمرجله .. وقلة شوشره !! وهو افضل من الفريدي بمراااااحل !!! ولا سوا لنا قروشه ولا خرابيط !!

لعب بافضل مستوى . ولما ما قدر يتحمل الاعلام .. جدد السنه الاضافيه .. ودفع الفرق . وانتقل للعين !!

وهو لو بغى .. استعبط في اللعب الين يبيعه الهلال ... بس هنا الفرق في العقلية الاحترافيه :ba1:

مكسور الخاَطر 01/07/2012 01:42 PM

ياخي شيء يقهر الشلهوب افضل ويوقعون معه 4 مليون
ليه الظلم الشلهوب اخلاق وهذا نفسية اصلن هو مايبي الهلال لو يبي بيوقع باي سعر.........

الهلالي ابوصقر 01/07/2012 01:42 PM

الله يختار الي فية الصالح للزعيم

خبير دلاخه 01/07/2012 01:43 PM

إقتباس:

الرسالة الأصلية كتبت بواسطة عبدالرحمن الدوسري (مشاركة 20336085)
طبعا اذا الخبر صحيح اولا .. تعودنا على الجزيره وكل الجرايد كل يوم خبر .. ونص اخبارها اشاعات


ياخي بعض الجماهير تتكلم كن النادي لها .. ولا هو يدفع للنادي شي

وش عليك طلب 3 ولا 5 ولا 7 مليون ..

ياخي ناس حاقده على السعوديين ..

الاجنبي ياخذ 16 مليون بالسنه ولا يسوي شي .. ومستكثرين على لاعب سعودي ياخذ 7 مليون

......


امحق جمهور

انا ما ذكرت الخبر .. لأنه زي ما تفضلت احتمال كبير يكون كلام جرايد !!

انا اتكلم عن المماطله .. والتأخير .. وعدم الوضوح !!

والنادي لي !! ولكل مشجع هلالي !! ولاهو ملك لشخص واحد !! والهلال بدون جمهوره .. ما يسوى شي !!

الاجنبي هذا سعره في السوق !! ودي الفريدي لأوروبا .. وشوف كم بيكون عقده !! قدامك هوساوي بخبرته ومستواه الثابت .. وباليالله جاب 7 مليون في عقد سنتين .. ولا تنسى الضرايب وتكلفة المعيشه والغربه !!

هـ بحت ـلالي 01/07/2012 01:49 PM

اتمنى بيع عقد الفريدي المتبقي وجلب لاعب مثل يحيى الشهري وحمد الحمد

وخل الفريدي على راحته ينتقل للنادي اللي يبغاه

ادفع بالفريدي 7 مليون بالسنه على اي اساس ؟؟

اجيب الشهري وحمد الحمد وكل سنه 3 ونص مليون لمده 5 سنوات

افضل عطاء وحماس

واضف الى ذلك ان الشهري وحمد الحمد يرغبون بالإنظمام لكتيبه الزعماء

محور ارتكاز 01/07/2012 01:51 PM

والله اني داخل بأكتب نفس الموضوع وسبحان لله لقيت سابقني

الفريدي اعطوه اكبر من حجمه 10 مباريات سئ مباراة يبدع ويطيرونه في العجه

ياسمو الامير والله ماراح نزعل فالكيان اهم ولامجال للمساومات والمزايدات وغير الفريدي 50 لاعب خلوه يروح ... لن نزعل

عطوا عبدالكريم القحطاني لاعب درجة الشباب فرصه فانا تابعته في بعض اللقاءات افضل من الفريدي بمراحل بس يحتاج للتوجيه

يعطيك العافيه

رضيان 01/07/2012 01:56 PM

جددوا له وخلوه احتياط .......... اقتراح

احم6د 01/07/2012 02:00 PM

لا اعلم عن ما يدور فعلا بين الادارة واللاعب في المفاوضات ولكن حتما الكيان لدي اهم من الاشخاص فان كان فعلا الفريدي يطالب الادارة بمبالغ عالية للتجديد وهو حق مشروع له في ظل الاحتراف وان كان احتراف على الورق فقط الا انني ارى ان لايعطى مبلغ كبير ومبالغ فيه وان يترك للذهاب الى الجهة التي تزين له ترك الزعيم ان صح ذلك فعلا حتى لا يقع الكيان في مطب المساومات مستقبلا خصوصا ولديه جيل شاب مميز ومطمع لكل المنافسين وسيسعى الاخرين للتخريب على الاقل ورفع اسعارهم عند قرب انتهاء عقودهم فلا بد من التنبه ذلك ووضع الية صحيحة تتوافق مع مكانة وسمعة الزعيييييييييييييييييييييييم

الواعظ 01/07/2012 02:14 PM

لا تستبقون الاحداث والجريدة تقول علمت يعني اجتهاد صحفي
لا بد ننتظر لين الادارة تعلن ويا ناس ترا اللاعب لازال هلاليا
ويتمرن مع الفريق وبأذن الله تتم الامور علئ خير .....

:: ALOTAIBI :: 01/07/2012 02:45 PM

مدري الفريدي مسي على غفله يومه يتدلع

انا صراحه احب اشوف الفريدي في الهلال بس اذا كان هالكلام صحيحه اقول لسمو الامير مسمووووح ياذيبان

AbdulRahman bin Mohammed 01/07/2012 05:06 PM

الفريدي راح يوقع للزعيم،ما اعتقد فيه نادي بالسعوديه يدفع للفريدي مثل الزعيم لذلك أنا شايل فكرة الفريدي يروح لنادي غير الهلال الا للاحتراف الخارجي.

هلالي راس مالي 01/07/2012 05:18 PM

هاللاعب بارد ورفعه ضغط وفوق هذا شايف نفسه الاسطوره
ينااس رجعوووه وفكونا منه والله عااااااااله وبيخرب لاعبينا بطلباته
ولا يسوى 2 مليون وواجد عليه

ابوهلال15 01/07/2012 05:44 PM

ننتظر موسم مثاأأألي ان شاء الله

نمر أزرق 01/07/2012 06:11 PM

إقتباس:

الرسالة الأصلية كتبت بواسطة عبدالرحمن الدوسري (مشاركة 20336085)
طبعا اذا الخبر صحيح اولا .. تعودنا على الجزيره وكل الجرايد كل يوم خبر .. ونص اخبارها اشاعات



ياخي بعض الجماهير تتكلم كن النادي لها .. ولا هو يدفع للنادي شي

وش عليك طلب 3 ولا 5 ولا 7 مليون ..

ياخي ناس حاقده على السعوديين ..

الاجنبي ياخذ 16 مليون بالسنه ولا يسوي شي .. ومستكثرين على لاعب سعودي ياخذ 7 مليون

......



امحق جمهور



صح لسانك يالذيب

كفيت ووفيت


الوقت المعتمد في المنتدى بتوقيت جرينتش +3.
الوقت الان » 04:36 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd