|
هل صحيح تلك الأحصائية عن المندسين !!! اخواني اخواتي اللافت للنظر في الفترة الأخيرة استخدام غالبيتنا لمصطلح دخيل علينا وليس من اخلاقيات اي هلالي منتمي لمنتدانا رأيت عضو يقول لهلاليه تعشق مبارك روحي فللي شعرك يامندسه والثاني يقول المنتدى مقتحم والثالث يقول نصفنا مندس ونصفنا مدري وش فيه .. ياعالم ارتقوا بكتاباتكم .. ان رغبتم الآخر يحترم رأيكم ويحترمكم احترموا الآخرين .. ابدي رأيك دون فرضه وبدون تجريح ودخول في الذمم .. يستحيل ان نتوافق في الرأي ولكن من الممكن ان نتوافق في احترامنا لأنفسنا والآخرين ومن الممكن جدا ان نتفق على حب الهلال !! اذا لماذا لا نكون في نفس القارب ونفس الأهتمام والميول ؟؟؟ والله ثم والله ثم والله اشوف اغلب ردود الهلالين على بعض واحس اني في منتدى الفقراويين . ياجماعة اتركوا مصطلح مندس انبذوها هي ليست لنا احسنوا الظن وان كان هناك شخص مندس لن يلفت نظر احد ولن يؤثر برأيه على اي شخص عاقل اتركوهم في حالهم وخلوا منتدانا بما عرف عنه من الرقي والتعقل والتميز . رسالة لمن يهمه الأمر |
كلام رائع . الله يعطيك العافية. |
فيه مندسين كثير في شبكة الزعيـم امس الصباح كافشين نصراوي مندس كان يطالب بـ استقالة ابو فيصل في اغلب ردوده و اخر شي خربها و افصح عن ميولة و تم التعامل معه وفق الاجراءات المعمول بها بـ شبكة الزعيـم :d صفات المندسين معروفه و اغلبهم يجي وقت الازمات زي ملف المدرب و الي تم فيه كشف ذالك المندس الوقح ولكن بعض الاعضاء الله يصلحهم يبالغ في اطلاق وصف المندس :d |
إقتباس:
صحيح كلامك اخوي وانت تؤكد ايضا صحة كلامي حينما اقول ان المندس فاضح نفسه لكن لايجب ان نستغل تلك الكلمة حتى مع الهلاليين .. هذا كان قصدي . شاكر لكم مروركم . |
فيه مندسسين محد ينكر هالشيء .. نختلف بالآراء .. لكن نتفق في حب ومصلحة الكيان |
إقتباس:
وآخونآ خلأهآ وآحد وثآني وثألث ، :d:d مدري وش فيه ركز على ردودي وخلأهآ أحصائيه :s5s: ترى فيه أعضاء غيري وقسم :s2: ،، آلله يعيـن بس s118s |
إقتباس:
وفيه للأسف ناس تكتب بتوجهات وأفكارالمندسين يعني لافرق . لأن هذا وذاك مايجي منهم إلا اللف والدوران في موقع الزعيم مانحب نرى مفردة وكلمة مندس أبداً لكن لما يتسلل هؤلاء للموقع ويسمح لهم بنشرسمومهم فلابد أن تطلق عليهم كلمة مندس بكل وضوح وصراحة |
إقتباس:
وماقلت انت بحد ذاتك .. عموما نصيحة لك ولأي هلالي اعتبره اخ وعزيز نصيحة عدم الدخول في الذمم .. ومو كل شخص يختلف تفكيره ورأيه عن تفكيري ورأيي اقول عنه مندس .. بمعنى ان لم تكن معي انت ضدي ... نعم لم دخلت لغالبية المواضيع وعملت احصائية راح تلقى كلمة مندس اكثر كلمة مستخدمة في كل الردود ..وسلامتك |
إقتباس:
ياربي لك الحمد |
إقتباس:
منع تواجدهم .. لكن لو ركزت في كلامي .. قصدت بعض الأعضاء وانا كلي ثقة في هلاليتهم يتهمون آخرين ينتمون للهلال وجدتهم يتبادلون الاتهام وينعتون بعض بالمندس .. انا وانت وكل عاقل نعرف حروف المندس ونعرف مقاصده .. وان وجد ذلك المندس بامكاني وامكانك ان اثبتنا ذلك ان نبلغ عنه دون الأساءه لاي شخص .. هذا ما اردت ان اصل له .. شاكر مروركم |
اخالفك الرأي والشبكه حاليا اصبحت مرتعا للمندسين اكثر من ذي قبل بعد افساح المجال للكل بالكتابه ونشر المواضيع مباشره ومااتمناه من المسؤلين عن الشبكه ان تعود سياسة المنتدى سابقا حينما كانت تقيم المواضيع قبل نشرها اتمنى احد يسمعني وصعب صعب حاليا السيطره على كل شارده ووارده وللاسف بعض المندسين يدخل ويكتب وينشر مواضيع لاثارة الجماهير الهلاليه وتفريقهم وتضليلهم وللاسف البعض انجرف معهم واقسم بالله ومتأكد من كلامي ان بعضهم يمتلك اكثر من عضويه ويرد على نفسه ويثير المشاكل والفتن بين الهلاليين |
تراه موقع نادي ماهوب شي حساس يدخل بسلامته اهم شي اي عضو يدخل ويسئ للكيان الأزرق يحذف هو وموضوعه وبعدين كلمة مندس قوية والله كأنه يأخذ معلومات مهمة ، يا إخوان تراها كورة يدخل والا ما يدخل شي عادي جدا والموقع اصلا موضوع لأخبار الفريق ولمشاركة الاعضاء اهم شي الإساءة مرفوضة تماماً وترا كل موقع رياضي كل الناس يدخلون فيه ، ويكفينا فخر ان مشجعين الفرق الاخرئ يدخلون ويزورون موقع مثل موقع الزعيم الملكي،،، |
انا بالنسبه لي لم يعودوا مندسين بل اعرفهم من لحن القول 0 |
إقتباس:
ترى شهرة العضويه بردي <~ :d وانا اللي رديت وقلت نصف الشبكه مطبلين ونصفهآ مندسين رد على احد الأخوان ، وكلهآ من موضوع وآحد ، وانا بعد اللي قلت الشبكه محتله من جماهير الأصفرين سلأمآت ؟ ترى انا اعرف وش اكتب ، وترآي مسنتر في الشبكه من 2006 بس عضويتي طست ، مآنيب توي جديد ، يعني لآتلفهآ وتقول أكثر من مثال اكثر من مثال علي :d الله يخآرجنآ ، ع العموم الشرهه على المشرفين بصرأحه ، اللي خلو كل من هب ودب ينزل موضوع صار باليوم الواحد 5 مواضيع عن لاعب واحد ، وكانه منتدى اللآعب الفلاني موب منتدى نادي وبعضهم يستغل انقسسآم الجمآهير حول موضوع معين ، ويستقعد موضوع ورى موضوع كلهآ بنفس المضمون ، الله يوفق الملكـي ، |
وش فيها كلمة مندس اجل على كلامك نحط الحبل على الغارب وكل من هب ودب قام يسب ويقيل ويشيل ويحط ولا همه مصلحة النادي همه التخريب فقط فلازم يفضحون مثل هؤلاء اشكرك |
| الوقت المعتمد في المنتدى بتوقيت جرينتش +3.
الوقت الان » 01:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd