بالعامي::: والله العظيم أنكم تحيرون اللي ما ينحير ....!! - نادي الهلال السعودي - شبكة الزعيم

XxROYALxX · #1 23/06/2012, 09:12 PM

السلام عليكم ورحمة الله وبركااته

أخوااني وش فيكم ذابين على شبيه الريح

....؟؟
عشان المدرب ؟؟ << باقي 8 أيام ويبدأ المعسكر

سؤال يسدح نفسه وش فايدة المعسكر؟؟
أنا أعطيكم الجواب

عشان المدرب يتعرف على الاعبين وعلى النادي.

ـــــــــــــــــــــــــــــــ

طيب تتوقعون لو وقعنا مع المدرب اليوم .. أو قبل شهر أنه يبي يجي الرياض ويحووم بهالشموس عشان يتعرف على الاعبين ..

الجواب: لا .. ليه ؟؟؟

عشان عنده إجازته الخاصه

طيب متى يقلب أوراق الفريق ويشوف فيديوهات للاعبين ...؟؟
بالمعسكر اللي راح يكون بألمانيا

وبالنسبه للاعبين صرح الأمير وقال أنه فيه 2 محاور غير هرماش المدرب راح يختار واحد منهم.
و3 مدافعين .. برضوا المدرب راح يختار واحد منهم.
وتقريبا يوسف العربي راح يروح وفيه كذا صانع لعب الهلال متفق معهم.

فهمت أنت و وياه

{{ تراني طيب بس تحمست شوي

}}

ـــــــــــــــــــــــــــــــــــــــــــــــــــــــــــــــــــ

أبي أتكلم عن نقطه أخيره ..

الكل طالب من شبيه الريح يتعلم من أخطاء الموسم اللي فاتت صح ولا لآ ...؟؟

العام كان كل صفقه في الهلال .. الإعلام يكون جايب تقرير عنها وكم المده وكم قيمة العقد ومتى التوقيع <~~ قبلها بأسبوع والعالم داريه.

هذا هو الأمير تعلم من أخطائه والإعلام تايه <~~

لا للتخريب

والسلام عليكم ورحمة الله وبركاته

تحياتي

((هلالي يعشق الزعيم بــ القلب و العقل))

‪Faisal Al-Juhani · #2 23/06/2012, 09:17 PM

لو كلامك صح
شوف الهلال متى وقع مع قريتس ومتى وقع مع توماس دول
وشوف اي موسم الافضل
الهلال وقع مع جريتس قبل بداية المعسكر بأكثر من اسبوعين
اما توماس قبل المعسكر بكم يوم
وتعرف ليه الجمهور يطالب باالاستعجال ع المدرب
افهم يافهيم

بن جبله المطيري · #3 23/06/2012, 09:18 PM

ان شااااااء الله يكوووون تفاااااؤلكـ بمحلهـ...

اتمنى ان يحمل هذا الاسبووووووع اخباااااااار ساااااره لنا......

مشكووور.....

هلالي عالي الهامة · #4 23/06/2012, 09:21 PM

يا ذكي وين ذا المدرب الممتاز الي قاعد يحتريك تتفاوض معه قبل معسكرك .. بالله تتوقع حاط يده على خده يحتريك ... كل يوم يمر عليك بدون ما تتحرك يروح من السوق المدرب الجيد وكذلك اللاعبين الممتازين ولا يبقى الا غير المرغوب فيهم او اللاعبين ذوي المستوى العادي وانت خلك على معسكرك يارجال تحسسني ان كل مدربين االعالم ينتظرون هالمعسكر حدث العاقل بما لا يليق فان صدقك فانه لاعقل له

hotball · #5 23/06/2012, 09:24 PM

إقتباس

الرسالة الأصلية كتبت بواسطة هلالي عالي الهامة


	يا ذكي وين ذا المدرب الممتاز الي قاعد يحتريك تتفاوض معه قبل معسكرك .. بالله تتوقع حاط يده على خده يحتريك ... كل يوم يمر عليك بدون ما تتحرك يروح من السوق المدرب الجيد وكذلك اللاعبين الممتازين ولا يبقى الا غير المرغوب فيهم او اللاعبين ذوي المستوى العادي وانت خلك على معسكرك يارجال تحسسني ان كل مدربين االعالم ينتظرون هالمعسكر حدث العاقل بما لا يليق فان صدقك فانه لاعقل له

يسلم فمك يا شيخ تحسسني ان الجماهير خلاص توعت ولاعاد يمشي عليها كلام التخدير هذا

أمير الشرق · #6 23/06/2012, 09:26 PM

إقتباس

الرسالة الأصلية كتبت بواسطة hotball


	يسلم فمك يا شيخ تحسسني ان الجماهير خلاص توعت ولاعاد يمشي عليها كلام التخدير هذا

+111111111111111111111111111111111111

XxROYALxX · #7 23/06/2012, 09:39 PM

إقتباس

الرسالة الأصلية كتبت بواسطة بن جبله


	ان شااااااء الله يكوووون تفاااااؤلكـ بمحلهـ... اتمنى ان يحمل هذا الاسبووووووع اخباااااااار ساااااره لنا...... مشكووور.....

إن شاء الله .. بإذن الله

الودعاني210 · #8 23/06/2012, 09:41 PM

نتظر ونشوف واذا ماصر اللي يعجبنا ابوفيصل ارحل وحنانحبك

[ سلطآإن,آلروقي ] · #9 23/06/2012, 09:43 PM

لا احسن مايجيبون مدرب الا قبل اول مباراه في الدوري بيوم..!!

..

التطبيل للاداره في غير مصلحة الزعيم لاينفعك ولا ينفع الاداره..

XxROYALxX · #10 23/06/2012, 10:17 PM

^^^^^^^^
ليس بتطبيل .. ولكن هذا الواقع

هـ ـلالـ ـي20 · #11 23/06/2012, 10:21 PM

اعتقد تأخرنا كثيير في المدرب .. مفروض قبل يبدأ المعسكر بأسبوعين
مفروض المدرب يكون متواجد في النادي + المحترفين الأجانب
الوقت يجري .. وباقي 41 يوم على بداية الدوري .. اصحووا ياعالم

neno alhilal · #12 23/06/2012, 10:21 PM

الواضح انوه راح يكون موسم لنسيان بعد !!
عسى الخسائر تكون محدوده

أميـــر الليل · #13 23/06/2012, 11:41 PM

-

واللههَ سالفةة تأخيير المدرب والكتم على اخباره ما تبششر ب الخيير !

صامت في زمن هزاز · #14 23/06/2012, 11:55 PM

طيب ممكن تفهمني
متى يجي المدرب؟
متى يقيم اجانب الهلال الموجودين؟
متى يطلب اجانب محددين باختياره(وليس فرض من الاداره)؟
متى يتم التعاقد معهم؟

هالسالفه يبيلها نص موسم بين مفاوضات واخذ ورد
الا اذا اللاعبين ماعندهم عقود وصافين ينتظرون التعاقد
او اذا كل شي منتهي مع الاجانب هذا كلام ثاني

تحياتي مع أرق المنى

فتى الازرق .. · #15 24/06/2012, 12:00 AM

ان شااااااء الله يكوووون تفاااااؤلكـ بمحلهـ...

اتمنى ان يحمل هذا الاسبووووووع اخباااااااار ساااااره لنا......

مشكووور.....