نادي الهلال السعودي - شبكة الزعيم - الموقع الرسمي - ما بين ياسر القحطاني وعصام الحضري .. تشابه تسويفات و اختلاف مسببات .. للنقاش

شوف ياأخويا ومعليش أنا يمكن أطول في كلامي, بس إنت عارف الشياب وكتر قرقرتهم:yes:

مسألة التصاريح مسألة جانبية وهي ماهي الأساس في الحكم مع إني أتفق معك 100% في إحترام الفريق في كل وقت وعدم قبولنا الإساءة له.
ولكن الأساس هو الجاهزية والأفضلية الفنية, وهذي حكمها عند المدرب والمفترض إحنا كجمهور ندعم اللي يلعب سواء ياسر أو بيونق أو العربي أو أي واحد جديد راح تجيبه إدارتنا.
وكمان لازم نقتنع إن الهلال عانى في هجومه السنة اللي راحت رغم وجود عيسى والآن بعد خروج عيسى صارت عودة ياسر ملحة أكثر (مع إني شخصيا ماأتمناها,, مو بسبب مستوى ياسر ولكن لأسباب نفسية عند الجمهور مو عند اللاعب)

بالنسبة للكلام والتصاريح, فكلام ياسر مع احترامي لك أهون من كلام الإدارة عن ياسر سواء في دا الصيف أو الصيف الماضي وياسر كانت غلطته الكبيرة هو غالبية كلامه اللي قاله في تويتر في يوم ماتكلم عن تصريح إيمانا ومدري إيش مع إن بعض كلامه منطقي (خصوصا نقطة الجمهور والتشجيع) بس ماكان له أي داعي ولو إن الواضح لي إنها كانت ضربة من تحت الحزام :d وجهها ياسر للجمهور.

ياسر من بدايات إعارته وفي لقاءات تلفزيونية كان يقول أنا مشتاق للهلال وجمهوره وحتى قال في لقاء (ياليت لي جناح وأجيكم)
بينما إدارتنا من السنة اللي راحت ومن أول ماطلع الكلام عن مفاوضات العين, ماشفنا واحد يقول ولو بالكذب (لالا هذا ياسر كابتن الفريق وولدنا ومانستغني عنه) هدا الكلام حتى لو إنه بسيط فهو ممكن يكون ورقة ضغط على اللي تفاوضه وتقدر تخليه يدفع لك زيادة بعكس لما تشعر الفريق التاني إنك مستغني عن اللاعب ومو هامك,
أما إنك تطنشه وتتعامل مع أخبار المفاوضات وكأنك ماصدقت تجيك, وبعيدن تجي تقول (والله اللاعب راح برغبته) أكيد برغبته, لكن ليه ماتسأل نفسك إش هو اللي خلاه يرغب في هذا الشي؟؟
وإذا ماأنت فاهم كلامي في دي النقطة شوف كيف الأهلي الإماراتي ساحب على الهلال في مفاوضات إيمانا وفي النهاية راح ياخذوه بشروطهم, وتذكر وقتها كلامي:cry:

وحتى كلام رئيسنا عن ياسر هدا الصيف كان يقول (إحنا ماراح نقبل إعارة ياسر مرة ثانية) وطبعا تكملة كلامه اللي ماقالها واللي واضحة جدا وفهمها العين بسهولة (ولكننا راح نقبل نبيع عقده):d وطبعا مافي نادي راح يعطيك مبلغ عالي وزي ماتتمنى في لاعب باقي في عقده سنتين, يعني ممكن إنت وتحت خوفك من خروجه مجانا تجيني مرة تانية وتقول وقع معاه بالعرض اللي تبغاه:d
مسألة تقييم السعر ماهي بس مسألة كيف مستوى اللاعب وكيف بيخدمني, لا فيها أمور كثيرة خصوصا عند الفرق اللي عندها ناس متخصصين للتعاقدات مو أحمد محجوب لحاله:d
عشان كدا أنا أشوف إن فكرة الإعارة بنفس عرض الموسم الماضي كان فكرة مربحة للهلال وممكن قريب نشوفها خصوصا بعد تصاريح أمس.
المهم في نقطة التصاريح, هو إن الإدارة من بدأت التعامل مع ياسر بهذه الطريقة (التي لاتفيد الهلال ولا اللاعب) والأهم هو إنها في الآخر راح تبقى كلام×كلام وياليت نخلي بالنا في الشي اللي يخدم الفريق فعليا.