|
ياسر وياسر وياسر ! السلام عليكم كيفكم زعماء وزعيمات ؟ انا ما وضعت هالموضوع الا من بعد مارأيت الجمهور منجرف وراء ياسر .. وانا ما اقول لاتطالبون بعودته وخلوه ! لكن ياجماعه بحدود المعقول .. انا اشوف المنتدى كله يقول ماينلام وماينلام .. تسأله ليه ماينلام ؟ يقول الي تعرض له شيء كثير !! يا اخي لاعبين في اوروبا يتعرضون لإساءات عنصريه ! ويلعبون افضل لعب ولا عليهم ! وليه نروح بعيد ؟ سامي الجابر اكثر شخص محارب من الإعلام ! كان مستواه كـ لاعب ثابت وكأداري شغله ممتاز ولا يلتفت ! اما ياسر فأنا ووالله العظيم من محبينه ! لكن اشوف الناس تتكلم كأن ياسر بعد كل مباراه ينضرب ويتعذب ! رجاءاً شوية عقلانيه ياجماعه .. ياسر لم يعد يريد الهلال وجمهوره .. فـ بالتوفيق له ان ذهب وحياه الله ان جاء هذا كل الي عندي واتمنى منكم العقلااااااانيه العقلااااانيه يازعماء ويازعيمات ! دمتم بـ ود . |
بالعكس ياسر عشق الهلال ويجب يقاعد ويخدم الهلال هذا واجب مشكوووور على الموضوع وااصل يا بطل |
اتمنى ان يكون لدى شبيه الريح الجراه بالتخلص من ياسر وجمهوره |
عندنا عينات من الجماهير مدري وش تبي بعضهم يحارب نجم عشان نجم ويتركون الكيان هذولا اسميهم مشجعين لاعبيين مو كيان ابي مصلحة الهلال سواء ذهب ياسر او جلس الاهم البطوله الاسيويه اما باقي الكلام ماراح يقدم ولايأخر |
: ياسر وياسر وياسر ! إقتباس:
|
إقتباس:
اجل برشلونه ياحبي لك نادي الشعيب مايبيه :d |
والله ياعزيزي جمهور يسوري زودها كثير تدري انه خلو اسطورة عمرك شفت مهاجم يلعب 6 سنوات اساسي في افضل فريق سعودي وعنده افضل خط وسط في المملكه ولامره يحقق هداف الدوري وناصر الشمراني اللي لعب 5 سنوات مع الشباب محقق هداف الدوري 4 مرات الى الان ياسر 6 سنوات اساسي ولاعمل لنا اي شي في دوري ابطال اسيا ولاحقق اي بطولة اسيوية في تاريخه ليش الشلهوب اللي خدم الهلال 12 سنه في الفريق الاول وحقق 24 بطولة مع الهلال ماياخذ ربع الهاله الاعلامية والجماهيريه مثل ياسر فرق بين لاعب خلوق ككسب احترام الجمهور داخل وخارج الملعب وحقق كل شي مع الهلال مثل الموهوب وبين لاعب للاسف مثل ياسر اخذ من الهلال شهره واعلام وتطبيل يومي وللاسف ماقدم للهلال ربع اللي قدمه غيره ياسر حاليا افلس فنيا 8اهداف في دوري اماراتي فقط وقالوا عليه رجع لمستواة ويطالبون في عودته اجل العربي مسجل 12في اول موسم له في الدوري وحطم رقم ياسر اللي ماتعدى 10 اهداف في الدوري من موسم واحد والجمهور يطالب برحليه !!! |
والله ياسر مكسب لاي فريق هو اللي انا اشوفه المهاجم اللي يملك كل صفات المهاجمين اتحداك تلقى احسن منه في السعوديه والخليج لو ياسر اجنبي كان تمنيناه احنا مو جمهور ياسر احنا ججمهور الملكي ونبي نحافظ على نجومنا |
المشكله كل اللي يقولوون جمهور ياسر مو جمهور الهلال ............................... اشوف اسمه وصورته حاط شخص ما هو في الهلال رادوي سامي مع انهم من افضل اللاعبين . |
موضوع اخذ اكبر من حجمه . ان جاء ياسر لهلال يامرحبا وان قعد بالعين الله يوفقه . ماعمر الهلال وقف ع لاعب راحو الاساطير والهلال مازال الهلال يصعد المنصات ويتوج بالبطولات . الله يوفق الزعيم دوم ان شاءلله . شكراً لك . |
ياسر لاعب كبير ماقلنا شي ! لكن لا تجننونا فيه الفريق الآن مقبل على مرحلة تعاقد مع لاعبين اجانب ومدرب .. نركز شويه وبالنسبه لياسر لو يبي الهلال راح يقول ابي وراح يرفض عرض العين .. ولو مايبغى الهلال راح يتركه ويمشي والله يستر عليه ان فعل ذلك ! مطبلين من عالم اخر . |
ياسر ياقهرهم يامجننهم .. ان شاء الله ياااسر بيرجع والأدارة تستقيل او تقااال المهم تفكنا منها ومن اصدقائها .. بالله قد شفتو سواق رئيس نادي يفاوض مدرب ... والله شغل شفط فلوووس نادي ... |
افضل مهاجم في الشرق الاوسط وقائد الزعيم الآسيوي نادي القرن وراح يشيل كاس اسيا بإذن الله تعالى |
حاطين سامي مضرب مثل على طول اولا ياسر يختلف عن سامي من حيث المهاره فالقحطاني كنز مهارات وثانيا سامي لم يتعرض له احد في الملعب من الجماهير وهو اقل خطورة من ياسر على الخصم ثالثا سامي لايلعب لوحده في الهجوم معاه دائما لاعبين أجانب افضل منه والعيون مسلطه عليهم رابعا خلفه وسط من افضل الخطوط في تاريخ المملكه ويكفيه وجود الثنيان ومعه التيماوي وابوثنين والموينع واظهره نيران الدوخي والرشيد كأنهم مهاجمين خامسا من قال لك ان مستوى سامي ثابت احيانا يسجل واحيانا يصوم فترات طويله ومنها صيامه موسم كامل |
اقولها بصوت عالي لاعب لايستحق شعار الهلال ابدع سنة وبعدها صار غصة في حلق الإدارات بسبب جمهور يسوري هذي وجهة نظر انسان يحب الهلال ويكره المجاملات القائمة على التميلح والقصة والدبلكيك فعلا منتدانا للأسف ابتلا بكثير من اعمار دون العشرين سنة اللي كل همه لاعب حلو ينفع يصير خلفيه لجواله |
ياسر آخذ من الهلال آكثر من آعطاه ! ويكفي ماعمله في آخر موسمين مع الهلال من مستوى سئ ! واستغرب تمسك جماهيره به بعد آن عرآه سامي في صدى الملاعب ! وبعد مقارنته بجمهور العين بجمهور الهلال وتحدثه عن سالفة آيمآنآ ! وسوابقه الكثيرة من تبطحات ومستوى سئ بالمباريات ! |
دام ادارة المنتدى تريد الشغل مقارنات فياسر مهاجم شال فريق الهلال اربع سنوات ومعه وسط معاق وسامي كان يوسف يقوله كم باقي لك علاشان تسجل في الرائد. سامي سحب على الفريق وعقده لازال ساري ورافق ابن مسعد في فرنسا وترك فريقه ياسر جدد مع الرئيس في المعسكر وسامي يقول باقي لي مليون عند الهلال ياسر تنازل عن 23مليون صفقته مع القادسيه ودفع من جيبه من اجل ينتقل للهلال ياسر اخذ الهلال منه كل شي ووقف ضده مسئولين في الهلال لا لشي انما لجماهيريته ياسر اخذ منه الهلال 3.5مليون دولار اعاره لموسم وسامي اخذ من الهلال عمولة جميع الصفقات الفاشله ياسر الان يعتبر لعب للفريق بلاش ومطلوب بعقد اكبر من عقد انتقاله للهلال 24مليون ويريدون اكثر وسامي سحب على الامير عبدالرحمن وراح دوره تدريبيه في بريطانيا وحصلت مهزلة العام والان رايح يدرب في فرنسا وساحب على الفريق وعلى ابن مساعد وباقي عضو اداره والامر الناهي في الفريق سامي يدور مصلحة نفسه فقط ومستعد يسحب على الهلال لو جاه بكره عرض من النصر وياسر يقول انا لاعب هلالي وكل شي بيد الاداره وتكذب الاداره وتقول مافيه مفاوضات وهم جالسين يزاودون في البيعه علاشان تكتمل مصاريف سامي في اوكسير وصيفية بتال وتوفيق شكرا لمن يستحقه.......... |
كل ماشوف المقارنات بين لاعبين الهلال ومن جماهير اللاعبيين اضحك واحزن بنفس الوقت تعلمو بحب الكيان واحترام لاعبيين الكيان وكفى من المقارنه اللي اخر خبري فيها وناقشت فيها ايام الابتدائي |
الله يوفق الهلال كان ياسر موجود او رحل |
بحوول الله راح يبقى في الهلال ويشيل كأس اسيا رغم انووف الحاقدين وضعفاء النفوس ويوصلنا للعالمية الحلم المنتظر اللي كل سنة نقول جاينك ياآسيا ولا جينها الا والله من جنبها يارب نروح للعالمية بأمانه حرام الهلال مايروح للعالمية جمهور الهلال انضغط كثير ولازم الهلال يتأهل للبطولة قريبا بحول الله اعرف في ناس منهم يقول مانبي دوري ولانبي بطولات محلية نبي اسيا ونبي نورح للعالمية عشان نصير مثل الاتحاد والنصر يارب نرو للعالمية في اقرب وقت العالمية اصبحت كلمة قوية على النفس اتمنى يجي الوقت جمهور الهلال يردد العالميه صعبه قويه آآآآآه كم انتي صعبه يالعالمية اما يقودك ياسر للعالمية ولايحقق دوري الكرة السعودية اتوقع اسيا اذا ماخذها الهلال بياخذها الاتحاد والعلم عند الله ويكون الاتحاد ثاني مرة يشارك بالعالميه وحنا نتمنى ونتحسر والله على ضياع فرصه على طبق من ذهب ودي اغمض عين وافتح عين واحنا عالميين |
ياسر واجه اعلام قوي وشديد وكلمات بذيئه من الجماهير وكل خساره يحملونها عليه ف وش رايك أكيد بينزل مستواه ولا لو انه واحد ثاني وربي ان يعتزل كرة القدم ! صبراً جميلاً ي ياسسر !$ |
ياسر القحطاني شخص بالغ وعاقل ويعي تصرفاته ويستطيع تحديد مصيره |
إقتباس:
2- ياسر القحطاني مش هداف ايش عمل لفريقه كم بطوله حملها مع الهلال وصل المنتخب بقيادته الى نهائي اسيا سبحان الله ناس تحب تقلل من انجازات ناس وماتعطيهم حقهم مين قال اللي يتعرض للأسائه مايتعب شوفوا ايتو كانت الجماهير تهتف ضده بعنصريه ترك الفريق وانتقل لاخر |
قبل لاأتكلم في فرق بين الأجانب والعنصريه وياسر والكلام اللي تعرض له وبعرضه والعياذ بالله ومن ديرته :( وأصل كلامي العادات والتقاليد بينهم وبيننا !! :) بالنسبه لموضوعك .. مثل ماقلت لو نكون واقععيين هالشئ قدديم :) أما أستمرار الهتافات لليوم فهو مجرد كلام من الخصوم لتهبيطه والتأثير عليه بطريقتهم ! يعني خلاص ياياسر مو معققوله لاتقول ذولا مايهموني ومريضين ومادري ايش وبالنهايه تصدمنا وتتمنى البقاء مع العين إذا بالفعل بترد عليهم ياقناص أرجع لمستواك ثم لناديك والحمدالله بدا يتحسن مستوى ابو عزوز :) والمفروض أنت تفرح قبلنا وأكثر مننا برجعتك للهلال لاكن أبدا ماتوقعت يصير كذا !! مفاوضات من جديد وتصاريح بأمنيته بالبقاء هناك و و . . . الخ عمموماَ أن رجع ياسر حياه الله هذا بيته الأول :) وأن رجع للعين بما أن عقده أنتهى كل أمنياتنا له بالتوفيق وتشريفنا هناَك :) والله يووفق هلالنا دائما وأبداَ .. :ba: يعططيك العافيه .. :rose: |
السلام عليكم افول من شاف احبابة نسي اصحابة و من ما يحب البيزاااااااات و صدق المثل |
ياسر خدم الهلال ويستحق منا كل الشكر والتقدير0 والحقيقه ان مستوى ياسر لم يتغير مع العين عن وضعه السابق مع الهلال واكيد لو رجع راح تكون الضغوط عليه اكبر وارجو من الجماهير الهلاليه لاتحمل ياسر فوق طاقته0 وعلى جماهير ياسر ان لاتقحمه في مقارنات خاسره مع سامي الجابر لان ذلك يضع ياسر في وضع لايحسد عليه0 |
إقتباس:
ياشين المندسين s121s كلامك خله لك لو سمحت ورح منتداك الله لايهينك وخلنا بحالنا :alzaeem: |
ياسر لاعب كبير واعتقد ان تفكيره في بقاءه في نادي العين بغض النظر عن الجانب العاطفي في الجماهير الهلاليه مكسب كبيرللاعب كقيمه ماديه وكمكاسب اخرى واعتقد اي احد في مكانه سيفعل مثله خلونا من العواطف على جنب ... مودتي.. |
اتركو ياسر للادارة والمدرب لاتشغلووون نفسكم |
وعليكم السلام ياسر لاعب هلالي وسيستمر بإذن الله حتى يعتزل ولازال ياسر لديه المزيد ليقدمه للهلال وماتعرض له ياسر لم يتعرض له أي لاعب سعودي إقتباس:
ياسر كلامه واضح الهلال وجمهوره عشقه الأبدي يعطيك العافية |
ليه المواضيع كثرت عن ياسر وليه في كل موضوع تنتقدونه ويش ذنبه ياسر اذا الاداره ماتبيه الاداره فتحت باب التفاوض عموما الله يوفق ياسر في اي مكان والله يوفق الهلال في كل مكان وزمان |
- كثرت المواضيع على الفاضي صراحههَ .. الله يكتب اللي فيهه الخييير ! |
اتمني رحيله ياسر مكسب لاي فريق جماهيريا فقط (( انتهي فنيا )) |
| الوقت المعتمد في المنتدى بتوقيت جرينتش +3.
الوقت الان » 02:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd