اعشق الهلال لذلك اتمنى بقاء ياسر القحطاني... - نادي الهلال السعودي - شبكة الزعيم

ملكه في مملكه الزعيم · #1 15/06/2012, 07:18 PM

بسم الله الرحمن الرحيم
السلام عليكم ورحمه الله وبركاااته

اقرأ كل يوم والثاني (العين يقدم عرض لشراء عقد ياسر, عبد الله بن مساعد يقود المفاوضات...الخ) ابدا ماصدقت واقول هذه اخبار صيف لا اكثر ولا اقل ادارة الهلال مستحيل تبيع عقد ياسر القحطاني لانه نجم من نجوم الفريق
واتفاجأت بتغريدة ياسر اللي يؤكد فيها تلقي الهلال عرض من العين وصادق ع كلامه عبدالكريم الجاسر في برنامج الهدف واللي صدمني اكثر عندما سأل المذيع عبد الكريم رفضتوا المبدأ او المبلغ ورد عبد الكريم يؤكد رفضهم للمبلغ لا المبدأ

1-اتذكرت عند قدوم سعد الحارثي للهلال اكثر جمله سمعتها ان سعد الحارثي عنده جماهيريه وهذا من مصلجة الهلال
معقولا والان بيبيعوا عقد ياسر القحطاني صاحب الشعبيه الاكثر في اسيا
شوفوا اذا اتحدثنا بالمنطق في بيع ياسر خساره للهلال ومكاسب لمن يشتري عقده شوفوا هذا الرد من احد العيناويه

اعتقد العين اذا خذت ياسر ب 20 مليون تقدر تسترجع المبلغ

ففانيلات ياسر القحطاني كثيرة الشراء وهذا لصالح العين

وتقدر تفتح محل ملابس رياضية للعين ف السعودية واعتقد انه بيلاقي رواج ف السعودية خاصة على فوانيل ياسر القحطاني

ثالثا من ناحية الاعلانات والكل يدري ان ابو عزوز اشهر لاعب في اسيا ماشاء الله

رابعا تقدر بعد سنة او سنتين تبيعه لاحد الاندية السعودية فاعتقد انه يرغب ف الاعتزال ف السعودية

هاذا الكلام من ناحية اقتصادية

بس ياسر والله عشقناه وان شاء الله يتم مع العين

2- ياسر القحطاني افضل مهاجم فنيا من جميع المتواجدين في الهلال حاليا ك لاعب محلي

دائما عند دفاعي عن ياسر القحطاني او بالاصح عند انصافي لهذا النجم اتهم بأني ضد سامي الجابر او اني من مشجعين الاعبين مو الكيان
اولا انا سامي الجابر ادافع عنه الى اليوم بأستماته وعن ياسر وقبلها الفريدي وجماهير الهلال حتى شبيه الريح عند خروجنا من الاسيويه شفت هذا المنتدى قلب رأسا ع عقب ودافعت عنه لكن ليس في هذ المنتدى لانه وقتها لم تكن لدي عضويه

انا عاشقه لهذا الكيان احبه بكل تفاصيله انا يزيد تشجيعي وحبي للهلال في وقت الشده اكثر من وقت الرخاء واكبر دليل اني احب الهلال بشكل كبير ولكن في مباراة ام صلال ادركت اني مستحيل اشجع فريق غير الهلال & في منتدى اتحادي طلبت من المشرفين حذف موضوعين فيها اسائه للهلال وجماهيره ولاعبيه وحدث ما طلبته
وعلشان كذا احزن عند سماعي الحمد لله انه رحل من فريق (الزعي...) هذا جاب الدوري لهم من قدام الاتحاد بخصله من شعره ولا عند سماعي احسن اللي بيعملوا فيهم احمد الفريدي حتى لايجد مصير ياسر القحطاني & احسن علشان خان البلوي ووقع (للزعي...) & الهلال بيئه طارده للنجوم *هذا مو من مصلحة الهلال وسيجعل الجميع يرفض القدوم للهلال او يطلبوا ارقام فلكيه لتجديد عقودهم* الله يستر

وكلام كثير جدا وانا مايرضيني ان هذا الكلام يقولوا عن هلالنا او احد لاعبيه
ان شاء الله ياسر القحطاني يعود للهلال ويلجم كل اللي يتحدثوا عن الهلال وياسر القحطاني

ان شاء الله الموسم المقبل ياسر القحطاني يحمل كأس اسيا مع رجالات الهلال ويفرحوا جميع الجماهير الهلاليه

دمتـــم زعمـــــاء

بالتوفيق للهلال دوماااا

سبحانك اللهم وبحمدك اشهد ان لا اله الا انت استغفرك واتوب اليك

ملكه في مملكه الزعيم · #2 15/06/2012, 07:20 PM

فضلا ليس امرا (UP)

عنابي سدير · #3 16/06/2012, 01:17 AM

يعطيك العافيه .. الحين بيجونك المطبلين وراح يهاحمونك ويتهمونك انك تعشق ياسر ولا تعشق الكيان لكن لايهمونك موضوعك اكثر من رائع يستحق التثيبت يامشرفين

Dr HiLaLi · #4 16/06/2012, 01:21 AM

لاعب عمره 30 سنة

مستواهـ نازل من 2007

تعبنا معاهـ 4 سنوات ومستوآهـ بانحدار

ما يبي الهلال وصرح فيها بتويتره انه يبي العين ويتغزل فيهم بتويترهـ

وبعد تبونهـ !!

انا كهلالي عاشق للهلال افكر بالكيان نبي مهاجم متميز افضل من ياسر لأن طموحنا الآسيويه وياسر له 4 سنوات ما سوا الفارق فيها ولا جابها لنا !!

اجل بالـ ( 30 ) من العمر بيجيبها !!

بالتوفيق له مع العين الإماراتي والقلب داعيله وشكرا له على السنوات اللي قضاها بالهلال !

neo pavel · #5 16/06/2012, 01:28 AM

الاتحاد حقق الاسيويه بالاجانب ( تشيكو صانع لعب + كالون مهاجم + جوب مهاجم )

بااذن الله ابو فيصل يجيب مهاجم ثاني مع الكوري وصانع العاب

اما ياسر هو اصلا يبي العين .. وان بقي معنا بيكون احتياطي جيد للفريق

بالتوفيق للهلال وفالنا الاسيويه يارب

خـالـد بــن فـهـد · #6 16/06/2012, 01:33 AM

وعليكم السلام
بإذن الله ياسر باقي في الهلال وأكبر من ملايين العين
بالتوفيق لياسر مع الهلال وسيقود الفريق ان شاء الله للآسيوية

يعطيك العافية

Noufsaud · #7 16/06/2012, 01:35 AM

إقتباس

الرسالة الأصلية كتبت بواسطة Dr HiLaLi


	لاعب عمره 30 سنة مستواهـ نازل من 2007 تعبنا معاهـ 4 سنوات ومستوآهـ بانحدار ما يبي الهلال وصرح فيها بتويتره انه يبي العين ويتغزل فيهم بتويترهـ وبعد تبونهـ !! انا كهلالي عاشق للهلال افكر بالكيان نبي مهاجم متميز افضل من ياسر لأن طموحنا الآسيويه وياسر له 4 سنوات ما سوا الفارق فيها ولا جابها لنا !! اجل بالـ ( 30 ) من العمر بيجيبها !! بالتوفيق له مع العين الإماراتي والقلب داعيله وشكرا له على السنوات اللي قضاها بالهلال !

^
اتفق معك كلاااام سليم ..

ثائرالهميجان · #8 16/06/2012, 02:20 AM

انتي هلاليه بالتاكيد ولكن لو سبيتي ياسر او سامي او اي لاعب اخر فهنا شك من يحاول ضرب النجوم في بعض ليس هلالي كلنا نحب الهلال من خلال النجوم لكن ادارة المنتدى ربما بتوجه استثماري تسمح بالردود المخالفه على ياسر والمرشدي والفريدي والزوري وتحذفها وتغلقها عن سامي والشلهوب وهوساوي والمحياني وهنا تصبح مع لاعبين وضد لاعبين اتمنى ان تكون اسباب تسويقيه وليست ............... وشكرالك

كرستياااااااانو · #9 16/06/2012, 02:24 AM

ياجماعة الخير ياسر مصرح بتصريح يقول بنهي علاقتي بالكورة مع نادي العين الأماراتي ووعدهم

الي عنده المقطع لا يبخل علينا فيه

FAISAL AL7RBY · #10 16/06/2012, 02:27 AM

الهلال فرط بـ افضل اللاعبين المحليين و افضل من ياسر بـ مراحل

يكفي انه كان يحسم المباريات اول ما يدخل رغم انه لا يكون اساسي

للاسف الشديد ادارة الهلال فرطت بـ عيسى المحياني

إقتباس


	1-اتذكرت عند قدوم سعد الحارثي للهلال اكثر جمله سمعتها ان سعد الحارثي عنده جماهيريه وهذا من مصلحة الهلال

اول مره اسمع هالكـلام

ان شاء الله ادارة الهلال توافق على بيع عقد ياسر

هلاليهـ للموت · #11 16/06/2012, 03:12 AM

ياسر بااااااااااااااااقي في الهلال باذن الله

.......................................................

3lo0osh · #12 16/06/2012, 03:20 AM

+++++++++++++++++++++++++++++++++++++++++1

إقتباس

الرسالة الأصلية كتبت بواسطة Dr HiLaLi


	لاعب عمره 30 سنة مستواهـ نازل من 2007 تعبنا معاهـ 4 سنوات ومستوآهـ بانحدار ما يبي الهلال وصرح فيها بتويتره انه يبي العين ويتغزل فيهم بتويترهـ وبعد تبونهـ !! انا كهلالي عاشق للهلال افكر بالكيان نبي مهاجم متميز افضل من ياسر لأن طموحنا الآسيويه وياسر له 4 سنوات ما سوا الفارق فيها ولا جابها لنا !! اجل بالـ ( 30 ) من العمر بيجيبها !! بالتوفيق له مع العين الإماراتي والقلب داعيله وشكرا له على السنوات اللي قضاها بالهلال !

FC LYON · #13 16/06/2012, 03:27 AM

اتمنى بيع عقد ياسر والاستفاده من العائد المادي
لاعب غير مفيد فنيا ولن يفيد الهلال بقادم الايام

3lo0osh · #14 16/06/2012, 03:28 AM

انا ما عندي اي شي ضد ياسر لكن حنا نحتاج مهاجم يصنع الفارق وياسر لا يصنع الفارق , والكل يعرف ان ياسر لا يصنع الفارق وكمان مستواه جدا منخفض ويكابر انه مجرد ان اعداءه الي يطلعون الاشاعه هذي , على العموم اذا بيرجع حياه الله في دكة البدلاء , الاساطير الثنيان وسامي والتمياط جلسوا كثيرا على دكات البدلاء لا تذمروا ولا ساوموا النادي بيجي يحجز مكان اساسي لا والله نبي مهاجم ل اسيا

عبدالقادر الهلالي · #15 16/06/2012, 03:52 AM

الا وش رايك اذا اعتزل ياسر القحطاني نقفل نادي الهلال علشانه