السكاي تفوز بحقوق نقل البريمير لأربع سنوات بمبلغ فلكي , توضيح عن زيادة العائدات في الموسم القادم - نادي الهلال السعودي - شبكة الزعيم

Blues Fan · #1 13/06/2012, 08:17 PM

بشكل رسمي وبعد منافسه لشهور مع الجزيره , السكاي تفوز بحقوق البريمير لأربع مواسم قادمه

2012/2013
2013/2014
2014/2015
2015/2016

شراء الحقوق كان بمبلغ خياللي واعلى مبلغ في تاريخ النقل التلفزيوني

3,1 مليار باوند , بزياده اكثر من مليار وربع عن الحقوق السابقه

Premier League announces audio-visual rights

--

توضيح عن زياده العائدات في الموسم المقبل

الحقوق زادت بنسبه اكثر من 25% من الحقوق السابقه , يعني حقوق النقل لفرق البريمير بتزيد %25

مثال بسيط , الهابط ولفرهامتون اخذ 41 مليون باوند , مع الزياده الي صارت في حقوق النقل
الهابط الموسم المقبل بيستلم تقريباً 55 او اكثر بقليل مليون باوند

يعني الهابط من البريمير الموسم الجاي راح يستلم اكثر من الي يستلمه كل فرق الليغا
بإستثناء برشلونه ومدريد , الهابط الموسم الجاي من البريمير راح يستلم اكثر من فرق الكالتشيو والبوندز ليغا
والليغ 1

البريمير راح يزداد قوة خلال الثلاث سنوات الجايه

- المعلومات للأمانه من اخوي موب مني , الخطأ وارد , إذا فيه غلط راح اعدله او احد ينبهني عليه

NexT ALHilAli · #2 13/06/2012, 08:23 PM

بالتوفيق ويليت كانت الجزيرهه

زيـكـو · #3 13/06/2012, 08:32 PM

مشكوووووووور يعطيك العافيه

wele-star · #4 13/06/2012, 09:34 PM

هذا هو البريمير ليغ متعة على أرض الملعب وخآرجه

Mr.B.H.T · #5 13/06/2012, 10:15 PM

طيب والشرق الأوسط مين فاز بالحقوق فيه .. ؟

السكاي ما فيها تعليق عربي صح .. !

يعني كيف راح نشوف الدوري الإنجليزي .. ؟

Đexter · #6 13/06/2012, 10:35 PM

إقتباس

الرسالة الأصلية كتبت بواسطة Mr.B.H.T


	طيب والشرق الأوسط مين فاز بالحقوق فيه .. ؟ السكاي ما فيها تعليق عربي صح .. ! يعني كيف راح نشوف الدوري الإنجليزي .. ؟

+1
ابو ظبي ما راح تنقله يعني ؟

»--(¯`هلالي´¯)--»M · #7 13/06/2012, 11:36 PM

على كذا بيرتفع سعر الاشتراك عندنا

بس ان شاء الله الجزيره تاخذ الحقوق بالشرق الاوسط لن اسعارهم مناسبه

^^

FC LYON · #8 13/06/2012, 11:58 PM

مبلغ خيالي
مع انه يستحق افضل دوري بالعالم

Blues Fan · #9 14/06/2012, 12:20 AM

إقتباس

الرسالة الأصلية كتبت بواسطة Mr.B.H.T


	طيب والشرق الأوسط مين فاز بالحقوق فيه .. ؟ السكاي ما فيها تعليق عربي صح .. ! يعني كيف راح نشوف الدوري الإنجليزي .. ؟

إقتباس

الرسالة الأصلية كتبت بواسطة HSLDHSL


	+1 ابو ظبي ما راح تنقله يعني ؟

مالها دخل , السكاي فازت بالحقوق العالميه , بالعربي هي الي تبيع للجزيره او ابو ظبي والقنوات الثانيه

ابو ظبي مازال عندها حقوق الموسمين الجاين من النقل في الوطن العربي , فيه منافسه على حقوق ثلاث مواسم
بعد الموسمين المقبلين راح يكون في السنة الجايه اعتقد , والاغلب انه بيكون بين الجزيره وابو ظبي

Mr.B.H.T · #10 14/06/2012, 12:25 AM

^

آهااا ... شكرا لك عزيزي

هاوي بطولة · #11 14/06/2012, 12:33 AM

ليت الجزيرة اللى كانت تنقل الدوري الانجليزي
والله موناقص الجزيرة غير الدوري الانجليزي

del peeroo · #12 14/06/2012, 12:33 AM

إقتباس

الرسالة الأصلية كتبت بواسطة Blues Fan


	مالها دخل , السكاي فازت بالحقوق العالميه , بالعربي هي الي تبيع للجزيره او ابو ظبي والقنوات الثانيه ابو ظبي مازال عندها حقوق الموسمين الجاين من النقل في الوطن العربي , فيه منافسه على حقوق ثلاث مواسم بعد الموسمين المقبلين راح يكون في السنة الجايه اعتقد , والاغلب انه بيكون بين الجزيره وابو ظبي

معلومه أخووي

الدوري الانجليزي الموسم القادم هو الموسم الاخير مع أبوظبي الرياضيه
وسوف تطرح المناقصه للوطن العربي أو الشرق الاوسط بالتحديد في شهر 6 أو 7 بس موب متأكد

لك

Blues Fan · #13 14/06/2012, 12:42 AM

إقتباس

الرسالة الأصلية كتبت بواسطة del peeroo


	معلومه أخووي الدوري الانجليزي الموسم القادم هو الموسم الاخير مع أبوظبي الرياضيه وسوف تطرح المناقصه للوطن العربي أو الشرق الاوسط بالتحديد في شهر 6 أو 7 بس موب متأكد لك

تأكدت من المعلومه , ابو ظبي عندها حقوق موسم واحد , والمنافسه على حقوق 3 مواسم راح يكون في مارس القادم

يعني ابو ظبي راح يكون عندها موسم 2012/2013 لكن المواسم الي بعدها لحد الآن مانعرف ابو ظبي ولا الجزيره

عالعموم كل شئ بيوضح بمارس وشكراً لك على التصحيح

C a T a L o N i · #14 14/06/2012, 12:42 AM

الزبدة الان ؛

انو : السكاي الان هي الموزع .. الحين الجزيرة تقدم عروضها لـ السكاي عشان تفوز بـ حقوق الشرق الاوسط وقناه صينيه مثلاً تقدم لـ الصين وقناه كنديه لـ حقوق كندا وهكذا

يعني شكل انو الي يقدم اكثر بين ابوظبي والجزيرة يفوز بالحقوق ؛ على ما اعتقد !

Đexter · #15 14/06/2012, 01:56 AM

اجل الهمة ياقناة الوطن

اشتري الدوري الانجليزي وكملي الطقم ( السعودي + الانجليزي ) ببلاش

ههههههههههههههههههه
انا اشوف ان ابو ظبي افضل من الجزيرة بمليون مره
ولا تبغونا نسمع اسم (ماتا ، فان بيرسي ، بالوتيلي ) بتعليق يوسف سيف ولا حفيظ الدراجي (تخيلوها) نبي فهد العتيبي وفارس عوض وعيسى الحربين

ان شاء الله عيال زايد ما يقصرون ويطيحون كم ريال ويشترون حقوق النقل
يعطيك العافية يا blues fan