|
أنا الزعيم .. يامدعين الزعامة ..!! .. وجمهوري أهل الوفا وانتم له اجناب ليسامحني دايم السيف ... علي تصرفي في هذا البيت من قصيدته الشامخه.. ( وليجبر كسور الوزن والقافية عشقي لهذا الازرق ) لكننا حقا ... يجب ان نفخر كذلك .. ؟!!! للاسف بعض المواضيع/ المشاركات كأنها من أعداء ... ( ينتظرون ادني سقوط ليحدّوا لنا السكاكين ). او حتى أحيانا قبل السقووط . نحن هنا ( مشجعين ) .. اما النقد اللاذع والتجريح فليس من صفات المشجع ... مشجعين ع الحلوة والمرة ... حب اعمى للكيان ونتفاخر في عيوبه قبل مفاخرة ... نفرح حد الجنووون وقت الفوز .. ووقت الهزيمة نزع لونتضايق ... بس مانشارك الاعداء في الهجوم والشماته .. للاسف بعض المدعين للزعامة ... يوم يفوز الهلال .. ماله صوت ... ويوم بس تطلع شائعه يجي يقوول استقيلي يالاداره يافاشلة ... ( وبعدين الادارة شغلها المدرب واللاعبين وتعاقداتهم... و نثق فيهم وفي عملهم الى ابعد حد ) ------------------------------ الفريدي ... وياسر القحطاني ... حسن العتيبي ... للاسف عندنا عقليات ... اعتقد - اذا هم بصدق ينتمون لجمهور الزعيم مع اني اشك في ذلك - ان العنصرية المناطقية او القبلية ... هي سبب هجومهم ع بعض اللاعبين ... لاعب ويلعب في فريقه ... ( وكل يومين ينزل موضوع نقد لاذع وجارح فيه ) .. واقسم بالله انه فناااان وكبير في اخلاقه وفي فكره ... وان الفرق الثانية تحترق تبغاه يلعب لها .... ( يطلب اللي يطلب كيفه هو والادارة يتصافون .. لايكون ياللي تنتقده بتدفع من جيبك شي ) ... !! للأسف ادارة المنتدى ... ترى مثل هالمواضيع وتسكت.. يعني تبي تقنعوني ان الثنيان وسامي الجابر .. ما يضيعون فرص !! ضيعوا لين شبعوو بس نعشقهم لانهم فرحونا كثيررر ولانهم ينتمون لنا ... ( الحارثي انتقل للهلال ... والجمهور يطالب فيه كل مباراة ويهتف باسمه قبل ينزل وهو تقريبا فنيا ( صفر ) ... بس لآنه انتقل من النصر صار حلو ؟؟!!!!! والفريدي والقحطاني نحاربهم !!! شي غريب جدا ومحبط ... الفقراويين متفرغين ... غاسلين يديهم من ناديهم ... وقاعدين يكتبون عن الزعيم ... اللي يكتب باسمه واللي باسم مستعار ... حملة تشويييه كبييره لكل ماهو أزرق .. وبكل الطرق غير الرياضية .. ( تكلموا في الاحياء والاموات والمعتزلين والمدربين وكل شي ) لكن للاسف عندنا جمهور ( غير وفي ) يساعدهم ... يجهز لهم المادة .... ( والا شوف محمد نور كان خلاص مقرر يترك الاتحاد والى يومك وهم يتغنون باسمه ويدافعون عنه ) اقل شي منا كهلاليين نجابههم ... او ع الاقل نآزر فريقنا ... وندعهم حتى لو انه ماشي غلط ( هنا يبان العشق ) .. نقف مع الادارة ... في اي خطوة تخطوها ... (في الاخير ترى الادارة واللاعبين ماهم عمّال عندنا .. كل كلمة والثانية نلوومهم ونهاجمهم ... ان كان عندك كلمة زينه هاتها ... ماعندك (...) ) . المعذره ع الاطالة و الافكار غير المرتبة بس تري قلت هالكلام لاني كرهت المنتدى ... احس اني في منتدى الفقررر... ( احس الهريفي والدويش والصرامي هم اللي يكتبون عندنا ) واذا استمرينا نشووف مثل المواضيع التافهه اللي تجرح في اللاعبين تري والله المنتدي بيفقد ثقتنا فييه ... ---------------------- اقول للأوفياء بيض الله وجيهكم و ان شاءالله موسم رائع ينتظرنا ... وشكرا للادارة ... |
وش اسم القصيدة ؟؟؟ بالله ابيها نسيت الموضوع وقعدت ادورها اسمها لا هنت |
إقتباس:
اللي يقول : حنا العرب يامدعين العروبه ... وحنا هل التوحيد وانتم له اجناب |
مشكوووووووووووور خيووو طرح رائع يسلموووووووووووووشن لك ودي |
موضوع في قمة الروووعه اهنيك على الطرح وكلامك بالصميم . . واعجبني عنوان موضوعك . . بالأمانه ذكرتني بقصيدة خالد الفيصل . . حنا العرب يــــا مدعين العروبة وحنا هل التوحيد وانتم له أجنـــاب وحنـــا شروق المجد وانتم غروبهوحنا هل التاريخ وأنتم به أغــراب يوم الفقر شلتوا علينا عيوبـــــهواليوم عقب النفط جيتوا لنا أنسـاب ويوم الفقر فينــــا البداوة سبوبةواليوم صرتوا مثلنــا بدو واعراب لو الهوى منكم منعتم هبوبـــــهلا شك رزاق الملا رب الأربــاب ولو المطر منكم منعتم صبوبـــهلا شك رزق الخلق من عند وهـاب جيش الحسد سقتوا علينا حروبــهكل يبي يزرع على جسمنــا ناب حرب على المحسن تراهـا عقوبةبالله عســـاكم ما تفيدون حراب يا ما عطينــــا ما ندور مثوبهإلا من اللي من ترجــاه ما خاب ويا ما نصرنـا صاحب ضيقوا بهعاداتنا نقدم الى مالردى هـــاب ويامـــا نصانا من تعثر دروبهيدخل حمانا من تعذرة الأصحـاب حنـــــا بنينا دارنا من طيوبه وانتم سلبتوا داركم كل ما طــاب الله سقانا من بحرنــــا عذوبهوانهاركم مثل البحر هدر تنسـاب حنا زرعنا الحب بارض خصوبهوانتم زرعتوا كره الأجيال بتراب وحنــا دعينا السلم نوبه ونوبـهوانتم حمــام السلم بعتوه بغراب يا من دعا للحرب ما درك خطوبهلا تحسب أن الحرب تهديد وخطاب من شب نار الحرب يصلى شبوبهومن ثور الفتنة تعرض للأسبـاب ما يستر الرجــال ملبوس ثوبهالدين وافعال الكرامــة له ثياب ما يقبل الرجال بحمـــاه حوبهمـــا دام له حق وللحق طلاب وسبب القصيدة عندما طالبت مصر ومعها دول عربيه بأن تشاركنا النفط بعدما كانوا البدو بالنسبة لهم نكرة وفي الحقيقه البدو وأهل الجزيرة هم أصل ومهد العرب |
يعطيك العااافيه ع موضوعك الجميل ... .......................... |
إقتباس:
من ذووقك الرفيع ... ولاهنت ع الاضافة يابعدي |
اهنيك على الطرح المميز يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 08:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd