04/06/2012, 02:48 PM
|
 | زعيــم نشيــط | | تاريخ التسجيل: 13/11/2006 المكان: ذَأإك آلـمَكـْآنٌ آللٌي يٌجُدَد ج~ـرَوْحـِي
مشاركات: 865
| |
سكري القصيم , ولا الشياطين الحمر , ولا القنرز{ الخطه القادمة } ,
بسم الله الرحمن الرحيم ~
مما يسهم في ابداع اي كاتب ان يكون له متابعين و مشجعين
ومما لاخلاف فيه ان منبع الكتاب المبدعين هو منتدى الزعيم
مما يزيد بقلبي الحماس ان اكتب في منتدى ارى فيه انـــــاس
مبدعين يقيمون جمالية الكلمة , ويحترمون القلم المبتــــــدئ
مثلي ومثل اي شخص في هذا الصرح يطمح لأنفجار ابداعـة
كنت مع احد اقربائي عضو في المركز الاعلامي الشبابـــــي
"بسام" وكنت اسئلة كيف اكون قلم وكيف اقيــــــــــــــــــــم
الكلام , فرد علي بسطر لخص لي الكثير من مما كنت لاافقهه
ان كنت تريد ان تكتب فعليك بأن تقرى وان كنت ان تحترف
فعليك بالاكثار من الكتابة بفائدة وليس بقلة فائــــــــــــــدة
وهذا ما احاول الوصول اليه من خلال هذا الصــــرح العظيم
بعد هالمدخل الطويل العريض , ابي اتكلم بالعامية كتجربة جديده علي وكـ راحة نفسيه هع 
الفترة هذي سماه احد الصحفيين مدري الاعلاميين انها بفترة ثورة الالقاب بعد مانتفوا لقب قلعة الكؤوس
وشافو محد قالهم شي قالوا ان نتفنا زيادة من بينتبه , حاولوا بلقب الملكي , لكن عشاق الزعيم كان بالمرصاد
يعني موب اننا مااطلقنا علينا هاللقب صار موب لنا , يعني مثال لو اخوك اسمه عبدالعزيز , حلو ؟ وصاروا يدلعونه
من يوم هو صغير عزوز , يحق لك تجي انت تقول خلاص اسمي عبدالعزيز لانك ماصرت تستخدمه 
هذا الكلام طبقوه الاهلي علينا , خلاص الهلال لقبه الزعيم , والملكي من زمان ماقالوه فاللقب صار موب لهم
صار حقنا , وياسر راح للعين , خلاص صار لقب القناص موب حقهم  , يعني علشان ماينوخذ شي لنا
لازم قبل مانخليه نقول حقرص بقرص ؟؟ والاعلاميين اللي طالعين يقولون حنى نشهد بأحقية الاهلي بهذا اللقب
يعني حنى محتاجين شهادتك طال عمرك ؟؟ , دام الكل يعرف بسالفة ملكية الزعيم فحنى مو منتظرين منكم شهادة
الحين البرسا ومدريد , من اكثر بطولات كأس الملك ؟؟ , من اللي يطلق عليه الملكي ,,؟؟
الحين الاهلي مطلقين عليه قلعة الكؤوس ليه ؟؟ , من كثر بطولاته ترا الموسم اللي راح كان عدد بطولاته 38
بقدرة قادر نقزاَ الى 44 , والله ي خوفي يطلعون باتسر ويقولون حنى الاحق بلقب خادم الحرمين الشريفين
نخلي موضوع الاهلي على جنب والله مايبرد حرتك الى لسانك لا انطلق  , قبل فترة طلعوا لنا الجماهير النصراوية
وقالوا لنا كيف " اسمكم الموج الازرق , والرياض مافيها بحر  , هنا انا حطيت ايدي على قلبي وقلت لاحول
ولا قوة الا بالله , يعني المان يونايتد صدز شياطين ؟؟ , ولا اليوفي صدز سيدة عجوز , ولا الصقور الخضر صدز هم
خضر , اصلا في صقر اخضر ؟؟ ولا حتى الارسنال , صدق هم مدفعجيات , يعني لاعب الوسط معه بارود
والمهاجم معه مدفع ؟{> سوااااليف }
بعد كل هالحوسة والخربشات اللي فوق اتضح لكم ان لو جلسنا من اليوم ل بكرا نقول لهم هذا لقبنا وهذا لنا
انهم بيقتنعون , هم مااقتنعو بتأهلنا للعالمية وحنى محققين 6 بطولات كرقم قياسي تبغون يقتنعون بشي هم يبونه
السالفة ومافيها اسمنا الملكي غصبا عليك انت وياه , والسالفة مهيب ارفع صوتك زيادة يسمعونك الناس
نرجع للغة العربية الفصحى
بعد ماقلنا لكم التمثيل والتطبيق ايعقل , ان لايكون بالوسط الرياضي عقلاء ؟
الهلال هو الملكي , ولمن لم يرضى فليأتي الينا ليحاجنا , فسوف نحدثة بالعقل فإن لم يفهم فللأسف لاعقل له
تقبلوني كقلم مبتدئ , ان اخطئت صوبوني وان اصبت , فهي من ربي
اخر تعديل كان بواسطة » ™ C O L L E C T I O N ® في يوم » 04/06/2012 عند الساعة » 03:24 PM |
الوضع العادي
