نادي الهلال السعودي - شبكة الزعيم - الموقع الرسمي
الصفحة رقم 267 من 314 « 167217257265266 267 268269277 »
عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/)
-   صيـد الإنترنــت (http://vb.alhilal.com/f92/)
-   -   مَطلوب منكم .. سَطر وآحد .. فمآذآ ستكتبون . (http://vb.alhilal.com/t1103327.html)

بن جبله المطيري 03/09/2012 07:02 PM
ترى الشدايد وعسر الأيام و الضيق
تظهر حقايق صاحبك لا جهلته
إمّا إرتكا مثل الجبال الشواهيق
والا صَغر في ناظرك واحتقرته

بن جبله المطيري 03/09/2012 07:03 PM
كنا نقول ابليس يضحك علينا
والشهر ذا ابليس مصفود عنّا
ماعاد يبقى عذر لامن خطينا
ابليس ماله ذنب..كل شي منّا!

بن جبله المطيري 03/09/2012 07:04 PM
تبقى الصداقه بين حب وتقدير
وحباً على غير العطى ما بغيته
يالله ياللي ترزق النمل والطير
ادعوك ترزقني بشخص هويته

بن جبله المطيري 03/09/2012 07:04 PM
الناس توّه صامت اليوم ياعمْ
وتباشرت بالصوم من عقب مدّه
وأنا عن الغالي صيامي ترى تمْ
من لي ثلاث شهور صومي أعدّه
لاشافته عيني ولاقال لي سمْ
وليا نظرت لهاتفي شفت قدّه
بالصورة اللي تنعش الروح والدم
حلفت ما أخونه ولا أبوح سدّه

بن جبله المطيري 03/09/2012 07:05 PM
مالوم صدري على كتمانه اسراره!
في مظلمات الدروب العقل مصباحي
للحين والمجتمع غريبه أطواره
يصادق المنحرف ويعادي الصاحي!

بن جبله المطيري 03/09/2012 07:06 PM
مو غريبه لو تمنّيت الرحيل
البقاء أحيان يعني ‎‫البهذله‬‏
من يلاقي لدنيتي هذي بديل
خل يجيني أي شخص أبدله

بن جبله المطيري 03/09/2012 07:06 PM
لو جلسنا هناك عادي، وعادي لو نجلس هنا
قلت لك أحلى الأماكن، أي مكان يضمنا
الأماكن ذكريات، مثل عطر وأغنيات
مو مهم تكون حلوه، قدّ ماتعني لنا

بن جبله المطيري 03/09/2012 07:07 PM
سائلك بالله يا عيد الضحية
التفت يم الضحية يوم غنا
من يقول البدر ما به جاذبية؟
لوه صدق يم وجهك ما انجذبنا

بن جبله المطيري 03/09/2012 07:09 PM
جيتك بقايا نفس طاحت عزومه
وإدخل على الله لاتزيد المعانات
الحب من زوده تعلّت نجومه
بين الكواكب والقمر والمجرات
صدفه لقيت القلب يشكي همومه
لأن الفراق أحزان مكتومة أصوات
أصله هموم الشخص تِدني بيومه
وتجعل مصيره حي من ضمن الأموات

بن جبله المطيري 03/09/2012 07:10 PM
يبه كلمه وانا كل ماوحيت
كلمة يبه صديت والوقت لمته
يبه وانا لاضقت رحت وتهجيت
ركون بيت ضم حلم حلمته
يبه هناك دلتك لاتقهويت
وهناك كان يساق طيب حشمته

بن جبله المطيري 03/09/2012 07:11 PM
يامن تدوّر في الحياه السلامه
العمر مرّه والليالي ..مغانيم
صعبه عليّ اعلّمك ش الكرامه
لان الكرامه طبع ماهي بتعليم !

بن جبله المطيري 03/09/2012 07:12 PM
كلاً يغرٌرد! على كيفه..تغاريده!
صرنا بلابل ولا نعرف وش نريده !
الله خلقنا نسيد الكون و العالم
وصرنا عبيد وكل منا وله سيده !

بن جبله المطيري 03/09/2012 07:12 PM
ياصاحبي ياللي تغنى بكرتون
طبعك ترى ما ثارني في تويتر
يمكن تشابه هايدي فالتلفزون
لكن انا مانيب اشابه لبيتر

بن جبله المطيري 03/09/2012 07:13 PM
ياللي ملكت القلب لازم تخليه
حرّن على شوفك يناظر ويكحل
لا تصير كنّك ريس ٍ ما أدانيه
عقبه أصير الشعب وأقول أرحل

بن جبله المطيري 03/09/2012 07:13 PM
كنّا قبل..نرقد على صوت الأخبار
شان التغير عقب طار النعاسي
كان البزر همّه قطو يلحق الفار
اللحين همّه صار ناشط سياسي


الوقت المعتمد في المنتدى بتوقيت جرينتش +3.
الوقت الان » 03:10 PM.
الصفحة رقم 267 من 314 « 167217257265266 267 268269277 »
عرض 60 مشاركات من هذا الموضوع في صفحة مستقلة

Powered by: vBulletin Version 3.8.7
Copyright ©2000 - 2025, Jelsoft Enterprises Ltd