|
بعض الجماهير بصراحه تحتاج تربيط !!! جاهزين في اي وقت لتنتيف الإدارة !!! متسدح بغرفته يصدر أوامر !! أقولهم ياهوه خيررررر !! حياكم وبياكم بعض جمهور الهلال بصراحة فيه طبع ماهو كويس وانا قلت بعض ! بعضهم شطحاته كثيرة ومزاجي سريع الغضب ما يفكر تجمع كل المواصفات بينتج عنها شي واحد هو تنتيف ادارة الهلال ! بعضهم يجيك منسدح بغرفته متابع لاخبار الهلال رغم انه مشجع هلالي لكن عنده عادة ماهي كويسة انه ما يثق باحد وسهل انك تستفزه ولما تستفزه وش بيسكته وهو يتابع اخبار الهلال وما عجبه حاجه راح يطلع من داخل عيونه عنوان بالخط العريض ياويل ادارة الهلال !! يا حبايب هالشي والله ما يصلح ولا هو حل نعرف انكم تحبون الهلال وتبون له الخير ولكن ماهو بهالطريقة عزيزي الهلالي اذا انت انسان مزاجي او انسان عصبي او منت قنوع بشي فاذا سمحت الهلال ماهو المكان الصحيح انك تفرغ كل طاقتك بادارته .! عزيزي الهلالي استغرب وبشدة طريقة البعض بتنتيف ادارة الهلال بعد رفض المدرب سمباولي تدريب الهلال هل سمعت او شفت احد من ادارة الهلال قالو بنتعاقد مع هالمدرب .!! هل طلع عبدالرحمن بن مساعد قال بنفاوض هالمدرب .!! هل طلع احد من ادارته جاب اسم هالمدرب .!! والا جاكم هالخبر من المتمصدرين .!! اذن الادارة وش دخلها تحط حرتك بها وتنتفها اذا هي ما جابت طاري هالمدرب ابد .!! شفت عزيزي الهلالي كيف بعضكم شطحاته كبيرة ومزاجيته تقهر ؟! عزيزي الهلالي الان فيه اسطوانة ثانية عندكم هو خبر مع مشرف ومن المنتديات ( اقولها بالعربي ) عن موعد اعلان اسم المدرب الي يقولون انها الثلاثاء الجاي .!! هل نقول لادارة الهلال تجهزي ترا جايك تنتيف جديد لو ما اعلنتي اسم المدرب بهاليوم ؟ عزيزي الهلالي نرجع من جديد هل سمعت عبدالرحمن بن مساعد او اي احد من ادارته حدد يوم معين .!! انا متاكد فيه بعض الجماهير من يوصل يوم الثلاثاء ومايصير فيه اعلان بيجلدون وبينتفون ادارة الهلال بالكلام وهذه المشكلة .!!! عزيزي الهلالي هل تعلم ان معسكر الهلال تبقى عليه 26 يوم !! اذن وش له هالاستعجال انتم فقط تبون اعلان والا تبون تاني واختيار بمحله !! ترا يا ساده مو الهلال الوحيد الي ما اعلن فيه انديه بعد ما خلصو تعاقدات وفيه انديه اصلا مستقرة وكانت تحتاج شخص واحد فقط وتنتهي يعني جاهز من البدايه ! ترا لا تنسون ان الكل باجازه يعني لو اعلنو التعاقد ماراح يجون بالرياض ويتمرنون خليكم صبورين واتركو التنتيف اللي ماله اي داعي انا كلامي الاخير اقول لبعض هالناس اذا تبي تطلع حرتك وتنتف احد رح للمصدر الي طلع لك خبر تفاوض الهلال مع فلان وعلان واكد لك ان فلان بيكون عندك لان بالاساس هو مصدر المعلومة وليست ادارة الهلال عزيزي الهلالي لا تكن مندفع بكل شي ومتى ما اعلنت ادارة الهلال الاسماء رسميا بعدها اذا ما اعجبك حاجة تكلم وقول معاك حق بوقتها لان هالمره الاسماء الحقيقية طلعت من الادارة ما طلعت من متمصدرين داخل هالمنتديات وقول بوقتها ترا يا ادارة الهلال تعاقدك مع فلان ما اعجبني !!! لا تزعل من كلامي يا عزيزي الهلالي ولكن كلام الحق محد يزعل منه ولازم ادافع عن ادارة الهلال دام ما علمتني اننا نبي المدرب الفلاني او الاعب العلاني !! سلااااام |
ما يجي تكبر الخط شوي ..؟ < عنوان موضوعكـ أوصل فكرتك تماماً ) نعم فبعض الجماهير الهلاليه ما أدري ايش تحس فيه .. (^_^) > زبدة موضوعكـ موفق يا اخوي , |
أي والله بعض الجمهور ودك تصفقه من كثر ماودك تبيه يفهم ولاهو راضي يفهم |
موضوع يستحق التثبيت يامشرفين ولا عزاء للمطبلين .. يعطيك العافيه اخوي والله يكثر من امثالك |
يازينك ويازين موضوعك وعنوان الموضوع يكفي عن قراءة محتواه تحياتي لك |
الجمهور بطبيعةة عآطفي لآبد الوآحد يحكم عقلةة قبل كل شي .. تحيآآتي .. |
جمهوووور على اعصااابه وبس مااايتكلم بعقله اي شي يصير او يسمع يحط حرته بالكتاابه بالمنتدى وفي ناااس الله يهديهاا تويده بكلامه .. .................................................... |
كلامك صحيح ومؤيدك بقووووه . . بعض الجماهير تحاول أن تستعرض عضلاتها الكيبورديه . . . الإدارة قالتها بتعلن المدرب في اليوم المحدد وباااقي على المعسكر ووقت طوووووويــل . . |
اما المدرب رفض التوقيع يعني ناويين يكررون اخطاء الماضي ماجازو الظاهر |
،، أنت ذكرت في موضوعك أن بعض جماهير الهلال عصبية و على طول تنزل موضوع بعنوان شديد اللهجة و تنتقد فيه الإدارة و أنا اتفق معك في هذا ! و إن البعض أيضاً يصدق أخبار أصحاب المصادر ( الفضائية ) و هذي تنعكس سلبياً على ثقتهم بالإدارة مما يؤدي إلى الإشتحان !! لكن أخي العزيز أنت أيضاً واضح من عنوان الموضوع و أسلوبك في طرح الموضوع العصبية أيضاً .. كنت أتمنى يكون الطرح بأسلوب أهدى شوي لتصل الفكرة لبعض الجماهير العصبية و أتمنى وجهة نظري ما تزعلك مع العلم إني أتفق معك في بعض الأمور التي ذكرتها .. بالتوفيق للملكي دائماً و أبداً :ba::ba1: |
| الوقت المعتمد في المنتدى بتوقيت جرينتش +3.
الوقت الان » 09:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd