|
الحلقه ال9 ( لاعب عالمي فاشل اسيويا لن يفيد الهلال الموسم القادم ) بسم الله الرحمن الرحيم السلام عليكم ورحمة الله وبركاته اخواني انتهى الموسم الهلالي بخيره وشره وتحقق للهلال فيه عدة انجازات اهما تحقيق كأس ولي العهد والتأهل لدور ال8 اسيويا وتحقيق جائزه نادي العقد الاسيوي واكتشاف اللاعب سالم الدوسري ولا اخفيكم انني بعد كل موسم اكتب حلقات عن لاعبين لن يفيدون الهلال سأتطرق لهم في حلقاتي هذه ربما ينجحون في انديه اقل مستوى من الهلال اما بأعارتهم او تنسيقهم او تحويلهم كاحتياطيين مع تمنياتنا لهم بالتوفيق ولله الحمد جميع حلقاتي بعد كل موسم تكون صائبه بنسبه 99% القصد من الحلقات 4 امور 1- اعارة بعض اللاعبين الذي لن يستطيعون اللعب في الاولمبي بحكم السن ولن يستطيعون اللعب في الفريق الاول بحكم كثره النجوم في خاناتهم 2- مقايضه بعض اللاعبين بلاعبين اخرين من انديه اخرى لتعم الفائده جميع الاطراف 3- تنسيق بعض اللاعبين لان مستوياتهم انكشفت للملا بعد سنين طويله مع الهلال دون تطور او تعديل 4- تحويل بعض اللاعبين من اساسيين الى احتياطيين ويلهامسون الكل فهم انه اول المغادرين وخاصه بعد توديعه من قبل زملائه بعد مباراه بني ياس الاخيره لكن تصريح رئيس الهلال الذي قال فيه لو المدرب القادم طلب التعاقد مع ويلهامسون لجددنا معه وهذا ما جعلني اكتب هذه الحلقه ويلهامسون مكث في الهلال 4 اعوام اعير منها 6 اشهر لفريق قطري ويلهامسون لاعب اوربي فرحنا فيه كثيرا ولكن اثبت فشله في جميع بطولات اسيا الاربع ولم يحقق المأمول منه كلاعب له وزنه وثقله مع الفريق في هذه البطولات ولم يكن له بصمه فيها ابدا واذا لاعب بهذا الحجم وهذه السمعه وهذه التكلفه الماديه لم ينفعك في بطوله اسيويه فمتى ينفعك في مباريات محليه ومع انديه الوسط ويلهامسون تاريخ ميلاده 8/12/1979 وهذا يعني انه سيبدأ الموسم القادم اذا قررت الاداره تجديد عقده مع الهلال وهو في السن ال 34 ويلهامسون لا يناسب الهلال الموسم القادم ولابد من مغادرته واحضار لاعب اجنبي صانع لعب متمكن وهذا ما يحتاجه الفريق ويلهامسون بدء اول موسم مع كوزمين وكان نوعا ما مقبول ويلهامسون بدء ثاني موسم مع جيرتس ونجح بأمتياز لان خطة جيرتس تعتمد على لاعبي الوسط ايضا ساعده تواجد افضل لاعب وسط اجنبي مر على تاريخ الهلال نيفيز ويلهامسون بدء ثالث موسم مع المدرب جيرتس وبعد منتصف الموسم مع كالديرون وكانت بدايه انخفاض المستوى وانكشاف طريقه لعبه لكل اللاعبين والانديه وجعل من هذا الامر اتخاذ قرار اعارته لفريق قطري لمده 6 اشهر ويلهامسون تم اعادته منتصف الموسم الرابع له مع الهلال ولم يقدم اي شئ عدا مباراته الاخيره التي يعتبرها هو تسويق لنفسه قبل مغادره الهلال ونجح في ذلك ويلهامسون بوجود سالم الدوسري ونواف العابد وعزوز الدوسري والشلهوب عند الظروره واحمد الفريدي واللاعب الاجنبي القادم والفرج احيانا عندما يكون لاعب وسط خاصه انه الجوكر في الفريق من وجهه نظري الخاصه ان ويلهامسون لن يفيد الهلال الموسم القادم في ضل تواجد هؤلاء النجوم الكبار ويلهامسون تم ايقافه من لجنة الانضباط القطريه والسعوديه وحصل على كروت حمراء في الملاعب القطريه والسعوديه وصاحب تصرفات غير مقبوله بعد المباريات وخارج حدود الملعب ويلهامسون يقدم افضل مالديه اذا عقده على النهايه وهذا ليس حبا في الهلال بل التسويق لنفسه ويلهامسون لما عرف ان الهلال لن يجدد معه الموسم ما قبل الماضي انظروا ماذا فعل في اخر المباريات من ركل وضرب وعقوبات انضباطيه كان بسببها خروج الهلال من اهم بطولتين ضد الاتحاد ويلهامسون ايضا لما عرف ان النادي القطري لن يجدد معه انظروا ماذا فعل في اخر مباراه لديهم من ركل وضرب وكرت احمر وهروب بمفاتيح السياره والشقه مما ادى لايقافه 3 مباريات خسر الهلال بسببها بطوله الدوري امام الاهلي في جده رسالتي لاداره الهلال نعم نحن جماهير وليس مدربين لكن تأكدوا اننا نفهم كوره ونعرف اللاعب الموهوب من اول اربع مباريات وارائنا لا يتخذ فيها ولكن في النهايه ننتصر في كل اقوالنا ليالي العيد تبان من عصاريها وبعض اللاعبين يستمرون سنوات طويله بمستوى متقلب وثابت دون تعديل او تطوير في مستوياتهم واشغار رقم لاعب في الكشوفات على حساب لاعب اخر ربما يكون ضاله الهلال اتمنى منكم النظر في انتقادات الجماهير فربما تجدون فيها الحل السريع واللاعب كرستيان ويلهامسون احد هذه الحلول التي ننتظر منكم النظر فيها قريبا الحلقه العاشره للاعب اخر لن يفيد الهلال حلقات سابقه الحلقه الاولى للاعب حسن خيرات <A href="http://vb.alhilal.com/t1101447.html">http://<ACRONYM title=vBulletin>vb</ACRONYM>.alhilal.com/t1101447.html الحلقه الثانيه للاعب فهد السبيعي http://vb.alhilal.com/t1101562.html الحلقه الثالثه للاعب بندر البيشي <A href="http://vb.alhilal.com/t1101791.html" target=_blank>http://<ACRONYM title=vBulletin>vb</ACRONYM>.alhilal.com/t1101791.html الحلقه الرابعه للاعب مبارك البيشي <A href="http://vb.alhilal.com/t1101970.html" target=_blank>http://<ACRONYM title=vBulletin>vb</ACRONYM>.alhilal.com/t1101970.html الحلقه الخامسه للحارس حسن العتيبي <A href="http://vb.alhilal.com/t1102119.html" target=_blank>http://<ACRONYM title=vBulletin>vb</ACRONYM>.alhilal.com/t1102119.html الحلقه السادسه للاعب محمد الشلهوب http://vb.alhilal.com/t1102306.html الحلقه السابعه للاعب شافي الدوسري http://vb.alhilal.com/t1102518.html الحلقه الثامنه للاعب فواز فلاته http://vb.alhilal.com/t1102702.html الحلقه التاسعه اليوم للاعب كرستيان فلهامسون حسابي على التويتر https://twitter.com/#!/msdmrrsc تحياتي |
ويسلهامسون لاينفع للسنه القادمه نعم أنا معك ولكن يجب أن لا نجحد ما فعله في البطولات السابقه بالامانه اللاعب أبدع في البطولات الفائته ولكن للأسف التركيبه المحليه لدينا لك عليها . . . ويلهامسون من أفضل الأجانب اللي مروا على الهلال لكن للأسف لم يعاصر اللاعبين المحليين الصح ! ! أما الآن فـ ويلهامسون لم يعد ينفع 34 سنه يعطيك مبارتين وعشر مباريات off الله يوفقه ولن ننسى هذا الغزال الأزرق ! ! وأتووقع إن ويلهامسون خلاص بيروووح |
كل مباراة يكون آسيوية يفشل فيها ولي في تقديم مستواه المعروف يكون الفريق كله سيء ,, لانحمل اللاعب فوق مايحتمل ,, عندما يكون الفريق متعاون ولديه روح يكون ولي في المقدمة والأبرز ,, هذا لايعني انني اطالب ببقاءه ,, ولكني اطالب بالإحترافية ’’ كل شي للمدرب فقط ,, علينا التشجيع ودعم الفريق والنقاش حول امور الفريق بكل هدوء ,, بعيداً عن شيلوا وجيبوا وكأننا في دوري حوراي ,, تحياتي لك |
كرستيآن ويلهامسون خلاص الادارة يمكن تبيع عقدة لكن ودي تنتهي حلقاتك بصراحة اللي اغلبها محد موافقك فيها :s2: |
ياخوي فكنا من حلقاتك ذي طيرت اللاعبين كلهم ماخليت احد بالهلال وويلهامسون رجع من الدوري القطري ونازل مستوواه في قطر وان شاء الله يجدد مع الهلال وراح يرجع للأفضل وويليهامسون راح يلعب في اليورو 2012 المدرب ضمه وهذا يدل على انه لاعب كبيررر |
الله يعطيك العافيه للمدرب القرار اللهم وفق الزعيم في كل مكان |
ويلي من أفضل اللاعبين الأجانب في تاريخ الهلال يارب يجدد لاعب ممتاز يجيد الإختراق من الأطراف والعرضيات دائماً ما تكون صحيحة ويكون هجمة خطيرة |
القرار النهائي راح يكون للمدرب مانكبنا الموسم الماضي الا اختيار الاجانب قبل اختيار المدرب باذن الله المدرب القادم هو صاحب القرار |
ويلهامسون ايضا لما عرف ان النادي القطري لن يجدد معه انظروا ماذا فعل في اخر مباراه لديهم من ركل وضرب وكرت احمر وهروب بمفاتيح السياره والشقه مما ادى لايقافه 3 مباريات خسر الهلال بسببها بطوله الدوري امام الاهلي في جده [/CENTER] في هذه النقطة أختلف معك ويلهامسون كان شايل فريق بأكلمه في الأهلي قطر وحتى أقالوا عبدالله مبارك وتعاقدوا مع مدرب ثاني يعرف الكورة القطرية قال أحتاج ويلهامسون بس كان القرار لادارة الهلال لأنه أعاروه 6 أشهر فكييف أنت تقول انه ما بغاه النادي الأهلي قطر ؟ |
سلامات اخوي الناقد الصريح عسى ما شر انت متأكد انك متابع الهلال الموسم يا خوي الجميع يعرف أن الموسم هذا اخر موسم للاعب السويدي ويلي هامسون ،،، وبعدين كثر الله خيره اللاعب ما قصر فعل العجب في الملاعب السعودية جنن الكثير من الأندية وعسى ربي يهديه ويشرح صدره للإسلام اللهم امين ،،، فــ ايجابياته كثيرة وسلبياته قليلة جداً ومتى ما كان في يومه الذي عرفناه به كما فعل في مباراة الفريق الأخيره امام بني ياس فاتمنى امنيه أن يبقى لموسم اخر،،، باختصار أخي الناقد الصريح على الرغم من أن الجميع يعرف بأن اخر مباراة للاعب السويدي ويلي هي مباراة بني ياس وسواء بقي مع الهلال او رحل انقادك لويلي هامسون ليس في مكانه ،، تحياتي |
يعطيك العافيه الله يكتب اللي فيه الخير |
من تبي تبقي بالفريق خبري بالحلقات الاخيره منها تطق ال 30 ياولد هدي فريقنا 18 نفر ههههههههههههههههههههه بتطرد سامي ونواف بن مساعد وعبدالرحمن والمدرب الجديد علشان تتم حلقاتك |
شكل بينك وبين اللعيبه تصفية حسابات كل شوي طالع لنا بلاعب جديد الله يستر لاتطول الحلقة الاخيرة |
لوسمحت متى الحلقة الاخيرة؟؟؟ |
الف شكر لك على موضوعك ونقدك .. اللاعب اللي يغيب عن مستواه ثم يعود سريعاً لاعب يعجبني كثيراً . اللاعب اللي يصحح اخطاءه السابقه ويعوض ظهوره في المباريات المهمه يعجبني كثيراً اللاعب قدم مالديه وانجز انجازات مع الهلال ولا استطيع ان اقول انه مقصر .ولكن استطيع ان اقول ان اللاعب بعد عودته كان شاغل باله اشياء كثيره ومشتت ولا يعلم ماهو مصيره والسبب إعارته لنادي الاهلي القطري وهو في قمة مستواه . وعقده مرتبط مع الهلال الفريق الذي احبه واحبته جماهيره . بالاضافه الى تذبذب مستوى الهلال وعدم الثبات على تكتيك معين وقت عودته ساهم في انخاف مستواه اكثر . لغاية اخر مبارة لعبها مع بني ياس قدم مستوى مميز والسبب الفريق كاملاً كان حاضر نفسياً ومعنوياً ايضاً استطاع ان يعرف ماهو مصيره بالتحديد . قاد فريق بلاده السويد للفوز في المباره الوديه قبل كم يوم . هذا يعني ان اللاعب لا يزال مستواه مميز . بإنتظار قرار المدرب الجديد ومارأيه ومن ثم اتخاذ قرار الادارة ماهو مصيره .والتغيير بشكل عام امر جيد على الفريق من ناحية مطالب المدرب باللاعبين .من يحتاج ومن سيستغني عنه ومن سيطالب بالتعاقد معه . والله يكتب للي فيه الخير .. |
ممتاز ماشاء الله عليك تصدق لو أنا رئيس نادي أضعك في لجنة إختيار اللاعبين |
يارجال ارقد بس ماخليت لاعب الا وحطيته في موضوعك اذا ماعندك مواضيع مو لازم تكتب ترا عادي لو ماتكتب |
لم اعرف في جماهير الهلال الجحدان ونكران الجميل ,, مسألة ان اللاعب مو في مستواه انا اوافقك ها المرة وهي اول مرة او الثانيه من بعد تسع حلقات ,, اللي ابي اوصله من ردي وليهامسون مو في مستواه ابدا وانا ارى بيع عقده لكن تجحد ما قدمه وليهامسون فما اقدر اقول الا انك تعاني من الزهايمر <.. كفاك الشر والمسلمين ,, او انك ما تشوف اللي احنا نشوفه. اخوووي الناقد اتمنى انك توقف تنزيل او ياليت المشرفين ما ينزلون مواضيعك. تقبل مروري. |
استمر والله كلامك بالنسبة لي مقنع همني الهلال مو اللاعبين موفق يالغالي |
اتمنى الحلقة الجايه نبيعك ولا اعارتك لمنتدى النصرر |
اتمنى انها تكون الحلقة الاخيرة ماعاد باقي لاعبين ياناقد هدي شوي خلها كل اسبوع لاعب مو كل يووووم |
إقتباس:
كلام سليم بالإضافة إلى أن التجديد معه سيحرم الهلال من أحد 3 أجانب غير أسيويين |
عفوا؟:ranting: والله لو نرجع ورا تشوف مين اللي يفوزك )قال ويلي فاشل:mad: ويلي افضل من نيفيز ومسكين اللي يقول نيفيز افضل لاعب اجنبي في تاريخ الهلال |
ماحد ينكر جهودات ولي قدم مسويات رائعه وكان مشاغب لدفاعات الخصم والقرار بيد المدرب مانبغى غلطات مثل الموسم الي راح |
الرجال متعدي المزاحميه رايح للسويد . . وانت تقول ماودي نجدد معه هههههه شكراً ولي ماقصرت . . افضل محترف جا للهلال من زمن هو ورادوي |
وعليكم السلام والله انك صادق واتحدى احد يقول غير هالكلام ان شاء الله مايقعد والله فاشل ونصف لاجاء وقت الحسم يعطيك العافية |
ترى أزعجتنا بحلقاتك اللي مالها سنع ..الله يرحم والديك اللاعبين الاجانب بيختارهم المدرب ، لو تكتب الف موضوع ما احد درى عنك يعني ماله داعي تنزل حلقات وتتعب نفسك وتسوي فيها فاهم. بالتوفيق للزعيم بقيادة الرئيس الذهبي ابو فيصل وكلنا ثقة فيه وفي اختياراته القادمة باذن الله. |
اللاعب قدم كل ما لديه ونتمنى بيع عقده وجلب من هو افضل منه |
ماشاء الله يالناقد الصريح بقى كم لاعب وتسوي تصفيةs121s اتفق معك في بعض اللاعبين يجب ان لا نغلب العاطفة يجب اعطاء فرصة للبدلاء وتدعيم الصفوف باللاعبين الشباب تحياتي:rose: |
ياخوفي على الشلهوب من حلقاتك |
يعطيك ربي الف عافيه على الحلقات الرائعه وصدق شبيه الريح لكن ويلي هامسون مايعطيك الا سنه سنتين(لكن مااتمنى بقائه) "والله يكتب اللي فيه الخير للهلال" يعني لاعب من الممكن يعطيك هالسنه مثل بني ياس لعب فيها لعب مهوب صاحي + وان شاء الله بتكون الامور تمام التمام دايم فيه شبيه الريح بعد توفيق الله طبعا..!! يعطيك ربي الف عافيه على الحلقات جميع في محلها الا حقت الشلهوب(هذي ضيقت صدري لان الشلهوب اعتبره اخر الاساطير) |
لاحول ولاقوة الا بالله وش ذا الفراغ الي عندك ناقد صريح يابن الحلال فكنا الاعبين الي يشوفون نقدك بينزل مستواهم فكنا من كتاباتك والله مايحتاج تنتقد الاعبين خلهم هم يحسنوون مستواهم ماله اي داعي تكتب حلقات ومسلسلات وخرابيط حنا نعرف من الي يعرف ومن الي مايعرف كووره والله كل الي مموجودين يعرفوون كوره ويشووفون مستوياتهم <<< والله العظيم اقصم اني عندي تلفزيون واشوف المبارياات والله العظيم عندنا تلفزيونات ونشوف والاعب السي يتحسن مافي لاعب يصير مستواه ثابت في كل مباراه بعدين ياناقد هذا دليل ان نفسك قصير جداا الي يعشق الزعيم يصبر لو كل الاعبين مستواهم نازل فيه حماس نحمسهم باقلامنا ورغباتنا وبصوتنا نحمسهم مو نحبطهم نخليهم بدون مستوى نكفش اوراقهم نقولهم حنا عارفين انكم فاشلين انشاء الله كلامي وصللك بس فكناااا ................................ يارب فكنا من اقلام بعض الناس والله يستر كل الي ذكرهم الناقد الصريح ماشفتهم يلعبون اظاهر كرهوا الكوره الله يستربس |
ههههههههههههههههههه ياكثر حلقـأتك وشكلك فاضي ماعندك شى الله يوفق الهلال وين مكان ومع من يكون يااااارب |
ولهامسون من افضل الاجانب اللذين مرو على تاريخ النادي ولكن ولي في الوقت الحالي لاينفع الهلال واتمنى من المدرب القادم عدم التجديد معه ومشكور على الموضوع الرائع |
والي انتهى عقده واتمنى له التوفيق مع اي فريق اخر اعتقد بأنك سوف تبدأ في تجاوز الخط الاحمر اذا استمريت في الحلقات القادمه لا يوجد لاعبين غير مفيدين للهلال في الوقت الحاضر حاول تأجيل الحلقات الى العام القادم |
ويلهامسون لعب مميز ومبدع واتمني التجديد له بصراحه معجبني مستواه واكيد اخطاءت بهذي الحلقه ونتظر حلقاتك الصيفيه |
قرار اعادته من قطر كان خطأ وقرار التعاقد معه الان موسم اخر خطأ اكبر واكبر لاعب ( مراوغ ) وسبق ان كتبت موضوع تم حذفه من بعض المشرفين الخبراء بأن هذا اللاعب ( يضحك ) على الهلال ،،، فنشاهده لا يلتحم ابداً ويتحاشى الاحتكاك ويلعب اي كلام وفنياً اصبح مكشوف لأي دفاع ،،، مروحه ثم الاتجاه لليمين بنظام : طقها والحقها ضعيف في التسديد على المرمى ، وقدم مستوى جيد في المبارتين الاخيرتين دليل على خداعه لا اتمنى بقاءه مهما كان |
القرار النهائي راح يكون للمدرب مانكبنا الموسم الماضي الا اختيار الاجانب قبل اختيار المدرب |
يعطيك الف عافيه الناقد الصريح ويليهامسون لاعب كبير منذ عودته للهلال لم يكن ويليهامسون موسم 2009 - 2010 بل الفريق بالكامل لم يكن هو وحده بقائه أو رحيله مع المدرب القادم الله يكتب اللي فيه خير للهلال |
هههههههههههههههههههههههههههههههههههههههههههههههههههه وش رايك في اسامه هوساوي ! لاعب لن يفيد الهلال اتى بمبلغ جامد ... لاعب عمره قوق ال26 ... وهو الخيار ال27 بعد المرشدي و والمسلم و الاجنبي ويمكن بعد حارس النادي و و و وهو نكبنا في اهم مباره في تاريخ الهلال ضد ذوب آهن في نصف نهائي اسيا ... و هو ترك الهلال وهو متاهل لدور ال8 مفروض مايلعب لانه ترك الفريق ... يحب المنطقه الغربيه مايحب الرياض فذالك فيه شي فيسوكانيليجي ماراح يفيد الهلال قاتمنى من اداره الهلال تستغني عنه وانا حلقاتي ال 875 الاخير كلها صائبه بنسبه 99.9 % ترقبو الحلقه القادمه رقم 876 ... |
ترآك يالاخو كل الفريق انتقدته انت وحلقاتك والمشكلة اغلب الاعضاء مو راضين على نقدك :d افضل ان تيون هذا آخر نقد لك |
وين النقد في كلمة فاااااشل ... اتوقع ان فيها تجاوز وتجاوز كبير على اللاعب حتى لو رحل |
بصراحه ذكرك ان نيفيز افضل لاعب وسط في تاريخ الهلال خلاني أتأكد أننا فعلا جماهير عاطفيه ومن صالح الفريق أن لاتلتفت الاداره لما يطلبه الجماهير. |
ياليت والله ينسقونك من الشبكة :) |
اذا يجيبون لاعب اجنبي افضل منهـ فمايشوف شر ويلي... اما اذا جابوا لاعب مستواه مش ولابد فنقعد على مجنونا لايجينا أجن منهـ... وبالنهايه القرار الاخير يالليت يكون للمدرب الجديد...... |
http://m.3bir.com/files/57556.jpg معاك حق اللاعب مايحب الهلال والصوره اكبر دليل اخوي كلامك منطقي لاكن لاتبالغ في بعض الكلام |
بكره تجي تقول ان شبكه الزعيم لن تفيد الهلال ! انا ما اوافقك الا في حلقه شافي الدوسري وحسن العتيبي |
شكلك مندس ... من يوم تتكلم عن عمك محمد الشلهوب وانا غاسل ايدي منك |
إقتباس:
صوره اليممممه ورد قوي لصاحب الموضوع وايضا مين اللي وصلنا لدور الاربعه 2010 روح راجع الاسيويه موسم 2010 وشوف ويلي كيف بدع .. |
يعطيك العافيه الله يكتب اللي فيه الخير |
يسلم عليك نامي كل الاعبين الي لهم مستقبل طالبت بتنسيقهم ولكن انا اعرف ان ويلي مغادر مغادر ياترى لماذا طرحت اسمه هنا ؟ وبدلا من من |
وجهت نظرررررك نحتررمها ويلي لاعب كبيرررررررر |
أرجو من إدارة المنتدى وقف هذه المواضيع المُمله و غير ذات فائده بل ربما قد تضر الفريق كثيرآ ,, ياليت ياليت ياليت تحتفظ برؤيتك الفقيره لنفسك ,, أما ويلي ما ينفع عاد هذي ما اقدر أسلك لك فيها ,, |
اخوي الناقد الصريح .. اشوف اكثر حلقاتكك نقدك فيها قاسي صراحهه و بالنسبه لحلقه اليوم : انا معك ان ويلي ما قصر 4مواسم في خدمه الهلال . :ba1: و من افضل الاجانب اللي مروا في تاريخ النادي لكن لاعب كبر في السن و عطاه بدا يقل هالموسم . ماشفناه الا في اخر مباراه قدم مستواه المعهود عنه :smilie47: و اتمنى من الاداره المجيء بلاعب على مستوى ويلي 2008 2009 تحياتي لك :rose: .. وبشويش على لاعبينا :d |
بطل احبــــــــاط في الاعيبه . |
اختلف معاك اقضل صانع لعب اجنبي مر ع تاريخ الهلال هو الامير الليبي طاااااااااااااااااااااارق التايب |
ولي هامسون لاعب من أفضل اللاعبين اللي مروا على الهلال وماقصر ,,,, ومواضيعك وحلقاتك من اسوأ المواضيع اللي مرت على منتدى الهلال,,, تكفا لا عاد تكمل وريحنا ,,,,, |
اكبر مقلب اكله الهلال هو ويلي الفاااااااااشل لم اراه باارز في اي مباره قووويه ومثيره دائما يطلع بمباريات الضعيفه وذات الرتم الضعيف |
إقتباس:
صدق من قال انكم جمهور عااطفي قالوه ليش تضيع ركلات الجزء بكل برود واستهتار بايران ولاعبك الفاشل الي يضيع مجهودات الاعبين الشباب بالنادي هذا الاعب هوو اكبر سبب في ضياع الحلم الاسيوي عام 2010 لم اقتنع والله فيه يومنا من الايام ومباره بني يااس امام اضعف الانديه واسواءه |
إقتباس:
قد جاب حلقه الشلهوب وانا اخوخ الرجال كل يوم يصداد فريسته |
| الوقت المعتمد في المنتدى بتوقيت جرينتش +3.
الوقت الان » 04:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd