|
زلاتكو للفريق الأول وسامي للأولمبي زلاتكو باختصار نجح مع الفيصلي وكون شخصيه للفريق ومدرب شاب وعاشق للهلال ودايم يسألونه عن ترشيحه لبطل الدوري يذكر الهلال ويكفي انه ترك فريق في الممتاز عشان اولمبي الهلال التعاقد مع زلاتكو بيختصر شغلات كثيره كونه يعرف الهلال ولاعبينه وامكانياتهم ويبقى يرسم خطه لعب في المعسكر خصوص الاسيويه في عيد الفطر صعب تجيب مدرب من خارج أجواء الدوري السعودي وتدخله على طول دور الثمانيه بآسيا صدقوني زلاتكو بيصبح مدرب عالمي لأن قراءته للمباريات والتصرف وسط المباراه مذهل وتابعته كثير مع الفيصلي رغم ضعف الامكانيات والمحترفين كان يهزم الفرق الكبيره على ارضها ولاحظوا الفيصلي عمره ماكان مهدد بالهبوط من يوم صعد للممتاز اما بخصوص الكابتن سامي فألمبي الهلال افضل مكان له حتى يكون له فلسفه خاصه في التدريب ويجرب خطط لعب خصوص ماعليه مطالبات وضغوط ويلعب بارتياح ويصعد مع لاعبينه في المستقبل للممتاز لاحظ مدرب منتخب شباب الامارات جاب كاس آسيا ولعب مع فريقه بكاس العالم للشباب والحين صعد للأولمبي وبنفس الطاقم وصل لأولمبياد لندن لأول مره في تاريخ الإمارات اتمنى من الكبتن الكبير سامي يغلب صوت العقل على صوت العاطفه لأنه لو مسك فريق بدوري ممتاز باي نادي راح يكون تحت ضغط ومطالب بنتايج وماراح احد يصبر عليه يصلح اغلاطه والاصعب من كذا لو فشل وأقيل راح نصاب كلنا بالإحباط خصوص أنه املنا الوحيد في السعوديه مدرب سعودي ممكن يمسك بيوم المنتخب ويجعل منه آله لحصد الانتصارات |
والله انا معك مليون بالميه .. اقتنعت بموضوع بشكل كبير ! وانا بكل صراحه اتمنى يجي مدرب فاهم امكانيات الهلال. مو يجي مدرب من اخر الدنيا ومهو فاهم بالكره السعوديه شي |
اتفق معك في زلاتكو لاكن سامي ماعتقد يوافق لانه يبي يكون في الواجهة الاعلامية عالعموم الله يكتب الي فيه الخير للملكي الهلالي |
اهم شيء يدعمون الفريق الالمبي بنجوم صغار من الدوري في الخانات الي يحتاجها الفريق هذا اذا كانو يبون يحققون البطوله ويصعدون لاعبين مميزين |
زلاتكو أفضل له انه يكون مدرب الفريق الأولمبي ويكتسب الخبرة اكثر وأكثر أما سامي أرى أنه يتدرج بالتدريب أحسن له |
انا اتفق معك في كلامك الله يعطيك العافية |
زلاتكو ممتاز ليش لا فكره ممتازه بس سامي ماعتقد يقبل |
نتمنى سامي يمسك الأولومبي بالتدريج او اي فريق هلالي وأهم شئ مايمسك الفريق الأول للبعد عن الضغوط وتصيد الأخطاء والفشل بالتوفيق لسامي مع الأولومبي الهلالي |
كلامك فيه فكره حلوه قابله للصواب والخطاء وش تتوقع رأي الامير عبدالرحمن كفكره ؟ |
حبيت اضيف شي مهم عشرين مليون ريال وثلاثين تدفع في مدرب مبلغ كبير بصراحه خصوص ع دورينا ليش ماتروح هالمبالغ في لاعبين سعوديين محليين يخدمون الهلال سنواات وسنواات مثل عبدالله شهيل لمح كثير للهلال واليوم في الجرايد يبي يشتري عقده من الشباب بصراحه ظهير ايمن هجوم ناري ويلعب وسط ايمن ويلعب ايسر مثال ثاني عبدالله الحافظ امكانيات قلب دفاع هائليه بنيه وسن صغير وناديه عنده مشاكل وللحديث بقيه |
الله يعطيكــ العافيه ويقدم الي فيه خير لزعيمنا |
موفق يالهلاااااااااال وين ما كنت,,, |
زلاتكو ممكن واوافقك فيه بس سآمي ماتوقع يقبل يدرب الاولمبي ~~ |
صراحه وفي أكثر من جلسة نقاش تمنيت زلاتكو يدرب الهلال ....فهو طموح ويعرف الدوري السعودي ............... ومو شرط نتكبد الملايين لجلب مدرب جديد ويحتاج وقت للتأقلم مع أجواؤنا ويكون سامي مساعد له |
زلاتكو مهب مدرب عالمي ولي يقول زلاتكو مدرب عالمي مايدري عن المدربين ابدا واتنمي ان لايكون زلاتكو مدرب للفريق الاول واذا صار زلاتكو مدرب للهلال الهلال ماراح يوصل الهلال لنصف النهائي |
| الوقت المعتمد في المنتدى بتوقيت جرينتش +3.
الوقت الان » 07:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd