|
يامن تطالب بالبقاء على الكوري +++ الموسم المقبل السلام عليكم ورحمة الله وبركاته الحمد لله على ماكتبه الله لنا هالموسم وبالنسبة لي لم يكون طموح اي مشجع هلالي ان يتكرر هالموسم وان يستفيد الجميع من اخطاءه من ادارة وجهازين فني واداري ولاعبين حتى الجمهور ايضا هناك تعجب كبير من قبلي بالبقاء على اللاعب الكوري بسبب الهاتريك في بني ياس ومع احترامي لبني ياس لم يكن الخصم العنيد بل الجميع جعل منه الصعب بسبب عقدة دور الستة عشر ... فاللاعب الكوري ليس لديه المهارة وايضا ليس لديه صناعة الفارق فاللاعب ابهرنا بمستواه بسبب ضعف بني ياس فاين من قبل تاتيه الكوره طبق من ذهب امام المرمى ويركنها بعيدا وكأن حال المشجع الهلالي هذا مدافع الخصم المقابل جملة وتفصيل لانريد ولانؤيد بقاؤه مهما كان ... أسطر خفيفة ــــ اتمنى ان يكون استعداد للموسم المقبل استعداد جاد بمدرب له قيمه وله وزن والاهم من ذلك شخصيته في الانضباط خارج الملعب وداخله لان كرة القدم وظيفة كغيرها من الوظائف التي تطلب الالتزام ... ــــ العربي وويلي والكوري اتمنى الغاء عقودهم وبيعهم وياليت هرماش يكون معهم لانه ليس بمحور دفاعي . ـــ لكي تبحث عن اي لقب فابحث عن تأمين الدفاع بقلوب دفاع صح ومحور دفاعي صح والدليل كوزمين ـــ الهلال بعد اسامه يحتاج قلب دفاع من طينة الكبار ونحتاج لمحارب في المحور الدفاعي __ نحتاج لصانع لعب اجنبي مهمته انت وضميرك ايها المهاجم وايجاد الكرات الثابته __ نحتاج مهاجم اجنبي بجوار ياسر وسعد يمتاز بالمهارة وضربات الراس والاختراقات السريعه ــــ بالاصح يادارة الهلال نريد فريق يرعب كما كان مع جريتيس واتمنى ان تكون اجازة الشهر كافيه للاعبين ــــ نحتاج جهاز طبي متكامل وليس كالجهاز اللي عندنا عزوزالدوسري له ثلث ارباع الموسم مالعب والله حرام __ حسن العتيبي انت حارس فذ ويعاب عليك وزنك الزائد فنحتاجك في معترك اسيا ــــ استغرب من جمهور الهلال البعض منهم يقولو ليه العجمه ولا المذيع الاخر يقلل من الهلال ومن اساطيره بالعكس انا اقول الهلال كبير ويحاولون ينقصوا من قيمته لان هذا قدرهم ففرقهم لاتستطيع ان تقارع بل تستطيع ان تسترجع رجيع الاندية اللهم لاشماته ــــ الفريدي ماتبي الهلال وعندك عقد ارحل وخذها قاعده راسخه لن يندم سواك ويعلم الله ان رقم 15 كبير عليك واتمنى مايلبسه حاليا سوى سالم الدوسري _ امنيه من قلبي اتمنى من الادارة ان تهتم بالاولمبي فهو املنا بعد الله ولانريد القطيع اوبالاصح رجيع الانديه -ـــ في الموسم اربع بطولات والصحيح ان الهلال هو البطولة الخامسه فاكثر الجماهير تقلل وتفرح من انجازات وهزيمة الهلال وتلقاهم فرحانيين وكانهم حصلوا على لقب الدوري _ قبل اسبوعين راسلني احد ابناء العمومه نصراوي وقالي سنحصل على كاس الابطال ونخرجكم من اسيا ضحكت وارسلت له قلت بالعافيه وان شاءالله تمثلونا في اسيا خير تمثيل ,, بعد المبارة ارسلتله وقلت له خيرها بغيرها ,,, ارسلي بعدها قال ستطلعون من دور الثمانيه من بني ياس ضحكت كثير وارسلتله بعد السبعه مارد ولكن استشهدت من ذلك ان عقلية المشجع النصراوي لاتقل عن عقل ابن لايتجاوز الخامسة من عمره - اخيرا وليس آخرا مبروك للهلال وللاتحاد وللاهلي وايضا للاتفاق مبروك فعلا للوطن الغالي اجازة موفقه للجميع وزوجات وافراح بحول الله للجميع لاتنسوني من دعائكم الصادق اخوكم ابو يزيد |
ودي اذكركم بان الكوري من موسمين ما اخذ اجازة الموسم هذا والي قبلة كان بالدوري الكوري علطول جا للهلال وبدا الموسم عندنا يروحون كلهم ماعدا الكوري خله يرتاح ويرجع وتشوف |
والله ياعبدالحكيم طرحك الشهاده لله راقي والواحد يفتخر ان مثلك وشرواك بهالمنتدى معاك بكل شي بس اختلف معك بالنسبه للكوري هاللاعب يملك تحركات مقلقه للخصوم بس ناقصه شوية ثقه والترند حقها في طلوووع |
الكوري هو الاعب المناسب كا اسيوي |
لاعب فاشل 35 مباراة ناكبنا وبدع مباراة وحده وابلشتونا إذا استمر مهب لاتحلمون بااسيا لاتحلمون بكل البطولات نبي بدر المطوع ولا مدافع اسيوي |
هرماش + الكوري يقومون بأدوارهم بكل جدارة والعيب في منظومة الفريق سنراهم الموسم القادم |
شكرا لك ابو يزيد اوافقك في كل شي الا في الاستغناء عن عادل هرماش تقبل تحياتي ,, |
صدقت عزيزي بقاء الكوري او هرماش كارثه وحيتأكد البعض من ذلك وقت الحسم في اسيا فهرماش ليس بالدفاعي ولا الهجومي والكوري كل الموسم سيء وبسبب مباراة بني ياس تاسع الدوري الأماراتي يتم بقائه إدارة الهلال إذا تريد اسيا عليها بأربع محترفين سوبر يختارهم المدرب الجديد بعنايه وان يكون المحترفين لهم اساميهم ومضمون نجاحهم إن شاء الله وسنهم يكون معقول وليسوا في اخر مراحلهم الكرويه او لسه بادئين في عالم الكره |
موضووووووووووووووع لتثبييييت ,.,.,.صرااحه مشكووور اخي .,.,.,انا لست مع اوضد بقاء الكوري.,.,., لاكن مع الغاء عقد هرماش .,.,لأن لازم معه محور ثاني وألا فلا .,.,.,ليكمله ويسد فراغاته تذكرون مباراة القادسيه اللتي لعب فيها هرماش وحيدا كيف كان الدفاع .,.,., مزايا هرماش .,.,(دقة التمريرات,الثقه,الهدوء,قطع الكرات,قوة التسديد,تسير الكرات بشكل الصحيح) لاعب كبير تحسه (خافير زنتي)داخل الميدان .,.,لاكن عيوبه تغطي كللللللل هاذا عيوبه: (عدم الرجوع للمنطقة بشكل السريع ,عدم الا مبالاه في بعض الاحيان) هاذي عيبين اساسين للمحور اذا فشل فيها فقد فشل الاعب مهما كان مستواه وتفكيره الكروي.,.,,. اما اذا تقول هرماش يوجد بل قرب منه الغنام او الفرج فثق ثقه تاامه في وسط ميدان الهلال لأن هرماش راح ينضم الجمل الهجوميه بشكل ممتاز .ومحور متاخر اخر,.,مثل مباراة بيروزي ,مباراة الاتحاد في جده فدور الاول,,ومباراة بني ياس الاخيره .,.,.كان لعب الهلال منضم وفي قمت الخيال ولا ننسى احتراف هوساوي واسيا الحلم قربت (دور 8) بعدين راح تلعب مع شرق القاره يتميزون بسرعة الارتداد .,., وشكرااا وبتوفيق لزعيم |
اتمنى جلب لاعب مهاجم افضل من الكوري واذا ما فيه افضل منه اتمنى بقاءه |
لا جيت تقيم لاعب قيمه على حصيلة موسم كامل مو مباراة او مباراتين والاعب كان عاله طيلة الموسم اما لو اردنا الحكم بطريقة البعض فكان يجب أن نبقي على ليلو مبيلي الذي كان نجم في مباراة الاتفاق فقط |
لاعب فاشل 35 مباراة ناكبنا وبدع مباراة وحده وابلشتونا إذا استمر مهب لاتحلمون بااسيا لاتحلمون بكل البطولات نبي بدر المطوع ولا مدافع اسيوي |
هاللاعب يملك تحركات مقلقه للخصوم بس ناقصه شوية ثقه والترند حقها في طلوووع |
الكوري مانبه يجلس مع الهلال:ranting: |
كلامك ليس فيه من العقل شئ شكرا لك |
وماهو العقل بنظرك اوزيل ؟ |
انا استغرب من بعض الجماهير المطالبه بعدم تجديد الاعب طيب عطني البديل البديل نستطيع ان نحظره وهل البديل بسرعه يتأقلم او بحاجه لاخر الموسم لكي يعتاد على اجوائنا واخيرا وليس اخرا المدرب من يقرر بقاءه اورحيله اشكرك طرحك جميل ومميز واختلاف الرأي لايفسد من الود قضيه |
يعطيك العافية طرح مميز ولكن أخالفك بنقطة إلغاء عقد الكوري بصراحة لاعب ما أخذ فرصته ورغم ذلك أهدافه تساوي أهداف ثاني هدافين الدوري الفرنسي ( العربي ) رغم إن العربي لاعب أغلب المباريات وللأسف لم يحقق هدف حاسم بنظري ولم يسجل على أي فريق من فرق المقدمة كذلك لاعب منتخب وكثير المشاركات وكثير الاصابات اللاعب الكوري ضارب خطير بالرأس لاعب يجيد كسر التسلل سريع حماسي ومستواه في تطور يحتاج دعم من الوسط والكل للأسف شايف حال الفريق هذا العام لا يساعد في بروز أحد مباراة في القمة وثلاث في القاع مع عدم ثبات المدربين وعدم ثبات تشكيله , فريق بلا هوية الكل طالب باللاعب ايمانا وشفنا الموضوع في متابعة التعاقد معه ومتابعة الاعضاء له وماذا تم هل قدم شيء هل ايمانا سيء ؟!! الكوري لاعب مميز وسوف يشاهده الجميع بمستواه الحقيقي بالعام القادم إن شاء الله وجهة نظر وشكرا للجميع |
لاعب ممتاز في الحركة وازعاج المدافعين فقط ولكن في التهديف يبغى له كثيييييير اذا في احسن نجيبه اذا مافي نبقى عليه |
اسيا يبغالها مهاجم خورافي و اتمنى دروقبا يجي الكوري لاعب ممتاز بس مشكلته انه مثل اي مهاجم يعني طريقة لعبه نفس ياسر |
يععطيكك آلععآففيهه آولآآ -- ههرممآش لآآ يروـحح :mad: -- آلكووري لكك عليهه لكنن ممعع يآسسر رآـحح تشوفف آبدآعع:smilie47: |
بما إنه بمكان اللاعب الآسيوي أقول نصبر عليه وعندي إحساس إنه سيكون له شأن بالمتبقي من الآسيوية فلو قابلنا نادي كوري والا ياباني سيكون كورينا عارف لطرقهم باللعب اثقلوا على الكوري وعقده 4 سنوات مع الهلال نصبر عليه على الأقل لمنتصف الموسم القادم وبعدها نشوف له حل لو ما ظهر بالمستوى الذي يتوقعه غالبية الهلاليين . وعندكم مراكز 3 لاعبين نحتاج 1 دفاع و1 محور دفاعي و1 مهاجم أو صانع لعب ممتاز إذا عاد ياسر . لا أؤيد الاستغناء عن الكوري . |
سيأتي مدرب قدير لقيادة دفة الفريق وهو الأدرى بمن يحتاجه من اللاعبين وسيكفيكم هم التعاقدات وإلغائها |
إقتباس:
هذا أحلى ما في جمهور الزعيم الميزة التي لا يمكن أن تجدها عند أي مشجع آخر هذه الأخلاق العالية والروح الرياضية والنفوس الشفافة :ba::ba1::ba: |
اضم صوتي الى صوتك الكوري لازم يمشي فااااااااااااااشل |
أشكرك على موضوعك .. ولكن تسمح لي اتناقش معك بخصوص الكوري واثبت لك إن طلبك إلغاه عقده كان من نظرة ( طابت النفس منه ومانبيه لو ايش) ومن منظور عاطفي موب فني ابد .. وحتى جملتك في الكوري " لا نريد ولا نؤيد بقاءه مهما كان" يثبت لي إنك مع كامل الإحترام حكمت عليه بالفشل وماشي بنظام " عنز ولو طارت " وهذي النظره العاطفيه ما ألومك عليها .. كلنا نبي الهلال فيه نجوم من طراز عالي .. لكن اتمنى نحكم العقل شوي أول شي .. خلنا نقيم مستوى اللاعب .. خلال الموسم الماضي 1- اللاعب بدا بداية قوية في معسكر بداية الموسم وكانت حساسيته للتهديف مرتفعه ماشاء الله ( بحكم إنه كان متواصل اللعب في الدوري الكوري وجانا حامي ) .. حتى المدرب دول كان يشركه بشكل اساسي بداية الموسم وكان فعال وسجل اهداف .. احلاها كان هدفه الاول في الاهلي إلي فاز فيها الهلال برباعيه..وبعدها اصيب ,, ومتأكد لولا الإصابه كان استمر اساسي وابدع وامتع واندمج مع المجموعه من بدري 2- اللاعب ما اخذ فرصته كامله ومع ذلك معدله التهديفي ممتاز جداً وياليت الاعضاء اصحاب الاحصائيات يجيبون لنا كم مباراة لعب فيها الكوري وكم دقيقه لعب وبتعرف إن معدله التهديفي عالي مقارنة بالدقايق إلي لعب بها نجي للرد على كلامك بالنسبه للي قلته في الكوري .. جب لي احصائيات واثبت لي بالأمثله إن اللاعب ماينفع واتناقش معك فيها .. لأن إلي لاحظته في كلامك إنه إنشائي فقط .. وبالعكس انا عندي امثله تثبت لك إن كلامك فيه مجحف وسلبته ميزات يتميز بها عن غيره أولها .. كلامك إن اللاعب غير مهاري والفرص تجيه على طبق من ذهب ويسجلها ..مردود عليك مع احترامي لك .. خلنا نجي نستعرض مهارات اللاعب.. أ- لاعب سريع ما شاء الله وهذي ميزه نادر ما نشوفها في الدوري السعودي ومهارة السرعه بحد ذاتها كفيلة بإني افضل هذا اللاعب على أي لاعب جديد ..وشفنا كيف اللاعب ما شاء الله في اكثر من مباراة يكسر حاجز التسلل بسرعته .. ب- لاعب مراوغ و(مهاري) والأمثله كثيره وواضحه .. تشوفها في بعض اهدافه.. مثل هدفه في الأهلي بالدور الاول .. وهدفه الملغي في مباراة الغرافه الأخيره .. وفرصه إلي كان يحاول فيها في مباراة الغرافة ج- لاعب جيد جداً في ضربات الرأس وعنده اهداف كثيره مسجلها براسه طوال الموسم ( دورت اهدافه الكامله مع الهلال في اليوتيوب ولا حصلتها وهي اكبر اثبات له ) .. وغير كذا اللاعب عنده قوة تسديد جيده جداً ويحتاج التركيز بس واتوقع لما ياخذ الثقه بتشوف اهداف صاروخيه له .. وتقدر تتابع اهدافه في الدوري الكوري .. تراه يسدد فاولات .. للمعلومية بس .. د-تمركز ممتاز ورائع وردة فعل جيده جداً .. والمثال .. أهدافه الثلاث الأولى في مباراة الهلال الأخيره وكذا هدف شفته له مسجله هذا إلي يخلي اغلب الجماهير تبخسه حقه وحق اكثر اللاعبين إلي عندهم ميزة التمركز الجيد بحجة إن أغلب اهدافهم سهله وتجيهم على طبق من ذهب ومثل هالمهاجمين .. ناصر الشمراني وعيسى المحياني .. ملاحظة .. لاحظ هدفه الثالث وهدف الهلال الرابع في المباراة الأخيرة وقلي بصراحه .. فيه لاعب سعودي ممكن يسجل هالهدف باستثناء ناصر الشمراني ؟ هـ -تحرك بدون كوره و الضغط على المدافعين إذا كانوا حاملين للكوره والمثال هدفه الملغي في الغرافة ولاحظ كيف ضغط على المدافع إلي كان اقرب للكوره واخذ الكوره منه ومر من المدافع الثاني بمهارة وسددها قوية في العارضه ( هالهجمة تجمع لك بين مهارة الضغط على حامل الكوره والمراوغه والسرعه وقوة التسديد ) و- اللاعب عنده ميزه ما لاحظها كثير من الجماهير وهي صناعة الفرص .. والمثال صناعته لهدف الفريدي في الغرافة بطريقة فيها قتالية .. وصناعته لهدف سالم الدوسري في المباراة الأخيرة ز- مهارة دقة التمرير عند اللاعب ممتازه بشكل عام .. وهذا يدعم ميزة إن اللاعب يتميز بصناعة اللعب وصناعة الأهداف للاعبين الثانيين .. ترى جبت لك اغلب الأمثلة من المباريات الأخيرة إلي هي قريبه لذاكرتي وذاكرة اغلب الجماهير ومثل ما ذكرت .. دورت اهدافه الكامله في اليوتيوب ولا حصلتها .. مع إني شفتها قبل يومين واسطوانة إضاعة الفرص إلي نسمعها من الجماهير .. انا اشوف إن سببها إن اللاعب توه ما تأقلم مع المجموعه وناقصه الفرصه الكامله علشان ياخذ الثقة في نفسه وينفجر مثل ماشفنا في مباراة بني ياس .. إلي ابيك تتابعها وتشوف إن اللاعب سجل نسبه كبيره من الفرصه إلي جاته واضاع فرصه أقل من إلي سجلها .. وبعدين ما ننسى العوامل الثانيه بجانب الإصابه إلي اثرت على اللاعب وكانت كفيلة بأن ابداعاته تتأخر مثل الجانب النفسي .. وكلنا نعرف إن اللاعب يعرف كوري بس ولا يتكلم انجليزي ولا عنده مترجم .. يعني تحسه مثل الأطرم بين اللاعبين ويتواصل مع اللاعبين والمدرب بالإشارة .. وفوق هذا كله ماجابوا له مترجم ..والآن يدرس انجليزي على ما اعتقد علشان يقدر يتواصل مع الناس بطريقه افضل واذكر كان فيه خبر إنه يبي يجيب اهله وفي هذيك المده الادارة توها ماتحركت .. ومدري جابت اهله او لا طبعاً هذا كله بغض النظر عن الجانب الفني وعدم اعطائه الفرصه باللعب لما تعافى لانه سبب فني من المدرب .. بعد كل هالكلام .. ويوم بدينا نشوف اللاعب بدا يتصاعد مستواه بشكل تدريجي .. يجي بعض الجماهير ويطالب بإلغاء عقده .. شي مايدخل العقل مع احترامي ... بعدين ترى موب شي سهل ابد إنك تلقى اجنبي آسيوي مميز .. والمميزين متواجدين في شرق اسيا .. كوريا الجنوبيه واليابان .. واستراليا .. ومن المعروف إن هالنوعية من اللاعبين ما يتأقلمون بسرعه لاختلاف الاجواء كلياً ثقافياً وجغرافياً .. يعني يبي لهم وقت علشان ما يبدون يندمجون وإذا تبي تلغي عقد الكوري وتجيب غيره من شرق اسيا ( كأنك يا ابو زيد لأن راح ندخل مرحلة .. عطوا اللاعب فرصه توه جديد ... وإلخ ) واللاعبين العرب مايملكون المميزات إلي يمتلكها هاللاعب مع كامل الإحترام . .وأقرب لاعب ممكن اقارنه بالكوري واحس فيه تشابه بالأسلوب هو الحوسني .. واشوف إن الكوري يتفوق على الحوسني بالسرعه وصناعة اللعب وأهداف الرأس.. يعني باختصار اتركوا العاطفه وحكموا العقل .. تقبل تحياتي .. وردي هذا شكلي بحطه موضوع لوحده هههههههههههههههههه |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd