|
الفريدي ورغبته بالانتقال الأخوة والأخوات الكرام تحيه طيبه معظمنا شاهد ليلة البارحة مقابلة سمو رئيس النادي مع تركي العجمه في برنامج كوره بقناة روتانا خليجيه وتم التطرق لموضوع أحمد الفريدي وأن الاتفاق شبه نهائي بين الادارة والتجديد مع احمد الفريدي وأن اللاعب طلب مهله للتفكير واليوم خرج لنا عنوان صحفي بجريدة الرياض بأن اللاعب مستمر مع الهلال وتم الاتفاق على مبلغ العقد ولكن لم يتم الاتفاق على مدة العقد فاللاعب يرغب بالتجديد لسنتين ونصف والأدارة ترغب بالتوقيع لأربع مواسم وطلب اللاعب مهلة للتفكير وقبل قليل في برنامج ارسال مع المتألق ماجد التويجري كانت هناك مداخله مع اللاعب احمد الفريدي فصرح بما لم يستطيع التصريح به امأم ابن مساعد بأنه لايوجد شي يقدمه للهلال وسوف يكون اخر عهده مع النادي البطولة الأسيويه وبعدها سوف ينتقل لأي ناد اخر وكتبت موضوعا قبل حوالي 3 أشهر وكان محور الموضوع أحمد الفريدي ورغبته بالانتقال ومماطلته حتى دخوله فترة الستة أشهر حتى تكون له الحرية الكامله بالانتقال بدون موافقة الادارة ولكن مع الأسف تم حذف الموضوع من قبل المشرفين وها أنتم سمعتوا ماقاله الفريدي ورغبته بالانتقال بعذر انه لايستطيع تقديم اكثر مما قدم للنادي وانا اطلب من ادارة النادي الاستغناء الكامل عن احمد الفريدي من هذه اللحظه حتى نستفيد من قيمة عقده ولايحصل لنا مثلما حصل مع كابتن الفريق هوساوي للجميع التحية والاحترام |
اجمل خبر سمعته هو ان احمد الفريدي يريد الرحيل من الهلال |
1 التويجري مو متالق التويجري نذل وحقير 2 اتمنى رحيله واتمنى عدم التوفيق له 3 لو انتقل للاتحاد هل سيتقبل تسلط نور على كامل الفريق مثلا والفريدي معروف نفسه شينه ووينه عند روحه 4 اتمنى من ابوفيصل يسحب كلامه البارح عن هاللاعب ويتعامل معه بكل قسوه وصرامه لانه خذله شخصيا ولا احترم كلامه البارح اقل شي اجل كلامك يالفريدي كم يوم خلنا ننسئ كلام ابوفيصل عنك والمديح اللي وطاك آهـ لو الامر بيدي بس آهـ |
ليـــــــــــه نكبــر المــوضوع وهو مايستحق كل هالضجه المسألــه بسيطه جداً بقيمه تجديد الفريــدي نجلب اللاعب / يحيــي الشهــري فالفريدي عرض عليه 20 مليون ولو عرضناها لنادي الاتفــاق لجلبنا يحيــي ويكون انهينا المشكله نهائيــا اتمنى التعليق من الاعضــاء على ردي لانه غيــر مسموح لي بكتــابه المواضيع الا بعـد اذن الاشراف وهذا يــاخذ فتره 12 ســاعه تقريبا ختــاما اتمنى من المشرفين تفعيل كتـــابتي للمواضــيع بـــااأأسرع وقت ممكن وشكــرا . س/ بعد كم مشاركه اصير اكتب موضوع وينزل مباشره بدون اشــراف فلسفه هــلالي |
الله يعطيك الف عافيه نص الموسم مالعب مافتقدناه كثر مافتقدنا عزوز الله يوفقه بس المحزن والي اتمنى شبيه الريح ينتبه له مفاوظات الاعب من تحت الطاوله وعدم مفاوضه النادي وعقده ساري وثانيا اتمنى ان ينتبه رجال الزعيم يحاولون اسقاطه بأي طريقه وهاذي وحده وانكشفت الدور على مين |
في حريقه مايستاهل يكون لاعب حتى في الانصار مكبرين راسه ومعطينه امبر من حجمه والله اتمنى الادارة تعرضه للبيع ولاستفاده من قمت العقد لانو خلاص طفح بنا الكيل من الفريدي بس جعل حاله مثل الدوخي واردا يااارب اذا طلع من الهلال |
صراحه خساره كلام ابو فيصل الجميل عنه هذا واحد مايستاهل احد يقول كلام جميل عنه اتمنى عدم بقائه |
اذا كان هذي رغبه لاعب الله يوفقه |
والله براحه يمكن خيره لكن احب اقول له احيان الفلوس ليست كل شي مدرب برشلونه رفض مليارات من قطر عشان تاريخه وتاكد ياحمد لن تجد احسن من الهلال جماهير الاتحاد والاهلي الكل يعرف كلامهم اذا غضبو من لاعب مهما كان حجمه يسبون حتى امه وبنفس الوقت الهلال الكل يتمنى يلعب له ومانقول الا اللهم اختار لنا ولهلالنا الخير وارضنا به لكن يافريدي اذا لاتريد الهلال فكن وفيا وصارحهم حده لسه في عقدك عشان الفريق يستفيد فلمن نعهد منك الا كل خيرا |
شيء جميل و إيجآبي على الأقل نفتك من الإزعآج كل شويء بيستمر و بيرحل بيستمر و بيرحل ! زين آنهآ جت منه و جت صريحة .. و الحينُ المطآلب أخذ هآ الشيء بحترآفية تآمة يعني يآ ليت يعرض الآعب على قآئمة الإنتقآل و بقيمة عآلية علشآن نحفظ حقوقنآ المآديه .. يآ حسآفة بس , الإحترآف شيء معترف فيه و ما ينزعل منه .. لكن ليش الممآطلة من أول ؟! .. ليش توه يعلن عن ها الشيء الحين .. ليش يترك الفريق ( اللي طلعه ) و الفريق يمر بأزمة تغييرات و محتآج وقفة كل لعيبتة المخلصين ! ما اقول إلآ الله يوفق الزعيم و الله يفكنآ من هآ النوعية من الآعبين |
بقلعة وادرين </B> الباب يوسع جمل |
الاعب الي مايقدر النادي ولا يوفي للنادي الي ابرزة ويتلاعب ويزايد عشان الريال شخصيا لا اتشرف فيه بالهلال ولو علي لـ امسكة باب النادي عبدالرحمن بن مساعد يقول ( انا افخر اني ارئس نادي فيه احمد الفريدي ) لكن ما اقول الا الردي ردي !! |
والله متوقع هالشيء والاعب واضح من الاول هو قال في لقاء صحفي سابق بان زمن الولاء ذهب وبقي زمن المال وصدقوني لو الاعب جدد بمبلغ كبير للهلال ما راح يعطي لان كل غايته المال فاذا اخذ المال خلاص ما راح يبغى شيء غيره فاحسن من نخسر ملايين نقول الله يوفقك يا احمد وين ما رحت وانا متاكد بأن الاعب بمجرد حصوله على مبلغ عالي من اي فريق سواء الهلال او غيره سوف يتوقف طموحه لان كل الطموح هو المال فقط لا غير |
إقتباس:
|
بعد الرساله التي طلبها منه سلطان البلوي ان يرسلها غسلت يدي منه انا فهمتها وحتى كلام الامير عبد الرحمن يدل على عدم الاتفاق وانه بذل معه جميع الوسائل لاكنه موعود بالسباحه في جده في قصر الشيخ مهرب الاعبين بدون جواز سفر عبر الطائره الخاصه لا ويشرب الماء وهو جالس ويفاوض الانديه وعقده ساري مع الهلال والله طريقه حلوه |
| الوقت المعتمد في المنتدى بتوقيت جرينتش +3.
الوقت الان » 01:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd